<嫁給您 - 攝影> THE STUDIO 收相

無心理準備下, 今日失驚無神收到 THE STUDIO 的電話說可以去拎 SOFT COPY. 於是食完 LUNCH 9 秒9 的過去拎. 如果 CONFIRM 入相簿的相無問題, 就可以開始排版. 我自己初步睇就問題不大, 等蝸牛先生過目完畢就可以通知 THE STUDIO 排相. 只剩兩個多月, 希望到時趕得切起貨啦....

為了保持神秘感, 我不打算把相公開, 所以親愛的朋友們, 不要煩氣的叫我給你看啊....嘻~

<嫁給您 - 花球> 大婚日鮮花球 confirmed

本來打算不買鮮花球, 但又覺得如果大婚日拎住個假花球, 又好似不太美觀, 所以最後都決定訂鮮花球.
其實好鍾意 miracle flower 的花球, 但可惜 OUT BUDGET. 於是左搵右搵下給我找到了岩 budget 而又靚的花球, 它就是 Cherish Wedding Decoration. 其實這間公司主要做 Decoration 的, 不過它的花球做得好特別 (我幾乎每一個都鍾意!!), 所以就決定找它.
花球解決了, 現在我還欠 4 大長老的襟花和各兄弟姊妹的襟花/手花. 好想可以快些 CONFIRM 所有東西.
就是這兩個花球, 令我愛上了 Cherish:

好期待 Cherish 給我做的花球.

<嫁給您> 試褂 @ 鴻運繡莊

其實早在六月時已經在婚展落了DEPOSIT 租褂, 不過一直都懶懶閒未去揀.
雖然婚紗鋪都會有褂, 但我硬係覺得租褂應該要找一些老字號才夠傳統, 冠南華太貴, 所以退而求其次我揀了 <鴻運>.
我對褂沒有太多的研究, 所以叫職員隨意拿幾件給我試...點知就中招. 她給我揀的全是一千蚊以上的 (其中一件還要二千三!!!!!), 由於之前在婚展已愛上水晶褂, 所以好容易就被她遊說到租水晶褂......最後比我原本的 BUDGET 貴了差不多一倍....
職員又說我要著 "加加細碼", 雖然著上身真的比較 FIT, 但又要 ADDITON 加 $200, 而加諗返都覺得貴..早知試試 "加細" 個效果先啦....
我現在正在後悔中 , 覺得自己好哂錢, 好內疚....

<嫁給您 - DIY> DIY 工具/材料

之前在淘寶淘了一些 DIY 工具和材料:

<工具> 壓花機, 花邊剪刀

其實未知可以用在什麼地方, 不過, 我勁 LIKE 花邊, 所以就買一個玩玩

<材料> 畫冊, 畫筆, 相角

其實 THE STUIDO 會包一張簽名布, 但我又不太想用簽名布, 所以打算自己 DIY 一本簽名冊 (但我藝術天份太"高", 所以都不知最後可不可以成事!!). 我本身有一個構思, 就是每一頁都貼上我跟朋友仔的合照, 之後朋友簽到時就去返有自己個樣的一頁簽名. 不過, 又未必跟每一位朋友都有合照....而且簽到時要搵返自己個樣, 好似都幾麻煩....所以, 還是要再想想...

這批工具和材料, 其實都不知什麼時候會用得上.......哈哈, 因為我實在太太太懶!!!

<嫁給您 - 攝影> THE STUDIO 揀相日 Round 1

終於都來到揀相日, 過程比我相像中快, 花了三個多小時就已經揀好入相簿的相, poster, 簽名布和油畫. 至於 re-touch 和 layout 還要多等半個至一個月.....(希望趕得及婚期前完成啦), 剩下的還要找一首歌來製作 pre wedding slideshow, 這個重任就交給蝸牛先生, 他是這個 big project 的音樂總監!!
我的其中一個造型, 蝸牛先生竟然說我似關菊英!!!!!! 不過, 唔講唔覺...我自己都覺得有點似...hahahaha...所以, 這個造型的相...將不會放入相簿...亦都不會從見天日.....至於菊姐身邊的蝸牛...其中一張個 pose 又有點似吳啟華....hahaha......好好笑!!
這輯相, 我最滿意的是 casual wear 部份, 或者是因為比較自然...不過, 我們不會把相放到 THE STUDIO 的相簿內, 而是額外出去再印一本全 CASUAL LOOK 的, 希望感覺可以整體一點.
不過, 點解人家的婚紗相, 可以由原本好平凡的變做天仙.......但我的又無呢種感覺0既???!

