2018.10北海道 {Day 6a} 登別地獄谷 / 熊牧場

2018.11.01 北海道 {Day 6} 登別地獄谷/ 熊牧場

8:00 早餐, 早餐都係大路菜式, 反而無尋晚晚飯咁有驚喜

我最欣賞係飯

其實每次溫泉旅館嗰餐, 我最期待係最後嘅白米飯

因為日本米實在太太太好食

不過每次飯都係後上, 食到尾聲我已經無乜戰鬥力

眼白白望住兜食剩嘅飯, 都咪話唔傷心

食飽返上房執吓行李, 休息吓

之後又再去浸溫泉啦~

本來打算浸返尋日頂樓個夢幻溫泉

不過打掃中唔開

唯有走落地下浸大浴場

本來 expect 佢只係浴場一個

但入到去又有驚喜喎

一人包場 again

沖完身行出去, 先見到一個小小嘅溫泉

再行入啲就有兩個大池

每個池嘅泉質同溫度都唔同
浸得都幾舒服

之後出面仲有一個露天的
如果落住雪浸, 感覺應該好正

浸浸吓終於有個女仔入來

不過佢浸咗唔係好耐就走咗

今次可以浸到個咁正嘅溫泉真係超滿足

都係嗰句, 如果可以同蝸牛先生一齊浸就仲開心

浴場出面就係按摩區

浸完返上房差不多時間要收括行裝 check out

離開之前喺酒店影吓相

今次呢間溫泉旅館真係超推介

我覺可以慳返啲錢唔駛揀有私人風呂嘅房

剩係浸兩個公眾浴場都夠皮

之後當然係做返遊客做嘅事

登別地獄谷

其實都係睇嗰啲光禿禿, 冒哂煙嘅山

離開地獄谷, 向熊牧場出發

有人見到路邊有雪糕賣又急不及待買返杯

之後就去熊場

本來打算到此一遊, 無乜期望

 但坐纜車上山時發現山下嘅景色超靚

之後再上埋展望台

咁樣望落去個湖度真係超正

行行吓又有個好似白川鄉嘅小村落

喺度都影咗好多相

 終於去到睇熊人

我哋覺得啲熊好慘, 每隻個眼神都好絕望

睇完熊, 之後就坐車返札幌

上到房第一時間影返張窗外照先

呢個 view 真係治癒~

玩咗成日都未食lunch, 要拿拿聲出去醫肚

今次無機會去十勝

但又好掛住個豚丼

喺札幌搵咗間分數唔差的

不過酒店行過去都要差不多半個鐘

但沿途邊行當睇風景都唔會太辛苦

十勝豚丼 いっぴん 札幌北十条店 (Tabelog 3.56分)

可以揀少飯, 少肉, 幾岩我哋

試少少又唔會頂住個胃, 可以再食其他野

味道雖然無上次喺十勝食到嘅咁好味, 但都算唔錯

食飽就返去札幌行 stellar place

今晚 BOOK 咗食蟹~

(續)

2018.10 北海道 {Day 5b} 登別 瀧乃家 (晚飯)

2018.10.31 北海道 {Day 5b} 登別 瀧乃家 (晚飯)

 6:30 開飯, 又係有一個包箱, 有私隱又坐我舒服

今晚食物嘅份量同味道都好好

份量岩岩好 唔會食到反肚, 但又唔會唔夠食

味道亦都好唔錯,每一道菜都有驚喜

甜品整得好靚, 同埋真係好好食

好難得由頭食到尾每樣都覺得好味

由於五樓嘅溫泉實在太正

所以食飽返房休息一陣又上去浸過

好 LUCKY, 今次又係一個人獨浸

可以早晚都浸到一個咁靚嘅 "私人風呂"

今次真係好抵住!!

雖然好唔捨得離開, 但浸咁耐怕會熱暈咗

所以唔捨得都係要上水

今晚溫泉之夜, 好滿足

未夠十一點就上床休息 lu

瀧乃家 真係一間性價比好高嘅溫泉旅館

如果有機會再去登別, 真係想去多一次

2018.10 北海道 {Day 5a} 登別 瀧乃家

2018.10.31 北海道 {Day 5a} 登別 瀧乃家

食完尋晚失望嘅晚餐後, 對早餐都無乜期望

呢度好多度菜都係新鮮生菜

但偏偏我好怕食到咁 raw

總覺得草青味太勁

唯一讚嘅係蘋果汁

真係新鮮榨, 好香好鮮甜

佢另外仲有蕃茄汁或牛奶

腸胃敏感嘅我真係唔敢飲完果汁再飲蕃茄汁

晨早流流有三杯飲品都幾誇張

其他食物都普普通通

但感覺比尋晚嘅一餐好味

 呢度用生嘅鵪鶉蛋來撈飯, 都幾特別

 甜品又係好大堆頭

但一早我真係食唔到咁多嘢啊

之後返房休息陣就去浴場最後一浸

上到去只見到兩個人沖緊涼

之後無耐佢哋都走埋

剩返我一個人浸哂成個埸

好爽

呢度個浴場真係好大

而且佢分咗幾個唔同嘅池

浸完室內就走上去浸露天

凍凍哋浸露天真係好舒服

再加上個view 極靚

如果可以同蝸牛先生一路浸住一路睇煙花就正

因為落雨, 所以浸咗一陣就落返去 lu

 十一點 check out, 本來想出去遊下湖, 點知愈行愈大雨

唯有折返

等巴士出返火車站

下一站係登別

洞爺湖同登別好近, 大約一個鐘就到

如果自駕應該會更快!

去到車站, 買咗張往復巴士劵

買完一張之後又擔心會唔會即日來回先有效

所以唔敢再買多張

照舊先去下塌酒店放低行裝

今次我哋住登別淹乃家

兩點先可以 check in

於是就出去附近行吓同食吓嘢

行咗去溫泉街嘅 <温泉市場> (tabelog 3.19分) 食魚生飯

呢間餐廳網上都幾多人講

所以對佢都有少少期望

先講環境: 坐得唔太舒服, 而且油煙味好大

蝸牛先生叫咗魚子+海膽飯

味道普普通通, 海膽唔算好甜 

我就點咗個蟹飯

呢個飯先把鬼, 蟹肉又乾又帶點腥

係就係鋪哂成碗喺面好似好多咁

但其實食到中途已經食哂剩返白飯

印象中呢餐唔平, 貴都算, 最唔抵係哂 quota 

食完就去附近認吓路, 聽日再作深度遊

先行去地獄谷方向

跟住係熊牧場

認完路之後就返酒店 check in

(其實同酒店好近)

酒店嘅 waiting 區, 有免費 coffee 任飲

welcome 點心

AW 房型

去日本要瘋狂食當地水果

房內嘅 view 都唔錯

房內嘅免費飲品

由於呢隻房型嘅室內風呂只係水而唔係真溫泉

於是我哋直接走上五樓的露天浴場

一入到去, 無人

再望出去, 無人

而且個 view 勁勁勁正, 好興奮

趁無人忍唔住影咗張相

拿拿臨沖身, 享受呢個"私人風呂"

到我走嘅時候先撞到有人入來

時間真係配合得岩岩好

之後匯合返蝸牛先生再落b2 行吓

呢層有室內風呂

不過對室內的無乜興趣

(因為剛才的實在太正)

蝸牛先生入去兜咗個圈就行返出來

我哋喺出面的按摩椅 hea 吓, 又幾舒服

hea 完又返上房再 hea

(住溫泉旅館就係要放空)

之後到 6:30 就開餐

<續>