2009年7月25日星期六

2009 大阪東京七天之旅 <後記>

一向都很懶寫旅行遊記, 今次的起心肝寫足七天, 是因為我希望可以記低我倆一起所經歷過的事 (人老了, 記性會愈來愈差...特別是我本身記性不好的人..過多幾年真係會咩都忘得一乾二淨).
今次旅程過也算過得順利, 多謝他在這七天的照顧

2009 大阪東京七天之旅 <第七天 090718>

<第七天> 新宿 ð 機場
今日是旅程的最後一天...我們決定留在新宿作最後一激. 是日用餐選址亦是在高島屋, 我們揀了一間專吃鰻魚的餐廳 赤坂ふきぬき 作為在新宿的最後一餐. 店員遞上一份全日文的 menu 俾我0地, 雖然我0地不太明白, 但相信只是幾種不同級數的鰻魚定食吧. 我們揀了最貴的 "特上" 鰻魚定食 (成 4,700 yen, 計返港幣三百幾蚊一個, 好貴!!!). 我0地先點一份試試, 打算唔夠飽的話就返去前晚間炸豬扒店再食多餐.



個定食其實都幾大份 (裡面超多鰻魚), 加上鰻魚食得太多會覺得 "好漏", 所以我0地兩個人share 一份都覺得好飽了, 食完之後個肚都無空位再去食炸豬扒了.



走的時候, 見到好多日本人都係叫我0地呢一set, 而且仲要係一人一set (日本人真有錢同大食!!), 一個人邊有可能食哂呢個定食呢..
食完飯之後就爭取時間去shopping, 由於之前無行到 LUMINE, 於是就向各座 LUMINE 進發. 行完 LUMINE 再行多次 MYLORD, 最後都係決定去買返前幾日睇中0個件Mercibeaucoup外套, 不過買另一隻色. 由於之前其實我無乜點買衫, 所以最後一激我揀得特別落力, 好彩, 都好有收獲. 行到差不多兩點半就返酒店 pack 0野, 之後就坐 NEX 出機場, 結束今次的旅程.
去到機場四點多啲, 開始有少少肚餓, 我0地就0係機場食埋最後一餐壽司餐作結.












東京再見喇..我好快會再0黎探你......等我呀!!!!

2009年7月24日星期五

2009 大阪東京七天之旅 <第六天 090717>

<第六天> 新宿 ð 代官山
今日向代官山進發. 因為代官山鋪頭好晏先會開門, 所以今日奉旨瞓晏啲. 十二點先出門去食飯, 揀了高島屋上面的"中村屋" 食日式西餐. 我點的咖哩蛋炒飯定食水準比較好, 而蝸牛先生點的咖哩雞就略嫌普通了一點.






食飽飽之後就坐電車去代官山. 代官山是個人口密度較低0既地方, 感覺比較優閒同舒服. 這區鋪頭所賣的東西比較特別, 而價錢亦相對較高...不過今日我又沒有收獲, 但蝸牛先生又有收獲.
行完代官山才四點多, 見時間尚早就決定落中目黑兜個圈, 但去到我0地搵極都搵唔到書講0既鋪頭喎, 跟住就放棄坐返車返新宿行百貨公司. 行到差不多時間就去食飯.
其實今早已經諗定夜晚去酒店附近0個間居酒屋食串燒, 但我0地去到已經無位, 跟住再搵第二間, 第三間...結果都 full, 我諗日本人星期五晚多數會出街食飯的, 所以度度都無位. 無辦法啦, 唯有返酒店放低啲0野, 休息一陣等夜少少先出去...
一個鐘後再去返第一間望望, 店員示意我0地等等, 無耐就入得去坐. 好0野, 終於有得食. 打開 menu, 係全日文的..而且無乜圖, 我0地唯有靠估...點了些豬串燒, 豚肉鍋 (不過個鍋就比想像中細, 得幾塊豬肉同一堆菜咋) 豚肉飯..(點解我0地咩都係豬?? 因為呢間0野係一間專門食豬0既鋪頭, 除0左豬就無其他肉).
我0地亂打亂撞咁 order 0既0野又幾高水準, 唯一錯誤係叫0左一串豬肝, 我0地兩個都唔食的.















