2015.03 - 九州遊 {Day 1} - 著陸

2015.03.21 to 2015.03.29
目的地: 日本 九州

第一次到九州
出發前沒有什麼期望 (皆因呢度似乎好鄉下)
最期望是可以看到滿開的櫻花

九天的旅程將會走訪博多, 由布院, 黑川溫泉, 鹿兒島, 天草

2015.03.21
{Day 1}  著陸
今次終於都唔駛天未光就起身
因為今日飛十一點零五分

八點三出門口, 沿途已經見走0左班車, 激氣

最後等0左差不多成半個鐘先有車.....

習慣了坐國泰, 去到機場好自然咁衝去國泰 counter

同地勤講完坐幾點機去邊度後

佢話我應該係坐港龍

哈哈, 樣衰~

check in 完就拿拿臨去 Plaza Premium Lounge 食早餐

由於時間唔多夠, 所以食0左一轉就走

港龍的飛機餐好似比國泰好食少少

三個幾鐘頭後終於都到達福岡, 好興奮呀!!

機場同市區好近, 我地四點鬆 d 就已經去到博多

0黎緊兩晚會下塌 THE B HAKATA

酒店距離車站大約六, 七分腳程

(博多 SUBWAY, 東5 出口, 之後轉右直行, 見到斜對面有間 FAMILY MART 就過馬路, 再向住 cooking school 的方向行多陣就到酒店)

之前 online 訂0左兩隻碟

去到酒店急不及待拆箱

包裝好靚呀!!!

打開仲靚, 嘻嘻...好開心!!

休息一陣就出去啦

第一站先去買 JR pass 同訂定之後幾日的車飛

晴天霹靂呀!  原定去由布院的班次已經 full 0左

唯有改撘下一班, 到步時間大約遲了兩個鐘

買完車飛就行一陣商場, 附近好似都幾多0野行, 心情興奮中

book 0左位七點食和牛鐵板燒

其實想試 季樂 多 d, 不過佢要電話 book 位
費事煩, 所以揀0左另一間可以 online booking 的餐廳

博多 みやちく（中洲/鉄板焼き）
地下鉄中洲川端駅下車、2番出口

宮崎牛專門店

日文餐牌, 侍應的英文水平亦不太高

雖然佢有幾款可以揀, 但我倆完全唔知佢地的分別

最後唯有亂點, 揀了中等價錢的 set

牛重 120g

雪花亦算唔錯

先來餐前飲品
梅酒

香賓

前菜
最右邊的批, 味道都唔錯

沙律
一向唔鍾意食"生" 菜的我, 對呢碟沙律 no comment

主角出場
宮崎和牛
老實說, 驚喜唔太
覺得香港都可以食到呢個質素
牛味唔太重, 有少少失望

炒飯
炒飯反而有驚喜
加了綠色的香草醬, 又幾特別
好味!

湯
呢碗湯味道都唔錯

甜品
焦糖燉蛋好味
多士係用剛才墊牛肉的麵包去做的 (很好, 不浪費)

後悔無通知餐廳我地係來慶祝周年記念的
因為見到鄰枱的甜品碟有寫字
亦有一支好靚的蠟燭 (放煙花feel)
好似好浪漫

食到尾聲, 餐廳突然傳來廣播
見到廚師門的神色好不安 (廣播一直重覆又重覆地播)
由於是日文的關係, 所以最後我地都唔知發生咩事
只好快快埋單離開

離開餐廳, 在附近兜了一圈
不過大部份店鋪已經打佯

來到日本, 第一棵見到的櫻花樹

買了第一份的戰利品

之前 online 訂了九州橫斷巴士劵
要拎乘車劵, 就要先到便利店 ibon 機付款
呢晚路經 Family Mart, 於是就打算入去拎埋票
部 ibon 機全日文, 好難攪
搵店員幫手, 但竟然連佢地都唔知點用
最後都係買唔到

