婚前 感想

前兩日跟蝸牛的媽媽和家姐去買金, 他的家姐還送我一隻鑽石戒指做禮物, 好開心!! 真的很多謝未來......(AIYA, 是不是叫姑奶??!)
至於自己的家姐阿哥, 就全部送金給我. 雖然金真的好不切實際, 而事實上家人都有問我想要金還是要錢, 但我最後都揀了金. 揀金不是為了當日的 SHOW OFF, 而是我喜歡留點東西做紀念 (我真的超似一個阿婆, 乜都喜歡儲一餐!!).
最近發覺自己好幸福, 媽媽明明是個好傳統的人, 但她不想加重我倆的財政負擔, 所以好多繁文縟節的 ITEMS 都 SKIP 了. 例如: 明明人家過大禮是要男家送上海味, 我媽不用我們送不特止, 還反過來執了很多花膠和藥材給我帶去新居 (今天還問我要不要拿些鮑魚過去), 真的世上只有媽媽好.
上星期, 爸爸還一瞼擔心的問我錢夠不夠用, 要不要他給我一點錢, 之後叫他們幫我去換新銀紙, 換完又說不用給他們錢, 留待我自己結婚用, 真的超感動啊 . 不過, 我當然也有把錢還給他們啦, 畢竟他們都年老, 也應該留點錢旁身, 而且, 結婚代表自己要 "變大人" 啦 (雖然我成年已經有一段時間 ), 用屋企錢? NO WAY..自己的事應該自己負責嘛.
以前不喜歡自己有這麼多的家姐和哥哥 (因為做錯事後, 會有十幾把咀來教訓我), 現在終於覺得他們好. 而且人大了也很喜歡一家人圍在一起, 感覺好熱鬧.
哈哈, 不過大婚日我是不會公開多謝他們的...因為...我覺得行動比口講更實際......將來我會好好的考敬他們!~

<嫁給你 - DIY> 欄門花球

終於有多一樣 DIY 作品, 不過, 我相信這個應該是我最後的一個 DIY 婚嫁用品.
今次這個欄門花球, 是我跟蝸牛先生一起做的, 好溫馨 , 而且效果都好滿意.

這個花球製作過程並不難, 最難(懶) 是要去旺角買花材而已. 另外, 我求其在家找了一條鐵線, 因為這條鐵線比較軟身, 所以花了很長時間才可以穿過那個發泡膠波波. 至於其他部份都是零難度的.

DIY 欄門花球, 材料費要一百蚊, 其實都幾貴, 不過, 我實在太不喜歡市面現成的款式, 所以最後都決定 DIY, 而且完成後, 都幾有滿足感..., 所以我覺得這一百蚊是抵花的.

<嫁給你 - 利事> 利利事事

今年是我最後一年逗利事, 心情有點複雜. 以前收利事會覺得好開心, 但今年....不知為什麼又沒有太大的興奮...
今年我一邊收利事之餘, 另一邊就開始努力地封利事. 因為下WEEK 就會過大禮, 過完大禮就可以派帖, 所以趁有時間快快入定回禮利事, 希望到時可以極速派帖.

我好慶幸自己有 "儲" 利事的習慣 (我習慣今年拆上年的利事, 而一百蚊或以上的就會一直KEEP 住儲), 現在以前收到的利事終於可以大派用場...這完全可以舒緩我肉痛的感覺

不知不覺, 原來距離大日子只有一個月多少少的時間....開始緊張, 開始擔心.....

<嫁給你> 婚嫁用品 入貨

婚期愈來愈迫近, 於是尋日誠邀好友陪我到金都一趟, 不用一小時, 就買好了一堆濕星的婚禮用品.
今日收獲有:

繡花鞋一對 ($98)(其實我本身以為五, 六十蚊可以買到一對, 但原來好多間鋪頭都要 OVER 一百蚊, 找了很久才找到 UNDER 一百的)

利事封 (囍字封, 包羅萬有封, 開門利是封)(本來勁想買粉紅色的利事封, 不過有少少貴, 所以..最後還是慳家一點, 買最普通的紅色囍字封)

上頭用品(在大陸買, 十幾廿蚊就有一 pack, 但香港就要成四, 五十蚊一 pack, 食水勁深)

睡衣(本來想買粉紅色, 但staff 跟我說, 只有返頭嫁的人才會穿粉紅色..聽後, 我即刻話, 我要勁紅的 )

囍字貼 (@$8)(買了四個, 男女家各貼兩個)

對聯 (@$20)(買了三對, 男家一對, 女家一對, 新屋一對)

香港的結婚用品真的勁貴, 以上物品如果返大陸買, 應該可以平成半!!! 可惜.......我太懶, 亦太不喜歡回祖國, 所以最後還是留港消費.

