2014.05 - 北海道遊 {Day 4} - 带広三余庵 [失望]

今日開始我哋的 4D3N 道東之旅

8:51 札幌 ~ 11:27 带広

坐火車前先去買早餐

蝸牛先生買了便當 

(到第四日才第一次食魚生, 蝸牛先生覺得好委屈)

日本的便當真係好靚

而我就因為前一晚食滯了, 所以只買了麵包

带広，係我0地道東之旅的第一站

到步後先將行李放 locker

之後就即刻去食呢度的名物

元祖豚丼

JR 带広駅北口, 過對面馬路即見

我哋11:45 去到，排第二，好快就可以入去

豚丼，我揀了细size, 蝸牛先生揀了中size

中size 嗰碗豚肉明顯多啲，凸邊的

豬肉有份炭燒味，好食！只係嫌肉質唔夠鬆化

仲點了麵豉湯，不過冇乜特別

食飽就喺附近亂逛，我哋發現呢度食店比便利店仲要多，差不多每五步就有一間

不過街上就幾乎見唔到有人, 靜得好緊要呢~

至於可 shop 的鋪頭亦無乜

不過都有一間算多嘢睇的廚具店

入面有賣 Le Creuset, Dansk, 野田琺瑯等等

Amatati & Amati kkozawa.co.jp

带広市西3條南8-1-1

呢日我冇買嘢，不過第二日都係忍唔住返去買

今晚我0地會住溫泉酒店

預約了溫泉酒店 shuttle bus

有人見距離約定時間仲有二十分鐘, 於是提議行去買 CAKE

旅遊書話,  CAKE SHOP 0係带広駅只需步行十分鐘

結果, 我0地快行都要十幾分鐘, 好趕好攰!!

十勝トテッポ工房

www.toteppo-factory.com

店鋪細細, 但入面迫滿客人, 而且蛋糕款式好靚, 好多款

不過我0地時間無多, 入去好快揀0左件 cake 就趕返去車站

酒店的 shuttle bus 就泊在带広駅北口 (即巴士站旁邊)

今日同車仲有一 pair 外國人 x 亞洲人的情侶

佢哋先落車，到步時職員好快就出來接佢哋

我哋反而差不多去到門口先有人理

入到去，佢哋被安排喺一個好好 view 的位waiting

而我哋就只被安排坐一個冇 view 的位

心諗: 做乜大細超!!

三余庵

http://www.sanyoan.com/

呢間都算係北海道比較出名的温泉酒店，據聞嘢食都好得

我同蝸牛先生都好期待今次的住宿

大堂一角

Welcome 點心

味道不過不失, 但又唔算特別好食

今次我哋 book 咗一間複式露天私家風吕的房

357 春之花

入到房，即刻嘩一聲，超大，有兩層 (book 咗成半年有多，完全唔記得自己 book 咗乜)

參觀完, 就坐低享受頭先買的蛋糕同士多啤梨

坐0係度嘆住食, 都幾好享受

休息陣就開始享受我哋的私人風呂

呢個風呂比較細，而且入面有好多雜質 (蝸牛先生話係藥材喎)

另外佢水位亦都太深，女仕唔夠高坐低浸 (一坐d 水就差不多浸到上膊頭)

跪喺度浸都幾攰

風呂亦不夠平滑，蝸牛先生唔小心刮到流血，心痛 c 禾

附近唔算一望無際，上水落水嗰下好驚比人見到

浸完就出去酒店四圍兜吓

嘻嘻...買0左一支豚丼汁, 返香港可以回味0下

終於到食飯時間，為食的蝸牛先生好期待

食物好精緻好靚，味道唔錯但又未去到勁好食

不過佢主要係冷盤，我唔太 like, 因為肚仔受唔到

好難明點解要有咁多道菜，根本食唔哂，好浪費

臨走仲有兩件腐皮壽司俾我哋帶走宵夜，Crazy!

諗住上房休息一個鐘就再去浸

點知我肚痛呀！應該係食得太多凍嘢……

為咗令我振作，蝸牛先生仲一邊開住音樂，一邊跳舞添， haha...

結果, 最後蝸牛先生自己浸，我只係浸腳咋 (肚痛無心機呀!)

夜晚温度低0左好多，浸住温泉都幾爽

不過就嫌泉水唔夠熱

浸完溫泉, 呢晚十一點就瞓覺....