2014.05 雜記

因為忙於計劃北海道行程，所以好多blog 都甩了

希望趁出發前盡量寫得幾多得幾多

麵包班已經上了四堂

但我仲未掌握到搓包的技巧, 雙手依然好唔協調

｛第三堂｝麵包班: 排包, 栗子包

呢日遲放工, 6點9上堂, 但我 8 點先到

不過老師的助手可以幫忙搓包

我去到就自己玩造型

今堂講湯種, 不過因為遲到 miss 0左, 激死!!

栗子包

本身唔鍾意食栗子蓉, 所以今晚所有包包我都無試過

排包個樣整得好衰

｛第四堂｝麵包班: 綠茶包, 綠茶紅豆包

老師用的綠茶粉好香，味道好濃

我鍾意綠茶紅豆呢個配撘, 有時間我一定會自己再整

《煮》

星期五晚通常都想食好d 

再加上唔駛預備飯盒，買餸可以彈性d

好想食銀雪魚，所以今晚又去了 CCsuper

另外又買了材料整雜菜湯
原來呢度有好細棵的西芹賣, 好岩我用來整呢個湯, 唔怕食唔哂


又買了一PACK 細牛展來煲湯, 蝸牛先生話好食

 

《食》
炮台山開了一間新的平民吉列店 (吉豚屋)
呢度的價錢好公道, around 五, 六十蚊一個 SET
價錢同味道都算做成正比
想食吉列又唔想太貴, 可以試下呢間




明天出發喇, 最後都係寫唔哂我想寫的 BLOG
唯有返來再寫 (有心的話)

2014.05.11 抹茶紅豆包 {冷凍法}

自從上了麵包班後就好少再0係屋企做包

尋晚忽然手痕

於是夜晚十點幾開工

不過因為時間關係, 我用了麵包機打麵團

之後放雪櫃發酵

第二日整型

我計過, 剩係整型, 包餡, 發酵...都要攪成個半鐘先可以入爐

如果用手搓粉咁咪攪好耐?!

今次用了富澤現成的紅豆

本身都怕佢太甜, 但好彩又岩岩好

入爐前:

好鍾意見到包包發酵到脹卜卜個樣

出爐: 

包包發酵得好唔平均, 下次包餡要包得快手d

其中有一個爆餡 (但明明已經好少餡)

材料:

高粉: 265g

糖: 15g

牛油 15g

鹽: 4g

水: 140ml

奶粉: 15g

蛋 1 隻

綠茶粉 8g

之前整包, 我會 skip 牛油

但上了麵包班後發覺, 落了牛油的麵包真係香好多

不過, 咁樣做出來的包包好唔健康

所以都係間唔中"豪" 一次算了

2014.04 雜記

今次篇 blog 好長好長

夾雜住我呢兩星期的 [煮], [食], [敗]

[煮]

初釀梅酒

其實年年都想浸, 但就年年都懶懶閒

有次買完餸見到街市有梅買

在蝸牛先生的鼓勵下終於都買0左

之後就拿拿臨去買酒, 買樽

唔知成唔成功, 唔好飲都希望佢唔好變壞

最近密密煮

有蝸牛先生的豉油豬扒, 雞亦, 露筍炒牛肉, 梅菜蒸豬肉, 炒雜菇, 魚湯浸菜

而我就有清酒煮蜆, 第一次煮, 原來係好易的

仲有上次在 Sogo Club 學到的白酒煎鮑魚

有了自己的廚房, 想食乜就煮乜, 開心開心  

白酒煎鮑魚做法:

1) 鮑魚煎之前加少少鹽, 黑椒粒

2) 牛油起鑊

3) 加入鮑魚, 有肉向底 (煎 1MINS)

3) 反轉鮑魚, 讚白酒, 立即加蓋焗1 MINS

4) 開蓋, 再反轉鮑魚, 有肉向底, 煎1 MINS

快靚正!!

