2015.10 東京 + 北陸 十天 {Day6B} 有樂町 燒肉

[2015.10.22] 東京 + 北陸 十天 {Day6B} 銀座一丁目 燒肉

放低完行李, 坐車去有樂町站

由於未到 book 枱時間

唯有再行一陣 (其實當時已經好攰)

本來打算坐車落銀座一丁目

但行下行下原來好近

今晚我地食呢間

USHIGORO 燒肉 (Tabelog 4.03分)

蝸牛先生話訂位時已經 order 埋食乜

所以我地就諗住坐低等食

點知侍應忽然走埋0黎問我地食乜

唯有臨急臨忙 order 左兩個 sets

(佢當時一定覺得奇怪, 點解我地坐0係度發呆咁耐都仲唔點菜)

呢兩個 sets 超豐富

就係因為呢餐我食滯0左, 餘下幾日都無乜戰鬥力

今餐全牛宴, 食到有 d 怕

呢個牛 set 的 concept 同蟹道樂的蟹 set 有點相似

都係有生的, 燒的, 煮的幾種唔同煮法的牛

前菜幾小碟: 普普通通

左邊壽司入口即溶, 好正

右邊牛肉剌身都好食, 不過我唔敢食太多, 分了一半比蝸牛先生

幾種不同的"醬汁" 配牛肉

燒牛肉

牛舌最出色

蝸牛先生揀了貴 set, 呢件係貴牛

佢話好有牛味, 入口即化

薄牛

 加蛋食, 超漏

仲有一小球飯配埋薄牛一齊食

雖然好食, 不過真係漏到爆炸

冷麵

冷麵超好食, 麵質好煙韌, 個汁都好味

好可惜實在太飽, 只係可以食幾啖

甜品

呢餐真係飽到上心口

食完好唔舒服

其實呢度係好食的

只係我地叫得太多

早知就散叫唔叫 set

食完就返東京站 locker 拎返 d 行李

但東京站實在太大

有點迷, 我地搵左一陣先搵得返 locker 位置

呢晚, 又飽又攰~

2015.10 東京 + 北陸 十天 {Day6A} 北陸再見~

[2015.10.22] 東京 + 北陸 十天 {Day6A} 北陸再見~

飯店的早餐時段比較 BUSY

我地被迫要食 7:30 的一輪

(真係好晨早~)

早餐比較清

不過無樣係特別好食的

八點鬆 D 就食完

返上房浸多次溫泉, 瞓多場覺都仲有時間

呢度 CHECK OUT 時間係 12 點

我覺得係唯一的好處

不過我地十一點就 CHECK OUT 走人

咁岩夾到下一班巴士

職員好好, 帶我地去車站

等0左一陣就有車, 慳返 2,000 yen

巴士途經松本城

見到好多紅葉, 好似都幾靚

不過要趕撘火車, 所以無緣

松本再見~

今日我地會返新宿

返去之前, 我地會先停輕井澤

嘿嘿~ 咁樣係因為要了去 outlet 行個 round

離開松本先坐車落長野

唔知咩事, 突然好鬼肚餓

餓到有少少頭暈

JR 上又唔見有0野食買, 唯有拎尋晚袋柑出來頂住先

後尾落到長野轉車, 急急腳走去買野食

呢個似韭菜餅的物體, 估唔到又幾好味

只係油0左少少同埋佢係凍0既

終於都到達輕井澤

其實我都幾鍾意呢度

感覺好舒服, 好 RELAX

如果有機會, 我都想0係呢度再 STAY 多次

落車後就向住 OUTLET 進發

我地大約有三個鐘可以行

由於呢個 outlet 唔算大, 所以預計應該可以行得哂

話說, 今次旅程原本係打算去木更津 outlet 的

不過計來計去時間都好似唔阿用

去木更津來回要大半日, 好似唔多化算

後尾 plan 下 plan 下, 見到松本返東京其實係可以經輕井澤的

於是就決定先停呢度, 夜晚再返東京

放低行李0係 locker

之後就開始血併!!!

