2020年1月2日星期四

2019.09 東京藍帶畢業旅行 {Day 7} 最後倒數

 2019.09.27 東京藍帶畢業旅行 {Day 7} 最後倒數

三個月嘅學藝生活聽日就要結束
明明呢幾個月覺得自己好克制
但到頭來發現兩大一小嘅喼都放唔哂啲嘢 (仲未計有啲嘢我忍痛無帶走)
所以今日要先去郵局一趟, 將一啲唔等洗嘅嘢寄返香港

最後寄在兩箱約 20kg 重 
為咗慳錢, 我揀咗寄船, 一個月後到港
共花費 8,400 yen

寄完行李, 返屋企整理多少少就出去食 lunch
今日無 plan 食乜
上網搵咗間喺代官山嘅炸豬扒店, 都幾高分, 於是決定去試吓

ぽん太 (Tabelog: 3.75分)
 見今日無乜行程, 於是決定由屋企 (惠比壽) 行過去
腳程大約30 mins
行到去門口先發現原來咁樣行都可以通去我學校
估唔到去到旅程嘅最後兩日先發現 (哈哈)
(然而我都係第二個月先識得點樣由屋企行返學校)

講返間豬扒店
店仔細細, 呢日唔算多客人
入面只有兩個店員, 其中一個老婆婆望落似8, 90 歲
佢手震震拎茶俾我哋時真係好想幫吓佢
 order 完我哋等咗九個字至一個鐘先有得食, 好耐

諗住都算高分, 質素應該有返咁上下
點知食落普普通通, 失望, 覺得哂咗 quota

食完我哋向返惠比壽方向行, 沿途有啲賣衫嘅小鋪好似唔錯
(哭, 點解我喺尾二嘅一日先發現)
之後我哋再去咗間甜品鋪買咗啲甜點

無同啲蛋糕整大合照, 甜點嘅味道都唔錯

諗住今日去吓新地方, 諗起之前有人介紹過清澄白河呢個地方
見車程唔算太遠, 於是同蝸牛先生決定去行吓

我哋呢啲老人家都幾鍾意睇吓花賞吓草
見到呢度有個清澄庭園好似幾靚
於是過來睇吓

呢度都幾大幾靜, 有山有水, 不過花種就唔算多
如果想一個人靜靜地諗吓嘢呢度都幾舒服嘅

坐低食吓頭先買嘅小蛋糕
留學三個月, 我學識咗食呢件嘢 (canelé) 
當時係同學介紹, 跟住就一食愛上
我鍾意佢外面脆入面煙煙韌韌嘅感覺
喺日本幾乎我一見到就買
暫時覺得最好食係 Joel Robuchon

喺公園 hea 完就行返出去, 點知發現無乜嘢行
先唔講呢度人影都唔多隻, 就連鋪頭都唔多
但就好多呢D 布公仔 (明明當時只係九月尾, 又未到萬聖節)

諗住入去呢間地標嘆返杯咖啡, 點知推撞岩裝修唔開, 可惜~

見無乜嘢行, 所以都決定離開走人
之後我哋去咗日本橋站行高島屋
行吓行吓又覺攰, 搵咗間餐廳坐低休息

夜晚約咗朋友一齊食蟹
(店名後補)

喺日本食蟹, 我依然係覺得蟹道樂係最抵同最好味的
呢餐我覺得麻麻哋






蝸牛先生同朋友都覺得唔飽, 於是決定落池袋食無敵家
我食唔落所以就決定自己返屋企先
我一早都預計到無敵家唔會係蝸牛先生杯茶
最後如我所料, 佢返來都話麻麻哋 (但佢哋嗰晚都排咗成半個鐘以上)

今晚係東京嘅最後一晚, 真係有啲唔捨得

2019年12月28日星期六

2019.09 東京藍帶畢業旅行 {Day 6} 終於食到人氣PANCAKE

2019.09.26 東京藍帶畢業旅行 {Day 6} 終於食到人氣PANCAKE

喺東京三個月都無食到一餐令人感動嘅壽司
事實上咁耐只係去過兩次壽司店
原因係我腸胃太敏感, 平時要返學嘅日子我唔敢去食
課程終於都完咗, 又趁蝸牛先生過嚟
所以點都要食一餐壽司

book 咗十二點, 我哋早咗幾個字到, 點知未開門
喺門口企到夠鐘先入到去

すし佐竹 (Tabelog: 3.99分)
喺東京要食一間高質壽司店都唔平
我哋呢SET 要12,000 yen/人
魚生都新鮮嘅, 不過唔算特別有驚喜
印象最深反而係收尾嘅魚生飯同魚飯
呢兩碗都好好食

食完壽司就去有樂町行街
呢度係近年我比較鍾意 shopping 嘅地方
商場賣嘅嘢夠齊但又無新宿咁多人

沿途見到間吐司店
而加東京好興呢類吐司店
我都好想喺香港開返間

蝸牛先生買哂想要買嘅嘢後
我提意不如去淺草間紅鶴食 waffle
因為我上次食過覺得好好食
雖然個心想食 pancake, 但咁晏先去應該無機會 

點知, 去到竟然仲有 pancake!!!  超開心!!! 我感覺自己發緊夢
因為呢度啲 pancake 係每日限量供應, 上網見啲人好早來排隊
(我上次嚟到就賣哂, 所以要食waffle)