好開心又攪掂一堆濕星事項, 亦都好多謝朋友仔是日抽空相陪 & 俾意見我.

<嫁給你> 蜜月旅行 準備中

我同蝸牛先生都好鍾意日本, 所以一早預計蜜月旅行會揀日本. 本身我都幾想去北海道, 但我倆又無車牌, 唔玩自駕遊又好似唔太方便, 所以唯有放棄. 之後又有想過去九州遊, 長崎/豪斯登堡望落都幾靚, 但又怕太鄉下會悶. 所以, 最後...又揀返東京!! 為了不要太重覆以前去過的地方, 所以今次會加插一個新景點 -- 輕井沢.
花了兩天時間去找 Package, 發覺大部份都是 3 天兩夜的, 而且好多 Additional charges (e.g. 早去晚返航班要加錢, 成田轉羽田又要加錢....立立雜雜一堆雜費, 加完之後已同 package 價相差一大截) 所以我覺今次找東京 package 是最煩的一次.

最後在左格右格價之下, 跟 EGL 訂了 ANA 藍天假期3D2N的 Package, 但我發現用 package 去續訂房間, 一晚要額外加 $15xx, 但如果另外跟 EGL book 則只需 $11xx, 好彩我資料搜集做得夠, 不然的話就唔抵... 兩晚加埋都慳幾舊水嘛, 夠去食多碗拉麵啦....
至於輕井澤, 我就揀了輕井澤太子酒店西館, 其實 book 之前我未有對這間酒店做太多的資料搜集, 揀它純粹是因為我見十個有八個去輕井澤的都會住這間酒店, 再加上酒店的環境又幾靚, 所以最後就揀了它.
酒店要新年後先 confirm 到有無位, 希望順順利利有位啦....

<嫁給你> 手花/襟花 CFM

在攪結婚的初期, 我雄心壯志地打算為各姊妹 DIY 手花, 當時還專登千里迢迢走去深水埗買材料, 結果....到婚前兩個月, 我只是做了一朵咁大把 ...基於時間緊迫, 無辦法再拖, 所以我決定........出去買!!!
鮮花易殘, 一早已打算姊妹手花會用絲花. 本身好鍾意 Trueflower 的作品, 不過 OUT OF BUDGET, 最後找到了 Ally'S flowers, 它的款靚而價錢又OK, 所以姊妹手花和屋企人襟花會由 ALLY 一手包辦. 但我又對 TRUEFLOWER 的作品念念不忘, 所以最後都決定長老襟花在這裡訂. 至於兄弟襟花則會由 K&S Floral decoration 提供 (這是酒店送的).
換言之, 我大婚當日的花品將會出自 4 間不同公司.....就連我自己都覺得自己在攪事....hehee.
MY FLORAL VENDOR SUMMARY:
Pre -Wedding Photo花球: Ron's Gift & Flower大婚花球: Cherish Wedding Decoration姊妹手花 & 屋企人襟花: Ally'S flowers兄弟襟花: K&S Floral decoration
長老襟花: Trueflower

婚前兩個月 - 忙死了

WAH, 這陣子實在太忙, 原來不知不覺間已經成大半個月沒有 UPDATE 過個 BLOG.
這段時間主力攪新屋的事項, 買電器傢私, 做清潔, 希望可以快些可以搬入去住, 不要白白付租金嘛. 到現在新屋已經差不多成形, 屋內的基本設備都買齊了, 等媽媽今個weekend 去拜拜神, 蝸牛先生就可以入去住了, 心情開始有點興奮!! 雖然我都好心急想快些搬入去住, 但我還是覺得結婚後才搬會開心一點...因為這樣才會有新婚的感覺 .
至於結婚事項, 都不能再拖了, 今 week 去了 Wedding Art 傾 decoration, 初步的 idea 已經想好, 希望不要太 out budget 啦. 其他的濕碎小 items 都希望在這幾星期解決! 我跟蝸牛真的要加加油了.
新屋及結婚的事完全佔據了我的時間, 期待快些可以重見天日, 快些可以去玩......

