2017.12.29 大阪跨年之旅 {Day1} 初到琵琶湖
出發前一星期已經開始病 (咳, 周身骨痛)
雖然已經睇咗三次醫生, 但到出發都仲未好返
8:15 飛機, 6 點就出發去機場
check in 完就去 lounge 食早餐
食完藥 wing 下 wing 下上機
醒下又瞓下咁睇咗套春嬌
話咁快就到大阪
因為今次會先玩京都, 城崎溫泉
所以出到機場先將行李寄去大阪的酒店
(兩個28寸大喼, 今次要 4,200 yen, 比上次貴咗500 yen)
喺香港買咗張免兌換的 JR 廣堿 PASS
第一次用只要去到閘口前俾 passport 職員望下
之後佢吸返個日期落張 pass 度就用得
真係超慳時間
(之前每次排隊換飛都哂好多時間)
機場去京都大約一個鐘
落到車我同蝸牛先生都好肚餓
(因航朝早飛機餐係一碗粥, 真係去幾次廁所已經無哂)
於是搵咗間立食烏冬店
想留肚, 於是兩人叫咗一個飯+烏冬的餐
烏冬麻麻地, 食幾啖已經唔想再食
求其填飽少少個肚就算
今晚我哋住大津站的琵琶湖酒店
由京都轉地鐵過去大約十分鐘
酒店唔近車站 (腳程約十多分鐘), 不過有 Shuttle bus 可以撘
訂咗有露台的海景房, 不過 view 無想像中咁靚
對比返, 上次神戶嗰間正好多
(神戶 Kobe Meriken Park Oriental Hotel)
好彩房間夠大, 兩張大床都瞓得好舒服
期間, 蝸牛先生打算拎個叉電器出來叉電嘅時候
發現原來我帶漏咗個 USB 轉插
OMG!! 咁呢幾日點算? 無電話生存唔到架喎...
唉...唯有出去睇下買唔買到啦
關咗房門先記得兩個都無拎到房卡
真係好倫盡
趁未天黑, 先出去遊湖
呢日好凍好大風, 加上病又擔心無電話用
所以都無乜心機遊 (同埋個湖其實都唔係好靚)
行完就出車站睇下會唔會買到叉電器
呢度都幾荒蕪, 要差不多行到出車站先見到有便利店
好彩, 最後都買到
今晚 BOOK 咗八點食牛
趁空擋我哋就坐地鐵出京都行陣街
行咗 Isetan, 蝸牛先生有收穫
期間, 有人喺地鐵站買咗件窩夫食
由於呢邊出名食近江牛, 所以今晚我哋揀咗食牛
近江かど萬 (Tabelog 3.58分為
平時食開的都有人負責煮
呢度係自己煮, 好唔慣
我哋完全唔知個汁應該點較味
(佢有醬油, 水同糖自己任落)
最初第一round 職員幫我哋落, 點知勁咸
之後我哋自己再加 d 水同糖
結果攪到好似打邊爐咁, 唔好食囉.....
最後有甜品, 普普通通
早知要自己煮我哋就揀燒肉啦
sukiyaki 如果要自己調味的話
咁我自己買牛返去煮都得啦
呢餐價錢唔平, 個餐一人都要八, 九千yen
但完全唔值, 亦都係我喺日本食過最唔好食的 sukiyaki
(只怪我廚藝唔好)今日的經歷都算係一個幾唔好的 opening (sad)
