2015.11 {Day 3｝福岡[秋] - 博多 天神購物日

2015.11.28 {Day 3｝福岡[秋] -博多 天神購物日

我在福岡的最後一天

前兩日都無買過0野

今日一於要全力出擊

朝早十點, 蝸牛先生仲未起身

我一於爭取時間自己出去行陣先

佢未出到來我已經買了一件衫

今日lunch book 0左枱食西餐

オーグードゥジュール メルヴェイユ 博多 (Tabelog 3.67分)

食物的擺盤好靚, 而且好有特色

頭盤: 煙燻魚

已經唔記得係乜

份子料理，黑色嗰粒其實係薯仔

 一上枱覺得好奇怪, 點鮮咁快上甜品

原來佢朱古力脆皮入面包住鵝肝

感覺好得意, 不過我唔 like 鵝肝的 

麵包普通, 但牛油都幾香 

湯, 味道比較清, 我就覺得麻麻地

葉下面係魚

啖啖肉都幾好食

牛肉好嫩

side dish 都好食

甜品: 白色的薄片我覺得幾好食, 茶味雪糕都好好食, 好特別

Petit four, cake 同餅乾都唔會太甜, 唔錯

呢餐都幾好食, 價錢唔算太貴

其實在日本食西餐比香港化算好多

材料新鮮, 而且賣相靚, 但價錢只係香港的一半多少少

食飽就行博多,天神

行到四, 五點已經好有收獲

於是我提議去舞鶴公園行下, 睇下會唔會有紅葉

我地由天神慢慢行過去, 我諗都行左大半個鐘

點知去到鬼影都無隻 (只得工作人員)

加上天陰, 感覺好荒涼

無葉睇, 而且好凍好攰

所以我地好快就坐車返天神

去 Starbuck 飲杯0野休息下

之後再0係附近行一陣

今晚 book 0左九點去食壽司

餐廳好難搵, 好隱閉

店主唔識英文, 全晚靠另一枱識英文的食客幫我地翻譯

對方都好熱情

大家交流下飲食心得

佢推介下福岡餐廳比我地, 又問返我地香港有乜好食

總之成晚的氣氛好正, 食得好開心

係一次幾唔錯的經驗

講返餐飯

個 set 好豐富, 份量對我來說有點大

前菜好食, 壽司好新鮮

期間有原隻鮑魚同螺

c fu 連埋內臟一齊上

我無食到, 但佢收碟時有問我係咪唔要

而加先知原來日本人係會食埋鮑魚0個條黑色的腸

好肥美的鰻魚

甜品好好食, 柚子 jelly

食到十一點先離開

行去車站時途經一個公園

入面又有d 燈飾

我地0係度影0左陣相先返去

四日三夜的旅程對我來說真係好唔夠喉

不過有得去總好過無得去, 哈哈