呢間鋪頭叫豚道樂 (唔知佢同蟹道樂有無關係架呢??!), 佢0既0野食其實都幾 ok, 如果佢可以加個英文 menu 就更好喇!!
食完呢餐後就返酒店執行李, 因為今晚會係今個旅程0既最後一晚了...嗚嗚..有點不捨.......哇..........

2009 大阪東京七天之旅 <第五天 090716> 完

<第五天> 築地 ð 涉谷 ð 原宿
離開築地才十時多, 本來計劃先落原宿再落涉谷, 但因為原宿的鋪頭比較遲開鋪, 所以就先去涉谷0既百貨公司巡視. 行到差不多兩點, 去了味之時計台食拉麵. 呢間店賣的是札幌/北海道風味拉麵, 麵裡面會有一塊牛油, 0係香港食過類似的, 覺得味道幾好, 加上有朋友大力推介, 所以就去0左試. 我點了味噌湯叉燒拉麵, 佢就點了正油味帶子&叉燒拉麵 (其實食完都唔知咩叫正油, 但佢個湯底比我的味道重一點同好飲一點).



吃了幾口, 覺得無乜特別, umm...似乎香港 888 拉麵比佢還要好吃. 有點失望添...
食完拉麵就向原宿進發. 原宿我無乜心水鋪頭, 最想去的是 KIDDY LAND , 因為可以搜購我最心愛的芝麻街精品, 不過今次裡面無乜新貨, 大部份上年已經見過 lu, 結果空手已回.
原宿是蝸牛先生的購物天地, 有他喜愛的 PAUL SMITH , 仲有一堆我唔識的牌子. 行了大半日, 開始感到腰酸背痛, 於是到了一間咖啡店小休一會, 點了一杯士多啤梨飲品, 可惜佢貨不對版, 明明圖晝入面啲 CREAM 好高好靚, 但手上0個杯0既 CREAM 係溶的.



( 其實當時心裡有點不明白, 日本人明明鍾意包裝, 無理由會整出一杯咁肉酸0既0野, 唔通佢扼我係遊客唔識0野??!) 飲完之後再行多一陣就返新宿食飯.
今次我0地又懶醒, 諗起酒店旁邊有個私鐵站出口 (其實懶醒0個個係我, 話佢聽有出口), 於是我0地就決定唔坐JR, 改塔私鐵返新宿. 點知....又奶0野....酒店旁邊0既出口只 FOR 乘塔大江戶線...我0地由原宿返新宿, 跟本唔會坐到0個條線......於是, 我0地0係地底行0左好耐, 希望可以搵到出口轉去大江戶線...但行0左好耐都搵唔到, 最後決定放棄, 就0係個最近0既小田急出口上返去就算. (一場0黎到唔好蝕, 0係小田急兜返轉先, 之後又落超市買0左兩個桃).....最後我0地要再經多幾個商場...千山萬水先可以返到酒店!!! 簡直攰到極點!!!! (不過可以記住, 其實轉都營新宿線返去都方便的, 下次再去要醒目啲).
返酒店小休一粒鐘後再戰 MYLORD, 睇中 Mercibeaucoup 一件外套, 想買藍色, 但無新喎....心諗件衫咁貴, 無理由要 display 0架, 於是掙扎一輪後決定放棄佢. 行0左 4 層後覺得條腰超痛 (唔好奇怪點解我係腰痛而唔係腳痛, 係因為我曾經有腰患, 所以最快唔舒服0既會係腰), 見無乜心機, 都係決定去食飯先, 下次繼續行埋其他樓層.
今晚我0地去高島屋名代とんかつ「かつくら」 食炸豬扒. 呢間鋪頭網上啲人熱推, 而我之前幾次又無去過, 所以今次一定要試 (同埋其實我又超愛食炸豬扒呢). 我0地去到其實都已經是九點鐘, 但鋪頭出面仍然有好多人排隊, 不過好彩, 等0左十五分鐘到就有位. 我0地點了一客極上炸豬扒, 一客炸蝦 同一件蟹肉忌廉卷.