<嫁給您> Confirm 姊妹化妝 & 裙

今日又 confirm 多兩個 items, 輕鬆哂~
姊妹化妝我找了在百利一樓的 SWEET CONCEPT (其實是在網上亂 SEARCH 的), 它的鋪位在108 號鋪, 白痴的我, 去交 DEPOSIT 時去錯了 08 室...UP 一輪先知自己去錯..超樣衰!!
交完 DEPOSIT 後, 經過朋友介紹的租姊妹裙店, 於是又入去望望, 視察後覺得它的款式和價錢都OK, 所以又立即落訂...
在攪結婚這段期間, 覺得戶口的錢消失得特別快..今天要交 A 的 DEPOSIT, 隔天又要交 B 的 DEPOSIT, 要用的錢好像沒完沒了的, 好恐怖!!!
很快還要找地方住, 之後是交上期按金, 買電器傢私, 家具雜物.....好恐怖, 真的好恐怖!!! 如果...我識印銀紙就好了....

<嫁給您 - GEL 甲> 2ND GEL 甲

捱了個半月, 終於去整了人生中第二次的 gel 甲.
GEL 甲前, 心大心細, 考慮拆甲還是再 GEL...最終都係決定再 GEL (因為實在太方便, 想靚, 但又沒有太多的耐性自己油甲)
今次去了屋企附近朋友介紹的一間 GEL 甲店.
這款 GEL 甲只需個半鐘就可以完成, 岩哂我這些沒有耐性的人.

不過, GEL 完後發覺這隻粉紅色太姣...不太襯我!!

<嫁給您 - 花車> 旅巴 from 孖一世結婚花車服務公司

其實我對花車沒有太大要求, 覺得它只是交通工具而已, 所以一早已決定大婚日的花車會用哥哥的座架 (不過現在他跟我問朋友借了一架賓士回來). 花車解決了, 但還要租一架旅巴接載兄弟姊妹, 一直都好懶, 不願 SEARCH, 今日見到 BLOGGER 在 <孖一世結婚花車服務公司> 租了車, 於是就順便打去問價錢, 最後好快就 CONFIRM 了.
揀它的原因, 除了是價錢 OK 外, 最大原因是它的旅巴有粉紅同紫色, 第一間已看中了它紫色那一部, 可惜已租出.

第二部, 粉紅色的

我見市面多是白色的, 顏色系列的旅巴好似好少見, 所以就揀這間了, 懶得再 SEARCH...

正, 舒舒服服又攪掂一個 ITEM !!

<嫁給您> Pre-wedding 影相日 (補影) by THE STUDIO

因為上次天雨的關係, 所以外景部份要等到今日先有得影. 影之前的一星期心情勁緊張, 總覺得會有阻滯, 結果.....如我所料, 真的有阻滯!!!!! ...今次的阻滯是....在影相前的一晚, 我那位平日好唔準時的親戚, 竟然今個月好準時地到訪...實在太過份!! 累我那晚睡不好, 第二日雙眼又水踵, 而且還好攰好攰...不過, 不幸之中的大幸是, 那天我沒有肚痛, 不然的話...我可能要影多一輯!!
除了這個小小的不幸外, 其實當日的天氣都幾好, 不冷不熱, 而且天藍陽光正...如果...我狀態好一點就好了..
今次的外景部份揀了赤柱. 我們先去軍人墳場影花花草草..那裡景色都幾靚, 不過其實我不知道在墳場影婚照會唔會唔 "老泥". 之後再去赤柱大街, 美利樓, 當日勁多 PAIR 在那裡影婚照....之後在酒吧街又忽然剎出一個鬼佬出來和我合照..HAHA..都幾攪笑...最後就去沙灘, 影到六點多就收隊...
今日影相都影得幾開心, 好多謝今日 THE STUDIO 的團隊 CHARLES 同 CANDY , 他們的SERVICE 真的好一流, 希望 FINAL 的作品都是一流啦.
好期待同心急...

