{敗｝Celine Trapeze

今日敗了人生中最貴的一個袋
Celine Trapeze
睇中咗好耐
但一直唔捨得買
以為自己會好有定力
點知一試就愛上了
雖然冇立即就買
但回家後一直念念不忘
今曰終於下定決心
相約蝸牛先生去試袋
難得蝸牛先生都覺得ok
所以最後忍唔住敗了

呢個袋 Casual 、返工 look 都襯到
蝸牛先生就覺得拼兩色較襯我
所以最後就買了呢個【啡橙】

2013.10.20 {銅鑼灣} 新羅寶

一生人中到底要面對幾多次考試?
讀書時參與過校內無數次的考試, 會考, A Level

仲有細個時考的鋼琴試, 畢業後考的 ACCA

計一計, 原來已經好多年無再考試啦

最近我重投試場, 走去學人考車牌

上一次筆試已經超緊張

今早再完成路試

如我所料

一TAKE 唔PASS

雖然已經有心理準備

但都係覺得唔開心

明明合格與否對我的人生無乜影響

但仍然覺得壓力好大

我相信下一次會更緊張

其實有少少想放棄

(都係安份守紀做個煮飯 C9 算數 )

但又覺得一遇挫折就放棄好似太無用

所以都係俾自己試多次吧

*****

 上星期六學完車, 同蝸牛先生去了好耐無去的

新羅寶
銅鑼灣波斯富街99號利舞臺廣場18樓B舖

我們 ORDER 了二人餐 ($660 +1, HSBC card 95折)

前菜: 我就覺得比以前退步了 (花生都當係一碟?!)
款式唔太吸引

 

半生的牛肉片

呢碟好味, 牛肉唔會血淋淋, 好軟熟

 

沙律

個汁配埋呢堆菜幾好味, 蝸牛先生好鍾意 

 

燒大蝦

每隻都好大隻, 而且好彈牙

 

燒牛肋骨

全晚我最愛係呢碟, 我覺得好好味

 

牛肉鍋麵 (二人前)

一向都好鍾意呢個即場煮的鍋麵

但因為散叫份量太大

所以每次同蝸牛先生都無得叫

今次終於有得食

雖然都幾好味

但就無以前"叮" 一聲咁好味的感覺

 

個湯底好好飲

不過當晚返屋企覺得好口渴 (味精湯?!) 

 

飯後甜品

意想不到的大碟, 蜜瓜好甜

 

計落呢個餐其實幾抵食

跟 set 可以試多幾款

好岩兩個人

 

****

要好好調整心情

反省下自己今日衰乜

下次再戰!!!

 

 

 

 

 

2013.10 自家煮 {附陳皮蒸牛肉餅食譜}

好耐無 POST 過煮飯 BLOG
唔係因為無煮飯
只係最近無乜新靈感
煮的都係翻抄之前煮過的餸

無新意之餘
其實仲覺得自己的廚藝退步了
(明明已經唔精, 仲要退步, 慘了!!!)

以下係煮得比較稱心的餸菜

勝瓜炒墨魚蝦條
好鍾意食呢隻墨魚蝦條
而且好岩用來炒菜 (唔駛剩食菜咁寡嘛)
最重要係方便, 唔駛醃但又好味


陳皮蒸牛肉餅
0個日收工想買牛柳, 點知賣哂
檔主 suggest 我買肥牛 (唔係打邊爐0個d 肥牛片, 佢都係一舊舊的)
俾錢先知要成百四蚊斤
我買三十幾蚊得好細舊咋
我諗下次要買五十蚊先夠食

今次呢個牛肉餅, 我同蝸牛先生都好鍾意
我係跟江獻珠食譜

牛 200g
醃料:
生抽, 紹酒 各 2茶匙
老抽, 糖 各1/2 茶匙
胡椒, 鹽 1/8 茶匙
麻油少許
生粉 2茶匙
陳皮一角
芫茜碎 少許
(其實佢仲要落馬蹄, 不過我無落)

