2015.03 - 九州遊 {Day 5} - 登錄鹿兒島

2015.03.25

{Day 5} - 登錄鹿兒島

今日我地晨咁早就起身浸溫泉

皆因我地十點幾就要離開

所以離開前點都要享受多次呢個咁大的私人風呂

早餐時間

都算清淡, 塊三文魚佢整得好好食

麵豉湯幾好飲, 不過今日要坐長途車, 唔敢飲咁多

 唔覺意燒焦0左, 無得食, 可惜!!

服務員又送我地一對碗

碗入面有隻白兔, 好得意

呢對碗佢話用來飲 sake 的

食飽飽休息陣, 蝸牛先生又去浸溫泉

而我就出去影下周圍的環境

影到咁上下就返去收拾行李

期間, 見到一隻大甲蟲

再之後, 又見到一隻大蜘蛛 

我懷疑, 尋晚我同佢地同眠

諗起都恐怖

今日我地會去鹿兒島

由黑川溫泉出發大約要花四個幾鐘頭

十點三 check out

酒店送0左一幅連相框的合照俾我地 (真係超多 gift!!)

本來仲有本關於呢間酒店的畫冊, 不過太重無拎到 

之後酒店司機送我地出車站

臨開車前, 見到呢兩日 serve 我地的服務員跑過來

之後佢遞上兩支熱茶, 0個刻感覺好溫暖~

我覺得呢間酒店都幾值得住

環境靚之外,服務同食物都好 ok

不過, 怕昆蟲的就要諗清楚, 因為佢地真係超大隻

秘境 白川源泉 山荘 竹ふえ

我地今日會先坐巴士去熊本

十點七出發, 大約一點九先去到熊本

沿途經過阿蘇火山，即刻拎相機出來當自己到此一遊

呢度都可以好清楚影到阿蘇火山在冒煙

以為坐幾個鐘巴士會好辛苦

但好彩沿途風景都幾靚, 時間眨下眼就過

熊本車站

本來打算落車後在熊本車站附近搵食

點知車程比原定時間多了十五分鐘

所以最後只係趕得切外賣壽司便當上火車食

(不過最後在月台已經 K.O. 了)

由熊本去鹿兒島的車程只係大約一個鐘

其間架火車穿越了無數個山窿, 總之窗外見到的景物除了山窿就只有山窿

在鹿兒島只會 STAY 一晚

我揀了車站附近的

Solaria Hotel kagoshima

在官網訂, 有early bird 優惠, JPY11,300/夜, 都幾抵住

酒店好有心, 佢在官網入面圖並茂咁教人點樣行去酒店

真係好抵讚!!

揀了 可以望到櫻島火山的房

窗有點污糟, 佢解釋係因為火山灰

房間比我想像中靚

沖涼房有獨立門隔開廁所

有浴缸又有企位, 正!!

休息陣就爭取時間出去行街

剛才的壽司便當味道麻麻

最後在酒店下層的超市再掃過

超市外邊有賣熟食的鋪頭

雞肉刺身, 真係唔敢食

串燒, 不過不失

天婦羅, 味道好麻麻, 凍而且韌皮

之後在 AMU PLAZA 行0左一陣
今日終於有收獲, 買了一件薄褸
離開商場就坐市鐵去天文台通

不過原來天文台通都係一貫日本的商店街

唔太岩行

見有時間就搵定今晚食黑豚料理鋪頭的位置

餐廳無得網上 book 位 (even 佢有email address 提供)

於是拜託了家姐識日文的同事幫我地打電話過去 book

不過距離 BOOK 位時間仲有兩個鐘

於是唯有周圍行下

本來以為附近無大商場

點知搵下搵下又搵到附近有個叫 Maruya Gardens 的商場

(其實仲有山形屋, 不過時間關係無去到)

呢度都算做有 d 0野行

真好彩, 如果唔係時間都唔知點樣消磨

行完就去食飯

來到鹿兒島, 無理由唔食黑豚

前菜

豬肉排得好靚

炸黑豚波波

雜菜

烏冬好滑

雪糕味道麻麻, 有點怪

基本上呢餐都幾好味 (不過蝸牛先生就話普普通通)

食飽就坐市鐵返酒店

早0左一個站落車

原因係有人想去望下 d 屋台

我覺得有點似香港的大排檔

但當然人地的係靚好多

之後經過一間超市, 又入去行0左一圈

返到酒店, 有人未沖涼就0係床瞓著0左

第五日完

  

2015.03 - 九州遊 {Day 4} 下集 - 秘境 @ 黑川溫泉

2015.03.24

 {Day 4} 下集 - 秘境

今日我地會撘九州橫斷巴士去黑川溫泉

由湯布院出發，車程大約兩個小時

雖然好多人話巴士唔會 full, 但為了安心, 我在香港時預先 online 訂了車飛 

到達當地後, 要再去便利店付款取票

我是在日本樂天旅遊網訂票的

在九州橫斷巴士的網站入面會有 LINK, 直接按入去就可

訂票情序唔算複雜

而拎飛的詳情請見以下網址
 http://bus.norimono.jp/bus/popB.html

記住第一次見到呢個畫面係要輸入 "bus"


