2013.10 自家煮 {附陳皮蒸牛肉餅食譜}

好耐無 POST 過煮飯 BLOG
唔係因為無煮飯
只係最近無乜新靈感
煮的都係翻抄之前煮過的餸

無新意之餘
其實仲覺得自己的廚藝退步了
(明明已經唔精, 仲要退步, 慘了!!!)

以下係煮得比較稱心的餸菜

勝瓜炒墨魚蝦條
好鍾意食呢隻墨魚蝦條
而且好岩用來炒菜 (唔駛剩食菜咁寡嘛)
最重要係方便, 唔駛醃但又好味


陳皮蒸牛肉餅
0個日收工想買牛柳, 點知賣哂
檔主 suggest 我買肥牛 (唔係打邊爐0個d 肥牛片, 佢都係一舊舊的)
俾錢先知要成百四蚊斤
我買三十幾蚊得好細舊咋
我諗下次要買五十蚊先夠食

今次呢個牛肉餅, 我同蝸牛先生都好鍾意
我係跟江獻珠食譜

牛 200g
醃料:
生抽, 紹酒 各 2茶匙
老抽, 糖 各1/2 茶匙
胡椒, 鹽 1/8 茶匙
麻油少許
生粉 2茶匙
陳皮一角
芫茜碎 少許
(其實佢仲要落馬蹄, 不過我無落)

之後蒸約十分鐘, 食得

因為蝸牛先生太夜收工
所以我無等佢食飯 lu
呢度只係我的分量


雙腸炒芥蘭 (臘腸 + 潤腸)
呢個又係一個好好的配撘
而且我地好鍾意食臘腸 同 潤腸
可惜多吃無有益, 只能間唔中食下


咸蛋肉餅
我鍾意食肉餅
不過來來去去都剩係識整呢款


以下的都係出自蝸牛先生的周末廚房

牛肉炒蛋
佢用了我整包用剩的蛋來炒牛肉
 

露筍炒牛肉
呢個先係主菜
我覺得幼的露筍比粗的好味
不過呢晚只係買到粗的


豉汁雞
呢味係我鍾意食的
 

 豉汁蒸倉魚
平日好少蒸魚
因為通常都係我自己食飯先
到蝸牛先生返來就會翻熱 D 餸俾佢
但魚翻蒸就唔好味
所以平日都唔會有魚食
要等周末先有機會食

 

最近又懶0左煲湯
唔知係咪少0左湯水
硬係覺得最近身體差0左
睇0黎都係要勤力 D 煲返D 湯水先得

2013.10.13 {天后} 留家廚房

上星期差不多日日都要 OT
再加上感冒
成星期都覺得好攰

今個月有好多事要完成
覺得有少少壓力
公事: 要交 BUDGET (impossible deadline, 好憎!!!)
私事: 考車牌 (無乜信心, 但又唔想肥佬)
好想快點過完呢個十月

雖然忙, 但有一晚唔駛 OT 都有返屋企焗包
今次棄用牛油, 用了橄欖油
最後成品都算 OK, 不過係矮仔包 (唔夠時間, 用了兩小時快mode)
我諗以後都應該會轉用橄欖油
因為今次都係整白方包
所以無影相

*****
上星期日的 lunch 同蝸牛先生去了
留家廚房
天后清風街9號

久仰大名好耐, 但就第一次試
weekend 都有 lunch set
我們叫了一個二人套餐 ($168 +1, 茶位)
有餐湯, 兩小菜, 甜品

木瓜湯
唔係味精湯, 但好濃, 都幾好飲


焗牛腱
味道有點似黑椒蔥爆牛肉
雖然好味, 但唔夠特別


面醬骨
唔記得係咪叫呢個名
酸酸地, 不過又係唔算特別好味
 

雪耳糖水

唔係好甜的糖水, 我鍾意



 

唔知我地係咪無叫中招牌菜呢
總覺得呢度唔算特別好味
不過價錢又唔算貴
lunch 想食小菜的話都可以一試0既

****
唔知大家有無試過
寫 blog upload 相時電腦會死機?
我試過好幾次都係一 upload 就死, 自動 reboot

2013.10 星野 麵包

未買麵包機就買了星野酵母

一小包都要廿幾蚊, 都幾貴

但據聞用0左包包會鬆軟 d , 好味d

所以都想一試

 

未用前, 以為好難, 好煩 (所以一直唔敢動工)

但原來, 唔難唔煩

 

50g 酵母, 加入 100g 溫水 (30度)

室溫放 24 小時就用得

 