豬扒超好味, 反而蝦我0地就覺得不及香港的 とん吉 咁有驚喜. 不過 OVERALL 0黎講, 呢一餐係超超超好味.
食完豬扒返酒店又品嚐我至愛0既桃, 雖然個桃無0個日0係大丸買0既咁靚, 但都好好味!!

2009年7月23日星期四

2009 大阪東京七天之旅 <第五天 090716> 待續..

<第五天 酒店 ð 築地>
今早打算去築地食壽司. 但由於我十分不願意放假都要倒屎咁早起身, 所以我0地成八點鐘先出門口.
早上日本的電車是特別多人的 (係仲迫過香港0既地鐵), 0係車箱裡面我兩腳都唔著地, 仲要俾成堆男人迫住, 感覺超難受!! 由新宿站一直迫到 "六本木" , "麻布十番" 等呢啲商業區車站先可以叫做舒服一點 (但其實都仲好係迫)...唉..一早咁迫法, 其實都已經無乜胃口...
去到築地行0左一圈, 無乜 idea 食邊間 (因為想試新0野, 唔想食返之前0個啲), 見到有間叫 "壽司清" 0既鋪頭, 我就記得網上好多人話好, 於是就入去試試...坐隔離的是幾位香港年輕男女, 女的不斷話好正呀好正呀...攪到我都開始有點期望...跟住, 我0地隨意點了些壽司, 吃了第一件, 感覺怪怪的 (因為完全無味), 再吃..都係同樣感覺....當時心諗, 係咪太早, 我味蕾仲未有反應呢?! 於是再多叫幾款...但好可惜都係覺得超難食. 我靜靜地問友人覺得怎樣, 原來佢都覺得唔好食呢....



可憐0既友人一心來到築地打算食新鮮魚生, 點知去了黑店, 有點不憤, 於是佢提議去返佢上次去0個一間再食過.
友人一坐低就指住魚缸條魚同師傅講 "SASHIMI", 隔一陣後, 一條 "生 OUT OUT" 0既魚就放0係我0地面前, 當時我覺得好殘忍, 因為魚魚仲彈緊..但友人狂話好好食, 0係好奇心驅使之下, 我都咬了半片...咦....又真係幾好食喎. 不過可惜丫, 一大早我唔敢食太多生0野, 所以我無0係呢間食到0野..而加諗返, 好似有點後悔呢.




食完後就0係築地市場行0左一陣, 又買0左啲元貝...之後就向下一個目的地進發..
<待續>

2009年7月22日星期三

2009 大阪東京七天之旅 待續

<第三天> 神戶三宮 ð 六甲山牧場 ð 神戶 ð 梅田
酒店 ð神戶三宮
今日去神戶食 LUNCH, 出發前先落樓下大丸超市買點小吃打打底, 我0地每個 counter 都買一件, 咁就可以試幾間唔同0既炸物..之後再買多兩個水蜜桃 (日本水蜜桃係我至愛, 我愛佢又甜又多汁). 跟住行行下又俾我無意中發現 "自由軒" 個 COUNTER 喎, 於是我0地就決定0係聽日離開大阪前落0黎試.放低桃桃返房, 之後就坐 JR 落神戶三宮, 只需大約 30 分鐘車程就可以到達. 出車站見到有個 旅遊客戶服務 counter, 我0地就入去拎0左啲 Map, 順便又問問 staff 我0地想去0個間牛餐廳應該向邊個方向行.
一路沿途都無瓦遮頭, 又熱又哂, 好彩地鐵口有扇派 (結果呢把扇陪0左我成個日本旅程), 行0左十五分鐘終於搵到間牛餐廳.
呢間牛餐廳(Steak Ayoama)係我0係人0地啲 blog 搵到0既, blog 主仲 post 埋師傅整牛0既 movie 上去, 成個過程都好吸引, 於是我0地就決定試呢間而放棄好多人推介0既 Mouryia 同 Steakland.
入到餐廳有個好友善0既婆婆招呼我0地, 因為佢識少少英文, 所以同佢溝通完全無問題. 我0地點0左第一同第二貴0既牛套餐0黎試 (我已經唔記得係乜牛打乜牛), 食完頭盤同個湯之後, 師傅就開始0係我0地面前表演佢煎牛技術喇...雖然食完之後我唔係太講得出兩者有咩分別, 但貴啲0既牛肉質係比較淋同多汁...同行友人對於呢餐有極高0既評價, 大家都覺得今餐無揀錯呢.









