2019.02 京阪遊 {Day8} 再見大阪

2019.02.23 京阪遊 {Day8} 再見大阪

又嚟到最後一日, 11 點 CHECK OUT 之後就出去食嘢

最後一餐唔食咁豐富, 揀咗我鍾意食嘅烏冬

うどん棒 大阪本店 (Tabelog 3.83分)

餐廳位置喺商場入面, 有少少難搵

見到烏冬喺現場人係用手搓的, 感覺好新鮮

印象中味道都 OK 的, 但就無話想再去食嘅感覺

食飽飽之後就去阪急超市買手信

之後又行返 Grant Front Osaka 嘅茅乃舍掃貨

臨走又喺度買咗條牛仔褲

蝸牛先生都作最後一激買咗杯雪糕

行到差不多時間就返酒店拎行李出機場

大阪再見 lu, 唔知幾時先會再嚟

習慣去到機場會再食多一餐

我叫咗大阪名物, 炒麵

味道都唔錯

蝸牛先生就叫咗壽司

佢話好食, 我就因為臨上機唔敢食生冷嘢, 所以只係試咗一舊

回程換咗 business class, 過安檢時可以排 fast lane

不過其實唔覺快好多

(而加睇返張相, 原來我當時對手勁乾)

其實已經食到好飽, 上到機已經無乜胃口

下次坐 Business class 前應該唔好食嘢

下雨嘅香港~

因為一個月後會同屋企人再來, 所以今次無乜點買嘢, 無爆喼

終於都完成了二月嘅大阪遊記

跟住要開始寫返九月的東京遊

嗚嗚, 嚟緊應該無咁快可以再飛了

2019.02 京阪遊 {Day7} 大阪HEA遊

2019.02.22 京阪遊 {Day 7} 大阪HEA遊

今日午餐無特別 book 餐廳食飯

求其去了 GRAND FRONT OSAKA 食炸串

蝸牛先生就揀咗呢間

揚八 グランフロント大阪　(Tabelog: 3.53分)

味道都唔錯, 我哋揀了 lunch set 

雖然唔記我幾多錢, 但印象中好似都唔算貴

食完之後就出發去睇花

其實今日我哋無乜行程, 睇花地點都係臨時定的

去咗一個叫鶴見綠地嘅地方

 我同蝸牛先生都係第一次來

行出車站覺得幾荒蕪, 人又唔多

出車站行一陣已經去到花博紀念公園

不過可能唔係花季, 無乜花, 好可惜

花園唔算好大, 有個水池有啲鴨

我哋喺度影吓相 HEA 吓就走

跟住下一個目的地係 OUTLET

因為見鶴見三井 OUTLET 只係坐一個站就到

所以決定順便去睇吓

點知, 去到個場超細, 而且主要賣運動牌子, 唔係幾岩我哋

所以我哋極速行一圈就離開 

離開 OUTLET 我哋就出返市區

心思思想食 PANCAKE

於是又即刻 search 吓邊度有

MOG 京橋店 (Tabelog: 3.61分) 

岩岩睇返, 原來呢間分店已經結業

見佢 WEBSITE, 而加得返難波店

今次破天荒每人都 order 一份 pancake

(因為我一定食唔哂一份)

 不過實在太漏, 最後真係無辦法食得哂

做咗大哂鬼真係好對唔住

講返 pancake

雖然佢無驚為天人嘅感覺

但味道都幾好的

飲飽食醉之後就去行街買吓手信

跟住就返房休息陣

今晚我哋book 咗食西餐

il PePe (Tabelog: 3.68分)

話說蝸牛先生好鍾意去日本食西餐

因為性價比高

日本嘅西餐相比起香港唔算好貴

喺呢度用食DINNER 嘅價錢, 喺香港只可以食到 LUNCH, 仲要唔包好食

所以我哋差不多每次嚟日本都會食吓西餐

今晚呢間餐廳喺北新地

(呢區實在太多好嘢食)

店主一手包辦落單, 煮同上菜

(不過日本其實好興)

呢餐食完又係好滿足, 好味!

其實我懷疑係因為日本嘅食材比較新鮮

(好多蔬菜都係本地農場提供)

所以佢哋做出嚟嘅菜會相對好食

當然日本人嘅認真, 都係其中一個因素

而且通常佢哋收得貴, 就一定會比返相等嘅嘢你

呢個就係我鍾意日本嘅其中一個原因

食完就慢慢散步返酒店

2019.02 京阪遊 {Day6} 京都寺廟遊加美食團 (飄亭, 三嶋亭)

 2019.02.21 京阪遊 {Day6} 京都寺廟遊加美食團 (飄亭, 三嶋亭)

平時訂房通常都唔會加早餐
今次 book 房時見佢個早餐好似幾精緻, 所以就 book 埋
8:15 早餐時間, 其實太早又唔係幾食得落
至於味道就普普通通

食飽返到房再瞓多陣

蝸牛先生就自己玩清酒浴

之後十一點就 check out

下一站去食懷石料理

(如果 book 房前知道會去食懷石料理, 就唔會 book 早餐 lu)

酒店附近環境都幾清優

我哋坐巴士去餐廳

見未夠鐘就去附近的平安寺, 南禪寺行吓

同埋希望行多啲等陣間有胃口再食

飄亭 (Tabelog 4.31分)

蝸牛先生好耐之前已經想試呢間
不過我就好怕食懷石料理
(因為太豐富, 好怕食唔哂唔知點算, 好有壓力)

今次比蝸牛先生發現原來佢哋有個比午餐份量仲要細嘅輕午餐
於是就刻 book 位
(本來搵白金秘書幫手 BOOK, 點知對方話一定要酒店 BOOK 先接受) 

呢個餐其實係早餐同午餐嘅混合體
所以會有粥, 有蛋
至於味道都唔錯嘅, 但就唔算係好特別
(個白子茶碗蒸好正)
如果今早無食早餐應該會開胃啲

粥嘅份量都幾大, 我哋食唔哂, 有啲可惜

食飽之後就去行吓附近嘅寺廟

今早無意中比我搵到間白兔神社喺附近

一於入去打吓卡先

入面好多白兔擺設, 但面積都幾細, 好快就行完

今日主力都係行寺廟, 行夠就返出市中心

中途有人又要買雪糕食

之後諗住坐巴士出市中心, 點知等咗好耐都無車

最後唯有坐的士

未夠鐘食晚飯, 就去錦市場行吓

雖然呢度好多嘢食, 但就唔敢買, 怕食咗無胃口食晚飯

諗住去買一間好出名嘅 柚子味噌  (八百三)

點知行到過去先發現佢今日休息, 可惜~

之後再坐地鐵去烏丸站行街, 行到夠鐘食飯就閃

三嶋亭 (Tabelog 3.94)

呢間都算係一間高分sukiyaki 店

所以食之前都好期待

坐低時忽然發現手上嘅結婚戎子唔見咗

個人即刻好唔冷靜

左搵右搵都搵唔到, 好想喊

蝸牛先生就慢慢咁幫我搵, 最後喺褸袋搵返佢

(到而加我都唔明點解會無啦啦甩咗)

牛肉望落個樣都靚嘅

不過食落就普普通通, 老實講有啲失望

食完呢餐就坐車返大阪