[玩]

第二堂的麵包班: 南瓜忌廉包, 南瓜核桃包

上堂當日係交 budget 的 deadline, 所以本來係要 OT 的

但由於我只係外援, 所以我唔打算放棄我的麵包班

最後剩低的手尾就交返俾 budget team 的同事自己跟返

不過最後都攪到成六點七, 八先走得

好趕, 去到時同學已經搓緊包

放低手袋就拿拿聲洗手搓包

今次個麵團有南瓜蓉, 所以好濕好難搓

搓到一半我已經唔想搓 (好痴手, 好核突)

呢個包依然好鬆軟, 我隔兩日食都唔覺得似隔夜包

但可能本身我唔太鍾意南瓜

所以我麻麻地鍾意食 

[食]

有晚的星期五等蝸牛先生放工一齊去了 [火鍋本色] 打邊爐

已經好耐無去, 以前覺得幾好味

但原來而加已經差0左好多

仲要無0左宵夜特價優惠, 兩個人夜媽媽都食0左五百幾蚊

我0地決定唔會再去呀!!

5.1 係我同蝸牛先生的紀念日

本來想去 [福臨門] 慶祝慶祝

大安旨意 Walk in, 點知去到無位

最後改去 [秋田] 食鐵板燒

百幾蚊一個鐵板燒 set 其實真係幾抵

味道唔錯, 而且份量大

韓風停不了

本身都鍾意食韓菜, 加上星星熱, 令我最近都食0左好多次

今次在openrice 揀了 [韓國館]

佢的位置超隱蔽, 跟蝸牛先生兜了幾次先搵到

中途差點想放棄, 又差點入錯0左另一間

以為係小店, 但原來都幾大

lunch set 約七, 八十蚊, 都算抵

我0地揀了燒餅, 牛肉粉絲鍋 (好辣!!)

味道比較淡, 我諗岩 d 食得比較清的朋友

唔難食, 但又唔算特別標青, 應該未必會再來

[敗]

雖然本身已經有兩部相機  (Sony NEX3 同 Panasonic LX7)

但部 NEX 已經係 2010 年的款

所以一直心思思想換機

睇0左幾個月, 最後都係買返 SONY (我對 SONY 係有情意結的)

Sony A6000 雙KIT 

暫時仲未摸熟兩支鏡

希望 weekend 有機會可以出去練下

咁去北海道的時候就可以影多 d 靚相

呢兩個星期唔算多采多姿, 但都算充實

幸得蝸牛先生抽空陪我

距離我倆的北海道之旅仲有兩個多星期

超期待~

{2014.04.29} Cooking class @ Sogo club

{2014.04.29} @ Sogo Club

*****

香煎白酒飽魚伴紅胡椒芥末

黑松露野菌忌廉湯

燒虎蝦伴鵝肝意大利飯

浸蛋白配綠茶香草汁, 心太軟

*****

一直都想去 Sogo club 上 cooking class

不過就懶懶閒無去報

直到有次同朋友傾開, 原來大家都有興趣

於是就決定一齊報

由於係小班教學 (8個), 所以好快 full

我地係一個半月前報名的

課室好大, 有別於一般的教室

入面有一張好大的煮食枱, 學的時間同老師好近

課室另一邊有一張餐枱

煮完一道菜就可以即刻食

感覺都幾新鮮

枱面有筆有 notes

而且仲有水同紙巾供應

未上堂時有點好奇

究竟兩個半鐘點樣可以煮到一個 full set 的 dinner

原來, 呢餐飯係要靠同學互相合作去完成的

例如, 一 個負責切菜, 另一個就負責整薯蓉

但因為唔係每個 step 都有機會掂到, 所以未必可以吸收到好多

香煎白酒飽魚伴紅胡椒芥末

之前都試過上一 d 教整鮑魚的班

學校所提供的鮑魚都係細隻而且唔多新鮮的

但呢度的就好新鮮, 而且斤兩十足, 有驚喜!!

香煎鮑魚, 唔計整汁件碟, 就只需三分鐘

整出來的鮑魚亦都好嫩

而且薯蓉同個汁都好好味, 味道同隻鮑魚好夾

呢個頭盤真係好驚喜

我一定會返屋企再煮的

今晚我第一次劏鮑魚, 原來係咁嘔心的!!