食完牛肉飽飽後, 我0地就進發上"六甲山牧場"......
之後待續...

2009 大阪東京七天之旅 <第三天 20090714> 完

神戶三宮 ð 六甲山牧場
食完神戶牛後, 我0地就出發去牧場喇!! 首先我0地要搵0架上山0既巴士, 行0左一陣就搵到個站, 但點知0架車到0左, 啲人又落哂車, 司機死都唔肯俾我0地上車喎. 0係唔知咩事之際, 有個好心乘客, 佢問我0地係咪想上山, 跟住大家用身體語言溝通0左一輪後, 佢就指示我0地去另一邊等車. 原來我0地岩岩等車0個個站係落車站, 而上車站係0係另一邊, 真係多得0個個有心人咋, 如果唔係等到天黑都未上到車.
上到車, 我0地又好穩陣咁同司機講我0地要去牧場, 佢都示意我0地上岩車. 本來以為呢0架車可以直達牧場, 但原來中途係要轉車0既, 上到山某一個站, 司機就叫我0地落車, 佢仲同我0地講一堆日文, 指我0地去另一邊...雖然聽唔明, 但我0地都要無奈咁落車, 行0左幾步之後, 司機叔叔竟然跑過0黎再指一指前面條路, 叫我0地直行喎.....嘩..當時真係好感動呀, 日本0係我心裡面0既印象又加0左啲分喇...
0係個荒山度等0左一陣就見到另一0架寫住往六甲山牧場0既巴士, 之後再塔多五分鐘車就到達牧場. 去到售票處, 職員同我0地講牧場五點就會 CLOSE, 我望望錶, 原來已經四點, 得返一個鐘咋...所以唯有快行啦.
由於我0地太遲入場, 牧場好多活動都收哂, 本身見人介紹話佢0地會放哂啲羊上山, 俾你同羊群0黎個親密接觸, 又有得去整牛奶同牛油, 仲有 CHEESE CAKE...但我0地去到, 就只係見到啲困住0係間屋0既動物同成山動物屎...唉...早知做多啲功課睇埋人0地個開放時間啦!!



睇唔到動物, 諗住去餐廳食 CHEESE CAKE , 點知又 CLOSE 0左...跟住唯有退而求其次去買0的一早 PACK 好哂0既禮盒裝 CHEESE CAKE ...



買完野, 再行多陣, 見到有部機買羊糧食, 我0地諗住試下買0黎餵羊, 點知兩個人身上一個 100 YEN 0既金幣都無, 行返去鋪頭唱錢又太遠....唉...唯有放棄.
再望望錶已經差不多五點鐘, 但我0地兩個又完全無 idea 點樣可以落返山, 所以就走去問職員, 職員同我0地講要先坐巴士, 再轉 CABLE CAR, 然後再轉多次巴士先可以去返 JR 站...聽到咁煩複其實都有點兒滴汗, 但當大家再望埋個巴士 TIME TABLE 後......就更加想死.....因為巴士已經0係十分鐘前走0左.....下一班車會0係一個鐘後先到達.
無計啦, 0個架車係唯一落山0既交通工具 (當然的士除外啦), 等十個鐘都要等. 於是兩個無助0既人就0係荒山度搵0野消磨時間喇...我0地....講故事....睇昆蟲.....間中有人行過, 就諗緊佢會去邊......見到有車經過, 又幻想佢會停車載我0地落山....等呀等, 一個鐘終於都過, 我0地成功坐上最後一班落山0既巴士...當時有種舒一口氣0既感覺.
落巴士後, 再轉 CABLE CAR, 第一次0係日本坐 CABLE CAR...感覺比香港好好多, 因為香港0個0架實在太多人, 完全無辦法欣賞周圍0既風景. 反反覆覆後, 終於落返山..之後我0地就坐車去 神戶 Mosaic 打算玩佢個浪漫摩天輪...入到去, 成個遊樂場0既感覺就好似荔園咁, 無乜人, 0的 game 又完全無人玩...唔理 lu, 反正我地只想坐0下摩天輪. 不過坐完又唔覺浪漫喎, 哈哈...
頻撲0左成日, 今晚決定去酒店附近食晚飯. 落0左車無乜頭緒, 亂行行到去阪急百貨0個邊, 見到樓上有0野食, 就上去望望, 最後決定食壽司定食.