之後蒸約十分鐘, 食得

因為蝸牛先生太夜收工
所以我無等佢食飯 lu
呢度只係我的分量


雙腸炒芥蘭 (臘腸 + 潤腸)
呢個又係一個好好的配撘
而且我地好鍾意食臘腸 同 潤腸
可惜多吃無有益, 只能間唔中食下


咸蛋肉餅
我鍾意食肉餅
不過來來去去都剩係識整呢款


以下的都係出自蝸牛先生的周末廚房

牛肉炒蛋
佢用了我整包用剩的蛋來炒牛肉
 

露筍炒牛肉
呢個先係主菜
我覺得幼的露筍比粗的好味
不過呢晚只係買到粗的


豉汁雞
呢味係我鍾意食的
 

 豉汁蒸倉魚
平日好少蒸魚
因為通常都係我自己食飯先
到蝸牛先生返來就會翻熱 D 餸俾佢
但魚翻蒸就唔好味
所以平日都唔會有魚食
要等周末先有機會食

 

最近又懶0左煲湯
唔知係咪少0左湯水
硬係覺得最近身體差0左
睇0黎都係要勤力 D 煲返D 湯水先得

2013.10.13 {天后} 留家廚房

上星期差不多日日都要 OT
再加上感冒
成星期都覺得好攰

今個月有好多事要完成
覺得有少少壓力
公事: 要交 BUDGET (impossible deadline, 好憎!!!)
私事: 考車牌 (無乜信心, 但又唔想肥佬)
好想快點過完呢個十月

雖然忙, 但有一晚唔駛 OT 都有返屋企焗包
今次棄用牛油, 用了橄欖油
最後成品都算 OK, 不過係矮仔包 (唔夠時間, 用了兩小時快mode)
我諗以後都應該會轉用橄欖油
因為今次都係整白方包
所以無影相

*****
上星期日的 lunch 同蝸牛先生去了
留家廚房
天后清風街9號

久仰大名好耐, 但就第一次試
weekend 都有 lunch set
我們叫了一個二人套餐 ($168 +1, 茶位)
有餐湯, 兩小菜, 甜品

木瓜湯
唔係味精湯, 但好濃, 都幾好飲


焗牛腱
味道有點似黑椒蔥爆牛肉
雖然好味, 但唔夠特別


面醬骨
唔記得係咪叫呢個名
酸酸地, 不過又係唔算特別好味
 

雪耳糖水

唔係好甜的糖水, 我鍾意



 

唔知我地係咪無叫中招牌菜呢
總覺得呢度唔算特別好味
不過價錢又唔算貴
lunch 想食小菜的話都可以一試0既

****
唔知大家有無試過
寫 blog upload 相時電腦會死機?
我試過好幾次都係一 upload 就死, 自動 reboot

2013.10 星野 麵包

未買麵包機就買了星野酵母

一小包都要廿幾蚊, 都幾貴

但據聞用0左包包會鬆軟 d , 好味d

所以都想一試

 

未用前, 以為好難, 好煩 (所以一直唔敢動工)

但原來, 唔難唔煩

 

50g 酵母, 加入 100g 溫水 (30度)

室溫放 24 小時就用得

 

12 小後的狀態

開始有泡泡

 

24小時後, 質地變稀

聞落有點酒味, 都幾香

 

為了可以試真 d 個味

所以今日整牛奶包

外型同我想像中有出入

不過真係幾鬆軟, 幾好味

 

一出爐就同蝸牛先生食0左大半個

剩返的聽朝食

睇下質地會唔會同平時的唔同

(平時焗好的麵包, 通常第二日已經變硬, 唔好食)

 

尋日出旺角, 買了 Carol 的麵包書

雖然入面d 包唔算吸引

但都想學下0野

 

呢個月, 應該係我有生以來食得最多包的一個月

從前的我唔多 like 包

估唔到而加會食咁多

哈哈, 真係世事無絕對~



2013.10 十.一出城

十.一假期

跟蝸牛先生出城 {九龍城}

第一次從北角碼頭坐渡輪過海, 感覺好新鮮

 上網 check 好船期就出發

(船的班次好疏, 半小時先一班, 唔想呆等就要 check 好 timetable)

落船後就轉的士去市中心

今日目標食店係清真牛肉館

等了大約十分鐘就有位

我們今次點了二人餐

 

咖哩牛腩

咖哩汁好香, 牛腩都好淋

麻香雞

味道有點似沙薑雞

普通0左少少

 

牛肉餅

振店之寶

牛肉餅入面好多汁

不過, 我又唔覺特別好味

 

食完之後0係附近亂逛

路經 TONY WONG 有人忍唔住要入去幫襯

 

今日出城收獲好豐富

買了蘋果汁 ($78/兩支), 都幾抵

而且幾好飲

 

