2013.11 住家飯

上星期 weekend 兩日都煮得好豐富

星期六, 忽然想食咖哩炒蟹
正常應該買肉蟹去炒
但買蟹時檔主話返左麵包蟹, 又大又多膏, 叫我地試下
最後我0地又真係聽佢講買0左
(不過其實又覺得怪怪地, 麵包蟹唔係應該凍食架咩?!)

隻蟹好大隻, 又真係勁多膏
不過, 我覺得麵包蟹的殼太硬
令我食得唔暢快, 唔like


豉椒炒蜆
最近買了大孖的豆椒
但我同蝸牛先生都覺得平時 cheap cheap 的豆豉反而仲好味
大孖的好似無乜豆椒味


星期日就煮西餐
在 CC Super 買了一塊三文魚
用鹽粷醃一陣就拎去焗, 好味又簡單!!
以前會買三文魚扒, 但原來呢款仲好味, 下次都會買返呢隻

照燒汁焗銀雪魚
其實我鍾意食銀雪魚多d
不過太貴, 成日都唔捨得買


蒜香帶子炒意粉
炒得好差, 好乾, 麻麻地
炒唔到出面食到0個種蒜香


南瓜湯
煲呢個湯一定要買日本南瓜
唔需要落其他材料, 個湯已經好甜


發覺自家煮唔一定比出街食平
我成日諗, 如果晚餐出去食碗麵/ 碟頭飯, 其實仲平過自己煮
但當然自己煮就會健康d
最重要係, 見到蝸牛先生食得津津有味的時候, 會有好大滿足感

住家飯, 給人一種幸福的感覺~
 

 

十一月雜記

最近少咗整包
但就整過兩條香蕉蛋糕
味道正常，但賣相麻麻兼質地唔夠乾身
得閒要再玩過

上次喺添記買咗一條札肉
$45 一大條，又幾抵食
味道仲好好，下次可以再入貨

(扎肉分別有越式同泰式, 泰式有少少辣)

呢兩個月好多 OT, 所以少0左煮飯

而且而加已經無再續碟影

以下幾樣係近期覺得幾好味的

 糖醋排骨菜飯

我同蝸牛先生都好鍾意

最重要係, 糖醋排骨好易整

清蒸海鮮 (鮑魚, 帶子粉絲, 蝦)

 最鍾意食蒸海鮮, 味道好鮮

蜆肉麵豉湯

買了廿蚊蜆用來煲湯

超甜超好味

2014 北海道之旅終於都 cfm, 好開心
最開心係我地張機票係用asiamiles 換的, double happy!!!
機票 free 咗，食同住就可以有多啲quota 啦

今次要再住溫泉酒店, 要食好多海鮮同和牛

真係諗起都興奮!!

下week 重考路試
心情依然緊張
有啲位仲未掌握夠熟
希望到時路面唔好有咁多突發事件啦

*****

寫下寫下, 原來呢篇雜記都幾多0野寫.....

2013.11.17 九龍遊

今個 WEEKEND 跟蝸牛先生又再出城
我們在九龍城 , 尖沙咀 , 佐敦消磨了大半日

首先坐船出發去九龍城食 LUNCH
 我地今日食泰國菜

昌發泰國粉麵屋
九龍城城南道27號地下

我同蝸牛先生都係第一次來
兩個人點了一湯, 一飯, 兩餸, 好飽!!

豬手飯
揀0左豬手飯, 因為 OPENRICE 話佢係招牌菜
雖然無"丁" 一聲咁好味, 但都好味0既
豬手唔會太肥, 飯又多汁, 唔會太乾


冬蔭公海鮮湯
我好鍾意飲冬蔭公湯
但發覺唔係好多地方整得好飲
呢度的太過咸喇, 我覺得麻麻


咖哩魷魚
咖哩偏甜, 我同蝸牛先生都幾鍾意
用來送飯一流


炸蝦餅
我鍾意食蝦餅, 因為啖啖蝦肉, 食得好開心
呢度的幾好味, 唔會太乾


埋單 $191, 都算抵食

食完飯就搵車出尖沙咀
我地今日要出去探輕鬆小熊
@ THE ONE
都幾靚, 如果小人 D 會仲好

迫完一輪, 0係THE ONE 行0左一陣
好彩無0野睇中

之後猶豫夜晚返屋企煮定出街食
最後決定去 sogo 買牛扒返屋企煮意粉
嘩!!  點知入面人山人海
而且唔見有扒 (原來 TST Sogo 無扒買架?)
最後都係決定走人
買唔到扒, 蝸牛先生就提議出街食

