2014 Le creuset 開倉

本來今年冇諗住去
點知同事俾咗朋友首日的戰利品我睇
見到今次竟然有我想要的花花碟
於是決定 weekend 去碰碰運氣
晨早九點到達 (十點先開)
但拎到的只是657 號籌！！
在室外排了差不多個半鐘就可以入到室内
以為好快就到啦
點知排下排下最後差不多兩點先入到去
足足排了五個鐘！！ crazy!!
如果一早知道要排咁耐，我一定唔會排落去

因為排隊已經浪費咗我五個鐘
所以，我的心態已經由可買可唔買變成唔買對唔住自己 (呢個一定係 LC 的策略！！)

一入到去，見到有大量 stoneware
有花花燉盅，碗，碟……
花花+粉紅色= 無得忍
一入場個人已經開始失控
由於屋企已經夠煲用，所以今次主力 stoneware
最後執下執下就攪成咁

返到屋企有種虛脱的感覺
亦有少少罪疚感

睇怕下次未必會再去