黑松露野菌忌廉湯

之前都有0係屋企整過蘑菇湯

不過煲完出來的味道好寡, 唔多好味

今次學完先發覺我平時做漏得太多

唔怪得會唔好飲

湯好足料, 飲完呢個湯其實已經飽0左六, 七成

燒虎蝦伴鵝肝意大利飯

意大利飯, 之前0係屋企都炒過一次

記得當時係炒到超攰, 而且個鑊超痴底好難洗

今次學完先發覺原來都幾易

呢個我又係決定會再試的

大蝦雖然唔係游水的

但食落口感都幾好

浸蛋白配綠茶香草汁, 心太軟

浸蛋白幾好食, 有少少似綿花糖

不過要有少少技巧, 所以我未必會再整

呢堂過得好開心

同朋友仔覺得呢度都係一個幾好 gathering 的地方

有得學, 有得食仲有白酒飲

最重要係價錢唔貴, 4 dishes 才 $480 一人

食物可以即場食亦可以帶走 呢度係有 free 的外賣盒供應的

不過呢度的抽風系統比較差

上完堂一身油煙味

如果有機會都想再來

但就覺得同朋友一齊來會好玩 d

2014.04.23 {第一講} 香草蒜蓉芝士蕃茄包、香芋煙肉包

工聯會 日式麵包班

第一講: 香草蒜蓉芝士蕃茄包、香芋煙肉包

終於都開始了第一堂的麵包班

報了中班, 所以Basic 的技巧唔會特別講 (OMG!!)

好彩阿 SIR 幾好, 會照顧我呢 D 連搓包都唔識的學生

搓粉後, 等待發酵中

搓的時間同發酵時間都比我想像中少

但整出來的包包真係好鬆軟, 好神奇

我懷疑阿 SIR 會唔會0係D 粉度落0左手腳呢?!

搵日要0係屋企試下先

香草蒜蓉芝士蕃茄包

右邊數落第二條係我的

味道有點似 PIZZA, 好好食, 但我覺得油0左小小

香芋煙肉包

其實我覺得香芋 + 煙肉有點怪

而我本身對芋頭都麻麻地

不過食落又唔太奇怪, 可接受, 但唔係我杯茶, 哈哈

左邊第一行係我整的

上完第一堂

覺得無想像中咁好玩

不過真係好想知點解個包包會咁軟熟

真係有機會要0係屋企試下

2014 復活節

四日的復活節假期, 眨下眼就過

無乜特別事做過, 但聽日就要返工喇

假期同錢一樣, 永遠都唔會覺得夠

今個假期, 唔算多姿多采

去了剪髮, BBQ, 同屋企人飲茶

反而同蝸牛先生就只係普通食下飯, 行下街

呢幾日我們去了 北角 [梅花村小館] 鹵水鵝, 魚香茄子炆米

灣仔 [莎巴馬來西亞餐廳]  海鮮喇沙

大坑 [拉麵來] 

鹵水鵝好味, 不過唔夠阿鴻小吃好食, 魚香茄子炆米就較為普通

海鮮喇沙, 唔係第一次食, 不過今次覺得味道淡0左小小

拉麵就無變, 都係咁好味 

假日的廚房係屬於蝸牛先生的

佢煮了雞亦, 炒蜆, 腐乳蝦, 火腿炒蛋, 露筍炒牛肉

雖然佢好少練習, 不過煮出來的味道都幾好, 岩我口味

考到車牌後, 第一次渣車

借了阿哥的車, 由藍田渣到入大埔

第一次上 HIGHWAY

第一次入隧道, 俾隧道費

第一次入停車場, 泊車

感覺都幾良好

不過, 要阿哥0係旁邊我先會夠膽渣

終於比我地搵到另一隻馬騮仔

雖然呢隻的質料無舊0個隻咁靚

不過愈睇愈順眼

開心, 終於幫佢搵到個伴 (hehee...)

今日同蝸牛先生去運吉睇樓

有個單位都幾岩我心水

廚房夠大, 而且仲有個小露台

可惜, Out budget!!  失望....

我要繼續努力儲多d 錢先得

期待...我倆五月尾的長假期~

2014.03.09 {九龍城} 正宗印度菜館

HAPPY HAPPY, 又放四日假

如果每月都有長假你話幾好呢....