<嫁給您> OUTSTANDING LIST

婚期愈來愈迫近, 令到最近的情緒經常都處於緊張狀況. 婚禮中實在有大多濕濕碎碎的事未解決, 去到這個階段, 以前幻想的婚禮, 已經不再想化時間精神去實行, 一心只想快快完成這件事!! 太佩服D人可以花年幾兩年去攪一個婚禮, 懶底的我, 實在萬分不願意.

是時候要寫個 outstanding list 去 remind 自己有那些東西未 ready

過大禮:
l 基本上乜都未諗, 需要D乜都未清楚

出門事項:
l 出門路線
l 接新娘遊戲
l 當日LUNCH 地點
l 回門事宜: 時間, 回門豬準備等等等等

婚宴內容:
l 圍數: 15-18圍 未決定
l 女家飲宴賓客名單： 未決定請唔請公司同事
l 簽名筆: 朋友仔幫我 DIY
l 請帖: 哥哥攪, 但未開始整
l 油畫: 未想好用邊張相
l 相簿: 排版未做
l 簽名冊/布: 想DIY簽名冊, 但又懶
l 席上座位表: 諗都未諗
l 音樂: 進場, 上豬, 背景音樂 ETC, 總之乜都未諗
l BACKDROP: 未諗, 而且未約 WEDDING ART 傾內容
l 姊妹衫: 一個姊妹和伴娘未揀款
l 兄弟TIE: 未買
l 化妝: 兩家屋企人的化妝時間和地點未決定
l 花車: 要同租車公司CONFIRM 當日的路線

服裝/妝飾:
l 揀衫: 男&女都未去FINAL CONFIRM 款式
l 長老揀衫: 乜都未揀
l 襟花/手花: 乜都未攪

物資:
l 上頭用品
l 利是封
l 跪墊
l 敬茶茶杯套裝: 我媽話買俾我, 不過仲未買
l 花車公仔


蜜月:
l 地點/時間: 乜都未定
暫時應該只有這些, 希望我沒有數漏

<嫁給您 - 攝影> THE STUDIO 收相

無心理準備下, 今日失驚無神收到 THE STUDIO 的電話說可以去拎 SOFT COPY. 於是食完 LUNCH 9 秒9 的過去拎. 如果 CONFIRM 入相簿的相無問題, 就可以開始排版. 我自己初步睇就問題不大, 等蝸牛先生過目完畢就可以通知 THE STUDIO 排相. 只剩兩個多月, 希望到時趕得切起貨啦....

為了保持神秘感, 我不打算把相公開, 所以親愛的朋友們, 不要煩氣的叫我給你看啊....嘻~

<嫁給您 - 花球> 大婚日鮮花球 confirmed

本來打算不買鮮花球, 但又覺得如果大婚日拎住個假花球, 又好似不太美觀, 所以最後都決定訂鮮花球.
其實好鍾意 miracle flower 的花球, 但可惜 OUT BUDGET. 於是左搵右搵下給我找到了岩 budget 而又靚的花球, 它就是 Cherish Wedding Decoration. 其實這間公司主要做 Decoration 的, 不過它的花球做得好特別 (我幾乎每一個都鍾意!!), 所以就決定找它.
花球解決了, 現在我還欠 4 大長老的襟花和各兄弟姊妹的襟花/手花. 好想可以快些 CONFIRM 所有東西.
就是這兩個花球, 令我愛上了 Cherish:

好期待 Cherish 給我做的花球.

<嫁給您> 試褂 @ 鴻運繡莊

其實早在六月時已經在婚展落了DEPOSIT 租褂, 不過一直都懶懶閒未去揀.
雖然婚紗鋪都會有褂, 但我硬係覺得租褂應該要找一些老字號才夠傳統, 冠南華太貴, 所以退而求其次我揀了 <鴻運>.
我對褂沒有太多的研究, 所以叫職員隨意拿幾件給我試...點知就中招. 她給我揀的全是一千蚊以上的 (其中一件還要二千三!!!!!), 由於之前在婚展已愛上水晶褂, 所以好容易就被她遊說到租水晶褂......最後比我原本的 BUDGET 貴了差不多一倍....
職員又說我要著 "加加細碼", 雖然著上身真的比較 FIT, 但又要 ADDITON 加 $200, 而加諗返都覺得貴..早知試試 "加細" 個效果先啦....
我現在正在後悔中 , 覺得自己好哂錢, 好內疚....

