2013.03 - 東京小旅行 {Day 9} - 櫻花樹下野餐, 東京再見!!!

2013.03.23 Day 9 新宿御園 >> 新宿高島屋 >> CHECK OUT >> 成田機場 >> 香港國際機場

旅行的時間過得特別快

話咁快就去到第九日, 好唔捨得呢段只有吃, 喝, 玩, 樂的日子

呢日我地都好早起身

因為要去賞櫻

根據櫻花預報網頁資料, 呢日係東京櫻花滿開之日
為了可以見證呢一刻
我同蝸牛先生都不敢怠慢, 一早爬起身 (因為當日係週末, 所以都估會人多)
我地 AROUND 九點去到
但公園門外已經有一大條人龍

入場費 200 YEN/人 

今日的櫻花明顯比前一日靚同多

我同蝸牛先生都超級興奮

不過我地第一時間唔係賞櫻

而係去"霸位"

前一晚食完飯專登去搵野餐地墊

夜媽媽又落住雨, 其實都打定輸數搵唔到

幸運地最終0係乜都有得買0既 "激安殿堂" 搵到

不過成 1000 YEN, 都幾貴, 買的時候都有點猶豫

但為0左可以實現我呢個多年來的夢想 (hehee...我一直都好恨可以0係櫻花樹下野餐)

所以蝸牛先生超級讚成買一張

就係呢一張紅白藍地墊

我地帶了乾糧, 生果同水

不過之後又覺得, 應該要食便當先至似樣 (我已經決定下次一定要在櫻花樹下嘆便當)

前一晚在 PIERRE HERME 買的 macaroon

超好味!!! 唔會太甜

塊餅的質感又好正, 淋淋地又脆脆地

入面的醬都好好味 (三款之中我最 LIKE 朱古力味)

好後悔只係買0左三粒

佢令我突然愛上了 MACAROON

仲有呢個來自輕井澤的蘋果批

入面真係有成個蘋果的

不過一次過食哂有 D 漏

 我地大約坐0左兩個鐘

之後就四周圍影下相, 睇下花

 其實當日公園真係幾多人
轉眼間已經坐滿人

大約十二點就離開公園
去高島屋吃我地在東京的最後一餐
我們揀了 かつくら 食炸豬扒 (今次旅程第三餐炸豬扒!!!!)
呢間豬扒店我地 2009 年去過
當年覺得好好食

2009 年的 BLOG (按此)

頭盤: 豆腐, 好滑好好味

我的炸蝦併豬柳餐
可能而加0係香港食到的炸豬扒水準已經好高所以今次覺得無乜驚喜

蝸牛先生的特級豬扒餐
都係無乜驚喜

下次再去東京的話, 可以 SKIP 左呢間唔食 lu

我地三點半要坐車出機場

食完飯差不多兩點

時間有點唔三唔四

所以最後只係去了附近的 LADUREE 買 MACAROON (無錯, 今早的 MACAROON 真係令我上癮了)

雖然唔想試呢間 (香港都有啦~)

但呢間最近我地酒店, 所以唯有買佢

蝸牛先生又買0左件CAKE

味道都唔錯, 但我唔LIKE 佢太CREAM

0黎到呢度, 基本上成個旅程已經完了

平時習慣會在機場食多餐

但呢次唔係幾夠時間

買完手信後, 只係求其搵0左間快餐店食咖哩飯 (時間太趕, 連相都無影)

回程的飛機餐

好靚, 好有日式 FEEL

不過味道唔多討好

仲有日版哈根大C

之後再食埋臨走前買的 MACAROON

MACAROON 大比併

PIERRE HERME VS. LADUREE

包裝盒設計: PIERRE HERME 勝!!! 保護性好高, 而且仲有個位可以"攝" 冰包. 下圖見到 LADUREE macaroon 經過運送後已經有點碎)

不過 PIERRE HERME 的盒係要俾錢的, 值唔值就見人見智

味道: PIERRE HERME 勝!!! 我同蝸牛先生都覺得 LADUREE 的唔好食, 有點過甜 (點解香港咁多人話好食?! 仲要大排長龍?!)

