2010熱辣辣新加坡之旅 (DAY2 - 2010.06.17) 景點篇

DAY 2: LITTLE INDIA --> ORCHARD ROAD --> THE FULLERTON HOTEL --> SUNTEC CITY

今早起床時有點餓, 於是決定落餐廳先吃個早餐打打底. 餐廳十一點收擋, 我們 10:45 才下去, 本來以為會所剩無幾, 但竟然還有很多選擇. 普遍的質素都幾好, 唯一我吃不慣的是它們那個傳統糕點, 一咬下去, 竟然有淡淡的弧臭味傳出來…好難頂!!!!! 因不想失儀, 我唯有忍著呼吸, 快快把它吞下去.

Breakfast @ Fairmont Singapore

海南雞飯 @ 逸群海南雞餐室

食完早餐返房整理一下就開始我們第二天的旅程. Heehee..今天的第一站是<逸群海南雞餐室>. 由於昨晚吃不到, 所以今天特意早一點來吃. 不過剛吃完早餐, 所以我倆只 order 了一份, 但似乎遭到伙計的白眼. 可能是期望太高, 反而覺得這裡的雞飯又不是我想像中的好吃, 不過醬油做得很不錯, 用來點飯好一流.

食完飯, 我們打算去小印度, 路經巴士站見有巴士可以直達小印度, 於是我倆就決定坐巴士過去. 下車後, 蝸牛先生確定一下我倆的位置後, 就向小印度進發.

小印度

來到這裡, 碰見的差不多都是印度人, 而旁邊的小攤擋就有很多富有印度特色的飾物, 本來我都想湊湊熱鬧買點回來, 不過, 那些全都是裝飾品, 放在家 or 送給朋友似乎又略嫌有點 “阻定”….所以最後什麼也沒有買回來. 小印度並不是太大, 我們行了約一個鐘就已經行完了. 不過, 我覺得這裡也是一個值得來的地方, 因為這裡真的很有特色, 真的感覺自己正身在印度.

下一站, 我們決定到新加坡的購物區 – 烏節路.

烏節路

烏節路是一個名店林立的地方, 其實, 一直對這個地方都沒有什麼奇望. 因為我覺得要逛名店的話, 在香港逛便可以了. 果然, 這裡真的是一個很悶的地方, 我倆走來走去, 都找不到一個合心水的商場想留下. 對一個購物狂的我來說, 這簡直是一個奇蹟!! 雖然期間睇中了一些小飾物, 但覺得價錢貴了點, 所以都沒有把它們帶走. 買不到東西, 我們就去找點吃的…HEEHEE…今趟真不枉此行, 我倆在 ION Orchard 的 FOODCOURT 吃了一碗很美味的喇沙, 好滿足!!!

喇沙 @ ION ORCHARD FOOD REPUBLIC

在離開烏節路的時候, 我倆又在地鐵站附近找了點吃的.

炸物 @ SOMEREST FOOD REPUBLIC <老曾記>

之後回酒店休息一會. 由於蝸牛先生心CC 想知道今天股市的情況, 但酒店的上網收費又極高 (SGD 32 for 24 hrs), 約 HKD 180, 所以他心裡很掙扎. 雖然我都覺得要收百幾蚊上網費很不化算, 但見蝸牛先生今日找了一整天的 FREE WIFI, 我知道他真的很想上網, 而反正我們又要預辦登機, 所以最後都申請了一天的上網.

The Lighthouse @ The Fullerton

今天蝸牛先生在 The Fullerton的 Lighthouse訂了檯跟我慶祝生日, heehee..一間好浪漫的餐廳. 我倆從酒店步行過去, 差不多花了 20 mins, 最後比訂檯時間遲了一點到步. 坐低後, 職員送上一個全英的餐牌…我唯有用我有限的英文去點菜...HAHAHA..

餐前飲品 @ The Lighthouse

餐前麵包 @ The Lighthouse

蝦湯 @ The Lighthouse

南瓜湯 @ The Lighthouse

龍蝦天使麵 @ The Lighthouse

和牛 @ The Lighthouse

差不多尾聲時, 職員再送上一個甜品的 menu, 看完後, 我說我已飽, 不吃了, 若他都不吃就可以走了. 而蝸牛先生則表情有點怪怪的…見他周圍望, 又叫我先去toilet…不過, 因為toilet在下層, 我又太懶, 死都唔願走. Heehee..最後, 蝸牛先生唯有跟我說, 其實他一早 order 了生日蛋糕. Oh…早知我就就去 toilet 啦, 那我回來時就會有驚喜, 我太蠢了!!!

Birthday cake @ The Lighthouse

本來想在附近再拍些夜照, 但因為下雨了, 我們唯有早點回酒店休息. 今晚, 我們又在附近坐巴士回去...

回到 CITY HALL 站, 見時間尚早, 我們到了 CITYLINK 行地下商場. 十時未夠, 但大部份的商店都已經關門. 地下街一直行便是SUNTEC CITY, 不過, 我們只逛了一會就回去了. 今晚, 我們無意中發現了我們的吉祥物…heehee…蝸牛先生說有時間一定要回來把她帶回家.

很滿足的一天....特別多謝蝸牛先生為我安排的生日餐, 我很喜歡呢~~

2010熱辣辣新加坡之旅 (DAY1 - 2010.06.16) 到步篇

DAY 1: CHANGI AIRPORT --> ESPLANADE MALL --> MERLION PARK

抵步後, 我們在猶豫究竟坐的士出市區好還是坐MRT (地鐵) 好, 最後為了慳一點, 所以揀了坐 MRT. 如果我沒有記錯的話, 坐 MRT 出市區一人車費都只是 SGD 2.6 (約 HKD15) 而已, 比起其他城市, 真的是超平. 由於 MRT 在第三航廈, 於是我們便在第一航廈坐無人駕駛到了第三航廈, 過程都不算特別崎嶇, 話咁快就去到地鐵站. 不過, 第一次買飛就有少少 “論盡”, 但都總算順利.

由機場出市區中途要在 TANAH MERAH 站轉一次車, 原本我還以為不用轉, 好彩蝸牛先生醒目, 他見許多人都下車了, 於是就快快叫我下車. 連轉車時間, 最後全程大約花了 40 MINS 就到達了我們的目的地 – CITY HALL STATION.

