婚禮 - 商戶評價 (酒席: 逸東酒店)

店鋪: 逸東酒店 翡翠廳
評分: (十粒 最高)

我們是 walk in join 的, 所以優惠不太多, 得到的都只是基本優惠而已, 如婚紗攝影, 花車, 再加各式各樣的婚禮公司 coupon (不過除了奇華8折劵有用外, 其他的都無乜用). 不過, 婚紗攝影劵限我們在 3 個月內要用, 而奇華 coupon 則是在年尾 (但我年中才簽 contract, 所以只剩下半年可用), 所以 final 我們一張 coupon 都用不著.
地點: 佐敦地鐵站行五至十分鐘, 附近又有巴士站, 應該都算方便. 但酒店入口我自己就覺得比較難搵, 沒有正門, 有點小家.
職員: 一直負責跟進的職員表現都算合格, 只是平時比較難聯絡. 而當晚貼身伙計都算盡責, 只是後來朋友告訴我有時她把我的裙拉得太高. 當晚經理亦協調得好好, FINAL 埋單亦沒有要求收貼士. 我們對於整體職員的服務態度是滿意的.

新娘房: 入面只可以容納兩至三個人, 而且燈光比較黃和暗, 是我見過最不合格的新娘房.
音響設備: 老公覺得好滿意, 大聲得來聲音又不拆.
泊車: 只提供 2 個車位, 實在太少, 對於多車人士會比較麻煩一點.
酒店房: 酒店送一晚住宿, 夜晚上房後有免費宵夜可 ORDER, 都幾貼心, 不過到房已經太夜太攰, 沒有胃口, 所以最後並沒有 ORDER, 不知質素如何.
食物: 問返當日的賓客, 大部份都說食物味道OK, 而我自己都覺得蝦球好好食. 另外, 由於有賓客是不吃翅的, 我們要求酒店將其中一圍改上燉湯, 酒店亦一口答應, 不需要我們全部轉 OR 額外加錢. 它們可代安排素菜餐單, 而且是續位計的, 我們亦 ORDER 了一份, 但就不知道它的質素如何.
價錢: 因為逸東不算級數高的酒店, 所以價錢亦比其他酒店便宜, 以各方面的質素來看, 我覺得它的價錢是合理的.
我覺得, 逸東最差的是新娘房, 如果對其他各樣沒有特別要求的話, 其實它都算是一個幾好的選擇.

婚禮 - 商戶評價 (姊妹裙: 倆姊妹-百利)

婚禮的商戶評價, 先寫 姊妹裙, 因為實在太令人嬲怒.
有姊妹指定要著長裙, 但 search 過買走一條長裙的價錢是 $380, 我覺得太貴了, 而且又不會返著, 所以最後決定找租的. 朋友說金都的鋪頭較便宜, 但因為我想把所有租衫鋪頭集中在同一區, 所以最後只好在百利搜索.
百利的姊妹裙鋪頭, 多數都是訂造買走的, 要找租的並不易, 最後終於找到了一間款式和價錢都比較OK的鋪頭.

店名: 倆姊妹位置: 百利一樓
價錢: $280 (長, 短同價)
評分: (十粒 為最高)

