2016.09 名古屋 {Day 6} 名古屋再見

2016.09.19 名古屋 {Day 6} 懷石料理 

今次的旅程比較短, 只玩六天

最後一日, 沒有什麼特別地方去

食完午餐就要準備去機場

在名古屋的最後一餐, 我咃揀咗去食懷石料理

吉兆

其實吉兆嘅本店喺京都

不過午餐最平都要四萬幾 yen 一位 (仲要未計稅)

但名古屋店嘅價位就親民啲

只係萬幾 yen 一位

想試又要平, 唯有喺名古屋食

溫泉酒店以外, 應該係第一次出去食懷石料理

我覺得都係一個幾好嘅體驗

由擺盤到服務, 真係有貴賓嘅感覺

不過我都係鍾意喺酒店食飽可以返房浸溫泉嗰種感覺

午餐由一碗米茶開始....

雖然已經唔多記得食嘅係乜, 但我記得味道唔錯

而且每一味都 present 得好靚, 好吸引

呢碗魚湯好飲

最估唔到係佢竟然將頭先食剩嗰一條魚骨起肉拎返去再炸

好脆, 而且幾好味

食飽之後就出去望下街景

我估夜晚上來應該幾靚

跟住去高島屋買少少嘢食上機食

之後就返酒店拎行李去機場 lu

名古屋機場有好多食店同埋商鋪
食又好, 買又好, 好岩上機前最後一激
其中有檔賣嘅蝦片好好味, 做手信一流
(就係呢張相最左邊橙黃色招牌嗰間)