12 小後的狀態

開始有泡泡

 

24小時後, 質地變稀

聞落有點酒味, 都幾香

 

為了可以試真 d 個味

所以今日整牛奶包

外型同我想像中有出入

不過真係幾鬆軟, 幾好味

 

一出爐就同蝸牛先生食0左大半個

剩返的聽朝食

睇下質地會唔會同平時的唔同

(平時焗好的麵包, 通常第二日已經變硬, 唔好食)

 

尋日出旺角, 買了 Carol 的麵包書

雖然入面d 包唔算吸引

但都想學下0野

 

呢個月, 應該係我有生以來食得最多包的一個月

從前的我唔多 like 包

估唔到而加會食咁多

哈哈, 真係世事無絕對~



2013.10 十.一出城

十.一假期

跟蝸牛先生出城 {九龍城}

第一次從北角碼頭坐渡輪過海, 感覺好新鮮

 上網 check 好船期就出發

(船的班次好疏, 半小時先一班, 唔想呆等就要 check 好 timetable)

落船後就轉的士去市中心

今日目標食店係清真牛肉館

等了大約十分鐘就有位

我們今次點了二人餐

 

咖哩牛腩

咖哩汁好香, 牛腩都好淋

麻香雞

味道有點似沙薑雞

普通0左少少

 

牛肉餅

振店之寶

牛肉餅入面好多汁

不過, 我又唔覺特別好味

 

食完之後0係附近亂逛

路經 TONY WONG 有人忍唔住要入去幫襯

 

今日出城收獲好豐富

買了蘋果汁 ($78/兩支), 都幾抵

而且幾好飲

 

又買了巨蜂 ($68), 勁甜勁多汁, 美中不足係有核

仲有芒果糯米飯

同埋班蘭葉 (不過成星期都未處理, 估唔到咁耐都唔爛)

 

等遲 D 天氣涼 D 可以出去郊遊

咁放假就唔駛再留0係市區 lu



2013.10 焗麵包

 

自從買了麵包機後 (P 仔 SD-PM105)

每日都心思思想焗麵包

其實唔係想食包

只係覺得好好玩. 好有成功感 (哈哈, 麵包機焗包, 實在太易)

 

短短半個月

已經焗了六, 七條包

 

橙皮包

喜歡富澤商店的橙皮, 下次要買檸檬皮試

 

北海道 3.6 牛奶包

其實奶味唔算太濃, 我覺得下次可以買 CHEAP 奶代替

同埋我覺得用奶代替水, 包包好似無咁鬆軟

 

抹茶朱古力包

想食抹茶包, 不過搵唔到食譜, 唯有自己亂配

搽茶粉配上朱古力粉

聞落搽茶味好香, 但望落就唔夠綠

我諗下次可以落多D 抹茶粉

 

COUCA 朱古力包

用了 COUCA 朱古力包預拌粉

好香朱古力味, 亦都好鬆軟, 好好味

同事買了焦糖味, 我覺得都好味

美中不足係佢成份有 D 乜劑物劑

不過實在太好味, 我應該會再買....唔係成日食應該 OK 掛

 

士多啤梨包

在富澤商店買了士多啤梨粒

一包都唔平, 可惜唔好味

覺得粒粒有點硬, 而且唔算太香太有士多啤梨味

今次又加了米粉, 感覺包包焗完無咁鬆軟

但質地較挺身, 好易切

 

楓糖麵包

又係富澤商店產品 - 楓糖粒

今次呢個好味, 下次可試咖啡粒

 

基本上我已經迷上了富澤商店

(好難想像第日去到大根國我會點樣)

 

今日又去了入貨

買了高, 低筋麵粉各一包

試完再報告

 

夜晚返屋企又學人養星野酵母種

第一次玩, 唔知成唔成功

不過成個鐘頭見佢都無乜起息

明早再望下先

見到 CC SUPER 呢隻奶特價中 ($7/盒)

心思思又買來整包 (明明之前覺得可以用CHEAP 奶)

我絕對相信整包的成本唔輕

而且會愈玩愈大

長此落去, 荷包一定會瘦, 而體型一定會漲

不得了!!!!