今次我們住在 Fairmont Singapore, 地點好便利, 就在地鐵出口的商場附近. 不過, 由於商場的指示不太清晰, 所以我們都找了好一陣子, 途中又被人老點, 最後有位好好人的姐姐仔, 她主動帶我們到酒店, 而且還要帶到入大堂, 勁好人!!

上房休息一陣後就開始我們第一個行程.

ESPLANADE MALL <無招牌海鮮>

今晚我們打算吃辣椒蟹, 由於剛到步不太想走遠, 於是我們揀了離我們酒店不遠的 <無招牌海鮮>. 我們看著地圖走路過去, 途經 ESPLANADE THEATER, 明明知道 ESPLANADE MALL 就在旁邊, 但卻不知那個通道可以走過去, 問 STAFF 結果又被老點, 最後要問途人才可找到. 新加坡的路牌指示真的不太清晰, 令人有點迷茫.

坐低研究完餐牌後, 我們 order了一隻 1kg 多一點的辣椒蟹 和 一碟風沙蝦之類的東西. 不過, 蟹的味道不及我想像般好吃, 我還是較喜歡吃泰式咖哩炒蟹多一點. 至於那碟蝦, 蝸牛先生說好味, 但我卻不太喜歡. 最後, 我們還叫了饅頭來點辣椒蟹的汁, 反而我覺得饅頭弄得很不錯…hehee… 由於這裡的侍應有點黑面 (不知是不是嫌棄我們叫得太少???!), 加上食物又不太特別, 所以, 如果有人來新加坡, 我一定不會向人推介這一間吃蟹的.

餐廳旁就是新加坡河畔, 遠望對面就是新加坡地標魚尾獅. 我倆在此邊拍照邊散步到 MERLION PARK, 累得很. 不過, 又有點浪漫呢....hoohoo..

遊完後已經九點多, 不過我倆想到酒店附近的 <逸群海南雞餐室> 吃海南雞飯, 而根據書的資料, 它十時會關門, 於是我們急忙在附近找的士, 但新加坡的 TAXI是非常難截的, 最後我們終於在 FULLERTON HOTEL 對出找到一個的士站並順利上車. 可惜, 去到後發現他已關門 (但當時才 21:45 !!)….而因為其他出名的雞店又不太順路, 於是我倆唯有下車…決定走路回酒店.

2010熱辣辣新加坡之旅 (DAY1 - 2010.06.16) 出發篇

一早坐的士去青衣機鐵站, 之後就直接到機場. 匯合蝸牛先生後, 就到櫃檯寄行李. 雖然一早已預辦了登機, 座位亦已揀好, 但地勤先生卻跟我們說, 今天機位太 FULL, 所以要 UPGRADE 我們到 BUSINESS CLASS. YEAH!!! 實在太開心, 不過為免失儀, 當時的我強裝冷靜..WAKAKAKA..
放低完行李後, 我倆先去吃一個小早餐. 因為知道 BUSINESS CLASS 的餐是勁豐富的, 所以我們都留留肚, 只ORDER 了一個早餐 SHARE 來吃.

[翡翠小籠包拉麵] 生煎包

[翡翠小籠包拉麵] 排骨拉麵

食飽飽後我倆就快快去辦理出境手續, 為的是想去巡鋪. 蝸牛先生知道我最近看中了一個手袋, 於是他說買給我做生日禮物. 而我又不想蝸牛先生太破費, 所以就批准了他以贊助的形式把手袋買下…即是我付一點, 他又付一點…. Hoohoo..真的是未出發先興奮, 袋一買完後就即用….多謝蝸牛先生!!!

上到飛機又是另一個高潮, 因為今次的客機是新款機呢, 所以 Business class 的位比起舊的款更舒適, 更寬敞!! Yeah!!! 座位的每一個部份都可以按自己喜好調較, 完全貼近身形…

飛機餐由餐前小點至甜品慢慢送上…簡直是一流的享受. 如果次次坐飛機都可以坐 BUSINESS CLASS 就好了!! (發夢中~~)

三小時多的航程, 眨下眼就到. 新加坡, 我們來了!!!!!

<嫁給您 - 化妝> confirm MUA

其實最初是想找 Triangle 的 CICI 的, 可惜她沒有期. 後來又問了其他比較出名的 MUA, 但期也是 FULL 了 . 在失望之際, 朋友介紹了她的 MUA 給我, 而且價錢好實惠, 跟足全日才四千多.....不過我五月尾約她, 她要我等到 6 月12 日才可試妝.
後來, 蝸牛先生又想我試試 MEE WEDDING 的 KENNIS, 雖然我覺得 KEENIS 的收費都頗貴的, 而且她沒有跟全日的 PACKAGE, 伴娘妝又要另計.....但因為蝸牛先生覺得化妝好重要, 他極想我去試多個, 所以最後又約了 KENNIS 試妝.
試妝前我好努力地找尋我想要的髮型, 可惜那些新娘全是長髮的...似乎對短髮的我不太合適, 結果最後找得太灰心就放棄了...
試妝日, 除了蝸牛先生外, 我又找了一個對化妝好有研究的大學同學陪我上來, 由七點試到晚上十一時...真的超累....
今晚主要試了兩個造型, 不過始終我的頭髮不夠長, 要用好多假髮才可以 SET 到心目中的頭. 由於我不想額外再付試妝費, 所以最後即場 CONFIRM 了 KEENIS 做我的 MUA.
yeah, 又攪定一樣!!

<嫁給您 - 婚展> 婚紗,婚宴及結婚博覽 6.2010

今日去了行我倆的第二次的婚展, 今個婚展的目標是要攪掂 pre wedding 同當日攝影的 booking, 若完成這兩個大 ITEM 後, 相信我倆就可以休息一會, 不用再為婚禮的事而頻撲.
婚展的第一天是星期五, 因為要返工的關係, 所以只好放工過來. 除了看攝影外, 還去了之前有興趣的 Mode 男禮試 "踢死兔", 蝸牛穿上這裡的禮服都不覺得太大件, 又幾好看...heehee...原本蝸牛怕出面的禮服不岩身, 打算出去訂做的, 但現在試了又覺得OK, 加上用相同價錢就可租兩套了, 比出去造衫更好, 所以最後都決定了租.
上次 EXPO 忘了填 FORM, 所以錯失了得到 FREE TICKET 的機會, 今次終於都記得填 FORM 入會. 我們今日4 點進場, 離開的時間已是 晚上八時半了....實在是太累!!
不過, 今天都很有收獲, 我倆 JOIN 了:

• THE STUDIO 的 PRE-WEDDING
• CONTRAST STUDIO 的 當日攝影
• MODE 的男禮
• 鴻運繡莊 的褂

現在只餘下一些小事還沒有 CONFIRM...現打算六月先休息一會, 到七月時才再開始傾 PRE -WEDDING 的流程, 揀衫之類...太好太好...暫時不用再煩!!!