唔經唔覺, 都成十點幾十一點先返到酒店
第一日都算幾充實

2015.03 週年旅行 {九州} 準備篇

跟蝸牛先生的週年旅行仲有五日就出發
我們將會出走到 日本九州

由於上次北海道的行程太 CHUR
所以今次會以休閒為主

{浸溫泉}
入住溫泉酒店已經係我倆去日本的指定節目
今個 TRIP 會住三晚溫泉酒店

 由布院 草屋根の宿 龍のひげ
朋友仔住過, 感覺似乎幾良好
於是我地又跟

黑川溫泉 秘境 白川源泉 山荘 竹ふえ
在箱根時有住過呢個集團的溫泉旅館
當時感覺超正
所以今次都幾有信心唔會失望

旅館的主題好切合佢的名 - 秘境
好似好 RAW, 有種武林 FEEL
我好期待

天草 天空之船
本來無打算去天草
不過無意間見到呢間酒店幾靚
又無意間發現原來天草都有0野玩
所以最後就 BOOK 了
最想住的房型 FULL 了
最後揀左呢間 , WEBSITE 話可以睇到日落

{食}
九日的旅程, 已經諗好每餐要食乜
屋台, 拉麵, 黑豚, 和牛, 西餐, 壽C
今次好努力去搵0野食
蝸牛先生狂煲 TABELOG (即日本的 OPENRICE)
已預約了好幾間心水餐廳
希望到時我的肚仔唔會扭計

{賞櫻}

三月尾係賞櫻的季節
已經諗好要去西公園
暫時好似仲未開花
希望一星期後真係會好似預測咁滿開啦

今次的旅程會以觀光為主
但我都希望可以有時間去鳩烏

好心急...好想星期六快 D 到~

後話:
今次港龍班機好 FULL
尋日航空公司打來問我地有無興趣轉三點幾出發的航班
為0左補償我地
佢會 UPGRADE 我地到 BUSINESS CLASS
另外再加每人一千蚊的賠償

聽落好似幾吸引
不過三點幾班機中途要停台北
所以差不多九點先可以去到福岡

咁就白白浪費了半日 (原本三點幾到步)
所以最後我地都係 REJECT 了
寧願早D 去到, 多 D 時間去玩

2015.03.07 {鰂魚涌} lunch @ Taverna Del Mar

聽講鰂魚涌有間食喇沙好得的小店, 我好有興趣

於是上星期六一心同蝸牛先生去試

點知去到無開!!  太過份!!

唯有在附近搵食...

見到一間食西班牙菜的小店, 好似幾特別

見OPENRICE 又無乜負面 COMMENT

於是就決定一試

星期六的下午, 人客唔多

只係得一兩枱客

入面的裝修都幾有特色

跟蝸牛先生 ORDER 了兩份 SET LUNCH

前菜

蛋餅唔錯, 麵包就無乜特別

海鮮飯

食西班牙菜, 點都要試一試海鮮飯

我地點了一人份 (佢另外有二人份的)

一放上枱, 我同蝸牛先生就急不及待"筆" 少少0係碟試食

點知老闆娘突然同我地講上錯0左

佢話呢碟係二人份的

於是佢就一邊話唔緊要, 一邊就將碟飯 CUT 開一半再分到我倆的碟上面

分完之後, 佢就拎走了

仲話唔緊要, 我叫廚房煮返一半俾人

雖然另一枱客佢係識得的

而碟飯我地又未開始食

但老闆娘的行為令人覺得好小家

就算碟飯幾咁好食

但印象分已經扣哂喇

豬脾飯

味道唔錯的

不過豬的質地有點似煲完湯的湯渣

老實講. 食物的味道唔差的

只係當日的伙計太遊魂

明明只得兩枱客, 但唔知點解可以不斷上錯菜

而老闆娘分飯的行為都真係幾嚇人

感覺麻麻~

2015.02.22 {銅鑼灣} Lunch @ 抺茶館

假期的最後一日, 無特別節目

同蝸牛先生去了銅鑼灣食 lunch

今次試了一間專食綠茶甜品的餐廳

抺茶館

銅鑼灣軒尼詩道525號澳門逸園中心地庫

甜品以外, 都有熱食

主要以丼, 拉麵, 烏冬為主

蝸牛先生就點了炸雞丼

我先飲湯, 嘩, 一飲就覺得好味精

炸雞的薑味好重, 甜甜地

同韓式的味道好唔同

味道正常, 不過份量偏小

泡菜牛肉烏冬 (另跟一隻溫泉蛋)

鍋下面有火的, 烏冬一直都 keep 住熱辣辣, 讚!!

