2015.12 蝸牛誔

2015.12.10

蝸牛先生正日生日
難得蝸牛先生今年放假
本來我都好想可以陪佢慶祝
不過無奈我已經無哂假

咁岩生日前一晚蝸牛先生約0左朋友食飯
咁我就可以放工落 IFC 買蛋糕
之後當晚十二點就開始慶祝

暫時最鍾意都係 Le Salon de thé de joël robuchon 的蛋糕
唔會太甜, 而且 size 岩岩好

同事話佢的牛角包好食, 於是又買0黎試0下
食落唔會覺得好油 (even 用來裝麵包的紙袋都唔會留有油漬)
不過我懶, 無拎熱佢先食, 所以又無覺得特別好食


正日叫0左蝸牛先生來我公司附近一齊食晏

鮨処光
第一次來, 估唔到魚生又幾新鮮
壽司由廚師發板 (亦可自選)
跟餐有茶碗蒸, 烏冬, 甜品
反而我覺得熱食比較失色


夜晚就留家打邊爐
不過唔知點解食完肚痛


我同蝸牛先生都鍾意食
生日係一個好好的藉口出去食餐好的
於是今個 weekend 就出去食個靚 lunch
本來想 book Amber, 不過無哂位
最後揀了港格的 Petrus

入面的裝修好堂皇, 好古典

56樓 的浪漫
可惜今日天色唔多好

先上麵包籃

麵包幾好, 但我覺得牛油唔夠香

前菜, 火腿蜜瓜

呢個普通, 蜜瓜唔算好甜

Starter: 三文魚配鱒魚子

本來猶豫緊揀三文魚定藍蝦, 好彩食完唔覺得後悔

鱒魚子下面塊餅, 少少甜又軟綿綿, 好 match

三文魚都好新鮮

Starter:鴨肝批配紫蘇啫喱及青蘋果味白雪

擺盤好靚

我試吃了少少鴨肝批, 我覺得好食

而且味道無鵝肝咁蘇

Soup: 野菌湯配牛尾卷

奶味同菇味都幾濃, 不過飲到尾聲有點漏

Soup: 香茅龍蝦清湯配龍蝦雲吞

我好鍾意, 特別係湯的熱度

燙口的湯寧舍好飲

碗湯好清, 但又唔會覺得淡而無味

隻雲吞都好好食, 塊皮同平時食到的港式雲吞好唔同

唔會一咬即爛, 有點口感

全餐至 like 呢碗湯

Main Course: 牛仔柳配羊肚菌汁巴馬臣芝士

order 了 Medium, 本來都怕太生

但好彩上枱時唔見佢 "流血"

(不過以酒店來講, 都幾失敗, Medium 竟然變了 Medium well)

錯有錯著, 呢個熟度岩我

唔會太老, 又唔會太生

旁邊的芝士煙煙韌韌都幾好味 

Dessert: 焦糖奶油酥配雲尼拿忌廉

糖奶油酥好脆, size 唔算太大, 所以食落唔會好漏

Dessert: 金蘋果配果酒慕絲及紅莓

金蘋果甜度適中, 配埋慕絲一齊食都幾正

旁邊青色的雪芭 (我懷疑係用來清味蕾的)

酸酸地, 味道好清新

不過唔知點解紅莓有點苦味

呢餐意料之外地好食

唔怪得 openrice 有成九十幾個 like

我覺得可以搵次試下食夜晚

我估應該會仲精彩

同埋, Citibank/ Hang Seng Platinum card above 有 85折

所以都算做幾抵食

****

今年蝸牛先生都算有食神

幾餐都無伏而且幾好味

希望0黎緊一年蝸牛先生都可以過得順順利利 ~