2017-18 大阪跨年之旅 {Day4} 神社參拜

2018.01.01 大阪跨年之旅 {Day4} 神社參拜

今日係日本的大年初一

我同蝸牛先生都係第一次喺日本過新年

當然要趁機去感受一下當地的過年氣氛

(不過我哋無去搶福袋)

check out 後先喺京都站搵食

不過新年的關係, 唔多食店有開

最後揀咗間食日式西餐嘅

味道普普通通, 唔難食

之後我哋就出發去八坂神社

呢日真係好多人去參拜

繪馬好靚, 我都買咗兩塊返屋企做紀念

好多攤檔, 都幾熱鬧

冰糖胡佬個 friend, 好甜

 沿住神社周圍行下又影下相, 比想像中好玩

之後行埋花小路就返京都

每次來日本都一定會食雪糕的蝸牛先生

行出車站時俾佢遇見"佢"

濃濃的牛奶雪糕上灑上厚厚的抹荼粉, 好正

(可惜我哋無留意間鋪頭叫乜名) 

返到京都又行咗陣 The Cube

新年好多鋪頭都大平賣, 雖然無想像中咁多人, 但都係太迫無心機揀

之後就離開返大阪繼續我哋餘下的旅程

今次我哋又住返 Osaka Granvia

鍾意呢間酒店係因為佢地點實在太太太方便

位置就喺大阪站上蓋, 而且梅田站轉車比較方便

而今次我哋住 Granvia 樓層, 房的裝置較普通房高級, 例如床褥係用 Sealy

走廊出面有專屬的 reception, 可以幫手 book 下枱同埋直接 check out

另外出面又有一個小小的 Lounge  

入面除咗有電腦之外, 仲有一個小小的飲食區, 所有嘢都係免費的

(不過佢係有開放時間的) 

房亦比一般的大, 有sofa, 廁所係乾濕分離

如果下次再住, 我諗我都會住返呢層

感覺無咁閒雜亦都靜啲

喺房休息陣, 未到食飯時間就出去搵小小嘢食填下肚

不過新年真係唔多鋪頭有開

最後買咗麥當勞返酒店食

其實我係第一次喺日本食麥當當

買啲香港無嘅款式

個甜品又幾好味, 感覺似肉桂味西多

另外個包都好食, 剩係塊包都已經比香港的鬆軟

真係唔怪得成日聽人講日本嘅麥當勞比香港好食啲啦

食飽之後, 有人竟然沖涼上床瞓覺 (才五, 六點)

之後等到差不多晚飯時間就出去食飯

我哋今晚 book 咗枱食元旦晚餐

ピエール @ Inter-Continental  (Tabelog 3.7分)

味道雖然唔算十分突出, 但都岩口味

份量亦唔會太多或太少, 岩岩好

環境同服務都唔錯

2018 年第一日過得好開心, 好精彩

2016.06 Happy birthday to me

又到一年一度的生日

今年終於都 BOOK 到呢間夢幻餐廳

Amber @ Mandarin Oriental

因為正日要返工, 於是我哋提早 WEEKEND 去慶祝

Sat 只得 Wine lunch 供應 , total 6 courses

每道菜會配唔同的酒, 按次序出場
香賓, 白酒 X 2, 紅酒
Total 四杯

酒量淺嘅我, 食到最尾四杯酒排哂喺度, 都幾浪費
不過根據觀察, 懷疑係可以 order 非酒精飲品的

麵包
普普通通
牛油有兩款, 無鹽/有鹽
我同蝸牛先生都覺得有鹽好食啲




前菜
賣相真係好鬼靚, 可惜我本身唔 LIKE 食生的菜
所以我覺得麻麻地

前菜: 松露雞蛋仔
賣相似雞蛋仔
但味道同質地就完全唔係嗰回事
咸咸地, 感覺幾得意

Starter 

Hokkaido sea urchin [蝸牛先生]

蝸牛先生加錢揀咗海膽

不過佢話味道唔算太驚喜

White asparagus [蝸牛太太]

我就揀咗白露筍
配上蛋醬, 味道又幾特別
我覺得好食

Middle course
 Kabocha pumpkin [蝸牛太太]
我揀的南瓜味雲吞
甜甜哋，味道係意想不到的夾
好好食, 我好鍾意

cuttlefish [蝸牛先生]

魷魚切到好似麵條咁, 好薄身, 真係功夫菜

　配埋個汁一齊得都幾好味

Main course

pigeon ‘au sang’ [蝸牛先生]