食完飯經過 JR 地下街, 又俾我發現0個間排長龍 CHEESE CAKE (哈, 原來我酒店樓下有咁多好0野食), 真係勁開心 (之前睇人0地個 BLOG 見到都已經好想試, 但又搵唔到0係邊, 估唔到咁都俾我見到佢..), 所以就算好飽都要買一個.



返到酒店即刻試食, 嘩...入口即溶, 好鬆軟呀!!!
今日每一餐都好滿足....

2009年7月21日星期二

2009 大阪東京七天之旅

<第二天> 日本環球影城 ð 難波 ð 道頓堀 ð 心斎橋 ð 道頓堀
酒店 ð 日本環球影城
其實我本身對樂園興趣不大, 但環球影城裡面有我最愛的芝麻街人物同精品, 一場0黎到大阪, 唔去實在有點對唔住自己. 不過我吸收了上次的經驗, 今次決定唔哂時間入樂園玩, 因為樂園外圍已經有好多間賣精品0既鋪頭, 所以, 就算唔入樂園都可以狂掃我最愛的芝麻街. 如果之前已經入過去, 我覺得呢個真係一個慳水又慳力0既方法呢...呵呵..
不過可惜丫, 今次再去, 已經沒有了上一次的興奮. 因為裡面有好多精品都係我一年前去0既時候已經見過喇....所以, 今次買得唔算多0野...失望呀!!!
日本環球影城 ð 難波
離開環球影城, 我0地坐返 JR 落難波. 就係因為懶行去轉南海電鐵, 之後就出左事喇!! 因為 JR 難波站距離市中心係好遠0架, 落0左車之後, 經地下街行...行行行....行左好耐先到道頓堀. 跟住想搵 "自由軒" 試佢個咖哩飯, 但又搵極都搵唔到喎..最後行到太攰太餓, 就決定入 "四天王" 食拉麵. 個麵都幾好食, 但間鋪裡面無乜冷氣, 一路食一路流汗, 真係咩 mood 都無哂...



食完麵行返出去, 行行下終於俾我0地見到 "自由軒"...不過佢無開門喎, 我心諗: 唔通執0左粒???? 後尾睇返本天書先知原來佢逢星期一休息. 之後又去0左夾公仔0既鋪頭, 我見到 ELMO 俾人困住0左, 我好想救佢出0黎, 但我0地用0左 1,000 YEN 都救佢唔到, 跟住同行友人又話無可能夾到, 又話我哂錢....之後, 就眼白白睇住 ELMO 繼續留0係裡面喇....嗚嗚..都係我唔好, 救唔到佢返香港.
出到0黎見到有間鋪頭有好多0野食賣喎, 我0地傻傻0地咁衝0左入去, 入到去俾人叫返出去, 嘻嘻..原來人0地門口寫明話 7 月14 先開鋪, 仲爭一日, 我0地兩個都係唔睇0野的...跟住發覺道頓堀無乜0野行, 就決定離開向心斎橋進發, 睇地圖覺得好遠, 於是走去坐電車.
道頓堀 ð 心斎橋
落到車站諗住買車飛, 點知買極都買唔到, 走去問職員, 溝通0左好耐佢先同我0地買飛. 千辛萬苦終於去到心斎橋, 但又發覺無乜0野好行..行行行...行到差不多食飯時間, 諗住再坐車落道頓堀食雞泡魚.
心斎橋 ð 道頓堀
就係呢個時候, 我忽然抬頭見到0個個超大0既固力果廣告招牌, 我0既記憶終於返返0黎, 原來心斎橋同道頓堀只係一街之隔, 係唔駛坐車架!!!! 我諗下晝0個個電車職員0係我0地走0左之後一定陰陰咀笑我0地兩個係白痴呢....
條街有兩間食雞泡魚0既鋪頭, 我0地揀0左一間外表比較光鮮0既入去, 點0左一份雞泡魚刺身, 天婦羅 同 一個牛肉火鍋. 雞泡魚刺身無想像中咁特別, 反而個牛肉火鍋我覺得好正..



