天氣涼涼地, 最岩打邊爐
由於鍾意一邊打邊爐一邊飲湯, 所以通常會自己煲湯底
無味精而且感覺上健康一點
蕃茄蟹湯底
入面材料有:
蕃茄四大個, 甘荀一條, 薯仔一個, 廿蚊豬展 (先用高速煲煲一個鐘)
之後加小蟹兩隻, 大蜆八隻, 再滾多半個鐘
另外我又落了約一湯匙的白胡椒, 少少蔥頭
最後加鹽調味就可以開始
買海鮮時檔主話今日泥鯭好靚
我地都係第一次泥鯭用打邊爐
不過我同蝸牛先生都覺得脆鯇好味 D
執了幾隻蝦
鮑魚, 大扇貝各兩隻
扇貝超大隻, 好厚肉
不過佢個殼洗極都好似好污糟咁
所以最後都係用另一個煲焯熟佢算
下次都係用來清蒸好 D
油麥菜
草菇
水餃, 蟹柳
最後加多一個公仔麵就岩岩好
每次打邊爐都食得超級飽
今次終於都控制到份量
湯底愈打愈鮮甜, 好好飲...
個湯底先係亮點所在，咁多海鮮真係勁甜，其實我都好怕成日打邊爐食到over晒...:-P
回覆刪除我唔只打邊爐會食得over, 我係成日都係事後先知自己食得太over...成日都爆肚感覺
刪除個湯底真係好吸引呢~~
回覆刪除蕃茄湯底配海鮮真係好夾
刪除個湯底好正呀! 我都鍾意打邊爐飲湯呢~
回覆刪除雖然明知咁樣唔健康, 但邊爐湯底真係好好飲啊!
刪除