2014.02.14 - 情人節晚餐

情人節晚餐 @ HOME

 

因為要返工的關係

所以準備的晚餐唔可以太複雜

 

前一晚開始預備

焗了餐包

但由於時間關係, 未等佢完全發酵就拎去焗

最後焗出來的包包唔夠鬆軟

 

加了 Blue poppy seed (藍花罂粟)

估唔到效果幾好

 

Blue poppy seed

話說有日想買芥末籽

點知一時手快, 無留意架上的名稱同貨物不符

之後返屋企先發現買錯了

唔識 blue poppy seed 係乜

要上網 check 先知佢可以用來整麵包

好彩加了後包包都幾好味

今次真係錯有錯著

 

蘑菇湯

13 號晚預先煲了魚湯

第二日就用來煮湯

不過, 硬係覺得味道爭 D, 唔知點解呢

 

焗蠔

放工去了 Citysuper 買蠔

無乜研究, 隨意揀了以下兩款:

1) 法國芬廸加生蠔 Fine de Claire

2) 法國Prat Ar Coum特級蠔

 

誤打誤撞, 今次呢兩款都好好味, 好鮮甜

 

簡簡單單只係加了洋蔥, 牛油, 芝士

 

芥末煎焗豬扒

前一晚在凍肉公司買的

 百二, 三蚊兩塊

雖然平過 Citysuper

不過, 我覺得肉質麻麻

 

煎西冷扒

都係凍肉鋪貨

但都差不多要百三, 四蚊塊

其實有點貴, 不過未試過又想試下

結果, 我同蝸牛先生都唔太 like

 

Cake by Zoe cafe

一件荔枝味, 一件是芒果味

都係覺得 Tony Wong 好味 d

 

其實情人節只係比個藉口可以食得好少少

本來想 set 得靚 d, 攪得有氣氛 d

但蝸牛先生太夜放工

等到我又餓又眼瞓

所以煮好就急不及待要開餐了

 

希望以後的情人節我們二人都可以繼續開心幸福!!

 

 

2014.02.08 {灣仔} Tea Buffet @ GRAND HYATT

 

今日即興跟蝸牛先生去吃 tea buffet

沒有心水餐廳

但我就想揀價錢抵味道好, 而又要有位的, 難度分簡直有十分

最後左揀右揀, 終於揀了君悅酒店的 GRAND CAFE

 

 

每位 $308 +1, 其實有點貴

不過聽聞質素唔錯

於是都決定一試

 

可能價錢唔平

所以就算今日係星期六都完全唔 FULL

(我覺得十枱客都無)

 

食物方面, 有頭盤, 熱盤, 甜品同生果

不過熱盤的種類唔多

只有蝦餃, 沙爹牛串燒, 鵝肝包, 乾燒伊麵, 釀雞亦, 熱狗, 迷你漢堡包 (牛肉)

而冷盤有沙律菜, 煙三文魚, 火腿, 迷你漢堡包 (火腿)

反而種類最多係甜品

有多款蛋糕, 雪糕, WAFFLE

而生果好多都係原隻上, 有蘋果, 梨, 桔等等 (不過唔甜的)

 

我覺得呢個似甜品 BUFFET 多過 TEA BUFFET

雖然食物的種類唔多

但整體的味道都幾好

蝸牛先生就幾鍾意

我就嫌熱盤太少

 

蝸牛先生今日最愛係鵝肝包

我就最愛迷你漢堡, 檸檬批同火腿

 

縱使呢度味道水準唔錯

但始終價錢太貴

我同蝸牛先生都覺得應該唔會再來

 

 食完後慢慢由灣仔行落銅鑼灣

沿途又睇下衫同波鞋

最後再經天后, 炮台山行返北角屋企

幾百蚊的 tea buffet, 就係咁消化了......