行0左成日, 真係超攰, 食完飯就返酒店結束今日0既行程.

2009 大阪東京七天之旅 <第二天 090713>

<第二天> 日本環球影城 ð 難波 ð 道頓堀 ð 心斎橋 ð 道頓堀
酒店 ð 日本環球影城
其實我本身對樂園興趣不大, 但環球影城裡面有我最愛的芝麻街人物同精品, 一場0黎到大阪, 唔去實在有點對唔住自己. 不過我吸收了上次的經驗, 今次決定唔哂時間入樂園玩, 因為樂園外圍已經有好多間賣精品0既鋪頭, 所以, 就算唔入樂園都可以狂掃我最愛的芝麻街. 如果之前已經入過去, 我覺得呢個真係一個慳水又慳力0既方法呢...呵呵..
不過可惜丫, 今次再去, 已經沒有了上一次的興奮. 因為裡面有好多精品都係我一年前去0既時候已經見過喇....所以, 今次買得唔算多0野...失望呀!!!
日本環球影城 ð 難波
離開環球影城, 我0地坐返 JR 落難波. 就係因為懶行去轉南海電鐵, 之後就出左事喇!! 因為 JR 難波站距離市中心係好遠0架, 落0左車之後, 經地下街行...行行行....行左好耐先到道頓堀. 跟住想搵 "自由軒" 試佢個咖哩飯, 但又搵極都搵唔到喎..最後行到太攰太餓, 就決定入 "四天王" 食拉麵. 個麵都幾好食, 但間鋪裡面無乜冷氣, 一路食一路流汗, 真係咩 mood 都無哂...





食完麵行返出去, 行行下終於俾我0地見到 "自由軒"...不過佢無開門喎, 我心諗: 唔通執0左粒???? 後尾睇返本天書先知原來佢逢星期一休息. 之後又去0左夾公仔0既鋪頭, 我見到 ELMO 俾人困住0左, 我好想救佢出0黎, 但我0地用0左 1,000 YEN 都救佢唔到, 跟住同行友人又話無可能夾到, 又話我哂錢....之後, 就眼白白睇住 ELMO 繼續留0係裡面喇....嗚嗚..都係我唔好, 救唔到佢返香港.
出到0黎見到有間鋪頭有好多0野食賣喎, 我0地傻傻0地咁衝0左入去, 入到去俾人叫返出去, 嘻嘻..原來人0地門口寫明話 7 月14 先開鋪, 仲爭一日, 我0地兩個都係唔睇0野的...跟住發覺道頓堀無乜0野行, 就決定離開向心斎橋進發, 睇地圖覺得好遠, 於是走去坐電車.
道頓堀 ð 心斎橋
落到車站諗住買車飛, 點知買極都買唔到, 走去問職員, 溝通0左好耐佢先同我0地買飛. 千辛萬苦終於去到心斎橋, 但又發覺無乜0野好行..行行行...行到差不多食飯時間, 諗住再坐車落道頓堀食雞泡魚.
心斎橋 ð 道頓堀
就係呢個時候, 我忽然抬頭見到0個個超大0既固力果廣告招牌, 我0既記憶終於返返0黎, 原來心斎橋同道頓堀只係一街之隔, 係唔駛坐車架!!!! 我諗下晝0個個電車職員0係我0地走0左之後一定陰陰咀笑我0地兩個係白痴呢....
條街有兩間食雞泡魚0既鋪頭, 我0地揀0左一間外表比較光鮮0既入去, 點0左一份雞泡魚刺身, 天婦羅 同 一個牛肉火鍋. 雞泡魚刺身無想像中咁特別, 反而個牛肉火鍋我覺得好正..