<嫁給您> 龍鳳鈪 from 大哥大嫂

尋日同屋企人飲完茶, 大哥大嫂說跟我一起去周登登揀龍鳳鈪, 試了很多對上手, 對對我都覺得好土, 我完全不懂怎樣才叫做靚.....所以最後只揀了一對比較順眼的.

雖然買金鈪有點不切實際, 但屋企人為我買鈪...都覺得幾溫暖...

(其實上面四隻都不是我買的那款 )

我買了的其實是這個款

試完龍鳳鈪, sales 姐姐又拎了幾隻鑽戒出來, 嘩, 其中一隻 $83,000, 粒石好大好閃呀!!! 我同阿嫂都即刻搶住試...

金價這麼高, 但尋日金鋪都迫滿人...原來金真的很受歡迎.

<嫁給您> 1ST FITTING @ MEE WEDDING

等了很久, 今天終於約到時間去 1ST FIT..過程比我想像中快, 只需一個鐘就攪掂.
不過, 今次去睇相簿, 竟然沒有太多款是我睇得上眼的, 好辛苦才揀到 4,5 條是想試的, 全程可能只試了大概十條....老實說, 雖然最後都 HOLD 了三條, 但沒有一條是我勁喜歡的..而最大WOK 的是, 連我上次試完覺得喜歡的今次都只是覺得麻麻地....點攪好?! 希望善變的我, 下次 FINAL FIT 時會忽然又睇得上眼啦.......
不過揀不到合心的應該是我個人問題吧, 人家婚紗晚裝大多是預新娘加鋼紗 OR 大泡泡之類, 奈何我一見大泡泡就想起了小鳳姐 , 所以有點抗拒. 如果我可以放開心胸, 應該會多一點選擇.
1ST FIT 不可影相, 所以不知道我揀那幾條過鏡後的效果是怎樣. 暫時晚裝 HOLD 了紅色和深藍色...而其實我有少少擔心自己個樣 HANDLE 不到深藍色, 怕出來太成熟不襯...
開始覺得攪結婚好煩, 好多東西要去做決定, 而且..錢還不斷在燃燒中....早知, 隨隨便便攪個 LUNCH BANQUET 算啦....

<嫁給您 - 手飾> 結婚手飾

無意中給我發現一個外國網上購物網 ETSY , 裡面有好多 HANDMADE PRODUCT, 本來想在裡面找個超大頭飾, 但不太合心水, 合心意的又太貴, 於是後來轉睇手鏈, 結果買了一條折回才百多元港幣的手鏈回來...
上星期 3 下單, 昨天就收到貨了, 都幾快!!! (由 US 寄來, 運費才 US4.5, 仲平過淘寶!!!!)

包裝都幾有心思, 還有咭片....

成品OK, 不過因為我手腕比常人幼, 所以鬆了一點點, 要想想辦法才可以戴

店主還送了一對耳環給我, 不過我沒有穿耳, 於是送了給伴娘, 她說要在我大喜之日用

這個網裡面有很多個人手作, 好多都好靚而價錢又不算貴. 其實我還有很多東西想買, 不過為免上癮, 我還是少看為妙....

<嫁給您 - GEL 甲> @ Ferrecare (Tai po)

話說上次去影 pre wedding 的前一日, 我出去找人修甲. 無乜 idea 去那裡修, 記得平時路經大埔超級城的 Ferrecare (跟 Modern beauty 同一集團) 覺得它的門面都幾靚幾乾淨, 於是就走入去. 當然, 入得這些"大集團" 都預了俾人 sell, 所以最後我由修甲變成做 gel 甲.
今次是我第一次做 gel 甲, 之前我專登把指甲留長以為可以用得著, 但店員姐姐好狠心地把她們磨到好短好短...之後做的時候, 我不斷問, 指甲這麼短, 我做出來的效果會不會不好看, 但她每次都好肯定地說, 放心不會的.
到完成時, 我見到自己十隻指甲都好笨, 手指公做到又肥又短 (我覺得好似腳指公啊!!), 都幾肉酸.
已經不滿意結果, 但 sales 姐姐還不斷 sell 我 join package, package 價 $5k, 忘了可做多少次...我說不用了, 她仍要不斷 sell 我, 由最初一人sell, 到最後全鋪頭 3 個 staffs 一齊 sell (勁討厭!!!!). 我堅持不 join 並叫她先收今次的錢, card 付了出去, 她硬把 card hold 在手上繼續 up..突然其中一個 staff 好大聲好惡地說 "我已經給你一個很抵的 offer, 你還要考慮什麼??" 當時我心想, 你都痴線, 做乜要兇我?! 最後肉酸的 GEL 甲竟然埋單要 4百多 (已經是試做價啊, 本來是 $2XX, 但 TOP UP 加東加西, 最後變成 $4XX)....頂頂頂!!!! 簡直是超級黑店!!!
做完 GEL 甲, 我完全不想把手伸出來, 一來覺得好肉酸, 二來俾了4 百幾換來這樣的甲, 好似好戇居..連平時好少理我這些東西的蝸牛先生都說做得唔靚!!!!!!
想了很久到底 POST 不 POST 相上來 (因為實在太肉酸, 我接受不了), 但實在很想跟大家分享我這次可怕的經歷, 所以最後還是 POST 了....大家記住, 千萬不要幫襯 FERRECARE (Modern Beauty 現代美容) 的 GEL 甲服務!!!!!!

