2015.10 東京 + 北陸 十天 {Day7} 築地, 表參道, 涉谷, Skytree

[2015.10.23] 東京 + 北陸 十天 {Day7} 築地, 表參道, 涉谷, Skytree

終於都返到市區

要做返市區應該做的事, 就係食同買

今次住 新宿哥斯拉飯店 (Gracery Shinjuku)

呢日出發前先去平台近距離望下呢個地標

之後就去築地

由酒店行去都營大江戶線都幾遠

左兜右兜, 我諗都行左成十五分鐘以上

 好懷念以前住 Sunroute plaza, 一出酒店就係站口

築地出年就搬了

其實好想趁佢搬前試下大和 or 壽司大

不過我真係無咁神心一早起身排幾粒鐘

所以都係試 d 唔駛排隊的

在 Tabelog 搵到呢間 - 神樂 (3.53分)

蝸牛先生的 set 包了一小杯魚子飯

我試了一啖, 無 "叮" 一聲的感覺

蝸牛先生話佢盤壽司都係麻麻地

一早唔敢食太多魚生

所以我揀0左 set 有手卷同燒的 

壽司唔算特別鮮味, 好普通, 有少少失望

食完呢餐, 覺得有 d 哂 quota

我個肚已經無空間再食其他了

但蝸牛先生依然好有胃口繼續掃街

燒鰻魚

燒扇貝

無記錯好似 500yen 一隻

當日客似雲來, 都幾好賺

築地搬之前應該都無機會再來了

唔知到時新場會係點架呢

雜開築地向表參道, 涉谷進發

中途去了明治神宮外苑

雖然未有銀杏亦未有紅葉, 但都幾靚

之後沿路行去表參道, 涉谷

見到間賣 cold pressed juice 的

價錢唔平 (好似差不多成千 yen) , 不過幾好飲同好似好健康

今日我同蝸牛先生都大有收獲. 好滿足~

今晚又 book 0左位食壽喜燒

(heehee...我地兩個月前已經托朋友幫我打電話過來 book)

餐廳在末廣町站

(今次旅程去了好多奇怪的站)

いし橋 (Tabelog 4.12分)

老老實實, 一入餐廳的印象麻麻

職員怪怪的, 而且好冷莫

餐廳得一個餐, 所以基本上入到去只係需要 order 飲品

前菜

我同蝸牛先生都覺得幾好食

蛋放低無耐, 就見到有隻小昆蟲飛0左入去游下游下

好彩佢飛唔返出來我先可以同職員講換過

如果唔係真係溝通唔到　

牛肉 超級靚, 而且份量唔少 

(食完尋晚0個餐, 其實我見到牛有d 驚)

每次食壽喜燒我都好鍾意食粉絲

 好味到不得了, 好滑, 不過都好漏

最後的蛋飯

好特別的煮法, 有點似煲仔飯, 不過濕 d

好食, 不過食到呢度已經好飽

飯後生果

呢餐好滿足

臨走反而職員變得好 nice

出門前仲做0左一堆類似幫我地祁福, 驅晦氣的動作

佢 up 一大堆日文, 唔知做乜, 不過都幾得意

食完飯時間尚早, 於是坐車去 Skytree

原來晚夜都幾靚

本來我地只係買飛上到 350m

後來蝸牛先生話不如加錢上到最高 450m

點知 350m 同 450m 望到的 view 其實差不多, 搵笨

呢晚玩到成十一點, 好攰不過好充實~