2016.11 大阪 {Day 5b}下鴨神社 / すみや亀峰菴

2016.11.30 大阪 {Day 5b}下鴨神社 / すみや亀峰菴

其實我同蝸牛先生對神社無乜興趣
不過一場來到就入去睇吓
又順便睇下有無紅葉

紅葉唔多, 得呢棵最紅

於是呢棵樹就成為咗焦點

路經河合神社 (有日本第一美麗神之稱) 又入去睇下

一入去會見到好大片絵馬牆, 一張張化好妝嘅面, 真係好"卡娃兒"

手鏡形の絵馬

我都唔執輸買一個返屋企留念 (JPY 800)

不過我無美術天份, 所以無幫佢化妝啦

之後就行返去 <出町柳駅> 坐車去今晚嘅溫泉酒店

出町柳駅 >> 京都 >> 亀岡駅 

車程大約都要一個鐘

我哋一直都無留意時間, 去到車站先知原來時間好緊迫
點知因為太急, 入錯咗私鐵閘口 (但我哋要坐 JR)
不過最終都係趕唔切坐 亀峰菴 嘅接駁巴士

要自己坐的士入去 (坐咗 over 2千 yen, 好貴)

すみや亀峰菴

https://www.sumiya.ne.jp/

旅館規模比想像中細, 但房入面就好大

佢有兩樽茶葉都幾好飲的

不過我嫌佢個茶壺唔太乾淨

有一個小角落可以欣賞到出面嘅園景

如果紅葉滿開應該幾靚

不過佢都幾近馬路同大眾通道, 感覺無乜私隱

私人風呂都幾大, 浸得幾舒服

不過如果開哂窗又係好容易會比人望到

(我自己就望到對面公眾浴場有個赤條條嘅男人下水)

如果紅葉滿開而又可以開大個窗應該幾正

又或者住高一兩層可能會好啲, 下次揀房一定要留意吓

臨出發前見到飲食男女介紹京都手信

見到呢間嘅綠茶蛋糕好似幾正

於是即刻網上訂然後寄去溫泉酒店慢慢嘆

FLAVOR

http://www.flavors-kyoto.com/

聽聞個綠茶 roll cake 經常斷貨

不過食完好失望, 綠茶味唔濃, 而且食完感覺好漏, 好唔舒服

食完蛋糕又浸吓溫泉, 之後就等食飯

2016.11 大阪 {Day 5a}京都紅(落) 葉之旅 - 京都府立植物園 / 吉泉 懷石料理

2016.11.30 大阪 {Day 5a}京都紅(落) 葉之旅 - 京都府立植物園 / 下鴨神社

從來都未試過賞楓

難得今次撞正紅葉季節, 當然要搵一日去湊下熱鬧 

為了避開人潮, 我哋無去熱門嘅賞楓地方如清水寺

反而去咗北山附近嘅京都府立植物園

由京都直接坐電車 (京都市営烏丸線) 就到, 車程大約十五分鐘

公園都幾大幾靚, 不過可惜我哋時候唔岩

紅葉唔多 (我分唔清係未開丫, 定係已經落葉)
賞楓失敗!!

離開公園就出發去食蝸牛先生好期待嘅懷石料理

京都下鴨 京懐石 吉泉
http://www.kichisen-kyoto.com/

呢間好方便, 可以網上BOOK 位
對於外國人, 最鍾意就係呢啲餐廳

用餐前, 侍應會問我哋有無需要去洗手間
之後終於都明白點解....

我哋被安排喺一間無門嘅房用餐
要入房, 唔該"捐" 入去 (如果我著得好靚, 又或有腰骨痛真係唔知點算)
anyway, 都係一次幾得意嘅經歷

 book 位時已經揀好食邊個 set
坐低一陣盲送上 welcome 點心同酒

之後係前菜, 包裝好精緻

 呢碗係湯, 記得都好味的

下一碟擺盤都係好靚

魚生當然係新鮮

一咬開係雞蛋同豆腐之類嘅物體, 好清新嘅感覺


鰻魚飯都好味

呢碗湯入面有魚, 好鬼好飲, 不過去到呢度已經成肚水喇

成餐不斷飲湯同飲茶, 再加上我膀胱容量又細, 食到呢度真係覺得好鬼急
於是唯有"捐" 返出去去廁所啦
返到來已經上咗下一道菜

菠蘿上面係魚, 下面有個小爐燒住, 都幾特別

OMG!!! 食完呢道菜, 竟然忽然又想去廁所
今次仲要係想開大!!!!
於是好唔好意思咁又"捐"出去去廁所
(真係失禮兼樣衰~)


返到來係沙律再加泡飯
真係見到都想暈低, 正常人邊食到咁多嘢?!

