2018.10 北海道 {Day 4a} 遊洞爺湖

2018.10.30 北海道 {Day 4a} 遊洞爺湖

今日我哋會去洞爺湖

9點幾就喺酒店 check out 去車站換 JR Pass

換完之後心大心細唔知去唔去二条市場好

不過一個鐘後就要坐火車去洞爺湖

怕太趕, 所以最後都係無去到

跟住就打算落大丸超市買嘢上火車食

不過太早仲未開門, 唯有喺車站商場兜吓

兜吓兜吓, 又俾蝸牛先生發現咗有嘢食

落到大丸超市, 好多嘢都想食

 最後買咗

魚生飯, 蕃薯, 日本有味飯同雞卷

全部都好好味!!
呢個早中午餐好飽好滿足

落火車後再轉多程約15分鐘嘅巴士就到今晚下塌嘅酒店 - 乃之風

不過兩點鐘先可以 CHECK IN

我哋放低行李就出去遊湖

相信呢張係入住乃之風必影嘅相

出發遊湖之前先去酒店嘅商店

呢度好大好多嘢買

本來睇中對杯, 但聽日仲要去登別, 所以無買

(然後之後有少少後悔)

跟住就出發去遊湖

今日天色其實麻麻哋

不過行行吓又見到藍天 (但又落住雨)

我哋先去睇吓遊覽船嘅出發時間

見未夠鐘就喺附近行吓

蝸牛先生見到有個足浴場

又大安旨意見到有毛巾販賣機

於是好興奮咁走去浸

點知....

當我去幫佢買嘅時候發現毛巾已經SOLD OUT

最後唯有出動堅韌無比嘅 TEMPO 紙巾

之後就上船遊湖

本來可以中途落島行吓

不過今日天氣唔好所以無得落

船大約坐咗大半個鐘

好好彩一路都有藍天白雲伴住我哋

中途仲見到彩虹添

落船之後就返酒店 CHECK IN

今次我哋揀咗無室內風呂嘅房

因為呢個房型睇煙花清楚啲

スパリゾート館 - 特別和洋室 (68平方米)

酒店樓下有餅店, 買咗兩件cake 返房嘆

味道偏甜, 唔係我哋杯茶

食完餅就出去浸溫泉
呢度個溫泉好大, 都幾好浸, 唔錯

今晚約咗六點食晚飯, 浸完返房休息陣就出發

<續>

2018.10 北海道 {Day 3} 札幌遊

2018.10.29 北海道 {Day 3} 札幌遊

住溫泉酒店我哋通常都會約 8:00 食早餐

 唔駛太早起身, 食完又可以有少少時間浸多次溫泉先 check out

日本嘅飯真係好好食

十一點 check out, 行返出路口諗住買尋日的士司機強烈推介嘅定山溪出名的饅頭

點知 sold out (定其實係未出爐?!), 無緣~

跟住就坐巴士出返札幌

未夠鐘check in, 唯有先放低行李先出去

早餐後都無食過嘢, 今餐諗住食拉麵

途經 Tokyo hands, 每次點都要入去行陣

喜來登拉麵 薄野 (tabelog 3.58分)

其實本來想食另一間的

不過店主咁岩呢段期間去咗東京比賽

最後揀咗呢間

去到都等咗一陣先可以入座

勁多蔥嘅麵豉拉麵

呢度只賣三款湯底嘅拉麵 - 麵豉, 鹽同豉油

根據觀察, 麵豉湯底似乎係最受歡迎的

但個人就覺得普普通通

食飽就開始行街

呢頭小店好似唔太多, 所以都係主打百貨公司

 行到五,六點開始攰

但因為今晚 book 咗九點食壽司

所以要繼續盪吓先

咁岩附近有幸福 Pancake, 梗係要去食吓啦

呢間又變成港人 pancake 店

不過我覺得佢真係幾好食, 鬆軟得嚟又唔會一陣風, 蛋味又夠濃

食完都仲有成兩個鐘先到晚飯時間

呢頭唔多嘢行加上好多百貨公司八點就開始 close

我哋唯有附近兜來兜去

期間我哋懷疑誤闖紅燈區

見到有好多掛滿性感女仔相嘅鋪頭

又有好多男子拉客 (就好似新宿歌舞技丁咁)

雖然唔算太滋擾, 但都係快快離開

由於今日都買咗唔少戰利品

為免大包小包咁去餐廳

於是食飯之前先將佢哋放低喺 Locker 

鮨処 有馬/ありま (Tabelog 4.14分)

壽司師傅好 cool, 唔多講嘢 (雖然我都唔多識講咁多日文)

本來都覺得個氣氛悶悶哋

不過比我哋發現其中有個外表都幾宅嘅食客

(我覺得佢似似哋少林足球嘅醬爆)

佢每食一件壽司都會有唔同嘅表情

有時一放入口會先閉眼, 然後微笑; 