<嫁給您 - DIY> DIY 工具/材料

之前在淘寶淘了一些 DIY 工具和材料:

<工具> 壓花機, 花邊剪刀

其實未知可以用在什麼地方, 不過, 我勁 LIKE 花邊, 所以就買一個玩玩

<材料> 畫冊, 畫筆, 相角

其實 THE STUIDO 會包一張簽名布, 但我又不太想用簽名布, 所以打算自己 DIY 一本簽名冊 (但我藝術天份太"高", 所以都不知最後可不可以成事!!). 我本身有一個構思, 就是每一頁都貼上我跟朋友仔的合照, 之後朋友簽到時就去返有自己個樣的一頁簽名. 不過, 又未必跟每一位朋友都有合照....而且簽到時要搵返自己個樣, 好似都幾麻煩....所以, 還是要再想想...

這批工具和材料, 其實都不知什麼時候會用得上.......哈哈, 因為我實在太太太懶!!!

<嫁給您 - 攝影> THE STUDIO 揀相日 Round 1

終於都來到揀相日, 過程比我相像中快, 花了三個多小時就已經揀好入相簿的相, poster, 簽名布和油畫. 至於 re-touch 和 layout 還要多等半個至一個月.....(希望趕得及婚期前完成啦), 剩下的還要找一首歌來製作 pre wedding slideshow, 這個重任就交給蝸牛先生, 他是這個 big project 的音樂總監!!
我的其中一個造型, 蝸牛先生竟然說我似關菊英!!!!!! 不過, 唔講唔覺...我自己都覺得有點似...hahahaha...所以, 這個造型的相...將不會放入相簿...亦都不會從見天日.....至於菊姐身邊的蝸牛...其中一張個 pose 又有點似吳啟華....hahaha......好好笑!!
這輯相, 我最滿意的是 casual wear 部份, 或者是因為比較自然...不過, 我們不會把相放到 THE STUDIO 的相簿內, 而是額外出去再印一本全 CASUAL LOOK 的, 希望感覺可以整體一點.
不過, 點解人家的婚紗相, 可以由原本好平凡的變做天仙.......但我的又無呢種感覺0既???!

<嫁給您> Confirm 姊妹化妝 & 裙

今日又 confirm 多兩個 items, 輕鬆哂~
姊妹化妝我找了在百利一樓的 SWEET CONCEPT (其實是在網上亂 SEARCH 的), 它的鋪位在108 號鋪, 白痴的我, 去交 DEPOSIT 時去錯了 08 室...UP 一輪先知自己去錯..超樣衰!!
交完 DEPOSIT 後, 經過朋友介紹的租姊妹裙店, 於是又入去望望, 視察後覺得它的款式和價錢都OK, 所以又立即落訂...
在攪結婚這段期間, 覺得戶口的錢消失得特別快..今天要交 A 的 DEPOSIT, 隔天又要交 B 的 DEPOSIT, 要用的錢好像沒完沒了的, 好恐怖!!!
很快還要找地方住, 之後是交上期按金, 買電器傢私, 家具雜物.....好恐怖, 真的好恐怖!!! 如果...我識印銀紙就好了....

<嫁給您 - GEL 甲> 2ND GEL 甲

捱了個半月, 終於去整了人生中第二次的 gel 甲.
GEL 甲前, 心大心細, 考慮拆甲還是再 GEL...最終都係決定再 GEL (因為實在太方便, 想靚, 但又沒有太多的耐性自己油甲)
今次去了屋企附近朋友介紹的一間 GEL 甲店.
這款 GEL 甲只需個半鐘就可以完成, 岩哂我這些沒有耐性的人.

不過, GEL 完後發覺這隻粉紅色太姣...不太襯我!!

<嫁給您 - 花車> 旅巴 from 孖一世結婚花車服務公司

其實我對花車沒有太大要求, 覺得它只是交通工具而已, 所以一早已決定大婚日的花車會用哥哥的座架 (不過現在他跟我問朋友借了一架賓士回來). 花車解決了, 但還要租一架旅巴接載兄弟姊妹, 一直都好懶, 不願 SEARCH, 今日見到 BLOGGER 在 <孖一世結婚花車服務公司> 租了車, 於是就順便打去問價錢, 最後好快就 CONFIRM 了.
揀它的原因, 除了是價錢 OK 外, 最大原因是它的旅巴有粉紅同紫色, 第一間已看中了它紫色那一部, 可惜已租出.