呢餐飯其實係上個月食的

不過一直都未得閒寫

我同蝸牛先生都覺得幾好味

正宗印度菜館

九龍城城南道24 號

兩個人想試多少少款

所以點了二人餐

跟餐飲品轉了椰青 (要加錢的)

成日都好想自己買椰青返屋企飲

不過實在諗唔到點樣可以劈開佢

所以...都係出街飲啦

餐前胡椒薄脆餅

無乜特別

醬料: 薄荷醬, 酸辣醬 & 醃洋蔥粒

咖哩角

我都係鍾情平時三角形0個款咖哩角多D

呢款我覺得好厚皮

雞

唔記得係咩雞, 剩係記得幾好味

不過如果有汁會更好, 咁食有點乾

炒通菜

呢個都炒得好味, 唔太油

薄餅

我鍾意食呢類的薄餅, 用來點咖哩一流

咖哩魚

呢碟都好味, 咖哩唔會太辣

餐後甜品?!

埋完單送來的

我同蝸牛先生都唔知佢係乜, 亦唔知應該點食

我試了一粒白色的糖, 覺得佢同冰糖無乜分別

有人又要去食 YOGURT

路經一間凍肉店

見到有韓式牛肋骨

又買了一PACK 試下

呢PACK 要百三, 四蚊, 都幾貴

不過又幾好食, 唔會太肥, 肉質亦好軟熟

牛腹肉

返屋企先知原來佢中間用保鮮紙墊高0左

份量好少, 但要四,五十蚊, 都係好貴

不過, 又係質地唔錯, 好有牛味

曲奇四重奏

我好鍾意食佢的曲奇

蝴蝶酥都唔錯

其實九龍城都好岩我呢 D C9

有得食, 又有得買, 唔錯唔錯~

2014.04 雜記

五月尾北海道之旅 

行程已經 Confirmed 得七七八八

book 了一天 local tour 睇花

兩晚溫泉酒店

之後仲會 BOOK 觀光的士

今日又改埋機票, 由十天之旅變成了十一天

簡直諗起都興奮

行程諗得七七八八

之後就要開始搵食

刺身, 壽司, 蟹, 牛, 蛋糕...等等等等, 我全部都想食

仲有一個月先到, 好心急呀!

*****

雖然最近忙於PLAN 行程

不過我都有下廚

韓式 奶奶雞

其實我未0係出面食過

不過上網見到有人 POST 食譜

於是又試下

用了一盒奶來浸雞, 

但煮完出來的雞又唔覺有奶味, 剩係覺得哂0左盒奶

食譜話要出完水再炆

我覺得咁樣令雞肉好"鞋"

至於味道

我就覺得普普通通, 蝸牛先生就覺得麻麻地

呢味雞 , 我相信我唔會再整

雞粥, 炒米

一向都唔識煲粥

每次唔係太杰就係太大煲

今次煲完依然係太杰

不過, 我開始掌握到米同水的份量

我諗下次應該會成功的

炒米, 都係第一次整

但比想像中易

不過味道就唔似0係出面食到的

蕃茄炒牛肉 by 蝸牛先生

好鍾意呢類家庭小菜

蕃茄同牛肉永遠都係咁夾

假日蒸魚 by 蝸牛先生

哈哈, 每個 weekend 都會見到佢

最近寫 blog 寫得好慢

希望復活節可以追返一, 兩篇

2014 Le creuset 開倉

本來今年冇諗住去
點知同事俾咗朋友首日的戰利品我睇
見到今次竟然有我想要的花花碟
於是決定 weekend 去碰碰運氣
晨早九點到達 (十點先開)
但拎到的只是657 號籌！！
在室外排了差不多個半鐘就可以入到室内
以為好快就到啦
點知排下排下最後差不多兩點先入到去
足足排了五個鐘！！ crazy!!
如果一早知道要排咁耐，我一定唔會排落去

因為排隊已經浪費咗我五個鐘
所以，我的心態已經由可買可唔買變成唔買對唔住自己 (呢個一定係 LC 的策略！！)

一入到去，見到有大量 stoneware
有花花燉盅，碗，碟……
花花+粉紅色= 無得忍
一入場個人已經開始失控
由於屋企已經夠煲用，所以今次主力 stoneware
最後執下執下就攪成咁

返到屋企有種虛脱的感覺
亦有少少罪疚感

睇怕下次未必會再去