<嫁給您 - 攝影> Confirm 婚紗攝影 & Big day 攝影

六月的expo, 我倆的主要 target 是 confirm 攝影. 由於聽朋友說由影相到取相, 大約需要三至四個月, 如果我們要避開炎熱的天氣揀在十月拍照, 那取相月大約會是出年的一月. 對於三月就要結婚的我們, 似乎有些少趕. 所以, 我們希望趕快定好影 pre wedding 的公司, 然後鋪排在十月影相.
expo 的第一天, 我們放工趕去了會場, 希望先拿些單張回家研究, 然後第二天就去confirm. 不過, 個半小時實在不太夠, 我們只拿了幾間公司的資料. 本來我對大公司比較有信心, 不過又覺得他們的相很千篇一律, 沒有特色. 今晚無意中給我們發現了 THE STUDIO , 覺得他們的排版很精美, 而拍出來的相亦很有風格. 不過雖然真的很喜歡, 但就覺得價錢高了一點....所以都要回家過過冷河, 想清楚.
第二天再去的時候, 我們差不多每間攝影公司都入去坐低看相簿, 不過, 原來聽人 present 都是一件幾疲累的事情...聽到我差點想睡. 最後, 經過五小時的搏鬥, 我倆終於篩選了三個合適的單位:
1) THE STUDIO
好處: 排版跟相都好靚, 而且可以去COCOON 借衫影相
壞處: 影PRE WEDDING 同WEDDING DAY 都好貴 (兩樣夾埋要 $38800!!!!)
2) CONTRAST STUDIO
好處: 相影得幾好
壞處: BIG DAY 攝影的價錢 OUT 了少少 BUDGET
3) ABLE STUDIO
好處: 同時 Join pre wedding 加 Big day 可減 $4,000!! (兩樣夾埋才兩萬多一點, 勁抵!)
壞處: 相不時影得太差但也不特別好. 另外又怕兩樣攝影揀同一間公司的風險太大
最後, 我們找了個空位商量了一會, 結果就揀出了勝出的單位:
PRE WEDDING: THE STUDIO (好期待可以去COCOON 揀衫..)
WEDDING DAY: CONTRAST STUDIO
OH, 終於攪掂所有比較大的 issue, 真的鬆了一口氣.
不過, 回到家卻發現 THE STUDIO 的單有些問題, 如: 優惠只限在2010 年9月30日前拍攝, 拍攝日期寫錯了2011 年, 只送回60張 SOFT COPY..........等等...第二天打給對方時, 她又跟我說不要怕, 但其實我又有點怕, 結終都是覺得白紙黑字改清楚會比較安心一點, 還是讓蝸牛先生再打去跟他要求修正好些. 唉....希望真的沒事啦....

<嫁給您 - 婚戒> 買戒篇

話說之前已跟蝸牛先生去了 Van Cleef and Arpels, Cartier, Tiffany, 周大屋等等睇婚戒, 試來試去都覺得 Van Cleef and Arpels 最好, 不過, 又似乎貴了一點.
今日決定再去試多次, 第一站重臨 VCA, 雖然感覺不及上次般有驚喜, 但依然很好. 第二站去了 isquare 的 PN, 我們試了很多, 不過始終覺得款式不太合心水. 第三站去了半島的 Tiffany, 其實上次已去了 1881 那邊的分店, 但卻完全揀不到一對合心意的, 但今次sales 姐姐好落力地推介, 在試了幾對後, 終於給我們揀了一對岩心水的...但奈何我的手指太肥...戴上去後手指有一團肉走了出來 , 但大一圈的又太鬆. 由於 Tiffany 的比 VCA 便宜一點, (一對差不多平 $5,000!!!), 所以又開始心大心細. 於是我倆決定再去 1881 的 Tiffany 試多一次, 希望看清楚手指那團肉會不會太誇張. 不過, 這邊的 sales 服務太差, 硬是不肯給我試一個合適的 size, 說什麼先試款, 試岩 confirm 買的話才可給我一個合適的 size!!! 我心想, 不給我一個合適的 size 我又怎知自己戴得好不好看??! 真吹脹!!!! 基於服務實在太差的關係, 我們決定放棄了.
不過, 因為 Tiffany 平五千的關係, 其實我倆的心是幾掙扎的, 但我又在想, 戴一世的戒子, 是不是應該以舒服為首呢? 而且, 這對戒子會跟我一世的, 我想揀一對自己真正喜歡的.
於是我們再去 VCA 試戴多一次, 而最後跟蝸牛先生商議後, 決定買 VCA 作為我倆的婚戒.
蝸牛先生, 真的多謝你呢...我知道對你來說, 婚戒可以買得便宜一點, 但你為了令我開心, 所以最後決定買了這一對......

