最近忙 OT, 忙 plan 行程, 忙追劇
所以好耐都無出過BLOG
話咁快一月就過0左一半
好快就到新年
然後好快又到我地的蜜月旅行
真係好想快 d 到!
我的生活, 離不開都係食
最近試煮 (試玩) 好多新菜色
荷葉蒸海鮮飯
用0左 $150 買海鮮, 有鮑魚, 蟹, 魚, 蝦, 蚌
個飯吸收哂海鮮的鮮味, 好正
個飯蒸0左好耐先熟, 下次會打開塊荷葉蒸熟 d 飯先放海鮮
自己整真係好抵食, 百五蚊已經食到好飽
呢個飯我成日心 cc 想再整
雜錦魚生飯
魚生飯想整好耐, 因為好味又易整
刺身買0左唔夠二百蚊 (三文魚, 三文魚子, 帶子, 大蝦)
但就已經整到兩大碗
出去食的話, 一碗已經百幾蚊啦
自家制真係好鬼抵
咖哩炒蟹
呢味係蝸牛先生煮的, 好惹味~
話說我地買完蟹叫個檔主幫我地劏埋
佢好爽快就話好
但原來佢所謂的劏, 只係用手幫我地將 d 蟹腳撕走
其他蟹肺之類0個 d 係無清的
真係呆0左
下次都係幫襯返相熟0個檔
爐端燒
新屋有個細細的露台
未收樓前我已經想0係出面吹住涼風, 食下燒烤 (感覺好似好寫意)
搵0左好耐終於比我搵到呢個細細地的燒爐
新屋入伙一直都未得閒試
尋日終於都實現0左我呢個心願
簡單買0左少少海鮮, 蔬菜, 仲有雞亦同香腸
另外, 燒薄餅都好好食
嘩哈哈, 真係過癮得來又好味
而且都係0個句, 自家制比街外食抵好多
今年新年, 打算整蘿蔔糕, 馬蹄糕同黃金糕
哈哈, 希望到時有心機, 有時間
好有心呀, 樣樣都自家製, 仲要整得有板有眼~~
回覆刪除在露台就可以食燒烤很有風味~~ 其他鄰居會唔會都在露台BBQ?~
哈哈, 其實個露台好細架咋, 僅僅放得落一張枱同兩張CHAIRS, 我估應該無人會好似我咁癲0係出面食0野
刪除有露台真係, 話說我上個月响屋企肉LC GRILL PAN 燒肉, 但太大煙了, 無下次.
回覆刪除有露台真好... 成日打錯字.
刪除哈哈, 其實有露台都唔知係咪好事...因為個露台平時係無用架!!
刪除不過我都唔敢0係室內玩燒肉, 好怕成屋油煙味....你仲要用grill pan, 好勇...heheee...