2016.04 {Day 4} 餓底遊韓國: 明洞

2016.04.26

十點幾 check out 之後就出去行陣

明洞的百貨公司全部都係十一點先開

所以基本上去韓國係可以瞓到自然醒先出去的

鋪頭未開, 唯有先去醫肚

求其搵咗間食燉雞的 鳳家安東燉雞

參雞湯

雞幾滑, 不過唔知點解搵極都搵唔到支參

燉雞

呢個用來送飯其實幾正

海鮮煎餅

點埋個汁一齊食, 好正

食飽飽就去 Young plaza 行街

地下有間 Line shop

手滑買咗隻Brown 返屋企

鋪頭外邊有雪糕賣

3,500 won 一杯都幾貴

不過造型靚, 味道亦唔錯

之後就行吓樂天百貨樓下的超市

都幾多嘢賣, 有啲似日式百貨公司下面的超市

餓底團路過亦不忘買點小吃

之後再行吓明洞的商場

其實已經好攰, 唔多想行

行到兩點幾就去食 lunch

呢間的部隊鍋唔錯的

食完就返酒店拎返啲行李

之後就出發去機場

諗住坐機場鐵路時間會好就啲同快啲

點知剩係一程的士去首爾站都塞鬼死咁耐

之後再計埋行上行落, 左行右行的時間

其實時間同機場巴士差不多

下次都係舒舒服服坐巴士算

去到機場食埋最後一餐就返香港了

四日三夜的韓國之旅

話咁快就完咗

雖然今次病住玩就真係唔多 enjoy

但慶幸中間都無乜大的唔舒服

(無肚痛其實都已經好好彩)

以為蝸牛先生陪住我同阿嫂行女人鋪頭會好悶

點知佢話覺得今次都幾好玩

因為四個人比兩個人可以試到的食物真係多好多

第一次的韓國之旅, 感覺都幾良好

以後除咗日本, 我哋應該有多個國家可以去

*****

出發前在 Lotte 訂好要買的護膚品

上機前喺機場拎

真係可以慳返好多時間

而且價錢仲比出面平啲

韓國真係一個令女人破產的地方

Vant 36.5 的 CC cusion 好滑好貼, 好正~

今次重點要試 Belief 同 Primera 的 product

貪佢標榜純天然

無意中比我發現 ARMANI 的粉底竟然比香港平成二百蚊

唔執輸當然都入返支

****
唔知點解, 返咗香港竟然有少少掛住韓國
好想兩 PAIR 人可以再一齊去多次

2016.04 {Day 3} 餓底遊韓國: 梨大/弘大/鷺梁津海鮮

2016.04.25

出名的 ISAAC 多士就在酒店附近

諗住食早餐前去買件 SHARE

點知十點幾落到去, 條人龍已經好長

最後我哋都係放棄咗

坐的士去梨大的孔陵一只雞

四個人點了兩只雞

肉質無想像中咁嫩滑

不過啖湯就幾好飲

最後加埋個麵條就岩岩好

阿嫂話陳玉華一只雞好味啲

下次有機會都要試吓

之後行落新村站坐地鐵落弘大

點知行到去個站好似荒廢咗咁

最後唯有坐返的士落去

弘大站比我想像中好 SHOP

啲衫好似岩我多啲

最後我同蝸牛先生都有收獲

途經  ISAAC

(就在弘大對面)

呢間有位坐, 而且無乜人

啲人講到咁好食

我哋當然唔執輸走入去買兩件來試

甜甜哋, 但嫌個包拱得唔夠脆

 好食但又未去到驚為天人咁好味

呢兩日都好哂, 下午直頭有三十度咁熱

呢間賣西班牙油炸鬼的, 我覺得都幾好味

行完弘大, 時間尚早

今晚本來計劃食豬手, 但個肚仲未有空間

於是臨時改行程, 坐的士去鷺梁津食海鮮

鷺梁津海鮮

同一般的海鮮市場無分別

不過都叫做乾淨, 唔會有難聞的氣味 (可能係因為我鼻塞聞唔到)

