2015年11月11日星期三

2015.10 東京 + 北陸 十天 {Day4A} 立山黑部

[2015.10.20] 東京 + 北陸 十天 {Day4A} 立山黑部

立山黑部係今個 TRIP 重點要去的地方
出發前已經日日上網睇住佢的直播
好想知有無紅葉同有無落雪
有一日終於見到落0左少少雪
鋪住雪的山真係好靚
點知, 臨出發前幾日佢就已經開始溶雪
到我地去到時已經無雪啦, 超級失望!!

富山 --> 立山站
怕唔夠時間玩, 本來打算坐 7 點車,  
不過最終都係起唔到身
改撘 8 點的班次

買了 PASS, 富山出發, 信濃大町走
出發前先在車站托運行李
玩完之後0係信濃大野拎返, 都幾方便

上車前在車站旁買了出名的富山 源 弁当 做早餐

我覺得佢係鱒魚箱壽司的變大版
上面係三文魚, 下面係壓到好實的飯
後悔買了細 size, 兩個人 share 好似唔多夠喉

前一日買定麵包

由富山去立山, 大約一個鐘
之後就開始真正的立山之旅

先由立山站坐纜車美女平

當日遊客唔算太多, 其實都幾舒服

到達美女平之後, 無立即上車去下一站
同蝸牛先生出去兜0左一圈

不過出到去一望無際, 唔太知道點行
所以行0左一陣就返去等車去下一站了

之後撘巴士路經彌陀原
原本計劃會0係度落車的
不過見到呢度好荒蕪又唔特別靚
所以我地決定唔落車直去下一站室堂

一去到室堂, 即刻要著返件羽絨, 好凍~

景色都幾靚
沿途的路唔算崎嶇, 不過有 d 路都幾窄, 我有少少驚


望住個湖, 食下蛋糕都幾寫意

真係超級靚呀!!  (不過我影得好差)



玩0左一個鐘鬆 d 就離開室堂, 坐吊車穿過大觀峰
反而大觀峰就無想像中咁靚, 可能因為紅葉唔多

之後就到達 黑部平




坐吊車去黑部湖
呢度超大風, 總之一想影相, 就會有陣怪風吹亂你個頭

又係醫肚時間

遊完黑部湖就結束今日的立山之旅
本來擔心撘咁多交通工具會好攰好頻撲
但原來又唔係想像中咁辛苦
再加上室堂的風景真係好靚
我覺得不枉此行呀~



2 則留言:

  1. 個便當上面應該係鳟魚!? 我都有食過幾好食
    係咪太早去﹐得好少紅葉

    回覆刪除
    回覆
    1. 係喎, 等我改返先
      應該係太遲去至真, 我去到已經錯過了滿開時期

      刪除