(我還以為自己一定會經常偷偷地拿出來戴, 不過竟然出奇地沒有喎....heehee)

<嫁給您 - 場地佈置> Confirm 場地佈置

本來覺得專登找佈置公司去裝飾會場有點哂錢, 因為套餐價最便宜的都要三千多元, 之後再左加右加裝飾品, 可能又要多幾千, 變相最後埋單要成六, 七千蚊, 似乎有點不化算. 不過後來看過別人的 blog, 發現有佈置跟沒佈置的真的差很遠, 所以最後都加插了這個 item 在我們的 budget 內.
在網上找了些資料, 最後揀選了幾間合心水的, 第一間是 Sans Deco Wedding Decoration, 可惜已full, 第二間揀了 Wedding Art, 而第三間 K&S 則因為酒店派了$500 COUPON 所以想上去望望.
我倆先去Wedding Art interview, 職員首先給我們看一些他們過往的製作, 於是我以為我要在當中揀我喜歡的再翻做, 但原來他們盡量不想重覆每一個佈置, 希望每一對新人都可以有自己獨特的一個設計, 這點我覺得幾好, 因為我看過其他公司的blog, 確實真是倒模的去製作, 看到令人有點膩. 由於即場落訂會有一些特別的優惠, 加上我們也覺得設計很不錯, 於是我倆在旁邊商量了一會就決定落訂了.
詳細的佈置 detail 要待我揀好衫時再商討.....heehee....真希望可以有一個令人有深刻印象的佈置. 不過, 這個項目又 out budget !! 因為我們的場是必須佈置門口及走廊位的, 所以被迫要 join 一個比較貴的 package...而且, 我們的台是紅色的, 感覺上有點老套, 蝸牛先生好想加一塊白色的地毯, 因為他覺得不加的話, 會浪費了整個佈置, 雖然我都好認同, 而且加了後的確是幾靚, 但一塊白色地毯要 additional 再加千六蚊, 我覺得好很貴呀!!! 還是慢慢想清楚再作決定.
anyway, 又再confirm 一樣, 實在太好. 而且我倆又是即看即confirm, 太有效率!!!!

<嫁給您 - 花球> 絲花球

本來沒有想過要買一個絲花球, 不過有次在別人的結婚 blog 裡看到一個好別緻的花球, 於是又心 cc 想買一個.
對方的花球是在 ron's gifts flower design 訂的...花球最吸引我的地方是她綁上了一條珍珠鏈....這即時令整個花球變得好優雅好特別同好有氣質. 可惜.........SEND 了 EMAIL 給聯絡人, 卻遲遲都得不到回音..

其實去到這個階段, 個心已經好想擁有一個了, 再加上一個絲花球才三百多塊而已..買一個都不算太過份吧...heehee...於是, 我又繼續四出找尋我的絲花球供應商.

在我左揀加揀之下, 最後找到了 TrueloveFlower...我喜歡她的花球做得夠真!! 而且EMAIL 聯繫也好快得到回覆, 選她應該不會有錯.

當我差點要決定之際, 忽然收到 RON 的回覆, 於是最後跟她落了 ORDER. 不過, 她人始終比較難找, 所以或許要冒些險, 我已預定了心理準備最後拿不到花球, 若真的沒有, 到時唯有用 THE STUDIO 提供的花球來影相呢.

<嫁給您 - 禮服> 第一次試衫

最近在結婚雜誌看了些婚紗和晚裝的介紹, 結果被一間叫 MEE wedding 的婚紗鋪吸引著... (因為我覺得這間的婚紗幾配合到我 style (青春 + 可愛 )), 於是趁今日假期就預約上去試衫.
這裡只可 free 試兩條裙, 於是我揀了一條婚紗和一條晚裝去試...結果...兩條我都超喜歡!!! 我好想立即下訂, 不過蝸牛先生說回去考慮一下再決定....於是我就帶著不捨的心情離開.
之後我們去了 EATON HOTEL 取回那份正式的合同和一些 COUPON. 在途經恆豐的時候, 蝸牛先生說裡面有間男禮都不錯, 於是又入去看看. 可惜這裡只有訂造沒有租的, 於是店員就提議我們到百利的分店看看, 因為那裡的是可以租的.

離開 EATON, 我們就去了百利那間分店, 不過, 蝸牛先生似乎找不到合心水的. 於是我們就在附近再看看, 路經一間本想留下 FITTING, 但店員卻說現在正忙, 叫蝸牛先留低電話然後一小時內再 CALL BACK 我們回去.
由於今日沿途我不斷轟炸蝸牛先生的耳朵, 一直在說我很掛念那兩條裙, 覺得那條婚紗好襯我之類的說話.......所以最後蝸牛先生終於都被我說服了去了落訂. 呵呵...真好, 又攪定一樣....想不到試一間就給我找到合心水的 (雖然可能會有更好的, 但....我怕選擇多了又令自己心煩, 所以, 還是快快手手決定, 不再看其他了).
蝸牛先生在 MEE-WEDDING 都有試穿兩件 "踢死兔", 不過他實在太瘦, 就算穿最小號的都有鬆位....所以, 最後決定我先 JOIN PACKAGE, 他再出外找他的心水.
今日回家再看雜誌, 原來剛巧我今天揀的, 全上了雜誌...呵呵, 我揀的原來是熱門...

<嫁給您 - 場地> Confirm 場地

今個星期我們已篩剩兩個心水場地, 一是MEGA BOX 的喜百合, 而另一個逸東酒店的JADE BALLROOM.
蝸牛先生比較 like 喜百合, 因為他覺得美心集團的食物質數有保證, 而且 MENU 價較為合理. 他雖然覺得逸東也OK, 但價錢就比喜百合貴. 而我則喜歡逸東多一點, 因為地點較方便, 而最重要是可以包場. 不過, 其實我都好LIKE 喜百合的MENU (基乎每個菜經理都可以替我們更改, 而且菜式比較特別), 可惜我們圍數不多乎合不到他們包場的 MIN CHARGE, 而不包場就要跟街客共用一場, 感覺又似乎不太好.
今星期再去多一次喜百合, 雖然今次覺得個場不及第一次的靚, 但經理好好人, 好多事都可以商量, 彈性很高, 所以又加了不少分數. 而逸東, 本身我倆的心水日子都沒有期, 本來以為逸東無期就可以下定決心揀喜百合, 但之後我們多事地再揀了另一個日子問期, 對方答覆竟然是....有期!!! 天啊....兩間都有好處有壞處, 真的不知該怎樣下決定!!!!
我懷疑我們患有嚴重的選擇困難症, 雖然只有二選一, 但我們都很難下決定. 因為我想遷就他, 而他又想遷就我...我們為了在那裡擺酒足足煩惱了一星期 (其實可能只有我..因為蝸牛先生覺得不需為這些小事太煩).
於是最後決定再去多一次逸東看看個場. 第二次看, 感覺又OK, 只是他們企得太硬, ADDITIONAL 的優惠不多, 令我有點失望. 在離開逸東後, 我們去了麥當勞"過冷河", 希望再想清楚究竟那一間比較好. 雖然我知道蝸牛先生較 LIKE 喜百合, 但他為了遷就我而跟我說決定揀逸東. 而我, 仍然心大心細中, 因為其實喜百合也不差, 只是不可包場而已. 離開麥當勞, 我們很傻的在逸東門口糾纏了很久, 最後在人家的門口擾攘了近半個鐘, 終於決定入內落訂.
落訂的一刻, 心情有點矛盾. 開心, 因為終於可以下到決定, 煩少一樣, 不開心, 是因為又要蝸牛先生遷就我. 在等待職員的期間, 心又好像有點後悔, 之後連寫個人資料都有點緊張 (緊張到我差點寫不出他的電話號碼!!!)...
今日, 終於決定了第一件事. 希望餘下的 item, 不要出現太多choice , 我真的很怕做選擇呢!!!
後話: 真的好多謝蝸牛先生. 今天他跟我說, 其實擺酒是為了讓我開心, 所以一定要揀一間我喜歡的. 聽後有點感動....亦覺得自己好幸福...可以找到一隻事事為我著想的蝸牛..蝸牛蝸牛, 多謝您呢!!!

