2017-2108 大阪跨年之旅 {Day7} 回程

2018.01.04 大阪跨年之旅 {Day7} 回程

今日係旅程的最後一日

10點鬆啲就 check out, 之後去搵一間賣髮尾油的鋪頭

喺地下街行咗陣就去北新地搵食

蝸牛先生話唔係行好遠

點知都行咗差不多九個字先到, 好攰

本來想搵壽司店, 不過新年的關係好多鋪頭都仲未開

最後見到間食鰻魚的

於是即刻上 tabelog 望吓, 見佢嘅分數都唔差, 於是就揀佢

長崎県対馬市美津島町 しろや 北新地 (tabelog 3.55分)

同蝸牛先生分別叫咗兩個唔同的 set

兩個 set 的飯煮法係唔同的

我覺得兩款都好食

尤其係佢加湯嗰皇食法

食飽又返去阪急買手信

見到呢度好多人排隊買包

我又唔執輸買咗一個好大嘅包同蛋糕

雖然味道唔係驚為天人, 但都好味嘅

行完阪急又行陣 Tokyo hands

差不多鐘數就出發去機場喇

每次去到機場蝸牛先生都會食一餐先上機

壽司同大阪燒都係佢嘅至愛

七日的大阪之旅完了

雖然今次都有幾多意外, 但都算好玩

如果有機會再玩跨年, 一定會做足準備 book 好餐廳

2017-2108 大阪跨年之旅 {Day6} 落雪呀

2108.01.03 大阪跨年之旅 {Day6} 落雪呀

每次去日本都要食 pancake

打算避開排隊潮, 於是十點幾就出發

一心想食 幸せのパンケーキ

點知撞正日本新年, 要 4 號先開

見到旁邊有間 Gram, 唯有改去呢間

鋪頭十一點先開, 未夠鐘就周圍行下

之後入到店, 大半場都係港人

呢間唔差的, 只係覺得 幸せのパンケーキ 好食啲

食完又走去對面食拌麵

前一日蝸牛先生同朋友食飯就係食呢間

佢話好味, 於是帶我來再食

雖然無餸又食乜汁

但個麵出奇地好食

食飽飽之後就去行街

行去大丸途中, 忽然落雪

雖然唔大, 但我同蝸牛先生都好興奮

就係呢度, 不過影唔到啲雪

買咗份綠茶福袋, 好鬼抵 (好似係2,000 yen)

買完茶包, 又坐低抖吓

行完難波, 心齋橋就返大阪站的阪急百貨買手信
順便買少少下午茶返酒店食

呢個泡芙好好食, 下次要再食

見到啲壽司幾靚, 又買咗盒返去share


今日係最後一晚, 返酒店休息順便執吓喼
差不多鐘數就去附近的茅乃舍  買湯包
跟住又行吓 Lucca, 唔小心買咗件褸

今晚 book 咗食雞串
唔想一包二包去餐廳
於是急急腳上返酒店放低戰利品, 好彩最後無遲到

焼鳥 市松/いちまつ (tabelog 4.08分)

日本的廚師都有型過人, 真係睇住佢煮都值門票價

呢餐都幾好食, 而且唔算貴
最有印象係碗雞湯同埋雞飯, 我覺得好好味
另外刺身雞又比想像中易入口, 其他串燒都好正

咁岩坐我哋格離有 pair 香港情侶
但人哋著到好高貴, 我哋就..........
(不過個男又同蝸牛先生撞鞋, 真係好岩)

食飽就慢慢行返酒店執行李

2017-2108 大阪跨年之旅 {Day5} 又被放飛機

2018.01.02 大阪跨年之旅 {Day5} 又被放飛機

今日蝸牛先生約咗一個喺當地讀書的朋友食 lunch

於是我就自己行下商場

分道揚鑣之前蝸牛先生先陪我去大丸樓下的 551蓬萊HORAI 食燒賣

上次機場食覺得幾好味

雖然今次都好味, 但就覺得碗麵好重味精

食飽飽之後就出發去血併, 第一站 Grand front osaka 

減價中的商場人頭湧湧

蝸牛先生好快地買咗件褸, 買完就去匯合朋友

剩低我一個繼續併, 併得都幾開心

行完 Grand Front Osaka 再行 Lucua

行到咁上下覺得餓餓哋, 於是決定去大丸買少少嘢食順便返酒店休息吓

買咗碗差不多二千yen 的鰻魚飯, 不過無乜特別

喺 Herbis 買咗件 cake 等蝸牛先生返來一齊食
佢的蛋糕真係好好味, 唔算好甜, 而且蛋糕好軟熟

 喺房休息咗陣蝸牛先生就返來了
食完蛋糕抖吓就再去 Grand Front Osaka 同 Lucua 行過

行到咁上下又返房放低戰利品

今晚 book 咗8點食壽司

喺房坐到差不多時間就出去食飯 

路經 Lucua 又無啦啦俾我睇中咗件褸

唯有快手買完拿拿聲返上房放低再出發

成個 trip 都未食過壽司, 所以都幾期待呢餐

點知.......點解無開架?!!

我估可能我太遲 confirm 個 booking, 所以人哋以為我唔到

唉, 下次應該叫酒店幫手打過去 re-confirm 個 booking 穩陣啲

日本的新年真係好難搵食
幾乎成條街都無鋪頭開

最後, 唯有返酒店食啦
我哋揀咗鐵板燒
味道中規中舉, 彌補唔到無得食壽司嘅失望

book 過咁多次食飯都未試過 book 咗但無得食
我諗應該係我唔太熟 tabelog 嘅 booking system
衰過今次, 下次我知道應該要點做了