2019.02 京阪遊 ｛Day1｝大阪到著

2019.02.16 ｛Day1｝大阪到著

先講少少前傳

話說上年asiamile 一宣布換日本機票的里數由三萬減到二萬嘅時候

當日我就狗衝上網book

最後換到2019.06 大阪早去晚返嘅機票

當時勁興奮，覺得好抵，二人慳咗二萬里

點知......

突然有一日蝸牛先生話六月好熱，浸唔到溫泉，又冇咩特別景色睇

所以最後就上網改日期

過程唔多講

總之最後我哋total 係用咗十幾萬分去換咗一程商務、一程經濟同一程應該會 forfeit 嘅回程機票

今次真係貪字得個貧

anyway, 最後二月出咗發

早機去晚機返

****

所謂早機，年紀開始大，已經唔想揀十點前嘅機

坐十點幾機

悠悠閒坐地鐵去香港站再轉機鐵

之後入魚蛋lounge 食個早餐就上機

國泰飛機餐有進步，但依然唔係我杯茶


蝸牛先生継續 order 生果餐


四點幾就去到大阪

今次都係住返大阪梅田嘅 Granvia Osaka

因為佢location 實在太方便

今日個 trainee 用咗好多時間同我哋 check in 

一路等一路好鬼心急

因為今晚想去食人龍拉麵

我哋希望可以喺佢開鋪前去到

但最後都攪咗幾個字先有得上房

上到房放低嘢整頓吓就出發

今晚target 新福島站嘅 - 燃えよ麵助

同梅田只相距一個站

我哋都係第一次來

原來呢頭都幾多食店

去到拉麵店已經有成廿幾人排緊隊

對於兩個今日無乜點食嘢嘅人嚟講

係無可能堅持到排隊的

所以我哋放棄啦，改天再食

之後蝸牛先生揾到另一間拉麵店

中華ぞば  (Tabelog 3.62分)

湯㡳同平時食開嘅拉麵唔同

有洋蔥同柚子胡椒味

都唔錯的


由於太凍嘅關係，食完拿拿臨坐地鐵返梅田

時間尚早，當然周圍行吓

行咗Lucca、Grant Front

最後去埋阪急三番街食pancake

之前睇介紹話呢間係原宿人氣pancake 店

Brun side St cafe （Tabelog 3.21分）

講到咁人氣，我當然滿有期望去食啦

通常有期望都係失望

食完之後蝸牛先生再去附近搵食

佢 target 大阪燒

但最後失敗咗，太夜已經過咗 last order

最後佢只係買咗一件袋裝蛋糕返來

而我同蝸牛先生分手後就去書店行咗陣先返洒店

酒店窗外嘅夜景

普普通通

同上次札幌的爭太遠


第一日完

2018 北海道 {Day 8} 再會了

2018.11.03 北海道 {Day 8} 再會了

今次的北海道之旅好好玩

最後一天, 真係好唔捨得

在北海道最後的一個清晨~

十點幾 check out

先去樓下商場行陣, 又比我睇岩條裙

決定食完嘢返來再試

喺北海道的最後一餐打算食拉麵

之前搵到間食雞湯拉麵的

不過 tabelog 話店主上星期要去東京參加比賽

所以要到 3/11 先開門

諗住最後一日會食到

點知去到店主話今日都係休息

結果我哋同兩組日本客人一齊食咗閉門羹

一時間都唔知食乜好

見到附近有間食壽司的, 就走入去食

四季 花まる 時計台店 (Tabelog 3.58分)
呢間係長龍店根室花壽司的姊妹店
根室花係迴轉壽司, 而呢間係續碟 order 的


蟹肉麵豉湯
我覺得都幾好飲

諗住之後出機場會再食多餐
所以都唔係叫咗好多碟

至於壽司就唔算特別出色, 試一次就夠
價錢都唔算特別平, 呢餐食咗差不多五百蚊港幣

食飽就返去買埋條裙, 之後就返酒店拎行李走人 lu

去到機場, 先喺國內線行一陣之後再去 check in
唔多夠時間坐低食嘢
蝸牛先生就買個豚丼上機食




我就買咗個和牛可樂餅


好掙扎想買隻蟹返香港
但最後都係懶得拎

臨走都要食多杯雪糕~

八日嘅北海道之旅咁就完咗
雖然玩嘅地方唔算多
但成個旅程嘅感覺都幾舒服
最開心係喺登別浸咗個好靚, 好舒服嘅溫泉
跟住去到熊牧場嘅風景又意想不到嘅咁靚
真係好開心

完咗今次北海道之旅, 下一站係大阪
所以寫完呢篇又要開始寫埋大阪個遊記~

2018.10北海道 {Day 7} Fine dining @ 円山公園

2018.11.03 北海道 {Day 7} Fine dining @ 円山公園

今日 book 咗食西餐

レストラン・モリエール (Tabelog 4.12分)

其實原先係想 book 另一間的
嗰間餐廳嘅裝修好靚, 而且食評唔差

不過當日佢 fully booked

所以就轉咗呢間  (好彩~)

為咗食, 鼓起勇氣越洋打電話過去 book 位

不過今次我係用英文 (笑)

電話都幾難打, 一係唔通, 一係就無人聽

試咗幾次先打到

慶幸今次揀咗呢間, 因為真係超好食, 超有驚喜

札幌同円山公園都算近, 半個鐘唔駛

未夠鐘食飯, 我哋先喺附近公園行吓, 影吓相

相信如果紅葉滿開會好靚

(我對鞋好殘, 最後買咗對新嘅, 留低咗佢喺北海道)

差不多夠鐘就去餐廳

餐廳唔算好大, 氣氛亦唔算太拘謹, 幾好

坐低無耐就聽到有廣..東...話

原來後面坐咗一枱中年港客
估唔到呢度都會撞到港客

坐低先 order 飲品

去日本我通常只會飲 ginger ale 或烏龍茶

之後就開始上菜

食物好精緻, 擺盤好靚

但唔係只係得個樣, 全部都好好味

真係由頭盤到甜品都覺得好好食

甜品雖然其貌不揚

但超級好食, 唔會太甜亦唔會太漏

食完仲可以添加

(不過已經食到好飽, 無添了)

最後仲有生果

呢餐好滿足. 真係好彩當時訂咗呢間

離開餐廳就向円山公園進發

沿途風景好靚, 我哋喺呢度影咗好多相

原本就係打算 book 呢間餐廳

見人哋打卡啲相好靚架

有機會再去吧

之後再行去北海道神宮

同樣風景優美

閒逛完就返返去市區 (大通, 札幌) 繼續 shopping 行街

無意中發現百貨公司的頂層有美食展

呢度有好多望落好似好好食嘅小食, 簡直大開眼界

可惜, 晏晝已經食到好飽, 無緣品嚐

一直行到晚飯時間

今晚無安排食乜

最後蝸牛先生竟然提出食擔擔面!!

175°DENO担担麺 (Tabelog 3.65分)

我哋都係第一次喺日本食中式嘢

不過估唔到個麵又幾好食

小籠包味道雖然ok, 但塊皮就太厚

食飽就返酒店執拾行裝

明天要返香港了