2019.09 東京藍帶畢業旅行 {Day 5} 鐮倉遊

2019.09.25 東京藍帶畢業旅行 {Day 5} 鐮倉遊

有次 weekend 一個人去咗鐮倉

覺得呢個地方好舒服好靚

所以一早已經下定決心要同蝸牛先生嚟多次

朝早喺屋企食少少麵包就出發

惠比壽有一程車可以直接過來, 車程大約一個鐘

天朗氣清嘅鐮倉真係好靚

落車先去買一日乘車劵

之後就轉江ノ島電鉄去由比ヶ浜駅食蕎麥麵

松原庵 (Tabelog: 3.76分)

蝸牛先生揀咗個豐富 lunch set

有前菜有麵

我就叫咗個鴨肉蕎麥麵

湯汁入面有鴨肉, 唔知點解我覺得日本嘅鴨肉好好食

唔會太韌同乾

跟住食完啲麵再飲埋碗湯, 唔錯~

仲有個甜品, 呢個就無乜特別

食飽終於有氣力行街, 跟住我哋就去返鐮倉站嘅商店街

嗰度通街都係雪糕, 蝸牛先生又點會忍得住

超多抹茶粉, 一路食一路飄走, 有人食到成件衫都係抹茶粉
不過佢話好好食

我都唔執輸, 買返件閃電泡乎食吓

呢間上次已經想食, 但一個人食唔到咁多嘢

今次終於有蝸牛先生同我開心 share

Ca ca O (Tabelog: 3.55分)

我覺得好好食!!  原來佢喺代官山有分店, 點解我咁遲先知道 (殘念!!)

行完商店街就去返江 ノ島駅, 開始我哋遊島之旅

一出車站行無耐已經見到海

行行吓見到有船坐

見佢行程好似幾好, 於是就上船

落到船嘅景色好靚

之後沿路一直行上山

只怪我體能太差, 行樓梯時喘哂氣咁停低休息

點知有個外國人問我: 大丈夫ですか? (中: 你無事嗎?)

哈哈, 醜死怪~

終於行到上展望台位置

展望台風景都唔錯

仲咁岩可以睇埋日落

我哋喺度都逗留咗好耐先離開

江ノ島必買名物, 但其實無特別

太薄又無口感

跟住就沿路一直行返出車站

可能我哋都鍾意睇海, 所以覺得呢度真係好靚

回程順便去埋鎌倉高校前站打個卞先

岩岩去到嘅時候好多人, 但過咗一陣突然無哂人, 開心!!

完成呢個景點就完哂今日嘅行程

我哋決定返去由比ヶ浜駅食拉麵

らーめん HANABI (Tabelog: 3.66分為

我哋都揀咗一番人氣拉麵

湯底由豚, 雞, 魚煮成

味道又唔會好雜, 都幾好飲的

食完就坐車出返市區

由於今日六點幾就食晚飯, 而且仲要只係拉麵

於是我同蝸牛先生都決定食返個宵夜

蝸牛先生就去食炸豬扒飯

我食唔到咁多就喺惠比壽車站個商場買啲串燒返屋企食

呢檔嘢喺惠比壽 atre 商場入面, 間野叫 chicken asahi

係我經常會買返屋企食嘅雞肉店

因為我覺得佢啲雞串燒同炸雞都好好食

蝸牛先生就自己去目黑食炸豬扒

とんかつ とんき 目黒本店 (Tabelog: 3.78分)

呢間係我介紹佢去的

點知唔岩佢口味

今日行程豐富又食到好多好味嘅嘢, 開心~

2019.09 東京藍帶畢業旅行 {Day 4} 熱海遊

2019.09.24 東京藍帶畢業旅行 {Day 4} 熱海遊

今日九點食早餐, 酒店安排咗個好好view 嘅包箱俾我哋

一路食住早餐一路望住個海都幾正

早餐無尋晚餐晚飯咁有驚喜, 但反正晨早流流我都食唔落太多, 無所謂

有蛋有魚, 有碗湯同一煲豆腐

當然唔少得我嚟日本最鍾意嘅白米飯啦

不過呢碗唔算特別好食

食完返房休息少少就再浸多次溫泉 

(畢竟浸埋今次, 之後唔知幾時先有機會再嚟日本)

臨走前上咗去酒店的頂層睇風景

好大個無邊際嘅海

如果呢個係溫泉嘅 view 就爽

之後就 check out 走人

酒店安排咗架的士送我哋出車站

落車諗住俾錢, 但原來係免費的

先放低行李喺車站房嘅 locker 就出發熱海遊

車站外的足浴, 不過我哋無試

一場嚟到熱海, 點都要去吓海邊

呢日其實超哂同超熱, 我哋行落海邊差不多要大半個鐘

海灘一望無際都幾靚的, 而且唔多人, 幾舒服

(只係當日實在太熱, 攪到無乜心機行)

喺海灘坐咗陣就走人

之後行返上車站條路都幾甘

因為要不斷不斷上樓梯, 而且當日太陽真係好猛烈!!