行0左成日, 真係超攰, 食完飯就返酒店結束今日0既行程.

2009 大阪東京七天之旅 <第一天 090712>

<第一天> 香港 ð 關西空港 ð 大阪格蘭比亞酒店 ð 夜遊梅田
大埔 ð 香港國際機場
由於我太懶0既關係, 於是我用了一個價錢相宜而又快捷0既方法出機場 (先坐的士由大埔屋企出青衣機鐵站, 之後再轉機鐵...咁就可以輕輕鬆鬆而又唔花時間同精力去到機場).
10 點鐘機, 我地 8 點 9 完成 check in, 之後去大家樂填肚, 本來想食完行一行 DUTY FREE 來一個熱身, 但食完都差不多夠鐘要入閘, 結果無得做熱身.
上到機本來都幾開心, 因為呢0架係新型號飛機, 座位闊落啲, 電視設備又好啲...但點知等0左好耐佢都仲未起飛喎, 原來0架機有0野要維修, 要攪好先可以飛...結果...delay 0左成個鐘, 激死!!
關西空港 ð 大阪格蘭比亞酒店
去到關西機場都已經差不多三點幾, 由於我0地下榻0既酒店0係 JR 大阪駅上蓋, 所以就直接坐 JR 關西快速落大阪駅, 全程差不多花了 70 分鐘, 真係好好好好遠...坐到個人戇居居.
大阪格蘭比亞酒店 就在 JR大阪駅上面, 在中央口一出向大丸方向行就會見到, 真係超超超方便, 岩哂我呢0的唔鍾意搬行李0既懶人. 本來對呢間酒店都無乜期望, 因為當我 BOOK 完酒店後, 就見到人0地0係 BLOG 度話呢間酒店房又細又唔乾淨, 所以都打定輸數會住核突酒店架喇....但當我入到房, 又覺得間房 OK 喎...只係見佢仲用緊厚電視覺得有點老土0者..不過, 反正我都唔會睇電視, 無所謂呢. 而且房入面又有得免費上網, 有 lan 線 provide, 一插就可以用得, 超方便. 所以, 整體0黎講, 我覺得呢間酒店都好 OK 0架!!
0係房休息一陣, 就出去酒店附近視察環境, 先行了一轉大丸百貨 (因為佢 8 點就 close, 要抓緊時間), 可惜無收獲, 之後行去阪急三番街搵食, 兜0左個圈, 決定食蛋包飯...可惜, 今日運氣比較差, 千揀萬揀竟然揀0左一間唔好食0既..真掃興!!




食完再0係附近行0下兜0下, 由於第一晚唔想太粗勞, 所以十點幾就返酒店休息, 完成了是日的旅程.

2009年7月20日星期一

2009 大阪東京七天之旅

<第四天> 大阪 ð 東京新宿
今日最後一日留在大阪, 一早 PACK 好行李到樓下大丸食 "自由軒" 咖哩飯. 本來對呢個飯沒有什麼特別期望, 因為睇圖以為佢係一碟無餸的咖哩飯. 但原來飯裡面係有牛肉絲0架, 而且咖哩味好香濃, 真係好食到唔停得口. 而且, 呢個咖哩飯特別之處係佢每粒飯都會有咖哩汁, 再加埋0個隻日本生雞蛋, 味道真係超撘. 如果去大阪而無去試呢個飯, 真係一個極大損失.