價錢: LADUREE 勝!! (嘻嘻, 一分錢一分貨)

食完 LADUREE 的 MACAROON 後

我終於醒了

好味的MACAROON 唔係間間都做到, 我唔敢再亂試了 (畢竟成廿幾蚊一粒, 都唔平)

 食完失望的 macaroon 就乖乖地等落機

今次我的戰利品並不多 (蝸牛先生就好多)

所以無戰利品相

但食的, 我覺得今次都幾誇張...

主要俾屋企人, 同事...

朋友的反而唔敢買, 因為好多禮盒的食用日期只得一星期

長假後我無信心可以放早 (結果真係忙到上星期)

呢一刻我唔敢講我仲會唔會再去東京

不過今次旅行之後

我會覺得旅行除0左SHOPPING 之外

其實去0下郊外, 賞下花都幾 RELAX, 幾好玩!!

暫時未有下個旅行目標

不過都係偏向想去日本..嘻~

~第九天完~

2013.03 - 東京小旅行 {Day 8} - 另一個仙境 星のや

2013.03.22 Day 8
輕井澤星のや >> 石之教會 >> 舊輕井澤銀庭 >> 輕井澤OUTLET >> 新宿蟹道樂

星のや http://www.hoshinoyakaruizawa.com/

今次旅程第二個我認為好靚的地方
最初就係俾官網呢張相吸引住
估唔到現實會同相見到0既係一模一樣
本來都好想住水邊附近的房 - 水波の部屋但要四千多一晚...好貴
而且在箱根已經住了一晚貴房
同一個旅程唔想花費得太過份
所以最後揀了近山邊的房


山邊個 VIEW 完全唔同 (房價比水波屋平一半)


每間房都有露台
不過前一晚太凍, 無緣坐出去


尋晚怕夜晚會肚餓, 所以買定杯麵做宵夜
不過最後都係第二朝先食


房入面無電視
只有播音機, 呢隻純音樂 CD 都幾好聽
攤0係床上聽住音樂, 其實都幾好 FEEL


食完早餐, 蝸牛先生先去附近的 MEDITATION BATH 浸浴
據說裡面好黑, 係暝想的好地方
不過最後蝸牛先生的結論係 "唔係幾知做乜, D 水又唔算太熱"


之後就收拾行李, 在 RESORT 入面亂逛影相

如果尋晚唔係太凍, 坐0係呢度望住個湖(河?) 都幾寫意

現實中唔會有機會住到咁靚的屋
趁旅行住一晚其實都唔算過份
以後我們的旅行都好想可以揀返類似的 RESORT
好好享受一下
原來, 親近大自然的感覺都幾好

之後坐酒店的專車去附近的石之教會
不過教會無想像中咁靚咁多0野睇
但入面的環境好舒服
我相信0係呢度結婚, 應該會幾浪漫的





教會出/入口, 我覺得似防空洞多D


之後又去另一間教堂
教堂附近有幾棵 "蛋樹"
應該是為復活節而設的


有個靚女職員邀請我地入去參觀
送我地即影即有合照同 POSTCARD 之餘, 仲可以 "畫蛋"


蝸牛先生的完成作
將佢掛上樹後就離開呢度 lu
唔知而加隻蛋點呢?!


坐返接駁車出輕井澤站後
我地再坐巴士去舊輕井澤銀座買手信

舊輕井澤銀座 - 類似一條手信街, 入面有各式禮合, 仲有數之不盡的蜜糖同果醬

呢杯櫻花綠茶布丁, 好好味


輕井澤到處都係教會


行到差不多時候就吃 lunch
隨便找了一間小小的日式餐廳

烤豬肉飯, 豬肉好鬆軟入味, 如果有一份炭燒的味道會更好


跟飯仲有一碗細小的蒿麥麵, 不愛吃麥麵的我都覺得呢碗麵唔錯


蝸牛先生本來order 魚生飯, 不過無供應
最後改了薄燒牛
估唔到價錢唔貴, 但牛肉的質素好好
佢鮮嫩多汁, 好唔錯!!