 

 

 

 

2013.09.28 拍拖日

 婚後, 跟蝸牛先生拍拖的機會愈來愈少
為了要尋回昔日溫馨的感覺
呢日決定跟蝸牛先生拍拖去

首先出發醫肚
去了大坑的
Classified
大坑蓮花宮西街1-9號中華大廈地下

蓄茄肉丸意粉
蓄茄汁幾好味, 只係肉丸太過"鞋"


Egg Benedict
呢個幾好味


蝸牛先生的咖啡


食飽飽就出發去戲院
 去看近期都幾 HIT 的 <被偷走的那五年>
出發前並沒有看故事大綱
只知道故事催淚
以為戲種是感動的
點知...........原來是老套

眼濕濕是有的
只是.......嫌故事太韓劇 FEEL (主角通常都有不治之症)
差點以為自己在看 <一公升眼淚> , 好失望!!


之後又去了銅鑼灣
先去富澤商店買整包包的材料
然後就去吃晚飯
今晚蝸牛先生想吃越南菜

越南蔡
謝斐道440號

春卷湯銀針粉
我鍾意食銀針粉
不過好少地方有得食
估唔到呢度有

春卷頗失望
銀針粉的湯頭都麻麻地

越式粉卷
粉卷配沙嗲醬幾好味

牛油雞亦撈檬
雞亦幾好味
但我覺得份量太少
一碗檬粉只有一隻雞全亦

 

 今日過得好滿足
原來兩公婆間唔中拍下拖真係幾開心的

*****
<被偷走的那五年> 故事結尾雖然老套
不過劇中都有令人反省的部份
故事講述夫婦二人原本如膠似漆, 但後來因為工作太忙
導致溝通少0左, 之後發生好多誤會
最後離婚收場

現實中, 其實應該都會有幾多類似的 CASE
所以我覺得婚後除了要保持多點溝通外
最好 KEEP 住新鮮
無咁悶之餘, 關係都會長久一點
 

 

 

2013.09.23 蜜糖芥末煎焗豬鞍

 

我同蝸牛先生都好鍾意食蜜糖芥末豬鞍

不過 CC SUPER 一塊平均都要七, 八十蚊

我覺得好貴 (但又成日心思思想食)

 

有日路經公司附近凍肉鋪

見到佢有急凍的豬鞍

價錢只係 CC SUPER 的三份一

於是決定一試

最後我用平時一塊的價錢, 買了三塊!!!!

 

因為心急即晚就想試

所以我用了最唔應該的解凍方法 --- 用水沖

沖完後塊扒其實已經變得不似扒型, 仲 FEEL 到佢有D "梅梅" 地添

下次, 如果真係會再買的話

我會預早一日放落雪櫃下格解凍

 

之後就按正常情序咁醃

我係跟鬼嫁食譜

 

豬鞍 250G

芥末醬 1 湯 (我用了蜜糖芥末醬)

蜜糖 1.5 湯

鹽 1/4 茶

胡椒, 香草少許

 

食後感: 

我覺得一分錢一分貨

CC SUPER 的肉質真係好好多 (但我懷疑係我的解凍方法影響了肉質)

專登唔同蝸牛先生講係 CHEAP 貨

點知佢話覺得 OK 喎

 

但...我真係覺得麻麻地

唔通, 係我心理作用?!

我決定下次用返一個正確的解凍方法再試多次

 

 

 

 

2013.09 中秋 {風球下的自家醉雞邊爐}

 

三日的中秋假期眨下眼就過

但原來 2013 都已經偷偷地過了四分三, 好快!!

 

****

我雖然唔算特別鍾意食月餅

但就覺得點都要食返一兩舊應下節

月餅中我最愛奶皇月

每年我都會買一盒同屋企人分享

今年就在 九龍酒店 買了一盒

 

價錢好似加了, 幸好味道依舊

只是........外型.....實在差得有點兒那個

竟然出現象腳!!!

 

不過, 佢的甜度適中, 食完唔會覺得好漏

焗完出來熱熱地幾好味~ 我 like

 

 

為了可以感受一下中秋的氣氛

中秋正日跟蝸牛先生去了鰂魚涌公司玩燈籠

不過可能太夜

公園入面唔算太多人

****

 

假期的最後一晚打大風

由於前一日已經諗好要打邊爐

所以部份材料在前一晚已經預備好

其餘的就係蝸牛先生趁未掛八號時一早出去買的

 

韮菜餃, 牛頸脊, 醉雞, 午餐肉, 蟹柳

湯底用了 <安記> 川芎白芷魚頭藥材湯包

只係將魚頭換上雞 

 

醉雞湯底的確唔錯

不過, 唔知邊種食物出現問題

當晚我同蝸牛先生都肚痛

(蝸牛先生平時係極少肚痛的, 所以今晚的食物應該好有問題!!)