由姊妹揀衫到還衫, 全程都好令人勞氣. 姊妹去揀裙, 只穿上幾秒就被人要求除下來, 她們根本完全看不清款式, 到之後度身, 亦是求求其其...可憐的伴娘, 她的裙是完全不岩身的 .
另有姊妹要求加返兩塊 PAD, 在拎衫前幾天我剛巧要到百利, 於是順道入鋪頭問問 PAD 加好未, 結果是未加的, STAFF 還若無其事的跟我說 "放心, 到時你來拎衫叫師傅幫你加", 我心諗 "到時?!", 於是我立即說到時我來到拎完就即刻走, 當日好多衫要拎, 沒有時間等, 她亦立即答我無問題, 會幫我 MARK 低, 叫師傅先加.
拎衫當日, PAD 還是未加的, 而原來她口中說的師傅, 就是她本人!! 她雞手鴨腳的加 PAD, 加了差不多十五分鐘, 簡直不知所謂.
每條姊妹裙會包一條紗披肩的, 但店員忘了給我, 累我走了後又要折返
回家把姊妹裙掛起, 才發現 "加拿大" 位置有好明顯的汗漬, 黃黃的好令人嘔心, 裙腳位置亦有好明顯的黑色污漬, 好恐怖. (後來, 還聽聞這間鋪頭的裙是不會洗的, 好嘔心!!!)
到還衫, 單據上寫明還衫時間是 3:30 - 5:00, 但我 3:35 去到鋪頭還未開, 打去給聯絡人又說叫我等多陣, 好快有人返...但我等到 4:10 亦未見有人....final 要多等十分鐘才有人開鋪!!!!

我問 staff , 還衫時間不是 3:30 開始嗎? 她又若無其事的說, 我們鋪頭一向都是開 4 點的, 我再說, 但你單上明明寫 3:30 開始還衫, 但她只懂重覆的跟我說鋪頭是開 4 點的 (心想, 你今天都不是準時 4 點開門啦!!!)
如果, 有人不幸...又揀了這間租姊妹裙, 記得小心一點 及 跟貼一點.
又如果, 有人想租姊妹裙...記得不要揀這一間...

<嫁給你> 1 WEEK LEFT 心情

下星期的今日就是我跟蝸牛的大婚日子, 心情沒有想像中的緊張 (不過這幾天開始肚痛, 不知是不是緊張的徵兆).
大小事都似乎已經準備好, 頭髮染了, 甲又gel 了, 利事封好, 明天去 final fit...不過還未跟mua 及當日攝影師傾 rundown, 另外, decoration 亦未傾好, 忙完今 week 就可以放輕鬆.
原本好期待婚禮快點完, 之後可以去日本 honeymoon (我亦都想好要過去買什麼), 不過....前天的大地震, 令我倆的計劃告吹了....經過兩天的掙扎, 已經跟蝸牛先生取得共識, 就是我們決定取消今次的旅程. 還未跟 travel agent (EGL) 聯絡得上, 不知道 REFUND 的可能性大不大, 而保險那邊亦已經看過保單內容, 紅色旅遊警告是不會有賠償的, 取消旅程只會把有關的保費退回..
想不到婚前無啦啦會多樣0野煩..本來覺得自己好黑仔, 但蝸牛先生跟我說, 我們已經好好彩, 如果去到才震, 那到時會仲驚! 蝸牛先生這樣說也有道理, 心....總算好過一點..不過對於損失了的旅費...心..依然有點痛...

<嫁給你 - 其他> 派帖

過完大禮開始派帖, 結婚前一個月又要安排飯局又要處理濕星事項, 其實都幾踢腳...在我的朋友堆中, 最難約是那批還在做 audit 的舊同事, 因為他們一年三百六十五日, 有三百日在大陸, 而其餘六十五日就在 OT 中....希望下星期的飯局可以順利舉行啦.
最近陸續的放下 "炸彈", 普遍收到的朋友都會有一個反應 "為什麼我的信封是黃色, 而他的卻是白色?" 似乎大家都好好奇我為什麼要印兩款不同的帖...
其實, 帖是我二哥 design 的, 整個造帖的過程中, 我只負責了揀紙和提供內文資料 . 因為以前見識過他為自己設計的喜帖, 所以我好放心交給他, 果然最後都無令我失望, 好多朋友都好喜歡我的帖.

<帖一> 比較中式, 大紅款式主要派給長輩

<帖二> 扮西式, 銅色字配粉紫色的紙效果都幾好

還剩十多天, 心情緊張 (淆底) 中......

<嫁給你 - 其他> 婚宴音樂

因為蝸牛先生是音樂人, 所以婚宴中的所有音樂都由他一手包辦 (即所謂的音樂總監). 在整個挑選音樂的過程入面, 我沒有問過他揀的歌曲是什麼類型, 也不知道他現在到底揀了什麼歌, 可能到大婚當日我才知道那天有什麼歌....

