2016.09 名古屋 {Day 3.2} 高山溫泉宿 - 花扇別邸

2016.09.16 名古屋 {Day 3.2} 高山溫泉宿 - 花扇別邸

酒店有接駁巴士喺高山車站開出

半個鐘頭一班, 唔駛預約, 都幾方便

一落車就有人迎接我哋

例排入到去會有 WELCOME DIRNK

係一杯冰涼甜嘅綠茶, 感覺似食緊綠茶甜品

不過我同蝸牛先生都唔係太慣飲甜嘅茶

之後就由服務員帶我哋入房

房入面有少少 WELCOME FOOD

不過唔太好食

房嘅內籠就同一般溫泉酒店差不多

有按摩椅 - 加分~

浴室設備幾好, 牌子係 Pola

私人風呂

一邊食住青提飲住酒, 一邊浸溫泉, 真係人生一大享受

忽然又餓餓哋, 見到佢枱面上有牛肉壽司嘅 MENU

諗住食返個下午茶, 點合打去前枱又話無

好彩頭先臨上SHUTTLE BUS 時買咗一舊綠茶甜品

入面綠茶滿滿, 都幾好味

(不過其實我以為佢係綠茶大福餅先買)

喺房 HEA 吓, 又浸吓溫泉, 都幾舒服

終於到食飯時間, 唔知點解見隔離房係喺房食, 但我哋就要去餐廳食

 一入到去已經擺好哂頭盤

至於食咗乜, 我就已經唔太記得

剩係記我有杯梅酒

魚生好新鮮

唔記得佢係乜, 但記得呢碗幾好食

條魚超多骨, 好"難" 食

飛驒牛 - 雪花靚, 有牛味

用來送飯真係好一流

呢餐都幾好食, 份量唔會太多又唔會太少

不過去到十點又覺我有少少肚餓......

但...........呢度無嘢食

唯有早啲瞓

諗住嚟到溫泉酒店會有覺好瞓

點知間房設計好有問題

房就在溫泉嘅旁邊

成晚聽住好大嘅流水聲, 真係嘈到爆!!!!

呢晚.....又瞓得幾個鐘~  唉

2016.09 名古屋 {Day 3.1} 高山漫遊

2016.09.16 {Day 3.1} 高山漫遊 

尋晚都係瞓得唔好, 晨早七點幾醒咗之後就瞓唔返

呢度又係要十點 check out 

真係想 hea 多陣都唔得 

check out 完後就出發我哋嘅高山之旅

可能太早，沿途無乜人

路經飛驒國分寺，又走入去望吓

個寺唔算好大, 我哋只係留咗一陣

蝸牛先生話尋晚個拉麵好味, 於是今日帶我去食

不過鋪頭開十一點, 我哋唯有喺附近行吓先

有少少肚餓, 所以我哋決定拉麵前先食飛驒牛壽司打打底

佔唔到咁早都已經有人龍, 不過只係排咗一陣


有三個SET, 我哋揀咗 C 同 X

嘩, 入口即溶, 好好味呀!
食到好重的牛味
同尋晚嗰餐比真係爭好遠
而且用來墊底嘅蝦片都好好食

呢三件雖然無上面嗰件咁正, 但其實都好好食

食完就行返轉頭行朝市

有好多新鮮生果同菜, 如果我住喺度就發達喇

咖啡, 蝸牛話幾好飲

差不多時間就去食拉麵

麺屋しらかわ (tabelog 3.58分)

鋪頭清一式賣一款拉麵, 亦無其他小食

湯底同平時嘅好唔同, 無豬骨/雞湯咁杰身濃味

不過第一啖入口覺得味道偏咸, 少少失望

(不過蝸先生就接受到呢種咸)

食飽就繼續漫遊高山

行吓行吓去咗高山陣屋

一場嚟到又買飛入去睇吓

呢度以前係代官所, 入面有辨公地方, 廚房, 刑房等等..

感覺都幾得意

呢個咁似官才嘅木箱竟然係用來儲存衣物的!!

