2015.10 東京 + 北陸 十天 {Day8} 中野, 吉祥寺

[2015.10.24] 東京 + 北陸 十天 {Day8} 中野, 吉祥寺

今朝一早又起身去搵食

成藏 (Tabelog 4.12分)

高田馬場人氣炸豬扒店

十一點開門, 我地十點半來到

但已經有條人龍

好彩第一 round 可以入到去

我同蝸牛先生各自 order 了不同的豬

我覺得佢的比較肥

但肉質較淋

豬扒唔會炸到全熟, 有少少紅, 所以食落好鮮嫩

(講真, 如果唔係日本真係未必敢試唔熟的豬肉)

另外薯蓉同麵豉湯都好正

呢間炸豬店, 真係值得推薦比朋友

食完就坐車落中野
我同蝸牛先生都係第一次來

去中野唔係睇錶就係睇 Figure

我係前者

本來都十五十六, 因為價錢唔係比香港平好多

不過試完上手後就唔想除

所以最後.........

跌完錢就移動去下一站吉祥寺
今次目標係人氣蛋糕店
鋪頭唔近 JR 站
我地慢慢行過去, 邊睇風景邊散步...感覺好悠閒

a tes souhaits (Tabelog 4.28分)

地點在女子大學附近, 其實都幾遠

唔鍾意行, 可以坐巴士

買了三件

可能期望太高, 我覺得未去到想一食再食的地步

不過, 如果路經呢邊都可以一試

之後坐巴士返吉祥寺站

在車站附近被一間賣燒雞的鋪頭吸引0左
食唔落一隻燒雞, 就買了一隻雞脾 share

買完之後, 我地見佢鋪頭有位, 於是入0左去食

但原來堂食係貴d 的, 而且有最低消費

雖然我地有比返個差額佢

但唔知點解個 staff/ 老闆依然係口黑面黑

隻雞脾幾好食, 不過店員比我地的感覺唔係幾好

同埋唔知點解, 食完之後我覺得超級滯

雞脾累事

到了晚飯時間我依然覺得好飽, 好滯, 好唔舒服

好飽, 但都要去食 dinner

因為今晚我地又 book 0左位

仲要一早訂0左個好豐富的 set, 今次大 wok 了!!

今晚食壽司 - 江戸前 寿し政 別館 (Tabelog 3.7分)

鋪頭在一個好黑好靜的地方

白飯魚

我覺得有 d 腥 (不過蝸牛先生話唔覺)

對於一個原本已經滯到想嘔的我, 食完更加想反胃

 前菜: 味道都 ok 的, 只係我真係太滯, 唔多食得落

蟹膏蒸蛋

呢個真係太漏, 我只係食0左幾啖

刺身好大盤, 呢度係一人份

去到呢度, 我忍唔住用 google translate 同 c fu 講我唔舒服, 想要少 d 份量

好彩佢都明我想點

蟹肉飯, 我只得一小啖, 蝸牛先生係一碗

Dinner set 會有 14 件壽司

我同 cfu 講我只需要 3 件就夠了

當時實在太無胃口, 食得好勉強, 所以評價唔到壽司的質素

好奇怪, 壽司唔係由淡味至濃味咁上的

蝸牛先生話覺得壽司都 ok, 幾新鮮

但又係無"叮" 一聲的感覺

一路食, c fu 都有一路介紹

雖然溝通係有 d 難, 但 cfu 都好努力地用部 ipad 翻譯比我地知

飯後果

呢餐埋單我要收正價 (成萬 yen 一位!!!), 好唔抵
不過鬼叫自己肚皮唔爭氣咩, 下次真係要見好就收...

或者壽司 c fu 都覺得唔好意思

臨走時佢送0左包紫菜比我地
哈哈, 係用來包手卷好大塊0個種
返到香港, 我包過一次卷物, 之後就放埋0左一邊

見食完飯唔算太夜
我地返酒店放低行裝後就出去兜個圈
感受一下新宿的夜晚