<嫁給您 - 護膚> Reenex - CPS更生活膚療程

一直都好想去試做, 不過之前覺得太貴, 所以都不敢去試.....但因為要結婚 (哈, 其實可能只是一個藉口), 想到時皮膚狀態好一點, 所以.....尋晚終於踏出了我的第一步....
我今次試做的是 CPS更生活膚療程
功效: 改善暗啞, 粗糙, 油光, 暗瘡, 色班, 缺水
試做的過程好簡單, 第一步是潔面, 之後治療 c 就在面上塗上一些叫 <水基酸> 的東西, 3 mins 後, 再在我面上噴一些中和液..再過水...之後就 ok...
做完立即照鏡, 感覺效果好神奇, 本身的黑頭好似不見了, 面又覺得白淨了...
由於效果神奇, 加上一早已心cc, 所以最後都決定 join. 本來我想 join 12 次的 package 先試試效果, 但如果買 24 次的, 就可以有 7 折...又好似好吸引...所以最後都 join 了 24 次的 package, 大約可以做年半...而又因為本身是 dermes 客戶, 所以又可以減 $500, yeah, 太好.....現在除開每次的價錢...我覺得都可以接受.
太好, 以後不用再到美容院做針清, 好鬼憎每次做完都爛面, 超樣衰又痛.....
希望這個療程真的可以令我皮膚變好啦..期待中~

<嫁給您> 蝸牛先生禮服配件

為蝸牛先生買了 BOW TIE.....for pre-wedding 用...

BOW TIE .....來自淘寶...RMB 25...抵到爛

交叉領帶....同樣來自淘寶....RMB 8.....平到笑

周杰倫示範..

兩樣折回港幣連運費都只是六十多塊, 用一次都抵.....

希望蝸牛先生著起會型仔D 啦...

<嫁給您> Pre-wedding 影相日 @ THE STUDIO

今日終於來到影相日..可惜, 天公不造美...唉唉唉...
前兩日已經開始緊張, 擔心呢樣又擔心0個樣...想不到, 最後真的不能順利完成
其實尋日 THE STUDIO 已打電話來問我想不想改期, 但我見天氣報告只說今天有幾陣微雨, 所以就打算博一博...唉, 我忘了自己是地獄黑仔王, 結果真的出事!!!
不過好彩我們都揀了室內景, 所以今日可以先影室內的一PART. 今天影相的感覺都幾好, 沒有想像中的辛苦, 最開心是中間可以有午飯時間, 而且是吃熱辣辣的飯而不是麵包呀!!! (哈, 我最怕就是要捱餓)
吃完飯, 我倆還在猶豫今天要繼續還是改期...幸好他們說可以車我們過去赤柱望望, 如果雨不大就繼續.....可惜那邊的雨勢比上環還要大....唉..所以最後都決定改期再影...
雖然今日不能一次過完成, 但如果下次只影一個外景, 應該可以舒服一點 (自我安慰中)....又或者個天想我倆對今次的PRE WEDDING 有更深刻的印象, 所以要給我們一點波折...不過, 點都好, 希望下一次可以順順利利!
影完半日相, 我倆都好滿意 THE STUDIO 的安排, 今日所有的工作人員都好 helpful, 好多謝他們明知雨不會停都出車帶我們過去...到臨走又幫我扎返靚個頭, 又准我們自己拿相機出來慢慢拍...真的好多謝他們!!