最近經常被人話我發福
所以我揀0左去食粥

在附近 HEA 一陣
就由尖沙咀行落佐敦

順德村煲仔生滾粥
佐敦吳松街108號顯發大廈3號地下舖

最近愛上了吃魚粥
通常我會食魚腩粥, 因為啖啖肉
不過今次揀了唔係度度都有的魚鮫粥
食完都係覺得魚腩好 D
因為魚鮫雖滑, 但唔夠啖啖肉


蝸牛先生就揀了羔蟹粥
粥底比較杰身, 但鮮甜
蟹有兩隻, 都幾足料
不過, 我都係覺得魚粥好味 D
 

鯪魚球
超大粒, 入面係魚肉唔係粉, 好味


食完後, 蝸牛先生話唔太滿足
於是又再行去買佢愛的越式法包

添記法式三文治
佐敦渡船角文苑街30號文耀樓地下A號鋪

蝸牛自生一家都好鍾意呢個法包
法包入面有扎肉, 蘿蔔絲, 嚼肉, 豬肉
我咬了一啖都覺得味道幾好

今日行0左超多路
相信應該可以燃燒到 dd 脂肪掛

2013.11 大閘蟹宴 @ hOMe

上星期日終於舉行了我們一年一度的大閘蟹宴
 
今年菜單相當豐富, 先有主角出場

太湖蟹
今年捨棄老三陽, 第一次在金飯碗買
(全因見到佢 facebook 的相太吸引)
雖然無預期中咁多膏, 但都幾好味
大蟹 @ $180 (5 - 7 兩) ; 細蟹 @ $108
我地覺得細蟹比較抵食, 因為大蟹的膏唔算好多

呢隻係細蟹, 都算多膏


蟹粉小籠包
在老三陽買的, $128 八隻, 好好味


糯米飯
時間關係, 糯米飯是買的


薑茶
 

 而加睇返相都好想再食多次
(不過今個星期五會同朋友再食多次)
食埋今次就要封口, 下年再見~

2013.11 郊遊 @ 大美督

終於等到有點秋意, 可以出發去郊遊了
今次的地點係 大美督

由北角出發, 去到大美督需時個半鐘
好遠~

如果要我專登入去, 我一定唔願
不過, 我娘家就在大埔
呢日只係順路返去食飯而已
(其實, 大美督一早已經俾我去到爛)


專登走入來食 LUNCH, 今日揀了西餐

LUCA
汀角路龍尾村64A地下

久仰大名好耐, 不過今日先第一次試, 不過好失望呀!!!

巴拿馬火腿白汁意粉
火腿都幾好食, 不過白汁普通, 而且意粉太粗, 好有港式茶餐廳 FEEL

蕃茄海鮮墨魚麵
好多海鮮, 不過味道就唔算特別好味


另外仲 ORDER 了兩杯飲品
最後埋單要 $37X
我同蝸牛先生都覺得唔值呢個價錢

之後去了堤壩0個邊散步
行極都見唔到盡頭
半路就放棄了

當日其實天色唔算好, 但勝在唔熱


專登由北角帶隻風箏入去
不過太多單車
未放得成功就比路過的單車整斷0左條線
可惡!!!

我倆的第一隻風箏 [遺照]
 

之後在附近行了一陣就出返去市中心

今日的郊遊麻麻地好玩
下次要再發掘新的郊遊地點 

 

 

 

2013.10 回顧

難過的十月終於都過去
考車, 公司趕 deadline, 好大壓力
雖然中間有做到想喊, 想嘔的感覺
不過完0左之後又幾有成功感
最開心係上層都 feel 到我的努力
辛苦總算無白費啦

完0左呢個 deadline
十一月尾又有另一個 deadline 等緊我
然後就到十二月的 year end deadline
沒完沒了.....攰!!

*****
呢餐係未開始 OT 前煮的
實在太鍾意呢隻碟
會令人食得好開心的
不過, 平日無乜機會可以同蝸牛先生一齊晚餐
只可以自己跟自己浪漫
 

 蝸牛先生的周日廚房, 柱侯雞
我同佢都覺得好好味
不過我相信大孖柱侯醬的功勞都唔
 

又係假日蒸魚


*****
北角有一家賣蛋卷好出名的鋪頭
德成號
渣華道64號地下

每朝未夠九點已經大排長龍
然後十點幾已經售罄
雖然我好憎排隊
不過屋企人話想食 (平時佢地咁錫我, 無理由托手踭啦)
上星期六晨早八點就起身去排隊
最後排0左個半鐘先買到
本來想買多盒俾蝸牛先生生
不過一人只限買四磅, 太可惜


******
尋晚趕完 deadline
放工sharp 閃去買餸
不過都係太遲, 牛腩已經售罄
檔主 suggest 我買牛展
估唔到又幾好喎, 爽爽地, 唔"un"


OT 0左咁多日
要燉返個湯補下
姖松茸鮑螺湯
我落足料, 所以都幾好飲
 

*****
終於都來到 FRIDAY
放工去0左 CC super 入貨
在富澤商店一口氣買了兩包麵粉, 橙皮同 Cuoca 朱古力包預拌粉 (好重!!)
我覺得佢的麵粉真係幾好
焗完的包包好鬆軟
Cuoca 預拌粉又係好好味
不過 CC super 成日都無貨
 

 雖然係白麵包
不過剩食都好好味


又買了呢隻豬肉湯丸 ($70, 10粒; $100, 15粒; $300, 60粒)
其實之前0係 sogo 試食過
當時都覺得幾好食, 但因為貴, 唔捨得買
今日0係 cc super 再見到 (因為之後就唔見 sogo 有得賣 lu)
試食完都係覺得幾好味
於是就買0左一包返屋企, 打算同蝸牛先生分享

佢外皮似湯丸, 煙煙韌韌, 入面係豬肉
有點似平時食的醬爆丸, 只係大家的外皮唔同
但佢可以放湯同蒸, 比醬爆丸多一個食法

 十一月
希望我可以捱得過.....