2015.03.27
{Day 7} 下集 - 4 周年晚飯
天草係今次郊區旅遊的最後一站
今日我地要返回市區了
先坐 A Train 去熊本
A Train的車卡內籠都幾靚
有小食部
買了一件 CAKE 同一杯有飲精成粉的飲品
飲品已經忘記係咩味, 只係記得味道麻麻 (但當時超多人買, 我只係照跟)
好快就到達熊本
落車後要再轉另一架火車返博多
我地有十分鐘的轉車時間
先衝去買便當, 然後去洗手間, 行程都幾趕急
買了一盒味彩牛便當
上車後急不及待打開, 好香呀!!
有點似吉野家牛肉飯
不過呢盒好食好多
應該係我食過最好食的火車便當
返到博多先去酒店 CHECK IN
距離地鐵站只係兩分鐘腳程 (筑紫口出)
一晚價錢只係一萬 yen 鬆 d (early bird 優惠)
我覺得都幾抵住
郊區遊之前, 我們寄存了兩個0急在酒店
今日在我地 check in 前已經送到入房, service 真好!!
而且房間都幾大 (哈哈, 一入房就攪到好亂)
只係廁所好舊, 不過超大
其實呢間酒店已有多年歷史, 近年才翻新
之前網上買了一對波鞋
酒店收到包裹後亦都自動幫我送上房
休息一陣就出發去天神區
天神係一個百貨公司臨立的地區
有 Parco, 三越, 岩田屋, Solaria 等等等等
真係少 d 腳力 (彈藥) 都唔得
雖然係咁, 但今晚我地無收穫
話說 3.20 係我地的結婚四周年記念日
不過我地 3.21 就出發去日本
所以我地無專登在香港慶祝
(蝸牛先生當晚仲做到十點幾先返屋企)
一場來到日本, 為食夫婦當然唔會放過食好0野的機會
幾個月前已經 book 定位
福岡県福岡市中央区天神2-5-55 レソラ天神4F
(位置就在西鐵站對面)
ASO 在東京係米芝蓮星星店
下次去東京一定要試下
我們都揀了 5 course 的 set
不過我有餐湯, 無魚, 蝸牛先生就相反
先來餐包
餐包可以 refill 的
有 Olivia oil , 牛油 同 cream
我覺得 cream 都幾好味
Appetizer
菇湯, 菇味好香
而且唔似味精湯
Starter
牛肉好嫩
Starter
魚生同菜都好新鮮
Pasta
賣相好靚, 意炒另上
mix 埋一齊食
個汁好香
Pasta
唔記得係咩味, 只係記得好味
Fish
每道菜的擺盤都好靚
Meat
牛肉, 質地同味道都好正!!
羊架
我平時好怕羊的"蘇" 味
不過出奇地, 呢塊羊係無"蘇" 味架
而且肉質好鮮嫩, 好正!!!!
真係好想再食
Dessert
雪糕都好味
Mignardises
好精緻的甜品
不過去到尾聲已經好飽, 唔太食得落
隨意試了少少, 唔太甜
最後職員送上咖啡兩杯
不過我唔飲咖啡的, 奇怪點解無得揀 tea
呢餐好滿足
真係好想試試東京的 ASO
不過應該有排等
總覺得食呢類高級西餐在日本係相對地抵的 (跟香港比較)
在香港去一間比較出名的西餐廳食 Lunch 都要千幾蚊
但在日本, 加多幾百蚊就已經可以食到 dinner 了
而且無論環境, 食物同 SERVICE 都好有水準
另外, ASO 仲有 WEEKDAYS SPECIAL, 才 JPY5,800/SET!!!
計落只係四, 五百蚊
(不過我地咁為食, 當然無揀平餐啦)
食完呢餐好滿足地返酒店
祝我倆 結婚四周年快樂~