又買了巨蜂 ($68), 勁甜勁多汁, 美中不足係有核

仲有芒果糯米飯

同埋班蘭葉 (不過成星期都未處理, 估唔到咁耐都唔爛)

 

等遲 D 天氣涼 D 可以出去郊遊

咁放假就唔駛再留0係市區 lu



2013.10 焗麵包

 

自從買了麵包機後 (P 仔 SD-PM105)

每日都心思思想焗麵包

其實唔係想食包

只係覺得好好玩. 好有成功感 (哈哈, 麵包機焗包, 實在太易)

 

短短半個月

已經焗了六, 七條包

 

橙皮包

喜歡富澤商店的橙皮, 下次要買檸檬皮試

 

北海道 3.6 牛奶包

其實奶味唔算太濃, 我覺得下次可以買 CHEAP 奶代替

同埋我覺得用奶代替水, 包包好似無咁鬆軟

 

抹茶朱古力包

想食抹茶包, 不過搵唔到食譜, 唯有自己亂配

搽茶粉配上朱古力粉

聞落搽茶味好香, 但望落就唔夠綠

我諗下次可以落多D 抹茶粉

 

COUCA 朱古力包

用了 COUCA 朱古力包預拌粉

好香朱古力味, 亦都好鬆軟, 好好味

同事買了焦糖味, 我覺得都好味

美中不足係佢成份有 D 乜劑物劑

不過實在太好味, 我應該會再買....唔係成日食應該 OK 掛

 

士多啤梨包

在富澤商店買了士多啤梨粒

一包都唔平, 可惜唔好味

覺得粒粒有點硬, 而且唔算太香太有士多啤梨味

今次又加了米粉, 感覺包包焗完無咁鬆軟

但質地較挺身, 好易切

 

楓糖麵包

又係富澤商店產品 - 楓糖粒

今次呢個好味, 下次可試咖啡粒

 

基本上我已經迷上了富澤商店

(好難想像第日去到大根國我會點樣)

 

今日又去了入貨

買了高, 低筋麵粉各一包

試完再報告

 

夜晚返屋企又學人養星野酵母種

第一次玩, 唔知成唔成功

不過成個鐘頭見佢都無乜起息

明早再望下先

見到 CC SUPER 呢隻奶特價中 ($7/盒)

心思思又買來整包 (明明之前覺得可以用CHEAP 奶)

我絕對相信整包的成本唔輕

而且會愈玩愈大

長此落去, 荷包一定會瘦, 而體型一定會漲

不得了!!!!

 

 

 

 

2013.09.28 拍拖日

 婚後, 跟蝸牛先生拍拖的機會愈來愈少
為了要尋回昔日溫馨的感覺
呢日決定跟蝸牛先生拍拖去

首先出發醫肚
去了大坑的
Classified
大坑蓮花宮西街1-9號中華大廈地下

蓄茄肉丸意粉
蓄茄汁幾好味, 只係肉丸太過"鞋"


Egg Benedict
呢個幾好味


蝸牛先生的咖啡


食飽飽就出發去戲院
 去看近期都幾 HIT 的 <被偷走的那五年>
出發前並沒有看故事大綱
只知道故事催淚
以為戲種是感動的
點知...........原來是老套

眼濕濕是有的
只是.......嫌故事太韓劇 FEEL (主角通常都有不治之症)
差點以為自己在看 <一公升眼淚> , 好失望!!


之後又去了銅鑼灣
先去富澤商店買整包包的材料
然後就去吃晚飯
今晚蝸牛先生想吃越南菜

越南蔡
謝斐道440號

春卷湯銀針粉
我鍾意食銀針粉
不過好少地方有得食
估唔到呢度有

春卷頗失望
銀針粉的湯頭都麻麻地

越式粉卷
粉卷配沙嗲醬幾好味

牛油雞亦撈檬
雞亦幾好味
但我覺得份量太少
一碗檬粉只有一隻雞全亦

 

 今日過得好滿足
原來兩公婆間唔中拍下拖真係幾開心的

*****
<被偷走的那五年> 故事結尾雖然老套
不過劇中都有令人反省的部份
故事講述夫婦二人原本如膠似漆, 但後來因為工作太忙
導致溝通少0左, 之後發生好多誤會
最後離婚收場

現實中, 其實應該都會有幾多類似的 CASE
所以我覺得婚後除了要保持多點溝通外
最好 KEEP 住新鮮
無咁悶之餘, 關係都會長久一點