我一直以為他會在平時聽開的歌曲中找靈感, 但原來他找靈感找到圖書館去, 前幾天發現家中有一大埋由圖書館借來的 CD, 估不到蝸牛先生今次又幾認真.....

不過, 我也希望剛病癒的他, 可以多點休息....因為有健康的身體才是最重要的...

<嫁給你> 1 mth left.....outstanding list updated

我有好多個希望.....
希望蝸牛先生快些病好, 希望他的婆婆可以健康出院, 希望煩惱的事快些解決....
1 mth left.....outstanding list updated

• Decoration: Wedding art (要 confirm 個 design)
• 訂襟花: K&S
• 酒 (紅酒已買, 但要買一兩支勁0野看門口)
• 旅巴 for 親戚 (要決定時間, 路線, 仲未 book)
• 蝸牛屋企人的化妝 (要 confirm 時間)
• 姊妹裙 (this sat 去試)
• rundown
• checklist
• 自己化妝 (send reference 俾 kennis)
• 鞋 (蝸牛先生要買啡色皮鞋)
• 收腰褲 (一定要記得買, 如果唔係0個日會大肚)
• 唱錢 for honeymoon
• hotel menu (未傾過)
• 音樂 (蝸牛先生攪)
• 座位表
• 簽名布, 油畫 (油畫未拎, 簽名布未 ready)
• 當日利是

諗到的暫時係咁多..希望無漏...

<嫁給你> 1 MTH LEFT 心情

幾個月前, 我曾經安慰一個快將結婚的朋友, 我跟她說攪結婚應該是一件開心事, 不要太愁. 幾個月後, 竟然是換了別人給我安慰....原來.....攪結婚真的會很令人愁.
最近好多人跟我說, 應該要好好 ENJOY 攪結婚的過程, 但..我真的不知該怎去 ENJOY....還有一個月, 我已經開始失眠和睡不好....一合上眼, 所有未解決的事統統都跑出來....頭痛到要爆開...
攪結婚, 真是一項勞民傷財的一件事.....又花錢又花精力, 我已經好耐都唔敢 CHECK BANK BALANCE 啦, 如果有得返轉頭, 我寧願二人靜靜地簽字結婚就算, 總好過現在攪一大堆東西, 而又可能滿足不了所有人 (什至可能得罪人), 好似有點 "多舊魚" (我平時唔講粗口架, 不過我好 LIKE 多舊魚呢個 TERMS, 哈哈)
前幾日, 我又同朋友講, 好想可以快些過左大婚日, 朋友說我有語病, 說應該是希望快些"到" 而不是快些"過", 我說不是, 我是真的希望那天快些過去....之後當然又是換來一句, 好好 ENJOY 啦, 當日會好開心和難忘的...
3月22日 (大婚日是20 號, 21號還要頻撲去還衫, 諗起就攰 ), 就是我重生的日子, 終於可以不用再駛無謂錢, 可以重投我的興趣, 可以去行街, 可以約朋友....快D 快D...好想快D到!!
不過, 都好慶幸身邊還有一些幫得手的朋友, 幫我分擔, 幫我想辦法....令我在黑暗中有點光..
1 MTH LEFT......原來心情會是這樣的...........

<嫁給你 - 其他> 手花/襟花 by Ally s flower

之前幫襯 Ally's Flower 的手花/襟花收到了, 成品都幾靚, 絕對沒有後悔自己放棄了這個 DIY items.

姊妹手花
(特意要求把綁手的絲帶改為橡根, 希望姊妹們當日可以戴得舒舒服服, 不需擔心手花會甩掉)

襟花(襟花的手工做得好好, 我相信我自己應該做唔到..)

下 week 會再收埋剩下的 4 朵長老襟花, 而今 weekend 會去訂鮮襟花, 之後手花/襟花的 items 就會完成.