太熱太哂, 所以都無乜再發掘熱海究竟仲有乜嘢玩

見無乜嘢做就決定坐返車出市區

蝸牛先生臨走去買咗杯雪糕

而我就去返車站旁邊嘅商場 (熱海 LUSCA )買魚餅

熱海　まる天 

而加睇返原來喺商店街間鋪頭比商場入面高分好多 (Tabelog: 3.57分 vs 3.18分)

見到布甸又想食, 於是又買返一杯

from 石舟庵 

味道好普通

落車後見時間尚早, 而我同蝸牛先生又未試過喺品川出過閘

於是就出去附近嘅商場行吓

不過最後發現無乜嘢行的

所以我哋決定先返屋企放低行李之後先再出去行

點知未行到返屋企就突然落大雨, 拿拿臨跑返屋企避下

見雨差不多停就出發帶蝸牛先生去參觀吓我讀咗三個月嘅學校

原本想帶佢落去休息室望吓

點知全部鎖哂 (應該係畢業禮完咗, 唔會有堂所以 close 哂)

之後再去旁邊嘅代官山蔦屋書店搵個地方俾蝸牛先生處理公事

跟住就坐車落表參道行街

喺表參道, 原宿一直行到肚餓先去食飯

今晚決定咗去食雞, 餐廳喺涉谷 

我哋沿途行落去差不多用咗成粒鐘, 超攰

鶏料理 はし田屋 渋谷店 はしだや (Tabelog: 3.64分)

呢間店出名食親子丼, 不過只會喺 lunch 供應

(我本身好鍾意食親子丼, 唔明點解住咗三個月都唔嚟食, 好後悔好後悔!)

原來入來係想食雞串燒的

不過師傅話呢度出名雞鍋, 所以就叫咗個二人鍋

另外再叫少少其他嘢

見旁邊嘅人都有點玉子燒, 但叫咗個雞鍋又食唔到咁多嘢

唯有有機會先再去試啦

串燒雞好食

雞亦我覺得偏咸, 但蝸牛先生話接受到

呢個免治肉餅, 放上熱石前係全生的

聽唔明師傅話應該幾時食

我怕肚痛就煎到佢內外都半生熟先食

蝸牛先生就煎幾吓就食 (勇者!!)

不過我同佢都覺得呢個好食 

我呢個狀態放咗入口

其實我本身都幾鍾意食雞鍋

同埋日本嘅雞唔會有腥味, 我覺得好好食

每次食雞鍋都好期待嗰一碗雞湯

呢碗有少少失望, 唔係唔好飲

只係味道唔算太濃郁

涉谷而加有幾個新嘅大商場

沿途都整得幾靚

食飽坐 JR 返屋企又一日

2019.09 東京藍帶畢業旅行 {Day 3} 熱海溫泉宿

2019.09.23 東京藍帶畢業旅行 {Day 3} 熱海溫泉宿

每次日本嘅旅程, 最期待就係溫泉宿

因為通常都會係食得好同住得好, 舒舒服服 hea 吓就一日

今次都有安排住返一晚溫泉酒店

揀咗近近哋嘅熱海

(本來 book 咗系守湖, 不過最後都係嫌車程太遠無去到)

出發前先喺屋企附近食個 lunch

我哋去咗一間平民飯堂

こづち 恵比寿 (Tabelog: 3.58分)

入面裝修好簡陋, 食客多數以勞動階層嘅男士為主

我揀咗豬扒定食

豬扒都幾淋幾多汁, 好有日式家庭 feel, 好食

蝸牛先生就揀咗漢堡扒

呢個都好食, 再配埋旁邊嘅沙律, 其實都算大份

食完之後就出發撘新幹線

我哋要先喺品川轉車

因為未夠鐘所以喺品川車站行吓商場

又順便買咗少少甜品上車食

唔駛一個鐘已經可以去到熱海, 好方便

出到車站, 喺格離超市買咗塊墨魚餅去酒店食, 都幾好味

之後就出去搵 shuttle bus

點知我發雞盲睇錯咗間酒店名, 跟住就上錯咗車

之後去到 check in 嘅時候先發現去錯酒店, 勁低能

最後唯有坐返的士過去

真係失魂~

ATAMI せかいえ

房型: オーシャンビュースーペリア (JPY 73,440/兩位)

去到兩點幾, 未夠鐘可以 CHECK IN

有 welcome drink 飲吓同有風景睇

等check in 嘅 welcome drink

等到兩點九終於帶我哋入房 

間房都夠大, 床都幾舒服

今次呢個私人溫泉雖然唔算好大, 但都浸得幾舒服

雪櫃入面免費飲品嘅選擇都幾多

浸溫泉嘅指定動作 - 食生果

趁時間尚早, 拿拿聲落去大浴場浸吓

溫泉外嘅休息區~

我入去時只有一個人浸緊, 無耐之後佢就走咗

我一人獨佔呢個溫泉

不過個公眾浴場就無乜特別, 無VIEW 又唔算多嘢玩

(右邊有一個小池, 水溫較低, 浸到咁上吓過去過一過冷河都幾舒服)

浸完就返上房

原來蝸牛先生無喺大浴場浸, 佢話覺得唔靚同無乜特別

所以寧願返房慢慢浸

浸完就喺房 HEA 吓, 呢種生活真係好寫意

休息到咁上吓就出門食飯, 不過我發覺唔見咗對拖鞋

原來我浸完溫泉無著返落房

我都唔明點解自己會唔著拖鞋走來走去

晚餐好精彩, 每一道菜都好好食

抹茶配和果子真係絕配

抹茶的苦澀味岩岩好可以 COVER 到和果子嘅甜味

呢餐又係食到超飽

唔知係咪太飽嘅關係, 今晚張床雖然好舒服

但成晚眼光光瞓唔著, 可惜~