2019.02 京阪遊 {Day5} 天橋立 / 京都

2019.02.20 {Day5} 天橋立 / 京都

8:15 早餐時間, 食完返房再瞓

(我諗應該係尋晚比同事攪到太無 MOOD, 我竟然無影到份早餐!!)

食飽休息一陣蝸牛先生就去浸多次溫泉

我就自己喺房放空

10點幾 CHECK OUT, 坐 SHUTTLE 返出車站

今日第一個目的地係天橋立

去到已經天陰陰

行咗陣就已經落雨, 仲要愈落愈大!!

第一站智恩寺

之後我哋沿住天橋立公園一直行去元伊勢籠神社

最後再坐纜車上松傘公園

路程比我想像中遠

都差不多行咗成大半個鐘有多

今早酒店送咗兩份小食比我哋

我哋行吓又食吓

如果唔係落大雨, 其實都幾寫意

終於到達呢個日本三大奇景之一嘅天橋立

可能係陰天嘅關係, 我哋唔覺得呢度特別靚

到此一遊之後就坐火車返京都

上車前巡例先買少少嘢食醫肚

因為時間唔夠, 加上車站附近無乜買嘢食嘅食店

我哋只係買咗呢兩樣

今晚我哋會喺京都住一晚

去到京都之後我哋就坐巴士去酒店

清水小路 坂のホテル京都

包早餐 加 50分鐘 貸切風呂, JPY30,200/晚

酒店唔近市中心, 不過酒店環境就幾舒服

check in 完 就 book 埋貸切風呂

由於我哋成五點幾先到, 好多時間都已經比人 book 咗

再加上我哋今晚要出去食飯

所以最後只係剩返夜晚十一點嘅時段可以揀

房入面無乜特別, 不過張床幾好瞓

有支浸浴清酒, 我就無試

蝸牛先生就第二朝用咗嚟浸

之後慢慢沿途行出去食飯

夜晚嘅京都又另有一番風味

侘家古暦堂 祇園花見小路本店 (Tabelog 3.57分)

今晚呢間係專門食雞的

味道唔錯, 好有驚喜

我最鍾意係塊多士同埋碗雞湯

呢餐食得好滿足, 去京都的可以一試

之後又慢慢行返酒店

休息陣就夠鐘去浸溫泉

上去溫泉之前, 我哋去咗休息室閒逛

有唔同飲品提供

貸切風呂

呢個風呂都唔錯, 水夠熱而且空間感都 ok

房入面仲有冰凍檸檬水供應

邊飲邊浸都真係幾享受

沖完涼仲有 Dyson 風筒可以用

浸完就返房瞓覺

2019.02 京阪遊 {Day4} 間人溫泉

2019.02.19 {Day4} 間人溫泉

今日出發去浸溫泉

好期待, 因為今晚有得食間人蟹

每次坐長途火車前我哋都會去超市買定糧食

尋晚買唔到吐司, 今日喺大丸點都要買幾塊試吓

雖然唔係同一間, 但見佢包裝到咁靚咁高貴

我估應該好味掛

格離個男人買左成大袋, 好似送禮咁款

我就剩係買咗三片

呢間係專賣丹麥吐司嘅店

雖然味道都唔錯, 但食落其實無乜特別

之後再到下層買一直都想試嘅北極星蛋包飯

都係覺得無乜特別, 無啲人講到咁正咁好食

另外仲有呢啲, 不過感覺無上次北海道大丸買嘅咁好味

11:15 分大阪出發, 去到網野已經兩點幾

約好溫泉旅館司機來接車, 未夠鐘已經嚟咗等我哋

間人溫泉 炭平

房型: 和洋室 悠千

三點未夠已經完成 check in 可以上房

呢度有六個溫泉都係係貸切風呂, 又幾唔錯喎

以為要同人爭, 於是拿拿臨見時間尚早就即刻沖去溫泉

由於真係無人, 我哋好快巡視哂咁多個溫泉

每個都好大好靚

(好彩無 book 風呂附客室, 可以慳返啲錢)

浸咗幾個之後就返房 hea 吓同煲劇

(追緊結衣bb 嗰套無法成為野獸的我們)

今日差不多全日都落雨, 不過間中又有啲陽光出現吓
等我哋有機會欣賞吓出面個靚景
上天似乎對我哋都不薄

間房其實都算唔錯的, 張床都幾好瞓
美中不足係房入面係無得沖涼架
要沖涼就走要出去溫泉房
(好彩我哋房旁邊已經有一間溫泉房, 所以都唔算太唔方便)

hea 一陣落去大堂拎蕃薯 (第二日先發現原來仲有關東煮, 蝕咗呀)

啲蕃薯好鬼甜 

終於到晚飯時間, 係我哋期待嘅間人蟹
呢晚嘅菜式其實同蟹道樂差不多
每一道都係蟹
不過....唔知係咪蟹季已經到水尾, 今晚嘅蟹唔算鮮甜, 好普通
老老實實都幾失望, 蟹唔甜不特止, 味道仲唔算好味
(話說呢間房一晚要 138,800 yen! 完全唔值呢個價)

雖然食物麻麻, 不過服務員小姐又幾好
佢知我學緊日文, 於是佢就用慢速同我講
都幾好玩 

懷住失望嘅心情返房

點知返到上去有隻晴天公仔掛咗喺房門口

好驚喜

玩咗咁多次都係第一次遇到

返房後正值沖涼嘅煩忙時間

所以我哋都等咗陣先有位

呢晚, 我同事十二點打俾我問嘢, 真係好無奈

結果, 我等到三點見佢哋攪掂哂我先敢瞓...