先去美食區 明治亭醫肚

炸豬扒飯

豬扒唔 "un", 食完又唔覺漏, 好食啊~

燒牛肉飯

牛有牛味, 飯有飯味, 我覺得比豬扒飯更好食

食完就去併喇~ 

比起幾年前, 呢度似乎擴建0左

不過都難唔到我地, 依然行得哂~

呢個 outlet 的環境好靚

估唔到輕井澤的紅葉仲紅過立山同上高地

行到 6:30 就走人撘車返東京 

大包小包咁上火車 (5 日行裝加戰利品), 其實都幾狼狽

為怕坐車途中又肚餓

今次我買定件餅上車食

因為今晚 book 0左枱在銀座一丁目食燒肉

所以去到東京車站, 我地又要搵 locker 先放低行李

車站 locker 真係旅人恩物~

2015.10 東京 + 北陸 十天 {Day5B} 住宿: 界 松本

[2015.10.21] 東京 + 北陸 十天 {Day5B} 住宿: 界 松本

今晚我地會住溫泉酒店

自從住完 輕井澤 星野之後

就對星野集團的溫泉酒店產生0左好感

所以, 對於今次入住的 界 松本都有好高的期望

離開上高地返到松本已經四點多

蝸牛先生先去 松本東急REIホテル 拎返 D 行李

而我就去超市買少少果汁, 生果帶去今晚的溫泉酒店享用

旅館沒有送迎接駁巴士

旅館職員提議我地坐公巴或的士入去

不過公巴班次極疏

所以我地坐的士入去 (around JPY2,000)

住開的溫泉旅館都會有接送服務

佢一晚房價唔平 (JPY$58,000 一泊兩食 for 2) , 但竟然無 SHUTTLE BUS

都幾唔方便/化算

一落的士就有人上來迎接

check in 大堂都算幾靚

有 welcome drink

佢有問我地對茶有無敏感 (蝸牛先生有)

於是蝸牛先生飲提子汁, 我飲茶

(早知我都話我有敏感, 因為提子汁好好飲)

我地住 205 號房

房內環境一般

好傳統的日式房

房入面係無 wifi 的

茶水間

有綠茶, 紅茶

晚飯前沖0左一杯綠茶

點知晚飯後佢幫我清理0左 d 杯, 但就無再 refill 綠茶包比我........(綠茶好貴嗎?)

welcome 點心, 印象中味道一般

雪櫃入面的付費飲品

自己買0左呢支蘋果汁, 超好飲

房入面的私人風呂

唔算大, 無 view, 旁邊亦有蜘蛛網絲

浴室設備就幾足夠

只係房入面的毛巾好少, 每人只得兩條

無浴袍

灘0左一陣, 覺得間房好焗好熱, 唔多對路

問過職員原來房的溫度係中央調節的

旅館而加開緊暖氣 (成廿幾度開暖氣?!!!!)

最後職員比0左把風扇我地

真係一次好奇異的經歷

 

晚飯地點: 葉月

餐廳外無人接應

落到去唔知行去邊好

好彩咁岩撞到個送餐的

 晚飯有獨立一間房

職員知我地熱底, 一早幫我地開0左冷氣, 仲問溫度岩唔岩

前菜

食物說明書

有三款不同的醬汁

牛肉比較遜色, 無乜牛味

食物好精緻好靚, 不過其實唔多夠食

以溫泉酒店來講, 呢餐都算幾唔豐富

好擔心今晚會肚餓

想去小商店睇下有無0野食買

點知已經關門

不過好彩, 當晚最後都無肚餓

 食飽飯返房休息一陣就浸溫泉

買了蘋果汁同果酒, 仲有柑

慢慢浸, 慢慢嘆

呢晚, 暖暖地吹住風扇瞓地下 (Tatami)

又係另一番風味~