<嫁給您 - 場地> 睇場記 Take 2

這次是第二次的睇場.

昨天和他的屋企人到又一城吃飯慶祝母親節. 因為蝸牛先生遲了放工, 原本我只想順道去 <翰騰閣> 拿些酒席資料回去跟蝸牛研究, 怎料最後變了我單拖看場...
翰騰閣 (18-23圍, min paid: $100k)
這裡可以筳開48席, 不過我們這些小戶人家就要間場呢. 場內環境不錯, 雖然沒有水晶燈, 但樓底都算高夠光猛, 而且新娘房夠大又有洗手間. 還有, 酒樓的招呼都好好, 本來我只是打算拿些菜單回去參考, 但伙計示意我入內坐低, 還開了一壺茶給我, 等了一會後, 部長就出來帶我看看這裡的環境, 很熱心.
本來一直都好抗拒間場, 因為我的思想還停留在十幾年前, 以為間場就只是用一塊上下不到頂的屏風間起就算, 但昨晚一看才發現原來現在間場是密籠的, 就像是另一間房一樣. 而酒樓亦會多開另一個門口, 讓飲宴的賓客和散客分開, 似乎感覺也不太差.
本來擔心這些酒樓在籌辦婚宴上沒有太多的經驗, 但從她拿出來的相簿及 TABLE STAND 來看, 他們應該是幾有經驗的. 而且, 很喜歡他們有廿多款帖讓客人挑選, 感覺很貼心.
雖然我未試過這裡的食物, 但昨晚個場都幾FULL, 我想應該都不會太差.
以酒樓來說, 暫時幾滿意這裡, 後來蝸牛先生又單拖一人來看場, 不過, 他已經心有所屬了.
逸東酒店明珠廳 /翡翠廳/ 彌敦廳 (max: 16/18/23 圍, min paid: $85k/$100k, $100k)
逸東一向都是我的心水, 因為場夠四正, 最重要是岩 BUDGET. 其實看完後無論價錢及OFFER 都幾滿意..可惜......想要的翡翠廳已 FULL , 剩下的明珠廳又太細....無計!!

鑽石山聘珍樓 (max: 25 圍, 15 圍已可包場)
揀聘珍樓是因為他的食物出名好食, 雖然 BUDGET, 間隔都幾滿意...可惜.....我倆都極不滿意他的所在地---荷里活廣場. 感覺 cheap cheap 的....最後唯有捨棄 (若不是地點問題, 我相信他一定可以勝出)

Mega box 喜百合 (max: 23 圍/ min paid: $120k 包場)
一去到門口已被那個大大的水晶燈吸引著, 再望入去, 是一個很西式的格局, 高樓底, 又有我至愛的水晶燈...好靚呀!!!! 而且他是美心集團的, 相信食物會有一定的水準. 唯一不足是怕我們最後不夠18 圍, 這樣的話, 變相一圍會很貴, 另外, 賓客要再轉一程車才可以去到 Mega box, 好像有點不方便. 不過, 由於蝸牛先生很鍾情這裡, 所以相信這裡勝出的機會都幾高.

<嫁給您 - 場地> 睇場記 Take 1

由於想在六月的 expo book 場, 所以希望在這之前先看場, 到時就可以立即落訂. 其實一直都希望設宴的地方可以在酒店進行 (因為我愛高樓底加水晶燈!!), 不過做完資料搜集後, 發覺酒店的價格實在太高了 (算吧啦, 我倆又不是什麼大富人家....), 而坊間的酒樓設計又愈來愈來 grand, 所以唯有調整一下心理, 說服自己擺酒樓也可以很 grand!!
不過, 我當然不會輕易罷休...在左搵右搵之下, 終於給我找到兩間岩心水又貼近 BUDGET 的酒店, 第一間是皇家太平洋, 第二間是逸東酒店. 喜歡皇家太平洋, 是因為他的薰衣草證婚場地...而逸東則是因為個場四正.
今日開始了我們第一次睇場....第一間是皇家太平洋.
皇家太平洋<黃庭廳> (max16圍, min paid: $99k)
睇完後, 有點失望.....樓底低, 新娘房無洗手間, 而最吸引到我的薰衣草證婚場地, 亦沒有想像中那麼美 (我一直都好白痴的以為那裡會有真的薰衣草, 但.....原來只是膠花...... ).
映月樓翡翠廳/ 吉祥廳 (max 15/19 圍, min paid: $80k/$95k)
離開皇家太平洋後, 我們決定移玉步到映月樓, 因為想知道那裡有沒有細場適合我們這些小戶人家. 原來它們都有擺十五圍的細場, 實在太好!! 而且它們的樓底很高, 又有水晶燈, 新娘房又大又有洗手間, 都幾合心水, 而最重要是蝸牛先生希望給賓客吃得好一點, 他覺得除非我們有能力在酒店訂最貴的酒席, (但我們沒有嘛!!) 不然的話, 酒店的中菜一定差過酒樓....還有的是這裡的阿姐好好人, 好幫手....我 like!!!