<嫁給您> Pre-wedding 準備

今日, 好攰好攰好攰!!! 因為下星期二就影相, 今日我同蝸牛先生忙於將道具運送到 studio.
唉...其實 join The Studio 之前, 我倆都忽略了拎衫還衫這個問題, 我覺得要專登去拎衫和還衫都幾哂時間, 不太適合怕麻煩的我......而且, 影完相第 2 天要返工, 又要專登預時間來還衫, 都幾頻撲, 如果一早想到這個問題, 或許我不會 join 這裡...但現在頭已洗濕了, 希望相影得靚啦....
heehe..原本以為我們會很 hea, 不會準備太多道具, 估不同最後竟然都不算少......好期待出來的效果 ...心情開始緊張中~
是日行程 (旺角 --> 銅鑼灣 --> 上環 --> 銅鑼灣)
我們首先到旺角拎道具, 之後要再到 CWB 拎衫, 我倆本來想打的落去, 但 8 折的 CALL 台話無的士 (離哂譜!!!!), 由於我以為不太重 (實情是我拿的不重, 但蝸牛先生的卻很重 我太大意了, 連累了他), 所以我說不如慳一點, 我們坐地鐵過去, 可憐的蝸牛先生今晚兩手應該會酸軟無力.
幾經辛苦終於去到 AGAPE 做 final fit, 試完後就坐的士去 studio 放低所有的道具和衫.
完成使命, 終於舒了一口氣....之後就去了 IFC 逛一會, 再之後就落CWB 拎蝸牛先生的眼鏡和行街街. 我在 i.t. 看中了一對 PUMA, 可惜只剩下 display, 本來我都想買, 但蝸牛先生說可能有好多人試過, 所以最後我都沒有買......heehee...最後我決定返到大埔再去去碰碰運氣, 可惜這裡的 i.t. 連"鞋影" 都沒有, 但我還未灰心, 再去 Catalog 望, hahahah, 果然皇天不負有心人, 這裡有貨, 而且還有85折...yeah!! 勁開心....

<嫁給你> Our wedding ring pillow

這個就是我倆的 RING PILLOW 啦......
其實本來不打算買 ring pillow, 因為律師說他們會提供....不過前排我忽然迷上油指甲, 剛巧見到 JILL STUART 新推出 SWEET BRIDE COLLECTION, 簡直一見鐘情呀!! 而且兩支甲油加一個 pillow 才 $290, 問我點忍~

其實整個系列的 product 都好鬼吸引, 好想全部都買...不過全部買下又似乎有點哂錢, 所以唯有忍手...

<嫁給您> 絲花球到手

我跟 RON 訂的絲花球終於都到手了....好靚呀!!!!

不過, 花會不會太多顏色太雜呢?? 希望到時影相出來的效果好啦.....

KIEHL'S DEEP PORE CLEANING MASK

因為快要結婚, 所以最近都好重視護膚這個環節. 除了皮膚缺水外, 我最不滿意就是自己的毛孔又粗又大又污糟, 經常看見自己的鼻滿佈黑頭, 好煩人! 最近同事介紹了 KIEHLS 的白泥清潔 MASK 給我, 試用後, 效果又真的很好, 即時感覺白了, 乾淨了...有叮一聲的感覺 (哈哈, 我是否太浮誇??) 而最重要是, 這盒應該可用上半年的 mask 才二百塊, 抵到爛!!!!
不過, 敷完這個 mask 皮膚會有種乾的感覺, 所以最好即時敷上一個水份mask...一來可以即時保濕, 二來在深層清潔後再敷 mask, 可以更易令皮膚吸收 ...不錯不錯...

<嫁給您> 揀衫影相 Take 2 @ Agape

終於來到揀衫日, 我需要揀兩條婚紗, 而蝸牛先生就揀一套禮服.
蝸牛禮服款式只得 4 款可以揀, 好彩, 又給蝸牛先生揀到, 不過褲太鬆, 沒有蝸牛先生的 size, 希望改完後真的可以 fit 身一些..
而我, 試了五套, 期間出現了選擇困難症, 因為我揀來揀去的款都似乎差不多, 好彩最後staff 拿了一條不同類的給我試, 試完後就立即可以下決定.
其實今日揀裙時, 我的心有少許掛住 COCOON 的婚紗, 總覺得那邊應該會好一點..可惜已經無得返轉頭......不過, 我知道若我揀了 Cocoon, 到時又可能會想著 Agape 的..反正, 是我心太多..哈...
我的 casual look 還未決定好, 現在只剩一星期多, 我要抓緊一點啦!!!!

