20150824 澳門

今年忽然變了旅遊年

年頭去了九州, 最近又去了兩次澳門, 緊接住仲有沖繩同東京

上星期日, 蝸牛先生要去澳門出席一個 Band show

於是我地就順便去個兩日一夜的短 trip

住 十六浦

地點比想像中方便 (起碼行出去都可以搵到食)

upgrade 了河景房, 可以睇到日落

呢兩日的活動主要都係食

市政街市

第一次去澳門的市政街市搵食

原來同香港的都差不多

期間遇到電視台拍飲食特輯

對住鏡頭的時候, 主持人食得好津津有味

但原來一熄機, 佢就會將咀裡的食物全吐出來

似乎都幾浪費

牛腩米

呢碗係蝸牛先生的, 佢話都幾好味喎

豬扒麵

豬扒好淋, 而且好入味

咖哩汁另上, 我覺得幾好

咖哩汁都幾辣, 落少少已經好夠味, 只係嫌太油

之後又去0左唔知咩百老匯大街

蝸牛先生一見到雪條就兩眼發光

最後買了一支

造型好靚, 味道正常

但 $28 一支都幾貴

水餃麵 @ 皇冠小館

呢碗麵要成五十蚊, 都幾貴

不過湯底同麵質都幾好, 但勁細碗

萄撻 @ 安德魯

之後專登0係氹仔坐的士去路環

為的就係萄撻

感覺比瑪嘉烈好, 因為佢無咁甜

之後睇埋日落先離開

再坐返的士去氹仔食飯

萄國菜 @ 山度士

餐前麵包

外脆內軟, 都幾正

咖哩雞

咖哩汁好香, 用來撈飯一流

唔知點解 澳門的雞真係好有雞味

其實仲有一碟燒豬骨的, 不過唔記得影

而一碟四件無肉豬骨加著條, 盛惠 MOP160

都真係幾唔值

另外有兩餐無影到相

一餐係中菜 {李康記海鮮酒家} , 另一餐係萄菜 {坤記餐室}

兩間的味道都唔錯

澳門的食, 住同交通都幾貴

兩日一夜, 兩個人閒閒地都要駛 OVER 2千蚊

不過, 澳門的0野食又真係幾好食0既.....

或者下次去個 day trip 就已經好夠

2015.08 沖繩自駕遊

30.8.2015 TO 03.09.2015
成團人數: 八人 (兩老 + 兩兄嫂 + 三家姐 + 我)

2015 沖繩五天之旅

呢個旅程原本打算十一月先出發

不過想趁媽媽仲有精神的時候玩0左先

八月頭決定八月尾出發

希望到時唔好打風

亦希望到時媽媽狀態 OK

由於時間緊迫, 再加上我未去過沖繩

所以都花0左幾多時間去搵資料

最後決定兩晚住市區, 兩晚住美國村

跟 EGL 買了 PACKAGE
坐港龍, 住 Double tree by Hilton
不過訂完 package 幾日後, 佢通知我無房!!
(今次之後, 我決定唔再用 EGL, 皆因佢手腳實在太慢
之前用開縱橫遊, 通常 BOOK 完好快會收到 E-ticket 同 hotel voucher
但今次係五日後先通知我無房, 而 e ticket 就再等多幾日先收到)

本來貪 Double tree有三人房可以方便照顧兩老
點知突然無房, 又要我拿拿臨再搵
搵0左好耐都唔岩心水 (一係無房, 一係就太貴, 然而有三人房的酒店並不多)

結果都係搵唔到有三人房的酒店

最後 Book 了 Mercure Okinawa Naha

呢間都幾新幾靚, 但聽聞好細

而美國村就會住 Vessel hotel campana okinawa

美國村好多酒店都好貴 (可能因為望海, 再加上旅客區)