喺機場併完, 呢個旅程就完咗喇~

我們的 "自家製" 飛機餐

因為唔想食機上嘅飛機餐

所以我哋臨上機前喺機場買咗便當上機食

左邊係矢場嘅豬扒三文治, 右邊係喺高島屋樓下買的

原本打算機上開大餐, 點知蝸牛先生突然唔舒服, 無胃口

真係可惜~

我都幾鍾意食炸豬扒三文治

成個旅程都未食過名古屋名物, 鰻魚飯

上機前點都要買返盒

不過最後都係帶咗返屋企先食

可能放得太耐, 返到去鰻魚已經唔脆 lu

不過味道還可以

名古屋 再見~

名古屋主要都係睇景多

shopping 真係唔多岩

我估應該唔會咁快再來

第一次唔駛一袋二袋咁坐火車去機場

****

名古屋之後, 就係十一月尾大阪之旅

睇嚟呢度會變咗遊日 blog

2016.09 名古屋 {Day 5} 名古屋市區遊

2016.09.18 名古屋 {Day 5} 名古屋市區遊

來到尾二嘅第二日, 終於返返去市區SHOPPING

名古屋可以 SHOPPING 嘅地方唔多

主要集中在榮駅, 矢場町駅, 而且都係以百貨公司為主

去到榮駅行咗一陣先去食飯

但為了避開用餐人潮, 餐廳一開門我哋就過去

是日目標係名古屋好出名的豬扒店

矢場豬扒 LACHIC 店

坐低一陣就已經 FULL 哂

同蝸牛先生各自點咗唔同部位嘅豬扒SHARE 食

味噌汁上枱時先淋上, 包保唔會令豬扒浸到過淋

個汁用來送飯其實好開胃, 不過食到中途已經開始覺得漏

對我來講, 味噌汁味道有點偏咸

我相信名古屋人係食得比較濃味的

蝸牛先生的鐵板豬扒

淋汁時啲汁彈到周圍污糟哂, 好尷尬

兩份豬扒嘅部位唔同, 一份比較瘦, 另一份比較肥

肥啲就當然好味香口啲

食飽之後就出發SHOPPING 喇

不過名古屋真係唔係好好SHOP

鋪頭選擇唔多, 而且好多貨都剩係得返LAST ONE

行到咁上下要休息

上網搵到間食PANCAKE 嘅 CAFE

一於又去試下

Light cafe

名古屋市中区栄3-27-27 3F

門口好靚, 好relax

不過要行三層樓梯先可以到達

同服務員溝通咗一輪先落到單

蝸牛先生揀咗 3D 熱朱古力

我就叫咗壺茶

其實一心想食厚厚的梳乎里 PANCAKE

不過呢度只得呢款, 味道不過不失

食完之後又再 SHOP 過

是夜大雨, 好狼狽

行到啲鋪頭關門就去食飯

原本今晚我哋打算去松板屋食鰻魚飯

點知撘咗一架壞嘅 LIFT

架 LIFT 上到十幾樓突然唔郁, 門又唔開

停咗一陣, LIFT 入面嘅人大家你眼望我眼

跟住好彩佢又突然落返地下開門

出返去之後已經無心情再喺呢幢 building 食飯

最後都係去返中午食 lunch 嗰座大廈 - Lachic

呢度都有間出名嘅鰻魚飯 - 備長, 不過超多人

最後揀咗燒肉

一升びん

呢度主力食松板牛

用嘅係炭爐

我哋叫咗肉雜錦, 我記得唔太貴, 但肉質同埋牛味都好正

不過燒嘅時候超級大煙

另外又加咗一碗靜岡冷麵

味道正常但麵質太硬

呢餐誤打誤撞又幾好食

食完之後就返酒店喇

臨返酒店前喺酒店樓下藥妝店作最後一擊

呢度又大間又無乜人, 都幾好行

最後一晚要執行李喇

今次買得唔多嘢, 好快執完

2016.09 名古屋 {Day 4} 白川鄉散策

2016.09.17 名古屋 {Day 4} 白川鄉散策

尋晚比啲水聲嘈到無覺好瞓

真係無陰公

八點食早餐, 例排放到一枱都係

都幾鍾意呢種 朴葉味噌燒

唔會好咸, 用來送飯好正

我都買咗一 pack 返來食

明太子用來送飯又係好好食, 不過蝸牛先生唔鍾意佢陣味

茶碗蒸, 好滑

味噌湯

旅館送嘅小禮物, 入面係糖

杏仁豆腐, 杏仁味好香, 而且唔算太甜, 幾好 

食完返房休息一陣就浸多次溫泉

之後就 check out 向白川鄕出發

本身已經預約咗十一點出發嘅巴士

但出到車站見到前一班巴士仲未開出

見佢仲有位於是就拿拿臨去改車飛

大約四十五分鐘就去到, 都幾快!

不過今日天色麻麻

買咗少少小食之後, 就出發喇

點知行咗十分鐘唔夠, 就落大雨

唯有求其搵間餐廳食住嘢先

點知太求其就中咗伏, 蝸牛先生話佢個串燒牛係臭架!!!

(最後好唔禮貌地, 無乜點掂過就拎去返卻口)

而我碗烏冬就正常可入口

出返去已經停咗雨, 好彩

 之後入咗和田家參觀

不過入面無乜嘢睇的

之後我哋就登山去

山上望落去嘅風景無想像中咁靚

或者真係白雪雪先至靚掛

我哋行咗兩個幾鐘就開始覺悶了
因為四周都係一式一樣嘅屋
最初見到的確會嘩嘩聲, 但行到一半已經就覺得無乜新意
於是我哋決定提早返去
就係呢個時候, 又開始落, 而且愈落愈大

咁岩嗰一班係預約車, 而且又已經 Fully booked
所以我哋唯有等下一班 (都要成個鐘後)
見仲有時間, 唯有去附近嘅美術館行吓
不過入面好細, 只係消磨到一陣
行完之後就出返去排隊撘車喇
呢班車唔駛預約, 基本上你差不多時間去排就OK
因為車長見多人的話, 會安排多一架車載人, 唔駛擔心 FULL 咗無位坐

出返去高山車站, 好順利地又換到早一班返名古屋嘅車飛
按我哋原本嘅行程, 要八點幾九點先返
而加七點就返到去, 可以行一陣商場先去食飯, GOOD!

行到差不多時間就去食飯
今晚食呢間雞料理
我覺得係個TRIP 最岩食嘅一餐, 好好味!!

今井屋本店 (tabelog 3.55分)
最初同服務員溝通唔到, 以為落咗單, 但原來仲未落
隔咗一陣佢走埋嚟問先知

懶得揀, 我哋揀咗套餐


前菜

沙律

雞肝多士 

洋蔥, 雞肝, 多士, 呢個配撘好夾, 好好食!! 

燒雞串

味道有少少偏咸, 不過都好食

(唔知點解日本嘅雞肉好彈牙)

燒內臟

本身唔太鍾意食內臟, 不過呢串又幾好食

燒蘆筍

個汁酸酸哋, 似蒟蒻 

免冶雞肉串

本身都好鍾意食免冶雞肉串, 呢串都好味

雞鍋

湯底好清, 加少少鹽都幾好飲

最後同返雞鍋個湯底煮粥, 好食, 但已經好飽

甜品反而普普通通

呢餐好滿足

見時間尚早, 我哋又走去搵間 24小時 Aeon 超市加藥妝店
(有興趣可以按呢條link)
路程比想像中遠, 而且好偏僻, 沿路好黑好靜
期間又遇到醉酒佬, 都真係驚驚哋
最後成功去到超市, 都有少少收穫
不過走嘅時候又行錯路...反咗方向
好不容易先行到返酒店

呢晚返到酒店又成十一點鐘...
我哋真係日日都好充實