再之後先輸入印在 email 的 予約番号

完成後, 會有張 receipt 的物體 print 出來

之後跟手拎去便利店的櫃台俾錢就可以拎到車飛

 講返今日的行程

巴士準時出發，今日約七、八成客滿 (比預期中多人)

個幾鐘之後巴士在休息站停車 （大約有十分鐘休息）

上車後坐多半個鐘就到黑川溫泉

下車的地方都幾荒蕪, 而且好凍

除了同車的乘客外，方圓十里都冇人

我 expect 酒店的司機叔叔已經在車站等我地

但當所有人都被接走後, 我地的司機仍然未到

由於日本人一向都守時

我開始懷疑自己係咪約錯時間 or 地點

但我反覆 check 過 email 的內容, 時間同地點都係無錯的

於是又開始諗應變方法 (不過諗唔到)

好彩, 過多五分鐘, 司機叔叔終於都出現

我地今晚會入住 秘境 白川源泉 山荘 竹ふえ

當車駛到入酒店, 已經有五, 六位服務員出來鞠躬迎接, 場面好誇張

check in 時先在大堂揀浴衣

入住的女士有熊本熊作為禮物, 仲有眼鏡布兩塊

一出大堂, 有雪糕俾客人任拎 (蝸牛先生即刻心心眼)

要行一陣先到達我地的房間

呢度都算幾大, 幾多0野玩

沿途經過都見到不少特別的設施

不過只入住一晚的我倆, 無緣享受啦

酒店的不同角落都會放有飲品比客人免費享用

我覺得超正~ 

有個 BBQ 場地

行0左一陣終於都到我地的房間

入房後, 真係 "嘩" 一聲

個私人風呂好大呀!!

溫泉附近有放飲品的地方 (左下), 方便客人隨時享用 (free 的)

另有一個室內的, 蝸牛先生好鍾意"呢埋" 0係個山洞入面

生果放在旁邊, 等你可以一邊享受溫泉, 一邊食生果, 真係好貼心

雪櫃入面有好多款式的飲品, 而且仲要係 free 的!!!

(不過因為之前已經睇過人地的介紹, 所以唔算太驚喜)

護膚品主要用 L'occitane

仲有一小 SET 的愛馬仕護膚品可以拎走 (今次到我心心眼)

大廳, 有樓梯可以上閣樓 (閣樓係房, 應該多人來先有需要用到)

呢度係亦係用餐區, 早餐同晚飯都0係呢度食

咖啡角, 設備好齊全, capsule 款式都唔少
只可惜我同蝸牛先生都唔飲咖啡的

沖涼房


服務員介紹完房間後, 就送上 welcome 點心 (不過味道麻麻啦)

而我地都即刻品嚐從由布院帶來的蛋卷

登登登登, 幾經辛苦買到的 B-Speak 蛋卷

外表同一般的蛋卷無異

但其實食落都係同一般蛋卷無分別

好失望啊, 我地覺得堂島卷仲好食

由於時間關係 ,食完蛋卷後, 我倆都急不及待沖涼浸溫泉

室內溫泉的水溫比室外溫泉低 (不過都好夠熱)

所以我地先在室內適應下, 然後先出室外

呢個室外私人風呂真係好夠大, 唯一挑剔的地方係佢無 view

晚飯時間約了 6:30, 服務員 6:00 會入來 set 枱

魚生好生鮮, 鮑魚好爽脆

前菜: 凍食為主, 我麻麻地

今餐又有牛肉 (已經連續食0左四晚牛)

不過日本的牛真係百吃不厭

雪花好靚, 好有牛味

半生熟牛, 略煎過的

今晚又係要自己動手燒

Shabu shabu 材料

紙火鍋

茶碗蒸

天婦羅

蟹腳

服務員送上兩份會發光的飯

我同蝸牛先生都嚇一跳

原來背後係有一個故事的

但由於言語的關係, 我都唔太明個故事係講乜

甜品

今餐晚飯好豐富

魚生, 鐵板燒, Shabu Shabu, 天婦羅

幾乎所有的日本料理款式都有齊

食飽飯未可以即刻浸溫泉

於是就同蝸牛先生出去行下

夜晚行真係有種陰深的感覺 (好切合酒店的名, 秘境)

有個足沿池 

沿途仲見到有大浴池

不過自己房個私人風呂已經夠大, 唔會專登出來浸啦

呢間酒店比我地想像中多0野玩

不過我地成五點先入到來, 其實時間唔多夠

如果有機會再來, 真係要預早少少入來 check in