 

 

 

 

 

 

 

 

 

 

 

2014.02.07 - 咖哩雞

咖哩雞飯

呢個係屬於蝸牛先生的愛心飯盒

 

前幾晚, 蝸牛先生話想食咖哩雞飯

於是, 第二晚就即刻去買雞

 

街市無雞賣, 去了 Citysuper

點知一出銅鑼灣就樂而忘返, 返到屋企已經八點

拿拿臨用鹽粷, 胡椒, 蒜醃雞

只係醃了半個鐘, 好彩都夠味 

 

牛舌

我本身好鍾意食牛舌

不過今晚的有陣怪味

最後只係食了三塊就掉了, 好浪費

 

炒露筍

堅持每餐都要有菜

 

咖哩烏冬

食剩的咖哩第二晚用來煮烏冬, 好正!!

 

每次見到蝸牛先生食得開心我都會好有滿足感

 

*****

年初三, 兩人在家打邊爐

新正頭, 街市好多檔口都無開

所以呢晚的邊爐唔係好豐富咋

 

蝸牛先生整了一個特濃番茄鍋, 好味!!

 

今年我打算出去上下烹飪班

整麵包, 煮飯兩樣我都想學

希望可以從中學下 d 技巧

好想廚藝可以有進步~

 

{2014 馬年} 自家開年 BRUNCH x 赤口燒肉

馬年第一餐入廚

年初二 自家 Brunch

簡簡單單只有蛋, 煙三文魚, 牛角包, 香腸

但已經覺得好滿足, 好好味

 

仲有蝸牛先生愛的芝士

原來可以買呢一類的芝士在家品嚐, 係蝸牛先生兒時的夢想 (太誇張了吧)

至於我就受不了這種芝士的味道, 覺得佢散發住一股垃圾味 

 

年初三 外食 lunch

揀了我倆都喜歡的

 

和宴

尖沙咀廣東道100號彩星集團大廈12樓

前菜一: 雖然粟米唔算好甜, 但配埋個汁一齊食又幾好味

 

前菜二: 唔及韓國餐廳好味 

餐湯: 呢個普通, 無乜特別

 

辣味牛肉烏冬

最愛呢碗烏冬, 每次來都要點

湯底超好味, 飲完唔會好口渴, 而且牛肉夠淋

 

和牛

雖然唔係特級和牛

但牛味重, 脂肪夠, 好味!

 

黑豚

我覺得肥膏多0左少少

不過幾好味

食完呢餐我同蝸牛先生都好滿足!!

 

****
 

以前細個好鍾意新年 (有新衫著又有利事逗)

但人大0左反而好怕新年 (好忙, 好攰) 

 

新一年, 希望可以病少 D
希望可以做到真正的無憂無慮, 開開心心



 

 



{2014 馬年} 糕高Go

今年我都湊湊熱鬧學人蒸糕

希望來年可以步步高陞!!

 

蘿蔔糕

幾年前在怪師傅烹飪工作坊度學的

買完材料返屋企先發覺買漏生粉

懶得再落街, 最後用粟粉代替

岩岩蒸完出來, 質地好淋

仲以為自己失敗

但放雪櫃後佢就會實淨返

 

買了日本大根

但發覺唔係特別甜/ 好味

下次都係買返街市貨

 

今次只係加了臘腸, 閏腸

味道好似爭少少

下次會落埋冬菇同蔥

 

今年用了食物處理器刨蘿蔔絲, 勁快勁方便!!

 

岩岩蒸出來, , 好爛

食落 一 pat pat, 唔太討好

 

第二日, 雪硬了落鑊煎

正常返

想整多款糕, 掙扎緊整椰汁年糕定馬蹄糕好

最後因為家姐話想食馬蹄糕

所以就決定整馬蹄糕

 

第一次整

原來一包馬蹄粉要差不多四十蚊

收銀時阿姐都話好貴, 仲問我一盒整到幾多底

佢話出去買一個都係五十幾蚊

hehee....雖然我都有同感

但自家制, 無防腐劑嘛, 健康一點

 

實不相瞞, 我好憎批馬蹄的

細細粒, 好難批

桂花馬蹄糕
跟大少奶食譜整的
可能我用了片糖, 所以做出來唔夠佢咁晶瑩
我怕太甜, 所以減了 10g 糖, 最後就好似唔夠甜
不過我覺得桂花可以落多丁丁

 

今次太心急, 煎得唔夠耐, 唔夠香口

今年一口氣整了兩款糕, 好勤力!!
 