離開呢度就專心去買手信
之後就坐巴士去返輕井澤車站

飲飽食醉後就開始我們的 (蝸牛先生的) 血併之旅

輕井澤 OUTLET, 其實唔算好大
不過剩係一間 BEAMS 都已經夠蝸牛先生消磨半天
而我最後只係買0左好小

今次我地無買到回程的車飛 (因為唔想再趕車了)
行完OUTLET 先去買車票
幸運地買到十五分鐘後開出的火車

因為火車的終站係東京站
所以本來 PLAN 好今日會去站內的拉麵街食拉麵
不過實在太攰同拎住太多戰利品的關係
最後我決定放棄拉麵, 坐車回新宿

今次醒目地揀了中央線特急返新宿
時間快一半, 而且仲無咁迫

返酒店休息一陣, 再出新宿的百貨公司併過!! (旅行就係有無窮無盡的精力)
今次我同蝸牛先生都有收獲
最後又趁關門前買了 CAKE

PIERRE HERME - 來自巴黎, 佢的 macaron 好出名
我地買了 macaron 同一件升級版 macaron

想搵個地方食0左佢, 但又搵唔到
最後都係食完飯返酒店先食
(估唔到冰包又幾勁, 件cake 可以 keep 到三個鐘都無溶)

晚飯我們揀了我曾經好驚的蟹道樂
話說有一年跟大哥大嫂去大阪的蟹道樂
我地每人都點左一個好豐富的套餐 (仲記得當時阿哥話今晚佢請, 食豪d)
食到中途其實大家都已經好飽 + 厭 (每道菜都係蟹, 生的, 熟的, 燒的, 咩款式都有齊)
到食完湯飯之後, 以為終於可以鬆一口氣
點知佢再來壽司
當時大家望住0個盤好勁的蟹肉箱壽司, 忍唔住叫佢拎走..
自此, 我去日本就無再去過蟹道樂

幾年之後, 陰影已經消失, 加上呢晚又忽然想食蟹
於是決定再次挑戰!!

有了上次的經驗, 今次無揀 d 好勁的餐
簡簡單單一個燒, 一個 sabu sabu
雖然同樣生的, 熟的, 燒的, 烚的, 蒸的, 乜款都有
但今次的感覺好好多, 仲覺得都幾好味添~

食飯時, 我地偷望到隔離枱個日本女仔食到想嘔咁滯, 情景都幾攪笑

食完飯返酒店再食頭先買返來的 cake
果然超級好味, 好後悔最後一晚先發現佢
如果唔係一定會再 encore !

好彩, PIERRE HERME 會0係5 月登陸 IFC, 好期待呀!!!

~第八天完~

2013.03 - 東京小旅行 {Day 7} - 洗滌心靈之旅 - 漫遊輕井澤

2013.03.21 Day 7
新宿 >> 輕井澤 >> OUTLET >> 雲場池 >> 舊輕井澤 >> 白絲瀑布 >> 星のや


今日又要早起
買了 9:52 車票去輕井澤, 在東京站開出
我倆 8 點幾 CHECK OUT 完就坐地鐵落東京站
好傻仔地揀了人多又站多的山手線
迫了大半個鐘先去到東京站

今日用的是 JR KANTO AREA 3 DAYS PASS售價: JPY 8,000
三日內可以任坐: JR東日本線全線 (即山手線等), 東京單軌電車, 新幹線等等
單係兩程往返新宿輕井澤的車飛已經值回票價, 而且仲包坐 NEX 出機場
旅程的最尾三日, 我地就係主力用呢張 PASS

去到東京站, 時間尚早
於是走入車站的鋪頭行下, 又買定便當上車食
最後揀了燒牛舌便當味道唔錯, 不過上到車便當已經凍了, 我諗熱食會更好
其實買的時候以為是牛肉便當, 食到一半先發覺質感有點似牛舌
於是就問唔食牛舌的蝸牛先生有無同感
哈哈, 之後佢就無再掂盒便當了