呢度比想像中好玩, 我哋逗留咗成個鐘頭有多

出到嚟見到有間廟, 又貪得意買吓護身符

見到啲簽幾我意, 我哋又抽吓, 留個紀念

哈哈, 唔知寫乜

之後慢慢行去老街嗰邊

邊行邊食, 旅行就係咁輕鬆

呢串牛都幾好味, 依然係覺我比尋晚的好味

有人見到雪糕又雙眼發亮

明明我覺我似麥當當雪糕新地, 但當時人話唔似

然後繼續自我淘醉

行到街口, 見到一間賣五平餅的好多人

其實本身無乜興趣, 但見都多人買, 而佢又係高山嘅特色小吃之一

所以又買一串來試

嗯.....佢係一串加咗豉油喺面嘅糯米粉團

真係好麻麻

之後去買吓生果同酒, 就出發我哋去浸溫泉

(待續..)

2016.09 名古屋 {Day 2} 高山行

2016.09.15 {Day 2} 高山行

今日一大早就要起身 check out, 然後出發去高山

酒店嘅 check out 時間係十點鐘

真係好早~

起身食返尋晚個飯團

凍食又係另一番風味

可能因為肚餓, 我覺得比尋晚仲好食

今日會坐兩點幾嘅火車去高山

有幾個鐘時間喺名古屋行吓街

我哋行咗高島屋同地下街

但因為唔想帶住啲戰利品去高山

所以都係齋行

尋晚廚師話名古屋出名食味百烏冬

於是我哋今日 lunch 就去食鳥冬

山本屋 古屋駅前店の口コミ

Tabelog 3.52 分

日本嘅地下街真係好難行

我哋搵咗一陣先至搵到間鋪頭

一去到已經有幾個人排緊隊

好彩最後都只係排咗十分鐘就入到去

先來前菜

烏冬出場, 全部都係用呢款沙煲上枱, 保證熱辣辣

烏冬的款式唔多, 主要係雞肉, 牛肉同豚

我就揀咗雞肉, 蝸牛先生就揀咗豚肉

一上枱就急不及待先飲啖湯 (我係湯怪)

味噌味好濃, 亦即係幾咸

再食麵, 好有咬口, 亦即係都幾硬

我同蝸牛先生都覺得好失望

估唔到咁多人推介嘅烏冬麵店會咁架

食完, 感覺自己哂咗個 QUOTA....

食完之後去落咗高島屋超市買下午茶上火車食

名古屋名物, 手羽先

可能超市買到嘅係凍, 我同蝸牛先生都覺得無乜特別

可能熱食的話會好啲

Harbs 蛋糕喺日本又係好出名

我哋都係第一次食

勁多生果, 似食果盤多過似食蛋糕

不過味道幾好, 唔會太甜

坐咗兩個幾鐘頭車終於都到高山喇

呢度比我想像中荒蕪

我哋住高山呢間酒店又係好方便

喺正車站對面, 樓下又有便利店

價錢亦只係五, 六百蚊晚

Country Hotel Takayama

呢度要求客人出門時要交返低條 key 去前台

我哋試過交低, 然後返房時去前台拎返

櫃台大叔剩係問我哋咩間房就比返條 key 我哋

感覺可以有人隨便亂拎 key 入房都得, 好唔安全

所以我哋之後都無再放 key 去前台 

來到高山一定要食飛驒牛

我哋揀咗又係好多人推介嘅 味藏天國

(Tabelog 3.59分)

六點未夠就已經要等位

都等咗成四, 五個字先入到去

飛驒牛

牛味唔濃, 油花多

食落有種好油膩嘅感覺

我同蝸牛先生都覺得麻麻哋

好失望啊~

食到最尾先發覺加少少鹽吊味會好食過點醬汁

豚肉

無驚喜

雞肉

無驚喜 x 2

牛肉辣烏冬

個湯底酸辣辣哋, 都幾惹味, 好飲

呢碗烏冬我哋喺香港都食過, 同呢度味道竟然有七, 八成似

不過我覺得香港食到嗰碗濃味啲, 仲好食啲

食完飯先係七點幾, 返上房都係無乜娛樂

於是搵吓附近有乜行

上網比我搵到間 24小時嘅超市

都幾大間

行完超市, 行咗去高山老街嗰邊

有人覺得頭先唔滿足

於是走去搵拉麵食

不過我就已經食唔落

唯有自己先返酒店

喺便利店買咗個青森蘋果

又甜又大個

真係唔明點解日本嘅生果會咁好食