<嫁給你 - 其他> 兄弟 BOW TIE

終於準備好兄弟團的 BOW TIE. 昨天才在淘寶訂貨, 今早就收到了, 好快!! 而且它的質地都幾好, 至少不會有好 CHEAP 的感覺.
BOW TIE 的顏色有好多, 我本身勁想揀桃紅 OR 紫色, 但蝸牛先生怕兄弟不會戴, 而我都唔想免人所難, 所以最後唯有揀大路色系 - 灰色).
每隻折回港幣連運費才 $13.50, 都算幾 OK.

婚前 感想

前兩日跟蝸牛的媽媽和家姐去買金, 他的家姐還送我一隻鑽石戒指做禮物, 好開心!! 真的很多謝未來......(AIYA, 是不是叫姑奶??!)
至於自己的家姐阿哥, 就全部送金給我. 雖然金真的好不切實際, 而事實上家人都有問我想要金還是要錢, 但我最後都揀了金. 揀金不是為了當日的 SHOW OFF, 而是我喜歡留點東西做紀念 (我真的超似一個阿婆, 乜都喜歡儲一餐!!).
最近發覺自己好幸福, 媽媽明明是個好傳統的人, 但她不想加重我倆的財政負擔, 所以好多繁文縟節的 ITEMS 都 SKIP 了. 例如: 明明人家過大禮是要男家送上海味, 我媽不用我們送不特止, 還反過來執了很多花膠和藥材給我帶去新居 (今天還問我要不要拿些鮑魚過去), 真的世上只有媽媽好.
上星期, 爸爸還一瞼擔心的問我錢夠不夠用, 要不要他給我一點錢, 之後叫他們幫我去換新銀紙, 換完又說不用給他們錢, 留待我自己結婚用, 真的超感動啊 . 不過, 我當然也有把錢還給他們啦, 畢竟他們都年老, 也應該留點錢旁身, 而且, 結婚代表自己要 "變大人" 啦 (雖然我成年已經有一段時間 ), 用屋企錢? NO WAY..自己的事應該自己負責嘛.
以前不喜歡自己有這麼多的家姐和哥哥 (因為做錯事後, 會有十幾把咀來教訓我), 現在終於覺得他們好. 而且人大了也很喜歡一家人圍在一起, 感覺好熱鬧.
哈哈, 不過大婚日我是不會公開多謝他們的...因為...我覺得行動比口講更實際......將來我會好好的考敬他們!~

<嫁給你 - DIY> 欄門花球

終於有多一樣 DIY 作品, 不過, 我相信這個應該是我最後的一個 DIY 婚嫁用品.
今次這個欄門花球, 是我跟蝸牛先生一起做的, 好溫馨 , 而且效果都好滿意.

這個花球製作過程並不難, 最難(懶) 是要去旺角買花材而已. 另外, 我求其在家找了一條鐵線, 因為這條鐵線比較軟身, 所以花了很長時間才可以穿過那個發泡膠波波. 至於其他部份都是零難度的.

DIY 欄門花球, 材料費要一百蚊, 其實都幾貴, 不過, 我實在太不喜歡市面現成的款式, 所以最後都決定 DIY, 而且完成後, 都幾有滿足感..., 所以我覺得這一百蚊是抵花的.

<嫁給你 - 利事> 利利事事

今年是我最後一年逗利事, 心情有點複雜. 以前收利事會覺得好開心, 但今年....不知為什麼又沒有太大的興奮...
今年我一邊收利事之餘, 另一邊就開始努力地封利事. 因為下WEEK 就會過大禮, 過完大禮就可以派帖, 所以趁有時間快快入定回禮利事, 希望到時可以極速派帖.

我好慶幸自己有 "儲" 利事的習慣 (我習慣今年拆上年的利事, 而一百蚊或以上的就會一直KEEP 住儲), 現在以前收到的利事終於可以大派用場...這完全可以舒緩我肉痛的感覺

不知不覺, 原來距離大日子只有一個月多少少的時間....開始緊張, 開始擔心.....