而呢間 Vessel hotel 就價錢相宜, 夠新, 同埋 d 海景房都幾靚

租車我就搵 ORIX

其實 EGL 都幾抵租

不過咁岩見到 ORIX 做特價

所以最後揀0左佢

今次行程唔會太多

純粹只係希望兩老開心

最衰今次蝸牛先生未能同行

如果唔係仲開心

希望今次旅行可以順順利利~ 

八月份周圍食

愈來愈懶 update blog

唯有一次過出哂想出0既0野

呢兩個月同蝸牛先生都試0左幾間新的餐廳

No.5 Italian
大坑布朗街21號地下

有晚同蝸牛先生落大坑食飯
去0左曉明同 baby 求婚的餐廳

menu 入面的選擇不多
印象中好似無甜品

一坐低就送上麵包
黑色的係松露味, 都幾好味
奶油(牛油) 都好味


蕃茄意粉
忘了係乜名
只記得意粉質地好有咬口, 好煙 un, 好正
而且味道都唔錯, 只係嫌太細碟


海膽松露意粉
呢碟好好食, 不過都係0個句, 好細碟


其實食完唔算太飽的
不過又覺得無理由倒轉頭叫返頭盤/小食
所以最後都係走人

之後同朋友去了 cwb 世貿分店
0個間 menu 選擇多 d, 而且食物的份量都好似大d
仲試埋 pizza,  批底好脆, 唔錯!~

Little Vegas

銅鑼灣耀華街3號百樂中心25樓

呢間食西餐的, 裝修都幾特別, 但都幾嘈

openrice 的 comment 都幾好

叫了一碟意粉, 一個 pizza, 但都係食唔哂

冬蔭公意粉

食落味道有少少淡, 但原來係我地無將汁撈混

都幾特別, 不過就唔會話想下次再0黎食

炸海鮮 pizza

海鮮就只有蝦同魷魚

蝦的炸粉超厚, 蝦的真正 size 似日式甜蝦咁瘦, 好無口感

pizza 底都麻麻地, 唔軟又唔脆

似係被焗淋的感覺

另外再加多一杯飲品, 埋單差不多三百

我同蝸牛先生都覺得呢餐唔值呢個價

三百蚊, 出面有更好食的

博多拉麵別天神

尖沙咀阿士厘道24號天星大廈地下A1地舖

有次出到尖沙咀唔知食乜好

最後去0左食拉麵

湯底都 ok 0既, 但就唔算特別好

麵質都麻麻

餃子

都係普通貨色

自然屋日本料理

北角城市花園商場地下36-38號舖

其實呢間都算係我地飯堂之一

皆因佢又抵食又好味

通常都揀魚生飯 or  today special set (有炸物, 魚生, 飯, 冷麵)

但今次我轉食牛肉鍋

今次之後, 下次都係食返魚生飯 or today special

(唔係唔好食, 只係味道太普通, 好似自己都煮到咁)

蝸牛先生的壽司定食

魚生 ok 的, 不過飯團好散

蝸牛先生一路食一路跌

新泰東南亞餐廳

灣仔軒尼詩道318號W Square 2樓

南瓜海鮮飯

呢個飯都幾好味, 而且有好多海鮮, 唔錯

炸蝦

真正的名已經唔記得0左

不過記得佢都幾好味, 點埋個汁酸酸甜甜, 一貫泰式的風味

香芒軟殼蟹米紙卷

軟殼蟹好脆, 個汁都調得幾好

雖然唔夠九龍城的泰菜館咁有風味

不過呢間味道都幾好

而且坐得幾舒服, 岩哂一班朋友來食飯

2015.10 東京 + 北陸 十天 {成行篇}

睇完杜如風的 <東京攻略>

心癢癢好想去東京走返轉

之後望望月曆, 原來十月中有一日公眾假期 (重陽節)

請四日就可以去九日, 好抵喎

於是又走去望下 d package, 機票

umm....價錢其實唔平

3D2N 要四, 五千蚊一個人

然後再加埋機票, 酒票附加費

最後埋單差不多六千一個人

老老實實我係真心覺得好貴的

不過蝸牛先生竟然話價錢 OK

所以.....最後就成行啦~

*****

出發日期: 17 OCT 2015 

回程日期: 26 OCT 2015

航班: JAL 736

已經去過東京好多次

為了增加新鮮感

所以今次我地會加插新景點, 仲會住新酒店

GRACERY SHINJUKU

酒店 2015.04 先開業, 位置就在歌舞技丁附近

另外, 今次會試搭剛開通的北陸新幹線去金澤

由東京過去, 只需兩個鐘頭多少少

咁就可以市區, 郊區兩邊玩

我同蝸牛先生都未去過金澤 (中部）

預計今次會遊金澤, 立山, 上高地, 松本

其間會住兩晚溫泉酒店

界 松本 (http://kai-matsumoto.jp/)

我幾喜歡呢個集團的溫泉酒店 (星野)

之前去輕井澤住過一次, 感覺幾舒服, 好 RELAX

(==>片段重溫)

今次住呢間的格局就比較傳統, 相信會係另一番的體驗

另一間在山代溫泉區

我地是在旅館100選  個WEBSITE搵到的

天祥 (http://tensyo.yunokuni.jp/)

其實有另一間更好的

不過今次唔想再住咁豪, 所以最後揀0左呢間

佢排第十三位, 排名都算唔錯架!!