<嫁給您> Pre-wedding 開會

今日跟蝸牛先生第二次去 THE STUDIO 開會. 其實上次已好簡略開過一次, 以為影相前都不會再開, 怎料前幾天他們的 STAFF 叫我倆今日再去跟攝影C 開會...
最後, 我們決定了去赤柱影再加多一個室內景, 攝影 C 叫我倆預備 CASUAL WEAR 影室內, 希望可以營造一個舒服自然的效果.....不過, 我有點頭痕...因為我覺得我平時的衫太爛, 似乎不太適合影相....怎算好呢??!
最近看見他們在網上有一些 BAD COMMENT, 本來都有少許擔心, 不過, 今日開完會後, 又覺得 OK.
希望到時有一個風和日麗而又清爽的天氣, 希望到時我倆的皮膚及精神狀態都有滿分...希望到時一切順利~
哈, 不知怎的, 心情有點緊張~

<嫁給您> 蝸牛先生 1ST FITTING @ MODE

因為上次已買了一套老西, 所以蝸牛先生原本只打算在 MODE 租一件禮服就可以, 怎料.... FITTING 完後, 蝸牛改變了主意...最後, 一套變成了兩套, 即蝸牛先生當日總共有三套西裝....勁!! 直迫我, 我都只是一婚紗, 兩晚裝而已..
而原本蝸牛先生又打算揀平腳款式, 不過最後又改變了主遂.....最後, 平腳變成了英式燕尾..
這裡的老西 CUTTING 超好, 蝸牛穿上後, 十分英俊 ...本來我好抗拒白色西裝 (因為好怕懶係白馬王子咁..), 不過蝸牛穿上後, 又覺得幾好.....而因為租一套同兩套的價錢只差一千蚊而已, 所以......最後.......揀了兩套!!
GOOD!! 今日又完成一項!!
後話: MODE 的 SERVICE 真的很好, SALES 好主動又有心機...很不錯~

蝸牛先生置裝

今日同蝸牛先生去買恤衫同鞋, 最初去了 <金都>, 格好價後, 我提議不如都去 <旺角荷李活中心> 望望, 因為印象中記得別人說那裡比較便宜. (heehee...而其實我都想落旺角睇相機)..
結果, 這邊的恤衫比起 <金都> 平成$50, 鞋就平百幾....蝸牛先生又試中了一套西裝, 才 $680, 平過出去租!! 哈, 好少見到蝸牛先生買到一袋二袋....因為節省了不少, 所以蝸牛先生都幾開心.
陪完蝸牛先生置裝, 就到我去睇相機...最後買了 Sony 的 nex 3....這已經是我第3 部的 Sony 相機, 盡管別人說 Sony 相機不好, 但我卻覺得它影出來的顏色很 sharp, 我好 like !! 所以, 最後都放棄了 Olympus, 重投 Sony 的懷抱.
買完相機後才 6 點鐘, 行到又攰, 手上的東西又多, 於是我提議提早吃飯 ...蝸牛先生一早想好再去 <名寶石> 吃西餐, 本來訂了 730, 我們去到 630 不夠....嘩...竟然都要等位...太誇張了!! 等了差不多十五分鐘終於有位.
本來, 我想吃海南雞飯, 蝸牛先生想吃焗豬扒飯. 不過, 看完餐牌後, 我們都改變了心意

紙包海鮮炒飯

(我好奇"紙包"是什麼, 原來是酥皮...酥皮做得幾好, 不過略嫌海鮮少了一點. 但我跟蝸牛都不明白, 為什麼把西瓜和蜜瓜都放進碟裡去...)

銀雪魚併黑豚豬

(我愈來愈愛吃黑豚豬, 這裡的整得幾好吃)

太好, 我的鞋, 蝸牛先生的恤衫和鞋都攪定了. 休息了近兩個月什麼都沒有做過, 似乎其他 ITEMS 我們要趕緊完成了....