<嫁給你> 婚嫁用品 入貨

婚期愈來愈迫近, 於是尋日誠邀好友陪我到金都一趟, 不用一小時, 就買好了一堆濕星的婚禮用品.
今日收獲有:

繡花鞋一對 ($98)(其實我本身以為五, 六十蚊可以買到一對, 但原來好多間鋪頭都要 OVER 一百蚊, 找了很久才找到 UNDER 一百的)

利事封 (囍字封, 包羅萬有封, 開門利是封)(本來勁想買粉紅色的利事封, 不過有少少貴, 所以..最後還是慳家一點, 買最普通的紅色囍字封)

上頭用品(在大陸買, 十幾廿蚊就有一 pack, 但香港就要成四, 五十蚊一 pack, 食水勁深)

睡衣(本來想買粉紅色, 但staff 跟我說, 只有返頭嫁的人才會穿粉紅色..聽後, 我即刻話, 我要勁紅的 )

囍字貼 (@$8)(買了四個, 男女家各貼兩個)

對聯 (@$20)(買了三對, 男家一對, 女家一對, 新屋一對)

香港的結婚用品真的勁貴, 以上物品如果返大陸買, 應該可以平成半!!! 可惜.......我太懶, 亦太不喜歡回祖國, 所以最後還是留港消費.

好開心又攪掂一堆濕星事項, 亦都好多謝朋友仔是日抽空相陪 & 俾意見我.

<嫁給你> 蜜月旅行 準備中

我同蝸牛先生都好鍾意日本, 所以一早預計蜜月旅行會揀日本. 本身我都幾想去北海道, 但我倆又無車牌, 唔玩自駕遊又好似唔太方便, 所以唯有放棄. 之後又有想過去九州遊, 長崎/豪斯登堡望落都幾靚, 但又怕太鄉下會悶. 所以, 最後...又揀返東京!! 為了不要太重覆以前去過的地方, 所以今次會加插一個新景點 -- 輕井沢.
花了兩天時間去找 Package, 發覺大部份都是 3 天兩夜的, 而且好多 Additional charges (e.g. 早去晚返航班要加錢, 成田轉羽田又要加錢....立立雜雜一堆雜費, 加完之後已同 package 價相差一大截) 所以我覺今次找東京 package 是最煩的一次.

最後在左格右格價之下, 跟 EGL 訂了 ANA 藍天假期3D2N的 Package, 但我發現用 package 去續訂房間, 一晚要額外加 $15xx, 但如果另外跟 EGL book 則只需 $11xx, 好彩我資料搜集做得夠, 不然的話就唔抵... 兩晚加埋都慳幾舊水嘛, 夠去食多碗拉麵啦....
至於輕井澤, 我就揀了輕井澤太子酒店西館, 其實 book 之前我未有對這間酒店做太多的資料搜集, 揀它純粹是因為我見十個有八個去輕井澤的都會住這間酒店, 再加上酒店的環境又幾靚, 所以最後就揀了它.
酒店要新年後先 confirm 到有無位, 希望順順利利有位啦....

<嫁給你> 手花/襟花 CFM

在攪結婚的初期, 我雄心壯志地打算為各姊妹 DIY 手花, 當時還專登千里迢迢走去深水埗買材料, 結果....到婚前兩個月, 我只是做了一朵咁大把 ...基於時間緊迫, 無辦法再拖, 所以我決定........出去買!!!
鮮花易殘, 一早已打算姊妹手花會用絲花. 本身好鍾意 Trueflower 的作品, 不過 OUT OF BUDGET, 最後找到了 Ally'S flowers, 它的款靚而價錢又OK, 所以姊妹手花和屋企人襟花會由 ALLY 一手包辦. 但我又對 TRUEFLOWER 的作品念念不忘, 所以最後都決定長老襟花在這裡訂. 至於兄弟襟花則會由 K&S Floral decoration 提供 (這是酒店送的).
換言之, 我大婚當日的花品將會出自 4 間不同公司.....就連我自己都覺得自己在攪事....hehee.
MY FLORAL VENDOR SUMMARY:
Pre -Wedding Photo花球: Ron's Gift & Flower大婚花球: Cherish Wedding Decoration姊妹手花 & 屋企人襟花: Ally'S flowers兄弟襟花: K&S Floral decoration
長老襟花: Trueflower