第二部, 粉紅色的

我見市面多是白色的, 顏色系列的旅巴好似好少見, 所以就揀這間了, 懶得再 SEARCH...

正, 舒舒服服又攪掂一個 ITEM !!

<嫁給您> Pre-wedding 影相日 (補影) by THE STUDIO

因為上次天雨的關係, 所以外景部份要等到今日先有得影. 影之前的一星期心情勁緊張, 總覺得會有阻滯, 結果.....如我所料, 真的有阻滯!!!!! ...今次的阻滯是....在影相前的一晚, 我那位平日好唔準時的親戚, 竟然今個月好準時地到訪...實在太過份!! 累我那晚睡不好, 第二日雙眼又水踵, 而且還好攰好攰...不過, 不幸之中的大幸是, 那天我沒有肚痛, 不然的話...我可能要影多一輯!!
除了這個小小的不幸外, 其實當日的天氣都幾好, 不冷不熱, 而且天藍陽光正...如果...我狀態好一點就好了..
今次的外景部份揀了赤柱. 我們先去軍人墳場影花花草草..那裡景色都幾靚, 不過其實我不知道在墳場影婚照會唔會唔 "老泥". 之後再去赤柱大街, 美利樓, 當日勁多 PAIR 在那裡影婚照....之後在酒吧街又忽然剎出一個鬼佬出來和我合照..HAHA..都幾攪笑...最後就去沙灘, 影到六點多就收隊...
今日影相都影得幾開心, 好多謝今日 THE STUDIO 的團隊 CHARLES 同 CANDY , 他們的SERVICE 真的好一流, 希望 FINAL 的作品都是一流啦.
好期待同心急...

<嫁給您> 龍鳳鈪 from 大哥大嫂

尋日同屋企人飲完茶, 大哥大嫂說跟我一起去周登登揀龍鳳鈪, 試了很多對上手, 對對我都覺得好土, 我完全不懂怎樣才叫做靚.....所以最後只揀了一對比較順眼的.

雖然買金鈪有點不切實際, 但屋企人為我買鈪...都覺得幾溫暖...

(其實上面四隻都不是我買的那款 )

我買了的其實是這個款

試完龍鳳鈪, sales 姐姐又拎了幾隻鑽戒出來, 嘩, 其中一隻 $83,000, 粒石好大好閃呀!!! 我同阿嫂都即刻搶住試...

金價這麼高, 但尋日金鋪都迫滿人...原來金真的很受歡迎.

<嫁給您> 1ST FITTING @ MEE WEDDING

等了很久, 今天終於約到時間去 1ST FIT..過程比我想像中快, 只需一個鐘就攪掂.
不過, 今次去睇相簿, 竟然沒有太多款是我睇得上眼的, 好辛苦才揀到 4,5 條是想試的, 全程可能只試了大概十條....老實說, 雖然最後都 HOLD 了三條, 但沒有一條是我勁喜歡的..而最大WOK 的是, 連我上次試完覺得喜歡的今次都只是覺得麻麻地....點攪好?! 希望善變的我, 下次 FINAL FIT 時會忽然又睇得上眼啦.......
不過揀不到合心的應該是我個人問題吧, 人家婚紗晚裝大多是預新娘加鋼紗 OR 大泡泡之類, 奈何我一見大泡泡就想起了小鳳姐 , 所以有點抗拒. 如果我可以放開心胸, 應該會多一點選擇.
1ST FIT 不可影相, 所以不知道我揀那幾條過鏡後的效果是怎樣. 暫時晚裝 HOLD 了紅色和深藍色...而其實我有少少擔心自己個樣 HANDLE 不到深藍色, 怕出來太成熟不襯...
開始覺得攪結婚好煩, 好多東西要去做決定, 而且..錢還不斷在燃燒中....早知, 隨隨便便攪個 LUNCH BANQUET 算啦....

<嫁給您 - 手飾> 結婚手飾

無意中給我發現一個外國網上購物網 ETSY , 裡面有好多 HANDMADE PRODUCT, 本來想在裡面找個超大頭飾, 但不太合心水, 合心意的又太貴, 於是後來轉睇手鏈, 結果買了一條折回才百多元港幣的手鏈回來...
上星期 3 下單, 昨天就收到貨了, 都幾快!!! (由 US 寄來, 運費才 US4.5, 仲平過淘寶!!!!)