日本真係一個百去不厭的地方
再加上 YEN 咁低水
真係令人好難抗拒

兩個幾月後
東京見~

七月 雜記

之前停0左一段時間無寫 BLOG

結果個人就開始懶....

太耐無寫, 今次就來一個雜記

*****

呢日要出尖沙咀拎代購的衫

本身想去諾士佛臺的 [一遊]

點知我記錯名, 去0左 [元氣一杯]

排了差不多十五分鐘先有位

排隊的時候, 見到 Openrice 的 comment 好似麻麻

當時有少少猶疑轉場

但又見都有幾多日本人出入

於是最後都係等

星期日都有 set lunch (大約有十四, 五個 choice)

價錢在 $80 - $120 (+1) 之間

仲平過天后區的日本小店

南蠻雞定食

定食 set 有麵豉湯, 蒸蛋, 前菜, 飯, 及餐飲

麵豉湯好好飲, 魚味好濃

蒸蛋雖然唔算太滑, 不過味道都幾好

主菜南蠻雞配上他他汁, 唔算漏, 但又唔算太特別

好有日本的風味, 唔怪得咁多日本人幫襯

呢個 set 一百蚊唔駛, 絕對超值

炸豬扒定食

豬扒係薄身的, 我覺得口感唔夠 (但味道 ok 的)

反而其他 side dishes 幾好

呢個 set 都係好有日本家庭 feel 

七月日本大減價

不過未能抽身飛過去

於是我諗到...隔岸購物

先去日本 website 揀貨

(我去了 zozotown 同 Amazon.jp) 

最後經轉運公司 tenson 將佢地運來香港

前後大約一星期

連埋運費, 價錢都比香港平 20% - 30%

真係好抵

於是之後, 我就日日都巡網.....好傷神

最近購買欲真係好高漲

話說用開的袋爛0左要搵一個替換

可能我要求實在太多, 所以搵0左好耐都未搵到

{要靚, 要百撘 (casual 同 返工都用得), 最重要係輕而又唔太貴}

最後上星期終於0係 Celine 比我搵到

(近年我中了 Celine 毒)

不過其實唔算太百撘, 返工有d 衫唔太襯呢個袋

近日有返少少心情, 於是開始整返包 

終於都買到網上大熱的 {流淚粉}

好似話用0左呢隻麵粉整出來的包包會好食到令人流淚, 所以叫做流淚粉

試完之後, 覺得果然唔錯, 包包好軟熟

睇怕我都係返唔到轉頭, 暫時都會用佢來整包

整了幾次蒜蓉包, 出爐時好脆, 好好食

前排經代購買了一隻 [ 柳宗理鑄鐵鍋 ]
細細隻 (16cm) 二百幾蚊
雖然用途唔多, 但用來翻熱食物同煎蛋好方便
最勁係完全唔痴底, 煎蛋無難度
世上好用的廚具實在太多, 買極都買唔哂...

前幾日放工去了書展
買0左一直想買的 {鑄鐵鍋料理}
又買了兩本日本旅遊書 {名古屋 , 四國 }
旅遊書半價, 超抵, 所以無諗住去 四國都要買本返去睇下

之後在 Sogo 落車, 買0左幾盒刺身返去整刺身飯
(我去完書展, 再返去煮埋飯, 蝸牛先生都未放工)
不過感覺 Sogo 的刺身唔及 CC Super 咁有鮮味
下次都係去返 CC Super 買

食同買絕對可以令自己變得快樂......

