2015.11 {Day 2｝福岡[秋] - 豪斯登堡

2015.11.27 {Day 2｝福岡[秋] - 豪斯登堡

今日原本預約了參觀軍艦島

但前一日收到 EMAIL 話要取消

原因係風太大, 不能上島

好可惜啊~

對長崎市內的其他景點無乜特別興趣

於是決定坐火車去豪斯登堡

今次訂房時加了早餐
因為原本要 8:30 到碼頭集合出發去軍艦島

所以諗住0係酒店食完早餐先起行

前晚嘔完, 無乜胃口, 係咁倚食少少暖下胃

蝸牛先生擺得好靚

好鍾意日本的炒蛋同埋麵包

食完就去買車飛
之後有半個鐘空檔可以行下附近商場
比我見到 Mister Donut, 好開心呀!
因為佢最近有個聖誕 SET
只係JPY 1,080 就可以有四件 Donut 加兩隻鬆弛熊0既碟


第一次食 Mister Donut
本來以為好甜, 但原來又ok 喎
另外泡芙都幾好食

(估唔到可以帶入去樂園食)

個盒都好靚呀, 可惜帶唔到佢返香港

由長崎過去都要個幾鐘車程 (時間同博多出發差不多)
不過好彩中間唔駛轉車同埋有位坐

入口好歐洲 FELL, 好興奮

門票有分幾種

有剩入場的, 有包幾款 GAMES 的, 仲有包多款 GAMES 的

我地買了只包幾款 GAMES 的 (好似 4 千幾 YEN)

第一個玩的 GAME , 觀光船

落0左船就肚餓喇
我地揀0左 長崎洋食 とっとっと
以為樂園的餐廳多數都唔好食
不過呢碟好好食
奄列加汁, 連埋飯一齊食, 我鍾意食

蝸牛先生的漢堡奄列蛋意粉

呢餐約三千 YEN ,都幾抵食
食完就去旁邊的觀光塔 (Ticket 唔包, 要自費)

上到去, 覺得有少少伏, 好細, 無乜人


不過望出去都靚靚地0既, 或者夜晚上來會靚 D


之後好似都無玩其他 GAME 喇
(樣樣都要另外比錢, 都幾襟計)
我地都係周圍行下, 影下相算數










我諗如果天氣好 D 會仲靚
不過呢日唔哂唔熱, 都幾好行
樂園最近夜晚有燈飾睇
睇廣告好似好靚好壯觀
所以我地都專登等佢開埋燈先走

五點半, 終於都等到開燈

 不過又無想像中咁靚

玩到六點就坐車返博多了


未夠八點就返到博多
為了爭取時間 SHOPPING
我地一落車就去 JR Hakata City 行街喇
又買少少手信, 拎到成手0野
中途行到好肚餓, 咁岩有咖哩飯試食, 救0左我一命, 哈哈

今晚住 Centraza Hakata
酒店地點好方便, 就在車站旁邊 (筑紫口)
房間大細都 ok
不過唔鍾意佢的被鋪
好薄, 而且只係有張白色布墊住個底, 感覺好唔衛生

check in 完就去食飯啦

本來打算去酒店旁的居酒屋, 不過無位
後來去了另一間

海風土 (Tabelog 3.52分)
我地都等0左差不多十分鐘先有位
餐牌全日文, 不過有識講國語的職員
(本來佢以為蝸牛先生係韓國人, 俾0左本韓文 MENU 佢)

前菜

刺身, JPY 500 咋, 而且唔差, 勁抵食

餃子, 唔會太乾, 都幾好食

鮑魚刺身, 我覺得有 D 腥
刺身定價 JPY500/ 1,000/ 1,500 (好似係)
抽籤抽中邊個價錢就比幾多錢, 好攪笑~
最後我地抽到 JPY 1,000

牛腸鍋, 好味, 不過唔多抵食
入面只得菜, 牛腸同埋麵 (麵好煙韌, LIKE)

食完飯去0左車站附近睇燈飾
好有聖誕氣氛

夜晚又有士多啤梨做宵夜

開心的日子真係過得特別快
咁就過0左兩日...