2014.01.25 兩囗子團年飯 @ Home

好開心上星期六可以抽到時間食一個兩囗子的團年飯
呢晚好豐富，有前菜，三餸，一湯
前菜: 海膽
蝸牛先生忽然想食海膽，原本以為同中式晚餐唔太夾，但食完又覺得ok 喎
主菜一: 焗雞
買咗一隻雞，一半用來煲湯，一半用來做餸
跟食譜煮，都幾好味
主菜二: 金沙帶子
金沙蝦的變素版，好味！
主菜三: 白灼蝦
蝦夠新鮮，簡單白灼已經好好味
湯: 候頭菇鮑魚雞湯
今晚個湯好足料。買了青邊鮑，煲完湯拎出來食，估唔到又幾好 (本身仲以為要再拎出來炆添)
今晚呢餐食得好滿足，好開心！

2013.01.14 半西式晚餐 {附芥末牛柳粒食譜}

有日成七點先放工

拿拿臨去 SOGO 買小小餸返屋企煮

 

煮了一個半西式的晚餐

 

蘑菇湯

第一次整, 比預期中易

我無用雞湯, 所以味道唔算好豐富

但就好香菇味

 

洋蔥煎豬扒

豬扒好薄, 但估唔到可以咁 "UN"

亦可能係我 overcook (我好驚唔熟, 經常覺得煮耐d 好 d)

 

芥末牛柳粒

呢 pack 牛要九十幾蚊 (around 0.2kg), 我覺得好貴

但好彩佢肉質好好

 

之前0係街食過呢味餸, 蝸牛先生好鍾意

呢晚膽粗粗試煮, 蝸牛先生大讚!!!

 

又係綜合網上食譜

牛肉先用生抽 (1 茶匙), 糖 (1/2 茶匙) 略醃

之後將蛋黃醬 (2 湯匙), 青芥末 (1 湯匙) 拌勻

最後加入牛柳粒攪勻

將牛柳煎至金黃, 再入焗爐焗一陣至喜愛的熟度

 

事後檢討: 青芥末味唔算太突出, 我覺得下次可以落多少少芥末

 

呢個餸唔花時間又好味, 有機會可以再煮

 

焗青魚

覺得好似唔係好夠餸

於是加多條青魚

呢個又係快餸之一

簡單落少少鹽就拎去焗

蝸牛先生又係好 like

哈哈, 好過食鰻魚 (鰻魚好貴呢)

 

蝸牛先生同我都幾鍾意今晚呢餐

下次夜收, 可以煮返呢d....hehee....

 

******

上次抽獎得來的麵粉

下星期就到期

不過.......我依然無乜郁過

唉....呢次又做0左大哂鬼

2013.01.05 {銅鑼灣} 利小館

最近發現
屋企附近那家我們愛吃的牛肉麵店已經關門大吉
後來再發現另一家我們喜歡的西餐廳都執了
好令人沮喪~

上星期, 跟蝸牛先生到銅鑼灣的大戶屋
但原來........都執了!!!

唉......
我們喜愛餐廳, 一間間的消失了

大戶屋執了, 於是改去了我們曾經喜歡的利小館

銅鑼灣時代廣場地庫2層B217-B218號舖

雞絲粉皮
我同蝸牛先生都覺得好難食
無錯, 係難食!!  普通上海鋪都比佢好味


小籠包
呢個正常!