可惜...酒樓方面的租約就快到期, 出年未知能否成功續約....
御苑皇宴半島廳 (max 24 圍, min paid: $98k)
離開映月樓後見時間尚早, 所以我倆決定再移玉步去尖東的御苑皇宴看看, 酒樓位置在帝國中心, 個商場都幾舊的, 印象大打折扣. 不過, 入到裡面又覺得它的場都算幾 grand , 但我就不喜歡他一開房門就飄了一股煙味出來, 就像入了卡啦ok 房一樣...感覺不太好. 而又因為見過有賓客在飲宴後批評他的隔音不好 (當晚有 3 家人擺酒, 他就聽了3次起菜歌!!), 食物亦不好....所以, 我相信這間應該會被 foul 了.

帝苑酒店帝苑軒 (max 14/18 圍, min paid: max 圍數 x 套餐價)
御苑皇宴對面就是帝苑, heehee..我倆又走入去望望. 不過, 公關小姐黑面之餘, 又完全不理會我們, 只草草給了我們菜單和 floor plan....不過, 我們亦不怕醜, 自己在它的埸內四圍看 (不過看不到新娘房), 最後覺得它場內柱位太多了.....不過, 場地的整體感覺比皇家太平洋好.
總結
我倆最喜歡的是映月樓.....因為它有高樓底, 水晶燈, 而美心集團食物亦有保證....希望它可以續約成功啦.
VCA, CARTIER, TIFFANY
今日途經 1881 , 捉了蝸牛先生入 VCA 看婚戒....嘩...試上手後, 簡直覺得他跟我合二為一, 好舒服, 完全無 "頂住頂住" 的感覺 (如不明白 "戴得舒服" 的感覺是怎樣, 請到店舖試一試...肯定會一試難忘)....不過, 價錢就貴了一點...我相信要待我們計完 BUDGET 後, 才知有沒有可能給他們跟我倆一世 ..由於 VCA 太吸引, 之後去了 cartier 及 tiffany 試其他婚戒都已經完全看不上眼了......(而且我勁不喜歡 Cartier, 因為那裡是零 service 的!!!)

<嫁給您> Confirm 結婚日子

我們結婚了

我將會跟蝸牛先生在 2011 年 3 月 20 日 在 <逸東酒店> 翡翠廳設宴

<嫁給您 - 婚展> 香港婚宴博覽 4.2010

今天行了第一次的婚展...而今次的主要目的是希望吸收一下結婚的資訊和預算一下婚禮的開支.

這次婚展在九展內舉行, 場館比較細, 好快就可以行完. 出發前, 好多朋友跟我說, 婚展的 sales 都很瘋狂, 不過我倆又沒有這種感覺, 起碼我們坐低後發覺沒有興趣而轉身走, 都沒有人強行向我們硬銷.
今日看了一些影 pre-wedding 的資料, 其實大部份收費都大同小異, 我們看了幾間不同的公司的相簿, 看到最後差點想瞓..hahaha....現在有心水的公司共有兩間, 打算再做多一點資料搜集才作決定.
之後又取了一些酒席的資料, 不過, 今日參展的單位不多....收到的大部份菜單我已在網上看過. 唯有等遲些 CONFIRM 了圍數和 budget 後再找吧.
今次是我第一次行婚展, 而且還要跟蝸牛先生一起行...感覺都幾新鮮. 不過, 可能因為他還未提親, 所以我的投入度未去到一百....希望在下一個婚展時我們會有新的進展 ....

下一站.....星加坡

蝸牛先生今早終於起程出發去墾丁了...我們要四天後才可再見!! miss u, miss u!!
就在他出發無耐, 我又已經為他安排好六月的旅程了 ...真的愈來愈喜歡在國泰假期買 package, 效率簡直超高, 只需按幾個鍵, 就可以輕輕鬆鬆攪定機票和酒店, 確實是慳了不少時間.
其實上星期還在考慮究竟去吉隆坡還是星加坡好, 本來都已經決定揀吉隆坡, 但早兩天他卻跟我說, 看到旅遊書的吉隆坡, 有點不開胃 (因為他覺得那裡的食物, 景點都不吸引)...既然是這樣, 那唯有揀星加坡.
我們買的 PACKAGE:
都會行 - 新加坡熾熱優惠套票
日期: 16.6.2010 TO 19.6.2010
酒店: Fairmont Singapore (官網間房似乎都幾令)

價錢: 連機場稅, 燃油, 保險, 兩人共 $8,590..不算最平, 但因為平酒店的PACKAGE 已 full, 唯有揀貴少少的 5 星, 不過, 其實這個價錢屬於可接受程度 (雖然這個價錢可以去我最喜愛的東京, 而且滿足感會多好多好多...但我一定要衝出東京!!!)
好!! 要開始計劃我們今年的星加坡之旅.....

2009溫馨浪漫台北牛一遊 (第四天)

最後一日0既行程係台北車站, 西門丁一帶.
Check out 完就出發去台北車站搵食. 無乜心水食咩, 經過一間快餐店就入去試, 諗住試0下地道啲0既0野食. 味道唔差, 但就唔夠熱. 食完見到 <<福州胡椒餅>> 0係附近, 於是又買一件, 佢就話覺得好食, 我就覺得有噂失望, 因為我以為係佢係一件好重胡椒0既餅, 點知一啲胡椒味都無. 食完又0係附近行一陣, 之後就落西門丁.

落西門丁0既目的主要係買手信. 但由於今日係最後一日0既關係, 我地身上所剩0既錢無多, 所以除0左手信, 我0地唔可以再買其他0野. 不過, 中途睇中件衫, 好彩佢有得簽咭, 咁又俾我買到心頭好..呵呵, 但佢就慘啲, 佢睇中件 T SHIRT, 但0個度無得簽咭, 唯有嘆句..無緣啦!!
之後就係買鴨舌, 鳳梨酥…但由於我0地身上0既錢實在太少, 去到 <<港記>> 買鳳梨酥時, 唯有用港幣結數. 之後我0地每想駛錢都就住就住, 行到攰想入鋪頭坐低飲杯0野都唔夠錢, 原來身上無錢係咁慘0既一件事!!!
今日撞岩可愛教主0係度開簽名會,難得見到教主, 當然要格硬製造張合照啦…嘻嘻..就係佢有佢0係台上, 我0地有我0地0係台下自己影..哈哈!! 本來都想即場買碟然後上去搵佢簽個名, 但原來今日只係預訂, 要唔知幾多號先至有碟拎..算啦, 慳返!!
最後見仲有餘錢, 就去0左 <<牛店>> 食我0地最後0既一碗牛肉麵 (我真係超愛台式牛肉麵!!), 呢碗麵結束0左我0地0係台北0既旅程.
去到機場 check in 完, 就去 <<維格>> 買多盒鳳梨酥就上機. 佢啲鳳梨酥真係好好味, 連唔鍾意鳳梨酥0既我, 都覺得幾好食, 實在太犀利!!
原來晚機返0既國泰機, 夜晚都剩係得三文治, 實在太過份!!! 人0地華航/港龍/長榮 都會有個炒麵 OR 魯肉飯啦, 國泰貴過人竟然剩係得個包, 好離譜!!!
四天三夜的行程, 今日結束了!! 雖然我都係鍾意去日本多一啲, 但其實, 有佢陪的話, 去邊都無所謂呢...呵呵呵...
期待下一次同佢0既旅程..但下一站會係..?????