 

雖然肚痛

不過我同蝸牛先生都覺得今晚的邊爐好好味, hehee~

 

 

2013. 09 <新機入荷> P仔麵包機

不愛吃麵包的我

竟然走去學人買麵包機

 

PANASONIC SD-PM105

 

雖然港版行貨 FUNCTION 勁少

不過勝在唔駛加變壓器 (感覺上安全一點)

 

暫時只係整過兩條包

真係方便, 好有成功感

 

第一包: 白方包 

用了快速 MODE (2 HRS 完成)

跟機食譜, 不過我覺得麵包的水份太多, 下次要減少少

至於味道就正常

 

第二包: 橙皮包

基本麵包 MODE (4 HRS 完成)

在 CITYSUPER 的富澤商店買了橙皮

 

用來整麵包幾好 (食落無咁悶)

 只係價錢貴0左 D (不過下次想買草莓乾)

 

今次, 包包脹得唔平均 (不過我唔知點解)

但就勁軟熟

 包包入面有橙皮, 剩食麵包都OK

 

 

遲 D 會試下種酵母

手上已經買了白神同星野

雖然感覺上好似好難同好煩

但好多用家都大讚

所以一定要試

 

麵包機真係好易用, 好方便

對我來講, 暫時最難係切一條靚的麵包出來

 

2013.09.14 {天后} 生原創 蛋包飯

蝸牛先生鍾意食呢度的蛋包飯

雖然我覺得價錢都幾貴 {$78 - $158}

但味道都幾好, 所以間唔中都會過來食

而且份量都 OK 大的, 唔會怕食唔飽

 

出發前其實有 DD 肚痛

不過, 呢度離家不太遠, 所以照去

 

生原創 蛋包飯 

天后清風街3號地下

 

原塊黑豚 蛋包飯 ($88)

炸黑豚都幾好味, 好鬆化

本來想揀咖哩汁, 但唔知點解講0左茄汁 (仲有白汁可以揀)

好彩茄汁都OK

 

墨魚汁海鮮蛋包飯 ($158)

賣相好衰, 不過味道唔錯

飯入面有海鮮 (主要係蝦, 魷魚)

好味, 不過我覺得有點貴

   食完飯就慢慢行返屋企

行到中途個肚開始唔舒服

結果, 返到屋企又痾!!

之後全日個肚都隱隱作痛

期間仲要去學車

好彩中途無發作

只係唔太集中到精神

 

本來夜晚諗住同蝸牛先生去維園睇花燈

但最後都要取消

夜晚食完自家煮的烏冬後又再痾

 

 呢晚十點半就上床瞓

好彩可以一覺瞓到大天光

 

 

 

 

2013.09 奶皇月餅 {毁容版｝

 

搬 BLOG 後, 寫 BLOG 的進度更慢

一來仲未好熟識點用, 二來忙於將舊的搬過來 (不過搬左少少已經想放棄了)

 一切都要重新適應

 

*******

 

上星期貪得意學人整月餅, 整了我喜愛的奶皇月

睇食譜以為好易, 但原來一 D 都唔簡單 

我一共整了兩批, 下圖係第二批

外型算係正常, 但有部份似生煎包多過似月餅, 好醜!!!

 

至於味道, 我就覺得有點過甜.

 

 

至於第一批出爐的, 簡直無眼睇 

我懶 CUTE 買了鬆弛 BEAR 餅模, 點知出來無哂樣

蝸牛先生以為我整雞仔餅

 

 

呢邊寫 BLOG 好似順暢 D

at least 唔會寫完後 d 位走哂

而且呢邊 privacy 好似高 d, 唔會咁易比熟人 search 到

可以暢所欲言, 唔駛就住就住

 

希望0黎緊會寫返密 d 啦

 

2013.08.31 - 碎蛋沙律三文治

我一向都麻麻地食包

不過唔知點解最近忽然愛上了

 

碎蛋沙律三文治

唔鍾意食包的我, 以前都幾鍾意食架

 

 食過 BB 牌的蛋黃醬覺得幾好, 於是買返佢

不過原來百佳, 惠康賣的都係國貨

唔LIKE~

都係去返 CITYSUPER 買

而且仲有健怡裝, 罪惡感少 D

 

 

如果在百佳同惠康賣的, 背後的包裝係寫簡體字架
但 CITYSUPER 的就係0架文 

 

我覺得整得無出面的咁好味

可能因為我加得太少醬同埋蛋黃

下次再試過先

搬新blog

一直寫開的yahoo blog 終於都要關閉.  希望真的可以順利將舊的搬到呢度