今日我哋去動物園
9:00 札幌 ~ 10:25 旭川
早咗少少出門，去地下街搵吓有咩早餐食
不過唔係好多鋪頭開咗咋
最後蝸牛先生買咗漢堡飽 (佢話好食，有少少似玉子漢堡，不過佢隻蛋係流心的)
而我就好老套地買咗吉野家 (絕無覺得日本好味過香港)
瞓醒一覺就到站，都幾快
出站後先揾售票處改飛 (因為我0地決定聽日撘早一班火車)
之後就去揾巴士站
巴士站: 出 JR 站先向右行，行到路口位再向左轉，之後過馬路直行就會見到
車程 Around 7,8 個字就到
旭山動物園
http://www5.city.asahikawa.hokkaido.jp/asahiyamazoo/
呢度得 12.7度, 好凍, 而且好大風
入場費才 820 yen, 都幾平
動物園的入口比想像中簡陋
但估唔到原來入面規模都真係幾細
而且入面的動物種類唔多特別
最特別的只係北極熊同大啡熊
不過冬天會有企鵝巡遊，據聞都幾得意的
我哋就無缘睇到
有人一入場就要食雪糕 (旅程的第二杯雪糕)
動物住的地方都幾細，活動空間有限
我懷疑因為咁令佢哋有抑鬱症
因為佢哋大部份都係痴痴呆呆
再唔係就不斷兜圈、做同一個動作
三隻馬騮迫埋一齊唔知做緊乜
今日最“驚喜”係見到長頸鹿小解
一隻在小解，另一隻竟然伸個咀埋去飲，仲要舐脷
Haha, 好嘔心，睇到個個 E 嘩鬼叫！
我哋大約逗留咗三個鐘就離開了
一場來到旭川，點都要食返碗拉麵
我地原本想去梅光軒的
點之撞正佢休息
最後唯有改去山頭火
蝸牛先生的盬味拉麵 (味道ok, 不過冇驚喜)
我的醬油拉麵 (味道好普通)
餃子 (正常)
蛋 (竟然唔係溏心，好令人失望)
今餐又唔多滿意！
原本訂咗車飛今晚九點先返札幌
但最後都係決定早 d 返去行吓街
車站買的手巾仔
去到札幌大丸，第一時間去 Afternoon tea 朝聖
買咗一個三層的野餐盒，lunch box, 好開心！
再之後就係護膚品，呢個牌子 {Albion} 幾好用，剩係日本同台灣先有得買
跟住就去超市買cake {LeTAO} 返酒店食
雜果拿破倫 (大丸限定)
我覺得好漏，食完滞咗
蜜瓜cake
真係有蜜瓜味, 味道好清新
小小甜
喺酒店休息順便執拾明天4 日3 夜短 trip 的行理
點知食 cake 食滯咗，夜晚無胃口
本來想去大丸樓上食壽司善
不過咁岩今日有 PRIVATE PARTY
再之後諗住去Stellar place 的根室壽司, 但大排長龍, 唔願等
最後去0左一間叫家族亭的餐廳 hea 食烏冬
攪到蝸牛先生好失望
家族亭
http://www.stellarplace.net/shop_detail/161
好平, 不過味道真係好一般
竟然第三日就食滯0左, 真掃興!!
才玩了三日, 但已經開始有 d 攰
想唔認老都唔得喇~