婚前兩個月 - 忙死了

WAH, 這陣子實在太忙, 原來不知不覺間已經成大半個月沒有 UPDATE 過個 BLOG.
這段時間主力攪新屋的事項, 買電器傢私, 做清潔, 希望可以快些可以搬入去住, 不要白白付租金嘛. 到現在新屋已經差不多成形, 屋內的基本設備都買齊了, 等媽媽今個weekend 去拜拜神, 蝸牛先生就可以入去住了, 心情開始有點興奮!! 雖然我都好心急想快些搬入去住, 但我還是覺得結婚後才搬會開心一點...因為這樣才會有新婚的感覺 .
至於結婚事項, 都不能再拖了, 今 week 去了 Wedding Art 傾 decoration, 初步的 idea 已經想好, 希望不要太 out budget 啦. 其他的濕碎小 items 都希望在這幾星期解決! 我跟蝸牛真的要加加油了.
新屋及結婚的事完全佔據了我的時間, 期待快些可以重見天日, 快些可以去玩......

<嫁給您> OUTSTANDING LIST

婚期愈來愈迫近, 令到最近的情緒經常都處於緊張狀況. 婚禮中實在有大多濕濕碎碎的事未解決, 去到這個階段, 以前幻想的婚禮, 已經不再想化時間精神去實行, 一心只想快快完成這件事!! 太佩服D人可以花年幾兩年去攪一個婚禮, 懶底的我, 實在萬分不願意.

是時候要寫個 outstanding list 去 remind 自己有那些東西未 ready

過大禮:
l 基本上乜都未諗, 需要D乜都未清楚

出門事項:
l 出門路線
l 接新娘遊戲
l 當日LUNCH 地點
l 回門事宜: 時間, 回門豬準備等等等等

婚宴內容:
l 圍數: 15-18圍 未決定
l 女家飲宴賓客名單： 未決定請唔請公司同事
l 簽名筆: 朋友仔幫我 DIY
l 請帖: 哥哥攪, 但未開始整
l 油畫: 未想好用邊張相
l 相簿: 排版未做
l 簽名冊/布: 想DIY簽名冊, 但又懶
l 席上座位表: 諗都未諗
l 音樂: 進場, 上豬, 背景音樂 ETC, 總之乜都未諗
l BACKDROP: 未諗, 而且未約 WEDDING ART 傾內容
l 姊妹衫: 一個姊妹和伴娘未揀款
l 兄弟TIE: 未買
l 化妝: 兩家屋企人的化妝時間和地點未決定
l 花車: 要同租車公司CONFIRM 當日的路線

服裝/妝飾:
l 揀衫: 男&女都未去FINAL CONFIRM 款式
l 長老揀衫: 乜都未揀
l 襟花/手花: 乜都未攪

物資:
l 上頭用品
l 利是封
l 跪墊
l 敬茶茶杯套裝: 我媽話買俾我, 不過仲未買
l 花車公仔


蜜月:
l 地點/時間: 乜都未定
暫時應該只有這些, 希望我沒有數漏

<嫁給您 - 攝影> THE STUDIO 收相

無心理準備下, 今日失驚無神收到 THE STUDIO 的電話說可以去拎 SOFT COPY. 於是食完 LUNCH 9 秒9 的過去拎. 如果 CONFIRM 入相簿的相無問題, 就可以開始排版. 我自己初步睇就問題不大, 等蝸牛先生過目完畢就可以通知 THE STUDIO 排相. 只剩兩個多月, 希望到時趕得切起貨啦....

