2017.03 廣島 福岡 {Day 4} 博多 SHOPPING

2017.03.21 廣島 福岡 {Day 4} 博多 SHOPPING

預約了八點食早餐

食完休息一陣仲可以浸多轉溫泉先 check out

11:00 check out 完就行去碼頭, 出到去岩岩好俾我哋趕到 11:25分開出嘅船

宮島再見喇~

之後又好好彩地趕到11:47往廣島嘅火車

落車後喺車站買少少零食

上到月台見到有另一班往博多嘅火車就快開出

於是即刻走上車

本來以為自己賺咗

點知原來呢架係慢車, 到達時間比原先我哋打算坐嗰班遲咗半個鐘

呢個小蛋糕都幾好食, 綠茶味好濃

落車之後就返酒店放低行裝出去搵食

隨意走去 JR Hakata City 樓上餐廳

揀咗間日式西餐廳

麻布満天星 (Tabelog 3.14分)

當日有lunch set , 好抵食, 無記錯好似每份千幾yen

 份量唔算好大, 岩哂我哋呢啲鍾意一日多餐嘅旅人

味道未至於好好食, 但正常

 食完之後就出發去天神行街啦

我哋去咗 praco, vioro

不過好似今次唔多岩買

行到六點幾, 開始有啲攰

於是蝸牛先生提議去食飯

今晚食sukiyaki

ちんや (Tabelog 3.62分)

一間賣肉嘅餐廳

 網上comment 都唔錯

肉質都唔錯, 油花幾靚

同一般壽喜燒餐廳一樣, 職員會喺我哋面前煮

不過通常會預先調好個汁然後煮

但呢度會就豉油同糖分開落

咁就出事喇......佢喺我哋面前落咗大半樽有多嘅糖 (絕無誇張)

真係見到都唔多想食

雖然食落又唔算十分甜, 但感覺好唔健康

肉質係幾好的, 牛味都濃, 而且價錢唔貴

只係落糖太多令我有啲怕

食完就返去阪急買吓手信, 又去 AMU shopping

咁就一日喇

2017.03 廣島 福岡 {Day 3b} 結婚周年 x 宮島溫泉

2017.03.20 廣島 福岡 {Day 3b} 結婚周年 x 宮島溫泉

喺房休息一陣就去神社嗰邊行下

途中見到有隻馬騮仔

明明見佢個牌話100 YEN take a picture

但俾咗 100 yen 之後, 個人又理都無理我哋

完全唔知佢做乜

唔知咩事就咁無咗 100 YEN, 唯有走啦

之後就入去神社參觀 

神社唔大, 比想像中快行完

之後就行返去商店街搵食

呢個宮島名物炸紅豆餅

本來對佢無乜興趣, 但原來食落幾好食

之後就去食炸蠔

仲有燒蠔, 兩樣都好美味

呢塊魚餅超多油, 好恐怖

八天堂都係呢度嘅名物

佢係一個裝滿 Cream 嘅麵包

感覺幾得意, 不過唔算特別好味

行到差不多返酒店, 開始落雨

我哋無帶傘, 唯有行快兩步

返去又浸吓溫泉

之後就食晚飯啦

前菜味道都唔錯, 很好的 opening

個剌身盤都好精彩

魚鍋, 湯底好鮮甜, 好飲 

加埋腐竹同烏冬都幾好食

蝸牛先生嘅蠔鍋, 都唔錯

魚湯, 都好好飲

燒蠔好肥美同鮮甜, 今日真係食咗超多蠔

無乜印象係乜

牛肉反而麻麻

唔記得係乜, 但印象中都幾好味

鮑魚都超新鮮, 好正~

我差不多食哂成碗飯, 今餐都幾好味

甜品普普通通

食完飯先九點, 見時間尚早就出去睇吓水退後嘅鳥居

由酒店行出去大約十分鐘, 都幾方便

不過今晚好大雨, 有啲狼狽

鳥居亦無想像中咁靚

睇咗一陣就返去啦, 因為真係好大雨

我諗天朗氣清嘅鳥居應該幾靚

今日天陰陰感覺真係麻麻哋...可惜~

2017.03 廣島 福岡 {Day 3a} 結婚周年 x 宮島溫泉

2017.03.20 廣島 福岡 {Day 3} 結婚周年 x 宮島溫泉 {有もと}

酒店 check out 時間係 12:00

我哋懶洋洋瞓到自然醒, 11:30 先去 check out

尋日見到宣傳單張話房客幫襯酒店餐廳會有七折
好似好抵食, 同埋個樣望落都唔錯


於是決定今日 lunch 去試吓

點知原來 check out 後係做唔到優惠的

不過都照去啦

話哂今日係結婚周年, 要食好啲

 蝸牛先生的壽司 set
佢就話味道正常, 唔算特別好食

我的燒魚set

有三款唔同嘅燒魚, 我就覺得幾好味

本身跟餐係白飯, 我就加咗 800 yen 轉做"時令飯"
本日時令飯竟然係薑飯
最初入口唔特別, 但之後食食吓又覺得幾好食


甜品反而我就唔多欣賞

食飽之後就出發去宮島啦
坐火車由廣島去宮島口大約半個鐘就到

落咗火車, 之後就沿住指示行去碼頭坐船

船程約十五分鐘就已經可以去到宮島

一落船已經見到好多鹿
大部份都好乖, 只係比較胃食 (有圖為證)

我哋沿住宮島表參道商店街一直行
睇吓嘢又影吓鹿
有人又買雪糕, 啡色一點點係呢度限定, 佢話係鹿屎 😅

我就買咗支廣島檸檬汁, 不過無乜特別

宮島出名食蠔, 周圍都會見到有燒蠔

行行吓見到有間白雪雪嘅鋪頭
個甜品望落好似唔錯

入去買咗一件 share
酥皮入面包住忌廉, 都唔錯

商店街盡頭就係海邊

終於都可以近距離望到呢個世界遺產 - 鳥居
可惜今日天氣唔太好
影相出來效果麻麻

之後就去酒店 check in 啦

宮島グランドホテル 有もと
http://www.miyajima-arimoto.co.jp/

酒店有提供接駁巴士

不過蝸牛先生話路程唔遠 (約二十分鐘腳程)

不如就行過去順道觀光

酒店入口比較隱蔽

我哋第一次經過但 miss 咗

之後兜返個大圈先見到

(但其實就在燒防局旁)

check in 完等到三點就安排上房啦

有 welcome 生果

好似住咁多次溫泉旅館, 第一次有果盤

仲有一杯熱嘅綠茶

宮島名物, 紅豆餅

以溫泉旅館嚟講, 房唔算大
地下鋪地毯, 而唔係平時嘅塌塌米
其實入房前職員都無示意我哋要除鞋
所以.........之後喺房都要著住拖鞋, 好唔方便

室外溫泉

我覺得似室外浴缸多啲, 無乜浸溫泉嘅 feel

由於同地面都幾近, 浸嘅時候亦要好小心

浴室入面有幾支 L'Occitane
原本以為佢沖涼房無梘液, 但原來有喎
最後, 我好貪心地將佢哋拎走哂返屋企

有室內浴缸, 不過我哋無用到

有 CD 機, 聽吓音樂
不過房入面得兩隻CD, 好快聽完

有即沖咖啡

雪櫃入面除咗酒之外全部任飲

喺酒店休息一陣, 就出去外面行吓同食吓嘢