我試咗一小啖, 感覺有點 "so" 味

不過蝸牛先生就話覺得好好食

Line Caught Renkodai [蝸牛太太]
塊魚味道都幾好, 不過就比較普通


Cheese
唔好芝士的我, 剩係食到最淡味嗰款
相反, 蝸牛先生就食得好開心

食完所有主菜，有類似雪芭俾我哋清清味蕾


Dessert
甜品味道都唔錯, 唔會死甜

我鍾意佢舊雪糕

Derrest

呢碟比較得意，紅蘿蔔做主題，味道都幾清新

蛋糕

冇諗過蝸牛先生會準備蛋糕

所以蛋糕送上來時都幾驚喜

文華出品的蛋糕，無可挑剔

餐廳送上港女餅一盒

係我鍾意的玫瑰味

 

petit 4

其實去到呢度已經好飽

杯朱古力mousse 好味

鳥結糖我冇食但蝸牛先生話好食

其實呢度相比其他 fine dining 的餐廳扺食

剩係四杯洒巳經返本

而且每道菜的味道都好好

只係嫌氣氛有點

 

******

正日為自己準備的烤雞餐

第一次用旋轉烤叉焗雞

原來真係脆皮同均勻啲

望住佢轉好興奮

（不過啲油彈到成個爐都係, 辛苦了蝸牛先生）

是夜晩餐簡單又好味

2016.03.20 結婚紀念日 {五周年}

2016.03.20 木婚紀念日

前幾年的結婚紀念日都係喺日本慶祝

不過今年蝸牛先生請唔到假

所以唯有留港慶祝

3.20 踏正十二點就食 CAKE 慶祝

好耐無買過 Paul Lafayet 的 cake, 水準好似好過 Tony Wong

{Tony Wong 好耐都無出過新款, 已經無乜驚喜}

好趕急咁整咗張卡, 希望蝸牛先生鍾意

到正日, 其實無乜慶祝活動
不外乎都係食同食...嘻嘻...

lunch 去了我愛的燒肉店: 和宴 {尖沙咀}

每次都一定要食佢碗牛肉烏冬, 因為真係好好好好味

呢碗係跟餐加的, size 比較細 (其實都算唔細)

但我決定下次一定要叫一碗 regular size 食到夠

{佢個湯底, 辣辣地, 牛肉味又濃, 真係好正, 如果我識整就好喇}

之後去0左睇戲 <夢之花嫁>

睇完都唔知做乜...無無聊聊咁
浪費咗兩個鐘

睇完戲就出發去食晚飯啦~

今次揀咗 Ritz Carlton 的 Tosca 

揀佢的原因, 唔多唔少係因為佢0既夜景

{話說之前跟同事上過 103樓飲嘢, 當下的夜景真係好靚, 於是好想同蝸牛先生去感受一次}

點知.......

當日的天氣......潮濕多霧

上到去我哋乜都睇唔到, 好可惜!! 

唯有寄望一陣的食物好味啦

{不過我已經唔多記得當晚食咗乜, 下次真係要影低份 MENU}

先上麵包, 份量都幾多, 大約有三, 四款

其中薄薄的我覺得幾好味

其它的就普普通通

迎賓小吃: 唔太記得係乜, 不過印象中味道幾好

頭盤: 頂頭的係腸仔, 呢碟味道都唔錯的 {可能係我鍾意食腸}

前菜 芝士伴蛋: 蛋加芝士, 旁邊係炸脆咗的蒜 

新穎的配搭, 但其實食落味道唔太特別

前菜: 似炸過的麵包包住帶子, 呢個幾特別, 味道亦唔錯

主菜: 食落有啲似肉醬千層麵

但要配埋上面的泡泡一齊食先會覺得特別

主菜  牛: 食落都幾鮮嫩, 不過牛味唔太重

甜品: Sorbet

質地同平時食到的有少少唔同, 入口即散, 完全無口感

味道亦唔太特出

Petits 4

唔會太甜, 都唔錯的

最後餐廳送了一小盒餅乾俾我地做結婚周年禮物

今晚無 VIEW 睇而食物味道又唔算特出, 有少少失望添~
不過, 最緊要係有蝸牛先生陪我慶祝~

之後就係送禮物時間:

我送比蝸牛先生的周年禮物

第一次擁有情侶 {夫妻} 產品

呢對錶唔貴, 但我覺得個款幾靚

佢可以隨時換錶帶, 另一組係尼龍錶帶, 斯文同 casual 都岩襯

蝸牛先生送比我的禮物

VCA 手鏈

簡簡單單都幾靚

話咁快就結婚五周年. 多謝蝸牛先生呢五年的照顧

唔知點解婚後的時間真係過得好快

每日的日子都過得好充實

雖然少咗好多私人的時間

但我都覺得幾開心

希望以後都可以一樣快樂~