為了保持神秘感, 我不打算把相公開, 所以親愛的朋友們, 不要煩氣的叫我給你看啊....嘻~

<嫁給您 - 花球> 大婚日鮮花球 confirmed

本來打算不買鮮花球, 但又覺得如果大婚日拎住個假花球, 又好似不太美觀, 所以最後都決定訂鮮花球.
其實好鍾意 miracle flower 的花球, 但可惜 OUT BUDGET. 於是左搵右搵下給我找到了岩 budget 而又靚的花球, 它就是 Cherish Wedding Decoration. 其實這間公司主要做 Decoration 的, 不過它的花球做得好特別 (我幾乎每一個都鍾意!!), 所以就決定找它.
花球解決了, 現在我還欠 4 大長老的襟花和各兄弟姊妹的襟花/手花. 好想可以快些 CONFIRM 所有東西.
就是這兩個花球, 令我愛上了 Cherish:

好期待 Cherish 給我做的花球.

<嫁給您> 試褂 @ 鴻運繡莊

其實早在六月時已經在婚展落了DEPOSIT 租褂, 不過一直都懶懶閒未去揀.
雖然婚紗鋪都會有褂, 但我硬係覺得租褂應該要找一些老字號才夠傳統, 冠南華太貴, 所以退而求其次我揀了 <鴻運>.
我對褂沒有太多的研究, 所以叫職員隨意拿幾件給我試...點知就中招. 她給我揀的全是一千蚊以上的 (其中一件還要二千三!!!!!), 由於之前在婚展已愛上水晶褂, 所以好容易就被她遊說到租水晶褂......最後比我原本的 BUDGET 貴了差不多一倍....
職員又說我要著 "加加細碼", 雖然著上身真的比較 FIT, 但又要 ADDITON 加 $200, 而加諗返都覺得貴..早知試試 "加細" 個效果先啦....
我現在正在後悔中 , 覺得自己好哂錢, 好內疚....

<嫁給您 - DIY> DIY 工具/材料

之前在淘寶淘了一些 DIY 工具和材料:

<工具> 壓花機, 花邊剪刀

其實未知可以用在什麼地方, 不過, 我勁 LIKE 花邊, 所以就買一個玩玩

<材料> 畫冊, 畫筆, 相角

其實 THE STUIDO 會包一張簽名布, 但我又不太想用簽名布, 所以打算自己 DIY 一本簽名冊 (但我藝術天份太"高", 所以都不知最後可不可以成事!!). 我本身有一個構思, 就是每一頁都貼上我跟朋友仔的合照, 之後朋友簽到時就去返有自己個樣的一頁簽名. 不過, 又未必跟每一位朋友都有合照....而且簽到時要搵返自己個樣, 好似都幾麻煩....所以, 還是要再想想...

這批工具和材料, 其實都不知什麼時候會用得上.......哈哈, 因為我實在太太太懶!!!

<嫁給您 - 攝影> THE STUDIO 揀相日 Round 1

終於都來到揀相日, 過程比我相像中快, 花了三個多小時就已經揀好入相簿的相, poster, 簽名布和油畫. 至於 re-touch 和 layout 還要多等半個至一個月.....(希望趕得及婚期前完成啦), 剩下的還要找一首歌來製作 pre wedding slideshow, 這個重任就交給蝸牛先生, 他是這個 big project 的音樂總監!!
我的其中一個造型, 蝸牛先生竟然說我似關菊英!!!!!! 不過, 唔講唔覺...我自己都覺得有點似...hahahaha...所以, 這個造型的相...將不會放入相簿...亦都不會從見天日.....至於菊姐身邊的蝸牛...其中一張個 pose 又有點似吳啟華....hahaha......好好笑!!
這輯相, 我最滿意的是 casual wear 部份, 或者是因為比較自然...不過, 我們不會把相放到 THE STUDIO 的相簿內, 而是額外出去再印一本全 CASUAL LOOK 的, 希望感覺可以整體一點.
不過, 點解人家的婚紗相, 可以由原本好平凡的變做天仙.......但我的又無呢種感覺0既???!