紅鶴 (Tabelog: 3.55分)
先拎整理劵, 比訂金 (應該只係 for 外國人)
仲寫明如果遲到會無得食兼唔會退返訂金

我哋其實都要等一個鐘後先有得食
不過呢度近廚具街, 對我嚟講要消磨一個鐘好易

好緊張, 就快有得食

傳說中嘅 pancake
我覺得我哋揀錯咗, 呢款醬汁太多, 好似cover 咗 pancake 嘅蛋味
不過其實都好味嘅
如果有機會要再嚟試吓其它味

我叫咗杯茶消消滯
蝸牛先生就叫咗鮮果汁, 杯果汁超足料, 飲完會好飽 (因為我上次試過)

我哋係最後一場客, 離開時已經無哂人


行返出車站, 影咗呢張相, 我覺得幾靚

之後我哋去咗銀座行 Lumine, 行到差不多就出發去食 dinner

la Brianza (Tabelog: 4.13分)
每次去日本都會食西餐
今次專登揀一間唔太高格調但又高分嘅餐廳
希望可以輕鬆咁食 (因為唔想又專登帶衫去換)
餐廳喺六本木, 佢嘅地點有 D 難搵

餐巾摺得好靚, 上面仲有粒小吃, 好攪笑


我哋揀咗 6,600 yen 嘅 set
4 個 courses :前菜, 意粉, main course, 甜品喺 menu 入面仕揀

蝸牛先生飲紅酒, 我就飲EARL GREY
(飲品另計)

呢兩粒波波好食, 不過我唔記得係乜

生蠔係蝸牛先生嘅, 佢話好食

signature dish, 真係超好食, 上面全部都係松露, 好香

呢個 Carbonara 個汁同平時嘅有啲唔同, 唔係白汁 feel, 芝士味較濃

呢個海鮮意粉超好食, 可惜幾啖就食完

麵包脆脆哋都幾好食

魚, 雖然係炸但又唔覺得油, 幾好味

蝸牛先生嘅牛, 佢揀咗要加錢嘅和牛
不過我覺得普通

奶凍好食

同奶凍比較, 呢個 Tiramisu 比較遜色

呢餐我同蝸牛先生都好滿意
一來唔算貴, 二來味道都幾好

食飽就坐車返屋企
沿途見到東京鐵塔, 好療愈嘅景色


2019年11月24日星期日

2019.09 東京藍帶畢業旅行 {Day 5} 鐮倉遊

2019.09.25 東京藍帶畢業旅行 {Day 5} 鐮倉遊

有次 weekend 一個人去咗鐮倉
覺得呢個地方好舒服好靚
所以一早已經下定決心要同蝸牛先生嚟多次

朝早喺屋企食少少麵包就出發
惠比壽有一程車可以直接過來, 車程大約一個鐘

天朗氣清嘅鐮倉真係好靚

落車先去買一日乘車劵
之後就轉江ノ島電鉄去由比ヶ浜駅食蕎麥麵



松原庵 (Tabelog: 3.76分)

蝸牛先生揀咗個豐富 lunch set
有前菜有麵


我就叫咗個鴨肉蕎麥麵
湯汁入面有鴨肉, 唔知點解我覺得日本嘅鴨肉好好食
唔會太韌同乾
跟住食完啲麵再飲埋碗湯, 唔錯~

仲有個甜品, 呢個就無乜特別

食飽終於有氣力行街, 跟住我哋就去返鐮倉站嘅商店街
嗰度通街都係雪糕, 蝸牛先生又點會忍得住
超多抹茶粉, 一路食一路飄走, 有人食到成件衫都係抹茶粉
不過佢話好好食

我都唔執輸, 買返件閃電泡乎食吓
呢間上次已經想食, 但一個人食唔到咁多嘢
今次終於有蝸牛先生同我開心 share

Ca ca O (Tabelog: 3.55分)
我覺得好好食!!  原來佢喺代官山有分店, 點解我咁遲先知道 (殘念!!)

行完商店街就去返江 ノ島駅, 開始我哋遊島之旅

一出車站行無耐已經見到海

行行吓見到有船坐
見佢行程好似幾好, 於是就上船

落到船嘅景色好靚

之後沿路一直行上山
只怪我體能太差, 行樓梯時喘哂氣咁停低休息
點知有個外國人問我: 大丈夫ですか? (中: 你無事嗎?)
哈哈, 醜死怪~

終於行到上展望台位置

展望台風景都唔錯

仲咁岩可以睇埋日落
我哋喺度都逗留咗好耐先離開

江ノ島必買名物, 但其實無特別
太薄又無口感

跟住就沿路一直行返出車站
可能我哋都鍾意睇海, 所以覺得呢度真係好靚

回程順便去埋鎌倉高校前站打個卞先
岩岩去到嘅時候好多人, 但過咗一陣突然無哂人, 開心!!

完成呢個景點就完哂今日嘅行程
我哋決定返去由比ヶ浜駅食拉麵

らーめん HANABI (Tabelog: 3.66分為

我哋都揀咗一番人氣拉麵
湯底由豚, 雞, 魚煮成
味道又唔會好雜, 都幾好飲的

食完就坐車出返市區

由於今日六點幾就食晚飯, 而且仲要只係拉麵
於是我同蝸牛先生都決定食返個宵夜
蝸牛先生就去食炸豬扒飯
我食唔到咁多就喺惠比壽車站個商場買啲串燒返屋企食

呢檔嘢喺惠比壽 atre 商場入面, 間野叫 chicken asahi
係我經常會買返屋企食嘅雞肉店
因為我覺得佢啲雞串燒同炸雞都好好食

蝸牛先生就自己去目黑食炸豬扒
呢間係我介紹佢去的
點知唔岩佢口味

今日行程豐富又食到好多好味嘅嘢, 開心~