鱔糊炒麵
超多油!! (之後我好快就肚痛)
鱔有陣怪味
 

 其實我地都好一排無來
估唔到忽然之間水準變得咁差
我諗我同蝸牛先生唔會再來

******
上星期在 SOGO
買了一個小煎 PAN
可以用來烘麵包
(其實我一心想用來整鬆餅, PANCAKE 之類)
前日試了
原來都幾易整濃
而且, 我覺得用焗爐效果更佳!!
 搵日試下整 PANCAKE 先
 

2014.01 雜記

 好耐無出 BLOG

因為每晚都好忙咁上網搵北海道的資料

上星期主力揀酒店同溫泉旅館

而加已經訂好哂酒店

之後就主力編排行程

仲有交通, 食, SHOPPING 等資料要搵

好彩時間尚算充裕, 可以慢慢搵

 

******

上個 WEEKEND, 又到蝸牛先生顯身手

 

金菇牛肉

醃好的牛肉唔小心跌0左落地 (男人就係咁粗心大意)

唯有沖沖水再醃過

可能因為咁...味道無之前整的咁好味

 

炒豆苗

最近豆苗好貴, 要三十幾蚊斤

不過想食都無辦法

 

蒸魚

假日必食的蒸魚

 

*****

有日夜0左收工

街市已經收檔, 唯有去 SOGO

(真係好唔鍾意 OT, 佢令我買餸成本上升)

 

簡單買了咖哩樽整咖哩飯

呢款第一次買, 但我同蝸牛先生都覺得好好食, 推介!!

 

日式咖哩雞

懶得走來走去, 所以 0係SOGO 買埋日本甘筍同洋蔥

我平時係唔食甘筍的, 但今次有食, 因為好甜 

真係唔明點解日本的0野特別好味?!

 

泡菜炒豬肉

呢個餸應該用韓國辣醬去炒

不過屋企無, 所以我改用豆板醬

好彩味道都OK

****

新年又就快到

要準備利是, 執屋

仲想整下糕

唔知有無咁多時間呢?!

2014.1.1 {灣仔} 莎巴馬來西亞餐廳

呢日想食喇沙
第一時間諗起蝦麵店
可惜假日唔開
最後去0左灣仔另一間食星馬菜的餐廳

莎巴馬來西亞餐廳
灣仔謝斐道98-102號仁文大廈地下4及5號舖

海鮮喇沙
一望就知好足料
有蝦, 青口, 魚片, 魷魚
碗湯好好飲, 唔會太咸, 亦唔會太味精 (at least 我飲完唔會覺得好口乾)


牛油薄餅
好鬆軟, 熱辣辣好味
仲附送咖哩汁一碗, 好貼心!!


巴東牛肉
少少辣, 但可接受
牛肉好淋, 個汁用來點薄餅一流
不過我估用來撈飯都會幾好味


食完就去附近的天仁茗茶買飲品 (呢度唔駛排隊!!)
試了薑茶 & 薑奶
都幾好飲

食完就行去金鐘, 順道消化一下
悠閒地渡過了一個假日
 

2014.01.04 {上環} 永合成

今日跟蝸牛先生去了上環
原本打算食九記
不過最後轉0左食煲仔飯

永合成
上環蘇杭街113至115號地下

好耐無來
今日超多人, 差不多滿座
好彩唔駛等位

窩蛋牛肉飯
牛肉切小粒, 比起出面的免治牛有口感
雖然味道好似無以前咁正, 但都好味的
後來見到人0地的"煎蛋"牛飯
又覺得"煎蛋"應該好味 D (隔離飯香)


鳳爪排骨飯
豉汁好味, 不過排骨有點肥
加了臘腸, 好好的配撘
我比較鍾意呢個, 但蝸牛先生就鍾意窩蛋牛多D 

呢度的雞翼都好出名
不過兩個人食唔到咁多, 無緣!
另外, 今日發覺好多人 ORDER 例湯
睇個樣好似都幾好飲 (好濃, 好足料)
而加有少少後悔當時無叫
下次一定會試