有時會一入口就即刻露出滿意嘅笑容

再加上佢似醬爆嘅樣, 成個畫面真係好 funny

或者我哋期望太大

呢餐又無想像中咁好食

食完都已差十一點

要快快返酒店沖涼執行李, 準備我哋之後嘅三日兩夜郊區遊

返到酒店第一件事當然係睇夜景

雖然唔及香港嘅靚

但呢度又有另一種吸引嘅地方

2018.10 北海道 {Day 2b} 定山溪第一寶亭留

2018.10.28 北海道 {Day 2b} 定山溪第一寶亭留

check in 時的 welcome 點心

嗰兩粒係糖, 勁甜但用來送茶又岩岩好

今次間房都唔錯

至少房內溫泉係真溫泉

終於學識原來溫泉附客室係有分真泉水同普通水

而加 book 房時都會留意

如果係水就可以 book 無風呂嘅房慳返筆

房型: 展望風呂付客室（60平米以上）

房內溫泉都夠大, 開住窗通爽之餘又可以睇到風景

之前網上見人話旅館的公眾浴場好正

於是休息陣就趁食飯之前去浸吓先

<森之湯>

溫泉唔算好大, 容納唔到太多人

所以浸咗一陣都係返出去 lu

訂房時附送一杯飲品

浸完飲就岩岩好

之後返上房休息陣就去食飯啦

<松庵>

呢餐食到好飽好飽

不過原來係我自己攞嚟

book 房時訂咗個加料嘅餐

正常係無嗰盤海膽壽司的

加埋呢盤真係飽到上心口

book 房時用咗 "元気です北海道クーポン"

慳咗 20,000 yen

真係超級抵!!

2018.10 北海道 {Day 2a} 定山溪賞紅葉

2018.10.28 北海道 {Day 2a} 定山溪賞紅葉

北海道早晨~

十月去北海道就係希望可以睇到紅葉

雖然十月底係有啲遲

但都決定去定山溪碰吓運氣

搵資料時見到好多人話紅葉季節時入定山溪會勁塞車

閒閒哋可以塞成幾個鐘

有坐長途車恐懼症嘅我當然係有啲擔心

於是我哋決定早啲入去

同埋...........坐的士

呢日大約八點就出發坐車

沿途交通順, 大約 45 分鐘就到定山溪

埋單七千幾 yen

今晚會住定山溪第一寶亭留

我哋先放低行裝喺酒店, 然後再出去四圍遊

之後就向住白絲瀑布方向行

沿途有個好大好大嘅公園

雖然好葉唔多, 而且仲開始轉黃, 但都好靚

睇到我同蝸牛先都好開心好興奮

我哋仲喺度打千秋, 玩搖搖板同食早餐

喺呢個公園都逗留咗差不多成個鐘, 影咗好多好多相

之後愈行愈天陰, 差不多行到白絲瀑布嗰陣仲突然落大雨

有少少狼狽, 但都阻唔到我哋向瀑布進發  (因為附近根本無瓦遮頭!!)

好彩行到瀑布又忽然細咗雨

我哋可以影返幾張到此一遊嘅相

之後沿途行返出去, 又開始無乜雨, 真好~

路經免費足浴場, 見無乜人於是又去體驗吓

浸完休息夠又繼續行程

點知蝸牛先生忽然話肚痛

(明明今早無乜食過嘢, 我懷疑岩岩浴足場踩過石春路觸動到某條大腸神經)

於是拿拿臨去搵廁所

行入觀光協會, 點知係無嘅

好彩見到不遠處有酒店

於是急急腳行過去

最後行到去定山溪萬世閣酒店, 順利搵到廁所

解決完後, 蝸牛先生又回復生猛繼續行程

我哋向二見吊橋進發

瘋狂影相後, 又到食飯時間

呢頭餐廳好似唔係好多

最後我哋入咗呢間清重鐵板燒

門口寫住推獎店, 應該唔會差掛

一推門入去, 入面無人, 而且有少少簡陋

伏味濃!  但已經唔好意思撇退

我哋分別揀咗一碗豚肉飯同牛肉飯

豚肉飯味道尚可, 但唔知點解飯嘅溫度只係微暖

而蝸牛先生的牛肉飯的味道就好"SO"

白白浪費咗一餐嘅 quota

一場來到定山溪, 就算紅葉已經滿開咗都想上豐平峽行個轉

出發前以為剩係自駕或巴士先可以去到

而巴士亦唔係全年都有

咁岩我哋呢段時間巴士已經無開

諗住放棄

點知頭先喺觀光協會比我哋發現佢哋有代 call 的士服務

由觀光協會坐的士去豐平峽停車場車資大約千幾YEN

落車之後要再轉電動巴士

雖然無乜紅葉, 但都比想像中靚

我哋又喺度影咗大量嘅相, 都幾好玩

相信呢度紅葉滿開會幾靚

雖然今次無緣, 但都幾好玩

走嘅時候去返售票處叫職員幫我哋 call 的士去酒店

 三點幾鬆啲就 check in 啦~

(續)