<嫁給您> Confirm 姊妹化妝 & 裙

今日又 confirm 多兩個 items, 輕鬆哂~
姊妹化妝我找了在百利一樓的 SWEET CONCEPT (其實是在網上亂 SEARCH 的), 它的鋪位在108 號鋪, 白痴的我, 去交 DEPOSIT 時去錯了 08 室...UP 一輪先知自己去錯..超樣衰!!
交完 DEPOSIT 後, 經過朋友介紹的租姊妹裙店, 於是又入去望望, 視察後覺得它的款式和價錢都OK, 所以又立即落訂...
在攪結婚這段期間, 覺得戶口的錢消失得特別快..今天要交 A 的 DEPOSIT, 隔天又要交 B 的 DEPOSIT, 要用的錢好像沒完沒了的, 好恐怖!!!
很快還要找地方住, 之後是交上期按金, 買電器傢私, 家具雜物.....好恐怖, 真的好恐怖!!! 如果...我識印銀紙就好了....

<嫁給您 - GEL 甲> 2ND GEL 甲

捱了個半月, 終於去整了人生中第二次的 gel 甲.
GEL 甲前, 心大心細, 考慮拆甲還是再 GEL...最終都係決定再 GEL (因為實在太方便, 想靚, 但又沒有太多的耐性自己油甲)
今次去了屋企附近朋友介紹的一間 GEL 甲店.
這款 GEL 甲只需個半鐘就可以完成, 岩哂我這些沒有耐性的人.

不過, GEL 完後發覺這隻粉紅色太姣...不太襯我!!

<嫁給您 - 花車> 旅巴 from 孖一世結婚花車服務公司

其實我對花車沒有太大要求, 覺得它只是交通工具而已, 所以一早已決定大婚日的花車會用哥哥的座架 (不過現在他跟我問朋友借了一架賓士回來). 花車解決了, 但還要租一架旅巴接載兄弟姊妹, 一直都好懶, 不願 SEARCH, 今日見到 BLOGGER 在 <孖一世結婚花車服務公司> 租了車, 於是就順便打去問價錢, 最後好快就 CONFIRM 了.
揀它的原因, 除了是價錢 OK 外, 最大原因是它的旅巴有粉紅同紫色, 第一間已看中了它紫色那一部, 可惜已租出.

第二部, 粉紅色的

我見市面多是白色的, 顏色系列的旅巴好似好少見, 所以就揀這間了, 懶得再 SEARCH...

正, 舒舒服服又攪掂一個 ITEM !!

<嫁給您> Pre-wedding 影相日 (補影) by THE STUDIO

因為上次天雨的關係, 所以外景部份要等到今日先有得影. 影之前的一星期心情勁緊張, 總覺得會有阻滯, 結果.....如我所料, 真的有阻滯!!!!! ...今次的阻滯是....在影相前的一晚, 我那位平日好唔準時的親戚, 竟然今個月好準時地到訪...實在太過份!! 累我那晚睡不好, 第二日雙眼又水踵, 而且還好攰好攰...不過, 不幸之中的大幸是, 那天我沒有肚痛, 不然的話...我可能要影多一輯!!
除了這個小小的不幸外, 其實當日的天氣都幾好, 不冷不熱, 而且天藍陽光正...如果...我狀態好一點就好了..
今次的外景部份揀了赤柱. 我們先去軍人墳場影花花草草..那裡景色都幾靚, 不過其實我不知道在墳場影婚照會唔會唔 "老泥". 之後再去赤柱大街, 美利樓, 當日勁多 PAIR 在那裡影婚照....之後在酒吧街又忽然剎出一個鬼佬出來和我合照..HAHA..都幾攪笑...最後就去沙灘, 影到六點多就收隊...
今日影相都影得幾開心, 好多謝今日 THE STUDIO 的團隊 CHARLES 同 CANDY , 他們的SERVICE 真的好一流, 希望 FINAL 的作品都是一流啦.
好期待同心急...