上星期六同蝸牛先生去了山頂公園野餐
一心以為可以好快到達
所以只係食少少麥皮就出發
在金鐘坐 15 號巴士上山頂
架車超爆, 無位坐, 全程企位
到達時已經無乜精力
之後落車後仲要行一段斜路先可以到達
所以沿途我已經忍唔住要拎三文治出來填肚
首先會到達 {柯士甸山遊樂場}
入面都幾靚, 有一大片草地, 涼亭跟洗手間都係歐陸式的
我地0係呢度小休一陣就繼續出發
大約再行半個鐘多少少就到達山頂公園
(我由北角屋企出發, 大約花了 1.5 hrs!!!)
路程大約如下:
雖然都幾攰, 但我覺得都值得
入面有一大片草地, 好岩野餐
最重要係唔多人, 可以自成一角
不過風景就無我想像中咁靚
我地只係簡單帶了壽司, 薯片, 三文治同奇異果
0係度食下0野, 睇0下書, 感覺好寫意
之後我地在附近兜下睇下風景就落山
夜晚返北角, 去了新斗記
生炒骨
好有鑊氣, 好味
燻蹄
比想像中大碟, 而且我覺得幾好味
椒鹽鮮魷
外邊的炸粉太淋, 口感唔得
唔夠惹味
呢日過得好充實, 開心~