泡菜湯底好濃, 不過依然係好味精

牛肉一上枱已經有點過老

烏冬似係 cheap cheap 貨色, 無煙韌的感覺

抹茶銅鑼燒

一場來到, 點都要試下呢度的抹茶甜品

抹茶雪糕有點苦

銅鑼燒就一般

整體唔太甜

但無想像中咁好味

埋單二百鬆 D

以呢個價錢來講, 食物質素又算 OK 的

不過試過一次就夠了, 無返兜意欲

2015.02.21 {炮台山} Dinner @ Simplylife

年初三的夜晚

蝸牛先生提議去炮台山的 Simplylife

其實想試 Simplylife 好耐

不過次次都比條人龍嚇怕

好彩炮台山呢間新店情況無咁嚴重

可能係假日關係

呢晚九點多都仲要排十分鐘先可以入座

餐包

一般的餐包都係熱的

不過呢度的係雪凍0左的

蝸牛先生覺得麵包同牛油都好味

磨菇湯

菇味好濃, 都幾好飲

不過應該有味精

魚柳包

好有份量, 食完都幾漏

魚柳炸得好脆, 

麵包脆脆地都幾好食

整體唔錯

松露意粉

個汁好濃, 亦都有好香的松露味, 好食

不過份量偏小

另外跟餐有杯 homemade ice tea (橙茶)

我覺得超好飲!!  

搵日試下0係屋企自己整先

估唔到呢度的食物水準真係唔錯

唔怪得長期都有人龍啦

2015 情人節

今年的情人節同新年好近

為了遷就返 SHIFT 的哥哥

所以情人節要返娘家食團年飯

我跟蝸牛先生的情人節晚餐就改在 2 月 15

其實都只係普通一餐晚飯而已

(反正我地都已經不是情人啦)

呢晚我地都差不多六點先去買餸

扒0係樓下凍肉鋪買的

價錢比 CC Super 平一截

所以味道都爭一大截

蜜糖豬鞍

我覺得質地同味道都同平時買的爭好遠

不過, 佢價錢比平時平一半

黑椒牛扒

反而牛扒質素就差不多

間唔中都可以買來食下

大蝦意大利飯

之前0係一田買0左一pack 意大利米

入面有菇, 番紅花, 香料

不過煮完出來我覺得味道一般

今年的情人節就咁簡單過0左啦~

{送馬迎羊} 年三十團年飯

今年夫家提早食團年飯

所以年三十我地可以食一個兩口子的團年飯

咁耐以來第一次呀!!

今日放半畫, 先去尖沙咀拎之前網購的衫

之後再街市買馬蹄, 芋頭整糕

本來想買魚生飯返屋企食, 但拎住太多0野

唯有拎返屋企先

不過返到屋企就懶得再落街啦

最後, 唯有食公仔麵

餐蛋麵, 永遠都係最好的配撘

食飽就開工整糕

一整就整0左三個幾鐘

到差不多整完的時候, 望下個鐘原來已經六點

於是拿拿臨落街市買餸 (仲要蝸牛先生話今晚可以早放喎)

落到去好多檔口都已經收爐

未諗到煮乜, 再加上時間關係, 於是決定海鮮餐

一支箭衝去北角碼頭買海鮮

好彩, 都仲有少少0野買

買0左條魚, 蠔, 蝦都只係百五蚊

煲唔切老火湯就改做燉湯

再加埋下畫食剩的午餐肉

0係無乜準備之下

呢餐年夜飯有魚, 有肉, 有菜又有湯

都算做豐富吧~

洗完碗, 再食埋今日0係 Pierre Hermes 買的 Macarons

見佢出0左幾隻新味, 於是又試下

白松露, 松露味真係好濃, 不過用來做甜點又覺得怪怪

鵝肝朱古力, 可能我份人比較傳統, 我覺得好奇怪

我始終最愛都係玫瑰荔枝味, 好清香而且又唔會太甜

來年希望一切都順順利利, 無病無痛

2015 蒸糕熱

今年一口氣蒸了四款糕, 好勤力
(其實之前仲試整0左黃金糕, 不過失敗0左)