(不過找咭數時就非常不快樂)

2015.07.04 {上環} lunch @ 粵來順

食, 可以令我心情開朗

所以一放假就會同蝸牛先生去搵食

喜歡東來順的我們
今星期就去了上環剛開業無耐的 粵來順 試菜

裝修走懷舊路線

坐位幾舒服闊落

酸梅汁

可能係新開張的關係

會人送酸梅汁一小杯

酸甜度適中, 我覺得幾好飲

荔芋百寶盒

味道淡0左少少

不過雖然係炸物, 但食落唔油膩

食完唔會有好滯好漏的感覺

流沙奶皇包

個包外皮都幾鬆軟

不過嫌奶皇唔夠香

但又係好清, 唔會好漏

脆米花腸粉

呢碟我好鍾意, 好好食

脆米花真係好脆, 入面包住 D 蝦膠

花膠海參灌湯餃

由細到大, 飲茶我最鍾意食灌湯餃

好懷念以前細個食到0個種

即係餃包住 D 湯, 一籠兩隻

而加除左0係鳳城食過之外, 其他酒樓都好少見

呢度灌湯餃係頂點, 成 $68, 都幾貴

湯幾好飲

不過隻餃入面無乜料

更加食唔到有海參, 花膠

有少少搵笨

鳳爪排骨飯

好鍾意食呢類的蒸飯

整體來說, 味道都幾好

而且食完唔會有平時飲完茶飽滯的感覺

蝸牛先生已經講0左會再來

****

飲完茶去0左尖沙咀行街

最近蝸牛先生迷上了 de Joël Robuchon 系列的鋪頭

臨走前要去買件 CAKE 返屋企食

一件係 BLUEBERRY, 一件係芒果橙
Blueberry 0個件比較清
芒果橙又唔會好甜, 好味!!

有次屋企大食會, 買了八件返去

大家食得好開心

de Joël Robuchon 的 cake 真係好得

暫時係我地的第一位

不過原來 TST 鋪比 IFC 鋪的款式少

下次要去 IFC 買先得

有次蝸牛先生仲試埋佢的花花雪糕

雪糕好滑好香

不過可能當日個 STAFF 係新手, 支花砌得都幾核突

好開心蝸牛先生同我都係愛吃之人~

2015 生日飯 @ 鉄人旨花 (銅鑼灣）

今年生日, 沒有特別的慶祝活動

只是在生日前夕跟蝸牛先生吃了一個生日午餐

想吃鐵板燒

原本 BOOK 了 鐵板燒雪舟

不過0個朝起身望 OPENRICE 的時候見到好多人話麻麻地

於是我地決定轉場

最後揀了評言都幾OK 的  鉄人旨花

入到去竟然一個客都無 (星期六, 一點喎)

STAFF 遞上 MENU

打開第一頁, $788/位

第二頁, 二位用, 但 $1,588 up 同 $1,788

第三頁, 更貴

問 staff 會唔會有 lunch menu

原來 weekend 係無的 

滴汗!!  lunch 我無打算食咁貴, 而且呢度的環境唔算特別高級

有諗過走人, 不過蝸牛先生話今餐同我慶祝生日

所以最後都留低了

我地揀了和牛龍蝦餐 (即 $1,599 up 的套餐)

up 的意思係根據當日龍蝦的重量, 再 on top 加錢

呢日要加 $300

未計加一已經差不多二千, 而且只係一個 lunch, 我真係唔多接受到!!

前菜

味道普普通通, 無乜特別

銀雪魚

用日式麵豉來燒, 味道幾好, 不過我覺得略咸

海膽炒龍蝦

龍蝦並不是一般的龍蝦仔

以 LUNCH 來說, 我覺得份量有點大 

上枱時有少少嚇親

佢似一碟例牌 SIZE 的小菜, 兩人食實在太誇張

味道其實幾好的, 有好濃的海膽同牛油的香味

只不過食多幾件之後就覺得好漏

(呢餐之後我足足滯0左一星期)

用來清味蕾的蕃茄汁
呢個幾好飲

和牛, 野菜

和牛幾嫩, 不過牛味唔重

野菜都幾鮮甜

炒飯

呢個都好食, 不過太飽, 食唔哂

龍蝦湯

味道好淡, 唔好飲

綠茶雪糕

奶凍

呢個麻麻

今餐好貴, 味道雖然唔錯, 不過份量實在太多

呢餐之後, 我見到龍蝦就想嘔

因為實在太漏

如果一早知道係咁貴, 我一定唔會來

*****

過完生日, 又老一歲, 真係好唔想咁快變老....