基本上每檔賣的種類都差不多

 生八爪魚

呢個似乎係必食

上枱時仲係郁吓郁吓

魚

用來做刺身同煲湯

其實都幾大條

刺身

清蒸鮑魚/大螄蚶

香港未見過咁大隻螄蚶

蝸牛先生話細隻的好味 D

魚湯

刺身後的魚骨用來煲湯

愈滾愈鮮甜

長腳蟹

蟹唔算好大, 不過就幾多肉

而且都幾鮮甜

沿路行去地鐵站

好有舊公屋 FEEL

見到新大樓已經起好, 我估呢邊隨時搬過去

下站係首爾站樂天超市/ OUTLET

個 OUTLET 就唔多岩買

超市都其實無乜特別

但點都要買少少返來做手信

返到酒店就要執行李啦

之後蝸牛先生同大哥大嫂又去夜宵

夜宵: 雪濃湯

由於我太需要休息的關係

所以我無跟佢哋出去食

叫咗蝸牛先生外帶返來

個外賣包裝好靚

同埋個湯都真係好正!  清得來但又有好濃的牛味

剩係呢碗湯都值得我下次再來韓國

話咁快就已經係最後一晚

韓國比我想像中好玩, 好食

2016.04 {Day 2} 餓底遊韓國: 建大貨櫃百貨/新沙洞

2016.04.24

尋晚瞓得超差 (其實好似無瞓過)

鼻水倒流令我成晚都好似"浸" 親咁, 瞓唔到

蝸牛先生仲未起身

我就一個落樓下諗住唱錢同埋買份 ISAAC 三文治做早餐

點知今日 ISAAC 無開

朝早的明洞, 無乜人

因為要食藥, 在地鐵站買咗袋奶王小蛋糕醫肚

都幾好味, 唔會太甜

之後就出發去 建大入口 站

呢個貨櫃百貨上年先開

仲以為好多嘢行, 但原來得好少鋪頭

個幾鐘已經可以行哂

今日 LUNCH 去咗一間食芝士排骨的餐廳

詹姆士芝士排骨

好多台灣 blogger 推介, 但無想像中咁好味

排骨似平時美式餐廳食到的 RIBS

芝士就似芝心批入面的芝士

反而後加的炒飯幾好味

食完就去貨櫃百貨

行完無收獲就唯有食

呢件 CAKE 唔平, 好似成六, 七十蚊件

但就超大件, at least 要兩個人先可以 K.O. 到

我哋四個人都有少少難度

因為蛋糕超甜

之後就坐的士去新沙洞

據聞呢度係日本表參道

所以出發前好期待

不過可能今日天氣太熱, 再加上病

我無乜心機行

最後買唔到衫, 只係買咗一副眼鏡

Line shop 真係好靚好得意

行到五, 六點就再食我哋的第二餐

元祖醬油蟹

呢間係杜如風介紹的

主角: 醬油蟹

雖然我都好想試, 但我腸胃唔好

我怕我病上加病, 所以最終都係無試

而蝸牛先生竟然話同香港食到的一樣!!!!!

章魚湯

大大隻生的章魚喺我哋面前放落滾湯入面

見住佢臨死掙扎

忽然閃過問自己, 我係味應該食素?

鮟鱇魚

好大碟, 不過其中有好多都係骨同埋好 "un" 的位置

試過就算

蒸蟹

唔食得生蟹的我, 唯有食熟的

雖然膏唔多, 但尚算鮮甜

食飽飽又再返明洞行街

今日我要轉戰樂天百貨

出發前做咗資料搜集, 喺韓國買 Celine 係平過香港的

一直都鍾意 Celine Trio

最後見佢平二千幾蚊, 猶豫咗一陣就決定要帶佢返屋企

不過喺免稅店買完係唔可以即刻帶佢走的

要先比錢, 之後離境時在機場拎

明洞商店街有好多小食鋪頭

餓底團經過都有買少少來試

行完街返酒店休息咗陣又出去食過

不過原來好多餐廳都收十點幾十一點的

最後路經一間叫 <大家> 的鋪頭就比員工 sell 咗入去

食後感: 貴, 極度唔抵食, 似扼遊客 feel

燒牛, 豬

 望色水, 其實唔多靚

不過味道又正常

五花腩

部隊鍋, 貴, 但料唔多

呢日都幾病吓

唔夠瞓再加上鼻水長流

真係掃興~