包裝都幾有心思, 還有咭片....

成品OK, 不過因為我手腕比常人幼, 所以鬆了一點點, 要想想辦法才可以戴

店主還送了一對耳環給我, 不過我沒有穿耳, 於是送了給伴娘, 她說要在我大喜之日用

這個網裡面有很多個人手作, 好多都好靚而價錢又不算貴. 其實我還有很多東西想買, 不過為免上癮, 我還是少看為妙....

<嫁給您 - GEL 甲> @ Ferrecare (Tai po)

話說上次去影 pre wedding 的前一日, 我出去找人修甲. 無乜 idea 去那裡修, 記得平時路經大埔超級城的 Ferrecare (跟 Modern beauty 同一集團) 覺得它的門面都幾靚幾乾淨, 於是就走入去. 當然, 入得這些"大集團" 都預了俾人 sell, 所以最後我由修甲變成做 gel 甲.
今次是我第一次做 gel 甲, 之前我專登把指甲留長以為可以用得著, 但店員姐姐好狠心地把她們磨到好短好短...之後做的時候, 我不斷問, 指甲這麼短, 我做出來的效果會不會不好看, 但她每次都好肯定地說, 放心不會的.
到完成時, 我見到自己十隻指甲都好笨, 手指公做到又肥又短 (我覺得好似腳指公啊!!), 都幾肉酸.
已經不滿意結果, 但 sales 姐姐還不斷 sell 我 join package, package 價 $5k, 忘了可做多少次...我說不用了, 她仍要不斷 sell 我, 由最初一人sell, 到最後全鋪頭 3 個 staffs 一齊 sell (勁討厭!!!!). 我堅持不 join 並叫她先收今次的錢, card 付了出去, 她硬把 card hold 在手上繼續 up..突然其中一個 staff 好大聲好惡地說 "我已經給你一個很抵的 offer, 你還要考慮什麼??" 當時我心想, 你都痴線, 做乜要兇我?! 最後肉酸的 GEL 甲竟然埋單要 4百多 (已經是試做價啊, 本來是 $2XX, 但 TOP UP 加東加西, 最後變成 $4XX)....頂頂頂!!!! 簡直是超級黑店!!!
做完 GEL 甲, 我完全不想把手伸出來, 一來覺得好肉酸, 二來俾了4 百幾換來這樣的甲, 好似好戇居..連平時好少理我這些東西的蝸牛先生都說做得唔靚!!!!!!
想了很久到底 POST 不 POST 相上來 (因為實在太肉酸, 我接受不了), 但實在很想跟大家分享我這次可怕的經歷, 所以最後還是 POST 了....大家記住, 千萬不要幫襯 FERRECARE (Modern Beauty 現代美容) 的 GEL 甲服務!!!!!!

<嫁給您 - 護膚> Reenex - CPS更生活膚療程

一直都好想去試做, 不過之前覺得太貴, 所以都不敢去試.....但因為要結婚 (哈, 其實可能只是一個藉口), 想到時皮膚狀態好一點, 所以.....尋晚終於踏出了我的第一步....
我今次試做的是 CPS更生活膚療程
功效: 改善暗啞, 粗糙, 油光, 暗瘡, 色班, 缺水
試做的過程好簡單, 第一步是潔面, 之後治療 c 就在面上塗上一些叫 <水基酸> 的東西, 3 mins 後, 再在我面上噴一些中和液..再過水...之後就 ok...
做完立即照鏡, 感覺效果好神奇, 本身的黑頭好似不見了, 面又覺得白淨了...
由於效果神奇, 加上一早已心cc, 所以最後都決定 join. 本來我想 join 12 次的 package 先試試效果, 但如果買 24 次的, 就可以有 7 折...又好似好吸引...所以最後都 join 了 24 次的 package, 大約可以做年半...而又因為本身是 dermes 客戶, 所以又可以減 $500, yeah, 太好.....現在除開每次的價錢...我覺得都可以接受.
太好, 以後不用再到美容院做針清, 好鬼憎每次做完都爛面, 超樣衰又痛.....
希望這個療程真的可以令我皮膚變好啦..期待中~

<嫁給您> 蝸牛先生禮服配件

為蝸牛先生買了 BOW TIE.....for pre-wedding 用...