首先出場有蘿蔔糕

有 HAND BLENDER 幫手仲唔駛刨到手軟添

今年整出來的味道偏淡, 下年要重手返 D

失敗了的椰汁年糕

佢醜樣之餘, 屋企人仲一致覺得無乜味

芋頭糕,, 桂花馬蹄糕

本身唔鍾意食芋頭

不過唔知點解又鍾意食芋頭糕喎

屋企人覺得幾香口

我就嫌芋頭切得太大粒 (愈切愈痕, 後尾已經唔想再切)

出年再整的話, 一定會戴手套切細粒d

屋企人最鍾意係馬蹄糕

有桂花香又唔太甜

其實蒸糕無乜難度, 只係功夫比較多

我個人覺得幾好玩, 哈哈!!

幾日的假期眨眼又來到最後一日

點解放假的日子永遠係過得咁快?!

*****

下個月的今日, 我同蝸牛先生已經0係日本啦~ 好心急呀!!!

芝士包

新居入伙時, 懶勁學人買了一個入牆焗爐

點知用了幾個月都仍然未同佢做到 FRIEND

用新焗爐焗麵包

唔知點解每次焗出來的都係法包, 內軟外硬

最初都覺得幾好食，但就只限即焗即食

一到第二日個皮就會變韌

呢幾個月不斷搵原因

期間試過好多次失敗, 浪費0左好多麵粉同牛油

上星期終於再走去問同事

最後總結係: 我焗的時間太長, 同埋面火太勁

今晚趁得閒我決定再試

最後出爐終於唔再係法包

個皮係軟架!!

不過麵包的組織唔太靚

呢個要再慢慢研究

怕面火太勁, 於是我搵個盤隔一隔麵包頂

點知最後出來包包唔夠色 (我覺得佢好似皮蛋酥)

原來做麵包真係好多學問

真係要做多 d 先會有經驗

(不過成日要食 d 失敗的麵包真係好慘) 

2015.02.07 {銅鑼灣} Lunch @ 東來順

為食二人組尋日又再出動

今次去了東來順銅鑼灣新店

金朝陽心心二期 26 樓

呢度的環境比尖東店高檔, 有海景

不過個人覺得太光, 對眼唔太舒服

蟹粉小籠包

外皮唔太薄, 唔會一夾起就穿

入面的湯雖然唔算好多, 但味道一流

山東手撕雞

雞肉好嫩滑, 好好食

味道同平時食到的手撕雞唔同

再加埋佢附送的醬汁, 超正!!

流沙金球

一向都鍾意食奶王點心

呢個金球完全係我杯茶

奶王餡唔會好漏, 咬開又唔會稀到流哂 d 出0黎

唯一扣分位係佢的芝麻太香 (哈哈, 我本身唔 like 芝麻呀!!)

東來順水餃

見佢改得呢個名, 以為係呢度的名菜

點知食完覺得味道普通

酸辣海鮮麵

呢碗麵好奇怪

當麵同湯一齊食的時候會覺得味道好淡

但如果剩係飲湯又覺得 ok 好飲喎

東來順依然係我地心目中的中菜名店

無論總店定分店, 味道都一流

2015.02.01 周日自家煮

最近公司無咁忙 (touch wood) 多返小小時間

可以0係屋企煮下0野食

上個 weekend 煮了一個 Sunday brunch

(哈哈, 基本上全部都係現成的)

最愛香腸同茄汁豆

同日的夜晚, 煮了一個簡單又好岩食的晚餐

大蝦蒸飯

呢晚 d 蝦好靚好新鮮

本來打算整白灼蝦

不過後來都係轉做蒸蝦飯

我同蝸牛先生都覺得蝦飯比蟹飯好味

清酒煮蜆

本身好鍾意食呢味餸

一來易煮, 二來我鍾意飲蜆湯

牛肉粒炒帶子

呢晚所有餸都係我鍾意食的

第一次買急凍牛柳粒

估唔到味道同質感都唔差

鱷魚肉燉湯

蝸牛先生作感冒

於是即刻煲個鱷魚肉湯等佢舒緩下

除了煮飯, 最近都有整麵包

不過就唔太得心應手

估唔到大焗爐係咁難 handle

焗出來的包完全唔似樣

唔係外皮太脆就係入面唔熟

唉...唔通我真係揀錯0左焗爐?!