2009溫馨浪漫台北牛一遊 (第三天)

11:00 邊田庄 >>> 12:00台北市動物園 >>> 18:00 忠考敦化站 >> 19:00 南京北路
今日主要行程係去動物園. 出發前先去食個 brunch, 用餐地點係 <<邊田庄>>. 揀呢間0既主要係要想食小籠包 (唔去鼎泰豐, 因為香港都有, 而且上一次遊台時食過, 又唔覺有乜特別), 而且睇過好多 blog, 全部評語都話呢間0野好好好好食, 所以就決定一試.
餐廳0係中山國中站, 但因為唔近捷運站, 所以我0地就直接0係酒店坐的士去, 車費才 NT20. 一坐低, 店員會先奉上一杯 “洛神烏梅茶” (個味似利賓立仔仔..HAHA), 都幾特別. 我0地點0左一客小籠包, 一碟油條牛肉同一窩海鮮豆腐. 小籠包水準真係唔錯, 皮薄又多汁, 另外個豆腐煲都唔錯, 反而油條牛肉就普通0左啲. 食完飯打算行去捷運站, 點知唔知方向, 0係餐廳出面猶疑0左一陣, 店員竟然出0黎問我0地係咪唔識路, 之後就指示我0地應該點行…嘩…服務勁好, 香港邊會有??!

十二點多啲就去到動物園, 因為今日係星期六, 所以都幾多人. 呢度動物真係超多, 連熊貓都比香港0既安安, 佳佳活潑, 不過, 最令我0地大開眼界0既係…見到大笨象小便. 原來…係好澎湃加震撼架!!! 好大聲, 仲要係一條水柱咁出….犀利!!!!! 我0地用0左三, 四個鐘就行完個公園.

離開公園後就去0左 SOGO 0個邊行街. 但可能太攰, 去到 SOGO 都無乜心機行, 之後行0左一陣啲細街後, 再行返去 sogo 0個邊, 見到佢出面有位坐, 兩個就咁0係0個度坐左成粒鐘. 休息完畢後, 決定落返似原宿0個條街再戰 (即忠孝敦化站), 可惜大家都無收獲. 之後諗住去蔡依林都去0既 <<橋頭>> 打邊爐, 點知, 勁 FULL, 店員叫我0地 9 點先再去 (當時 7 點都未夠!!), 於是唯有改地方, 去佢同事介紹0既 <<鼎王麻辣>>, 點知去到, 又係一條人龍…拎完飛, 店員話大約等 1.5個鐘…(灰), 但因為今個旅程未食麻辣鍋, 所以我0地都決定等. 呢度附近完全無0野行, 我0地又有少少肚餓, 於是亂行睇0下有無0野食…行0左好耐都無, 最後見到條行仔裡面有間麵鋪, 最後就入0左去叫0左一碗牛肉麵 SHARE. 雖然間鋪好簡陋, 但碗麵又唔差, 最重要係食完我無肚痛嘛!!! 食完就返去再等….一個鐘後終於入到去. 呢度個窩底有兩邊, 一邊係麻辣 (但其實又唔係好麻辣), 一邊係酸菜湯底. 麻辣0個邊裡面放0左啲豬紅同豆腐, 豬紅超好食, 而且仲要係不斷添加, 勁正!!! 食完, 店員問我0地打唔打包, 原來呢度啲人興打包個湯底返屋企再打…又幾抵喎.

今晚係最後一晚, 但唔知點解又無一種好唔捨得0既感覺. 上次0係日本0既最後一晚, 我同佢都好唔捨得...唔捨得0既唔係日本, 而係..唔捨得呢幾日一齊生活0既日子...hoohoo..可能今次我0地都了解到以後大把日子一齊生活, 所以唔駛唔捨得呢...

2009溫馨浪漫台北牛一遊 (第二天)

浪漫溫馨第二天 – 是日行程包括浪漫睇日落及溫馨乘坐摩天輪
10:00 圓山大飯店 >>> 12:00 淡水 >>> 15:00 情人橋 >>> 18:00 士林夜市 >> 19:30 美麗華百樂園購物中心 >>> 21:00 永康牛肉麵
今日起身時有點餓, 所以出發前先落酒店餐廳食少少0野打打底, 本身呢度0既早餐勁多選擇, 但因為我0地0係收擋前十五分鐘先落去, 所以去到都所剩無多. 不過, 反正我0地都只係食少少, 又無咩所謂.
今日我0地0既行程係沿住淡水線咁玩. 第一站係 <<圓山大飯店>>, 本來旅遊書指示話可以坐捷運到圓山站, 之後再轉接駁巴上去. 但因為我0地唔多覺眼個接駁車站0係邊, 於是懶得搵之下, 又走0左去撘的士. 呢度係一間有啲歷史故事背景0既飯店, 裡面都幾古色古香. 我0地都0係度留0左不少倩影. 不過今日0黎呢度0既主因唔係參觀, 而係食!! 飯店裡面, 有間叫 <<圓苑>> 0既中菜廳比較出名, 裡面有振店之寶 – 紅豆鬆糕, 一場0黎到, 當然要試, 之後再叫多個 玉翠燒賣 同 蟹王小籠包. 個鬆糕都幾特別, 反而其餘兩樣又麻麻0地.