BOW TIE .....來自淘寶...RMB 25...抵到爛

交叉領帶....同樣來自淘寶....RMB 8.....平到笑

周杰倫示範..

兩樣折回港幣連運費都只是六十多塊, 用一次都抵.....

希望蝸牛先生著起會型仔D 啦...

<嫁給您> Pre-wedding 影相日 @ THE STUDIO

今日終於來到影相日..可惜, 天公不造美...唉唉唉...
前兩日已經開始緊張, 擔心呢樣又擔心0個樣...想不到, 最後真的不能順利完成
其實尋日 THE STUDIO 已打電話來問我想不想改期, 但我見天氣報告只說今天有幾陣微雨, 所以就打算博一博...唉, 我忘了自己是地獄黑仔王, 結果真的出事!!!
不過好彩我們都揀了室內景, 所以今日可以先影室內的一PART. 今天影相的感覺都幾好, 沒有想像中的辛苦, 最開心是中間可以有午飯時間, 而且是吃熱辣辣的飯而不是麵包呀!!! (哈, 我最怕就是要捱餓)
吃完飯, 我倆還在猶豫今天要繼續還是改期...幸好他們說可以車我們過去赤柱望望, 如果雨不大就繼續.....可惜那邊的雨勢比上環還要大....唉..所以最後都決定改期再影...
雖然今日不能一次過完成, 但如果下次只影一個外景, 應該可以舒服一點 (自我安慰中)....又或者個天想我倆對今次的PRE WEDDING 有更深刻的印象, 所以要給我們一點波折...不過, 點都好, 希望下一次可以順順利利!
影完半日相, 我倆都好滿意 THE STUDIO 的安排, 今日所有的工作人員都好 helpful, 好多謝他們明知雨不會停都出車帶我們過去...到臨走又幫我扎返靚個頭, 又准我們自己拿相機出來慢慢拍...真的好多謝他們!!

<嫁給您> Pre-wedding 準備

今日, 好攰好攰好攰!!! 因為下星期二就影相, 今日我同蝸牛先生忙於將道具運送到 studio.
唉...其實 join The Studio 之前, 我倆都忽略了拎衫還衫這個問題, 我覺得要專登去拎衫和還衫都幾哂時間, 不太適合怕麻煩的我......而且, 影完相第 2 天要返工, 又要專登預時間來還衫, 都幾頻撲, 如果一早想到這個問題, 或許我不會 join 這裡...但現在頭已洗濕了, 希望相影得靚啦....
heehe..原本以為我們會很 hea, 不會準備太多道具, 估不同最後竟然都不算少......好期待出來的效果 ...心情開始緊張中~
是日行程 (旺角 --> 銅鑼灣 --> 上環 --> 銅鑼灣)
我們首先到旺角拎道具, 之後要再到 CWB 拎衫, 我倆本來想打的落去, 但 8 折的 CALL 台話無的士 (離哂譜!!!!), 由於我以為不太重 (實情是我拿的不重, 但蝸牛先生的卻很重 我太大意了, 連累了他), 所以我說不如慳一點, 我們坐地鐵過去, 可憐的蝸牛先生今晚兩手應該會酸軟無力.
幾經辛苦終於去到 AGAPE 做 final fit, 試完後就坐的士去 studio 放低所有的道具和衫.
完成使命, 終於舒了一口氣....之後就去了 IFC 逛一會, 再之後就落CWB 拎蝸牛先生的眼鏡和行街街. 我在 i.t. 看中了一對 PUMA, 可惜只剩下 display, 本來我都想買, 但蝸牛先生說可能有好多人試過, 所以最後我都沒有買......heehee...最後我決定返到大埔再去去碰碰運氣, 可惜這裡的 i.t. 連"鞋影" 都沒有, 但我還未灰心, 再去 Catalog 望, hahahah, 果然皇天不負有心人, 這裡有貨, 而且還有85折...yeah!! 勁開心....

<嫁給你> Our wedding ring pillow

這個就是我倆的 RING PILLOW 啦......
其實本來不打算買 ring pillow, 因為律師說他們會提供....不過前排我忽然迷上油指甲, 剛巧見到 JILL STUART 新推出 SWEET BRIDE COLLECTION, 簡直一見鐘情呀!! 而且兩支甲油加一個 pillow 才 $290, 問我點忍~

其實整個系列的 product 都好鬼吸引, 好想全部都買...不過全部買下又似乎有點哂錢, 所以唯有忍手...