食完咖哩飯0係超市兜0左一圈, 又買了一些小吃, 之後就返房拎行李 CHECK OUT 向東京出發.我0地買了十二點零七分的車票, 預計三點多少少可以到新宿. 車的最後一站是東京, 但我們決定在品川下車, 因為由品川到新宿似乎比由東京到新宿近一點.
東京跟大阪是兩個很不同的地方, 東京無論去那裡都是人頭湧湧的, 而大阪卻給人一份很悠閒的感覺. 正因為有這個分別, 我們今次才會選擇大阪東京兩邊走, 好使可以一次過滿足我們觀光及購物的願望.
0係東京我們下塌0既酒店係 Sunroute Plaza Shinjuku , 我超愛呢間酒店, 因為貪佢近 JR站而且相對新宿其他酒店, 佢0既房算大 (其實新宿太子酒店個 LOCATION 比呢間好, 但上次住過, 我覺得佢間房又污糟又細, 所以我唔係太鍾意).
放低行李休息一陣, 我0地就開始向新宿進攻!! 第一間入0既鋪頭係 GAP, 因為我成日都0係啲日本雜誌度見到佢啲衫好型, 所以, 一場去到當然要入去巡視一0下啦, 最後買0左一條裙, 有半價..才二百多塊, 好抵呀!!
之後決定去醫醫肚, 但因為 PLAN 好今晚會食燒肉, 所以要搵啲無咁 HEAVY 0既0野食. 行行0下發現有間快餐佢個 SET 同一時間有飯又有烏冬, 我0地就決定叫一個餐 SHARE 0黎食 (其實我唔知咁做, 0係日本人眼中會唔會唔禮貌, 但我又覺得自己係遊客, 唔識0野都好正常0者....遊客大哂!!!!). 雖然呢間係一間快餐店, 但估唔到水準都 OK, 烏冬同個飯都好好食.






填飽個肚後, 就繼續向各大百貨進攻, 同行友人好快就進貢0左唔少喇!! (真係估佢唔到!!!)
夜晚, 友人帶我去敍敍苑食燒肉, 間餐廳都幾別緻, 裡面有個台, 台上面有個著到好夏威夷0既人彈緊樹琴. 我0地點了蝦,帶子,牛排骨,牛舌,牛肉湯同生牛肉...各樣0野其實都幾好食, 但因為友人不吃牛舌, 我要一個人食哂整碟, 但唔知點解食極都仲有喎, 食到我以後見到牛舌都有點怕 (哼, 佢呢招好絕, 攪到以後我同佢食飯都唔敢再叫牛舌!!).






食完晚飯就返歸休息了...

2009年7月19日星期日

2009 大阪東京七天之旅 - 前傳

這次的旅程在豬流感和風球的威脅下, 終於順利完成...忽然才發現, 原來上天對我都不薄...
<<計劃......>>
在四月中時和他計劃到日本旅行, 但決定後不久, 日本即爆出豬流感大流行, 我倆不想為了玩而冒險, 唯有等當地情況好轉才去, 可惜一等再等, 情況沒有好轉反而愈來愈差, 本想押後行程至八月, 但其後豬流感在香港亦開始大爆發, 基於在香港跟在日本都同樣有機會染病, 所以就在香港出現大爆發的一天, 我倆立即去旅行社買 package 並決定如期出發.
今次決定去大阪+東京共 7 天. 揀大阪入東京出, 純粹係因為我覺得東京成田機場比大阪關西機場多0野賣, 0係上機前我可以作最後一激!!
出發前四圍格價, EGL 是最平的:
國泰早機 (10:00) 去晚機 (1830) 返
大阪住 大阪格蘭比亞酒店 (梅田區) - 住呢區是為了方便我們之後坐子彈火車去東京, 只需坐一個站就可以轉車, 慳返唔少搬行李0既力, 而且酒店在 JR 上蓋, 非常方便.

東京住 Sunroute Plaza Shinjuku (新宿區) - 呢間酒店, 我住過一次後就愛上了..貪佢房夠大夠新, 而且又近 JR 同 私鐵站, 最重要係價錢相宜.
最後, 所有機票連雜費, 整個 PACKAGE 才 $5,800/人, 真的十分超值 (不過當中未包由大阪去東京的子彈火車那一程約千多元的車費)
<<出發前兩天...>>
出發前兩天竟然掛三號風球... 極度擔心去唔成...幸好, 風球在出發前已經除下.
<<回港時....>>
巧合地, 回港當晚亦打大風, 但慶幸是在我倆安全歸家後天氣才轉壞...