一個鐘的車程就到達輕井澤
落車後第一個感覺係 "好凍"
先去車站的遊客服務中心拎資料
入面有 MAP, 巴士TIMETABLE, 都幾實用

本身計劃下車後就去吃 LUNCH, 不過便當仲未消化完
於是去巴士站探一探路
一落車站就會見到有一排巴宜站, 好易搵


由於巴士剛走了
於是我們轉戰 outlet (outlet 都係一出車站南口就見到啦, 好方便)
希望可以買點禦寒衣物
最後我買了一件保暖打底衫
著完上身即刻暖哂

因為 outlet 離車站不遠
所以我地決定今日先 window shopping, 第二日臨走先過來買
咁就唔駛拎到一袋二袋去觀光 (而其實車站亦有好多locker)

行到差不多時候就去食炸豬扒
呢間在惠比壽好出名的豬扒店, 標榜有廿五層, 好鬆軟
難得在輕井澤有分店, 就唔駛花時間專登出惠比壽

キムカツ
長野県北佐久郡軽井沢町軽井沢
軽井沢プリンスショッピングプラザイースト

豬扒有好多隻味, 有cheese, 梅子....我剩係記得我地揀了cheese, 其他的就唔記得了


豬扒果然有入口即溶的感覺
不過我同蝸牛先生就唔識欣賞
覺得質地怪怪的, 太鬆散, 唔似豬扒
而我更加覺得豬扒似比人"趙" 完, 好奇怪




食飽之後就出發去雲場池
從車站的北口出發, 沿途風景好靚
有高高的樹, 又有歐陸式的小屋




原來呢一帶有熊出沒
如果唔好彩遇到, 真係唔知點算




行了大約 30 mins 終於到達雲場池雖然無想像中咁靚 (無紅葉真係爭好遠), 亦好快行完
但都算不枉此行 (在香港肯定唔會見到咁靚的景色)

可能唔岩季節, 來遊湖的人好少 (基本上輕井澤人影都唔多隻)
不過都好丫, 我地可以慢慢影, 成個池都屬於我地0既


之後就行返出舊輕井澤街附近坐巴士去白絲瀑布
等車時在車站旁邊執到個超人


車程約 15-20 mins, 車資 710yen 一個人!!! 好貴
沿途九曲十三灣的山路, 好似好危險






今次勁失望呀
所謂的瀑布, 好似得幾條水柱咁
一 d 都唔壯觀

呢度的遊人亦都不多, 只得兩個專來影相的後生仔, 仲有一個香港女仔 (佢一個人上來, 好堅!!)



返出市中心的巴士班次唔密, 我跟蝸牛先生在寒風中等了大約半個鐘, 好凍

出到輕井澤車站, 去outlet 0個邊搵0野食
最後買了一點小吃就坐 shuttle bus 去酒店

今晚下塌 星のや
有次無意中見到人地個 blog 介紹呢間酒店
見到酒店的環境超級靚
不過想住的水上屋房價唔平
唯有退而求其次, 揀了向山的獨立小屋

酒店lobby


入到酒店已經天黑
景色好靚, 但天氣太凍, 凍到都唔想出去影相

welcome 點心 

安頓好後, 酒店會派專人過來講解一下酒店的設施

浴室入面有棵類似芫茜的物體 (請留意下圖)
專人話係用來浸浴的, 有藥用效果 (我見人地係浸蘋果浴架)
不過最後我都無試到

 

之後就call 車接我地去食飯的地方
酒店入面有幾間餐廳, 有日本菜, 外國菜
我們揀了比較平民化的 <村民食堂>
揀了兩個雞肉鍋

價錢唔貴, 味道都ok

食飽飽之後又有專車接我地返酒店

呢度有兩個溫泉
不過我就唔太喜歡去公眾溫泉 (好怕醜)
所以呢晚就留0係酒店房, 聽下音樂休息下
(房入面有隻純音樂的CD, 好令人 RELAX)

在香港, 好少機會可以咁放鬆
大部份時間總係好忙
難得可以聽住音樂咩都唔做
真係一個幾好的享受 

~第七日完~