終於等到上甜品, 好鬼靚

呢舊麻麻

 最後仲有生果

凍綠茶

呢個 set JPY11,000/人 再加 tax , 其實都算抵食

每樣食物都好精緻同埋好好味

我最鍾意係佢碗魚湯

如果有機會再來, 我希望唔會再咁失禮一餐飯要去咁多次廁所

希望可以好好咁 enjoy 每一道菜

離開呢度就去我哋嘅下一站 - 下鴨神社

2016.11 大阪 {Day 4}大阪瘋食 - 黑門市場 / 時分時

2016.11.29 大阪 {Day 4}大阪瘋食 - 黑門市場 / 時分時

話說, 我同蝸牛先生都係第一次去黑門市場

聽人講呢度有好多魚生刺身

不過 lunch 時間會超迫超多人

所以呢日我哋十點前就去到啦

求其揀一檔靚靚仔仔嘅幫襯

大拖羅壽司, 都幾肥美鮮甜, 唔錯

晨早第一餐唔敢食太生, 所以叫一盒燒過的壽司打打底

呢盒都唔錯

行行吓又有檔賣和牛的

雪花好似幾靚, 不過價錢唔平

平平哋買串牛舌食下, 都幾好味

  

之後有人見到海膽又兩眼發光

我食咗少少又覺得幾甜

不過有朋友話喺黑門市場食過腥臭海膽

慶幸呢間西川鮮魚店又唔錯

行下行下又見到章魚小丸子

一場來到大阪無理由唔食掛

揀咗呢款蝦餅夾住丸子嘅試

好味, 但堅飽同漏

離開黑門市場就去道具街睇吓廚房嘢

今次決心要買一把勁刀返香港

不過花多眼亂, 所以最後都係亂買

so far 用落幾好用

買完刀之後就行落道頓堀

食完就當然係去 shopping 買衫啦

行咗去南堀江嗰邊

呢間 HUMOR SHOP by A-net 幾好行

無乜人, 可以慢慢揀 (銀聯仲有5% off)

最後當然有收獲啦

大阪府大阪市西区南堀江1-11-1

今朝喺黑門市場食得唔算多嘢, 所以買完衫又要去開餐啦

一早決定咗今次嚟大阪一定要去返自由軒食咖哩飯

因為五,六年前食過之後一試難忘

又好想睇吓我哋個咀經過多年嘅洗禮後有無刁到

所以決定今次一定要返來再食

食完雖然都覺得好食 (但蝸牛先生話麻麻啦)

但就無當年感覺咁震撼

同埋今次覺得好鬼辣, 食到最後唔多頂得住

好想返屋企都試吓自己整, 因為我仲係覺得唔錯啊

食完之後又去拼過, 今次買咗一對情侶波鞋

 小休時間坐埋一邊食今朝買嘅久右衛門草餅同朱古力

不過我覺我味道一般, 朱古力好甜

今晚 book 咗 20:30 食飯

不過我哋五點幾就已經行到好攰

唯有搵間 cafe 坐下

前日食完 pancake 食上癮

好想試埋另一間人氣Pancake 店 - Gram
行行吓路經一間 pancake 店, 見佢同 Gram 一樣係限時供應厚 pancake
而且時段仲要一樣 (11:00, 15:00, 18:00)
下意識以為呢間係 Gram
於是六點即刻走過去食

不過去到先發覺原來呢間唔係 Gram
之後我哋上網 check 過話佢係 Gram 嘅姊妹店
反正已經好攰唔想再行, 就一於入去試吓

Bran cafe (Tabelog 3.29分)
大阪府 大阪市中央区 南船場 3-11-8 2F

Pancake 唔算差, 但食落唔夠鬆軟
我都係鍾意 幸せのパンケーキ 多啲

呢度都幾好坐, 無乜人而且唔會趕客

我哋喺度差不多消磨咗兩個鐘

之後就出發去今晚食晚飯嘅地方

時分時 (Tabelog 4.03分)

大阪市中央区南久宝寺町4-5-11 ライオンズマンション御堂本町　１Ｆ

呢間餐廳要用電話 book 位

我哋今次終於成功透過白金秘書幫手 book 到位, 好感動

(叫佢哋 book 位真係要好有耐性, 因為動作真係超慢)

anyway, 呢餐係今個 Trip 覺得最好食嘅一餐

蝦多士 えびパン 

同平時香港食到嘅蝦多士好唔同, 唔係一塊蝦膠撻上面就算

加埋沙律醬, 好好食

串燒5種 串焼き５種盛り合わせ

廚師好精細地將每樣食物食成兩份

雖然唔記得入面係乜

但就記得每款都幾好味

燒牛肉 淡路牛カイノミ ガーリックペッパー

牛肉反而普通, 不過熟度岩岩好

大阪燒 お好み焼き…豚さんヴァージョン

來到大阪一定要食大阪燒

唔浪費食材, 廚師將切出來嘅蛋邊先比我哋食

呢個大阪燒都好好味啊

另外再叫了幾串串燒, 廚師亦好細心將佢分成兩份

鍾意呢度, 每樣都細細件, 可以叫好多款去試
而且每碟都好好食
不過呢度都幾難book, 我哋早兩個月book 都剩係得返 20:30 時段

食飽就返酒店啦...
今日又食又買, 好滿足~