<嫁給您 - 求婚> 蝸牛先生求婚了

2010 年 8 月 28 日, 是蝸牛先生求婚的大日子 !! 事情的發生經過是這樣的:
話說蝸牛先生約我今日去赤柱一遊, 他先約我在灣仔警署等他, 然後就一齊坐車入去. 不過我到了後, 發覺蝸牛先生未到, 於是打給他, 他叫我等一會, 他就快會到. 之後在不遠處撞到一位大學朋友仔, 於是就跟他閒聊打發時間...等了約十五分鐘, 蝸牛先生都還未到, 而大學朋友仔聽完電話後又似乎想走, 我以為他的女友已到, 於是跟他說再見.....怎料, 他說跟他一起走, 哈, 當時我以為他玩我, 於是沒有理他就打給蝸牛, 但蝸牛一聽電話就說遲些再打給我...我只好無奈地收線......跟住, 朋友仔個電話又響, 隔一陣他把電話給我, 原來是蝸牛, 蝸牛叫我跟住朋友仔走......
HAHA...這時我終於知道是什麼的一回事...
之後, 行了一陣, 原來再有另一位朋友仔在私家車上接應, 於是我又上了車. 上車後, 朋友仔把手上的一袋東西給我, 是一本書和一部 MP3 (mp3 入面有蝸牛先生唱的歌, 其中一首是他特別為我作的 ). 當時其實邊看有點感動想喊, 但我要面嘛..HA..不想在人面前哭, 所以唯有死忍...heehee...
在車上他們都不肯告訴我要去那裡, 但當車子駛到青山公路, 我就估到了..呵呵...是嶺大, 我們認識的地方!!!
去到 canteen, 又再見到另一個朋友仔, 一家大細的....之後, 就見到蝸牛先生了!!!
他拿著花, 還有介指.....之後對著鏡頭說: 記得以前細過我講過, 希望將來的老公在求婚時拿著介指, 跪在地上說: 嫁給我....於是他就做了以上的動作... 我終於都忍不住流了眼淚....不過當時的我, 只懂傻傻的呆著, 不知給他什麼反應.....
蝸牛先生這個求婚儀式真的給了我一個驚喜. 因為我一直都以為他會揀只有我和他的地方進行, 而我又知道他不喜歡麻煩別人, 想不到他會去約其他同學仔一齊進行這一個計劃...蝸牛先生..我愛您!!
這個有心思又有誠意的求婚儀式, 我很喜歡, 真的好多謝我隻蝸牛呢!!! 我會好好記住這一天, 還要多謝各位今日參與的朋友仔....為我倆製造了這個難忘的一天!!!!

(我最愛的鬱金香, 花語: 永恆的愛....)

<嫁給您 - DIY> 手花

本來都沒有打算自製手花, 一來因為懶, 二來知道自己天生沒有太多的藝術天份. 不過以我的經驗, 真花通常去到下午已經殘, 之後個手花就會變得好肉酸, 而且絲帶又綁不夠實. 後來, 見到別人的珍珠鏈手花又覺得幾高貴, 但出去買的話要成廿幾三十蚊一條, 似乎又不太化算, 於是就決定買材料自己試整.
原來做起上來又不算太複雜, 花了不用半個鐘頭就已經可以完成一條, 打算明天先給伴娘品評一下再去做埋餘下的.

<嫁給您 - 護膚> 內服護理

我皮膚一向都好乾, 連夏天都有甩皮情況, 好怕大喜之日會唔上粉. 於是趁還有時間, 希望可以找到方法救膚.

補水: 蜜糖水

其實平時間中我都會沖蜜糖飲, 但為了加強效果, 我決定 keep 住飲. 最初一個月是每日一杯的, 但一個月後我發現自己重了兩磅 !!!!!, 於是..我改為隔天飲.
我飲的是來自 NEW ZEALAND 的 MANUKA.

活膚: 明治骨膠原

雖然有研究話內服骨膠原是沒有效的, 但...基於想靚, 所以乜鬼都想試一試. 飲了一個月, 暫時不見效果. 不過, 由於太難入口的關係, 所以我應該不會 KEEP 住飲落去!!!

由於我同一時間進行多種美膚行動, 所以我都不太了解我最近皮膚好了是什麼的原因.