食完0野又影一陣相, 我0地就出發去淡水.
去到淡水, 我0地沿住淡水老街一直行一直行, 差不多兩點鐘就已經行完. 但由於今次0既目的係去情人橋睇日落, 所以唯有搵間 coffee shop 坐下消磨下時間先, 休息0左差不多一粒鐘就坐船去漁人碼頭. Heehee, 不過呢隻船裡面好細好迫, 坐0左上去, 好有一種要去偷渡0既 feel. 船程差不多成十分鐘, 原來都幾遠…落0左船又周圍影0下相, 又去0左食淡水出名0既魚丸. 行0下行0下, 終於等到差不多日落…兩個就坐0係橋上談談心…嘻..都幾浪漫…
離開情人橋, 我0地就出發去下一個景點 – 美麗華百貨. 不過, 一出車站, 佢提議先去市林夜市兜個轉. 今次我0地主要試0左啲比較出名0既小食, 豪大大雞扒 (唔好食的, 粉厚到死!!), 蚵煎 (個味道都可以, 但質地好似好得意), 炭燒七里香 (即係雞 pat pat, 上次去食覺得好好食, 但今次食又覺得唔好食, 仲要個質地怪怪0地), 臭豆腐 (食完個口覺得好臭)..掃完一輪就出發坐接駁巴士上美麗華.

去到美麗華, 第一時間就去搵幸福摩天輪. 今次係我0地第二次坐摩天輪, 不過我覺得上次0係大阪0既景靚啲. 坐完後就去行書店, final 竟然係佢買到書而唔係我. 離開美麗華前我0地商議今晚晚飯地點, 佢話去 <<邊田庄>>, 因為比較順路, 雖然我都好想試 <<邊田庄>>, 但今晚個心去0左牛肉麵0個度, 而佢又好醒目咁睇穿我心意, 所以最後就去0左 <<永康牛肉麵>>. 由於唔駛留肚, 所以我0地各自一人叫0左一碗, 呢度0既牛肉麵真係好正, 麵質同湯底一流, 係我全程最喜愛食物0既 NO.1.

食完飯, 我0地又坐的士返酒店..
今晚臨瞓前, 佢為我開0左一場演唱會…heehee…因為平時佢習慣每晚都唱一首歌俾我聽, 而我每晚都會俾分, 今晚佢就唱0左幾首比較高分0既歌, 仲有新歌添!! 開完演唱會就瞓覺 lu…

2009溫馨浪漫台北牛一遊 (第一天)

日期: 2009-12-10 至 2009-12-13
航班: 國泰
住宿: 六福皇宮 (南京東路站)

9:20 香港機場 >>> 10:55 台北桃園機場 >>> 14:00酒店 >>> 15:00 忠孝敦化 (君悅排骨) >>> 敦化南路行街 >>> 17:30 市政府站 >> 18:30 101 大樓 (85/F隨意鳥 晚飯) >>> 21:00 台電大樓站

一早 6:30 出門口到機場同佢匯合, check in完畢就去 Burger King 食早餐, 醫完肚就登機.
一鐘頭多啲就到達桃園機場, 到步後先去辦落地簽證, 過程五分鐘都唔駛, 所以真係唔駛0係香港攪的!! 過關時, 職員好健談, 同我吹完水, 又祝佢生日快樂!! 哈, 好攪笑! 出機場後就坐長榮巴士去酒店, 落車時俾司機老點0左個反方向, 最後要問人先去到, 激死!!
酒店係五星,都幾靚0架..係上網費貴啲 (要成 HKD14/mins),搶錢!!

0係酒店休息過後, 就出發去我0地0既第一站 ---- <<君悅排骨>> 食排骨麵, 但因為要留肚, 所以我0地兩個人只叫了一個排骨麵加一個炸豆腐. 排骨味道都算 ok, 但又無我想像中咁好食.

食完後, 就隨意0係附近行街, 我0地覺得呢區有啲似日本0既原宿, 佢好快就0係度買0左兩件衫, 而我都唔執輸買0左一件. 行行0下見 <<度小月>> 0係附近, 於是又走入去食. Heehee..又係兩人 order 一碗麵 (其實碗麵勁細的, 我諗 5 啖就可以食哂, 但出奇地, 職員又無白眼我0地0既行為, 好彩). 個麵都幾好食, 雖然都有啲想試其他菜食, 但因為 book 0左 六點半食晚飯, 所以唔可以食太多. (前幾日睇報紙, 竟然話 <<度小月>> 0既麵含過量0既雙氧水, 好彩我0地只叫0左一碗!!!)

今日係佢生日, 是夜晚餐我特別為佢安排去台北 101 裡面0既 <<隨意鳥觀景餐廳>>慶祝, 一早0係香港時預訂0左窗口位同生日蛋糕. 雖然個生日蛋糕唔算好靚, 但可以俾到一個驚喜佢已經好足夠. 呢度0既0野食雖然唔係特別一流, 但有景又有情調, 而價錢又唔太貴 (最平0既套餐只係 四百多港幣一個人), 我覺得都可以一試.

今晚0既飯後安排係落 台電大樓 站睇 band show, 場 show 2030 開始,可惜我0地去到已經差不多 2130, 只剩返一隊 band 表演, 大約睇0左一個鐘就散 band. 因為呢區有個 <<師大夜市>>, 於是兩個又去0左行夜市, 嘩…勁多人. 跟住,見到好 HIT 0既 <<許記生煎包>>, 叫0左佢試, 但佢話一啲都唔特別. 不過, 我0地0既夜市旅程先岩岩開始, 我條腸竟然扭計, 係咁抽住抽住痛, 本來佢話不如返酒店, 但我唔想掃興, 就死頂話可以繼續行…但愈行愈痛, 個人企唔直咁濟, 而我又不自覺咁捉得佢好實, 所以,佢就話唔行坐的士同我返酒店…本來以為會好貴, (因為台電大樓站同南京東路站都有好多個站), 但最後落車都只係 NT200, 即五十蚊港幣, 都算抵!! 就係因為見咁抵, 我0地呢幾日都成日飛的!!! 而我條腸0係上的士無耐就無咩事, 佢真玩0野. 但見佢咁緊張我, 抽一陣又無妨…heehee…
返到酒店梳洗, 差不多十二點就瞓覺 lu, 一日0既旅程就咁結束.