2015.03 - 九州遊 {Day 7} 上集 - Hello, 海豚!!

2015.03.27
{Day 7} 上集 - Hello, 海豚!!

六點半起身，欣賞下外面的風景

八點就去餐廳 食早餐
我地貪快, 著0左拖鞋去餐廳
點知落到去, 人人都著得好整齊
頓時覺得自己好無禮貌呀!!

早餐係西式的，除了麵包，蛋，湯同粥會送上來之外

其餘的就係自取任食

款式大約有十多款，主要以冷盤為主

而飲品就有果汁，茶同咖啡

塊豬柳好食

不太愛冷盤的我就唔多欣賞今日的早餐
不過都食得飽人的

食飽之後就返上房浸多一次溫泉

(不過我就好似有少少冷親，所以剩係浸腳）

之後收拾完行李就出去影下相

食早餐前，好大個太陽，天色好靚

㸃知食完返來太陽伯伯就去咗休息啦

影得好少藍天相，真可惜！

沒有藍天, 景色爭好遠

十一㸃 check out, 真係有 d 唔捨得

呢間酒店的環境令人覺得好舒服好 RELAX
服務員好親切, 而且笑容十足
雖然佢地的英文唔太好
但識得用 IPAD 去做翻譯溝通, 抵讚~
有機會再來天草, 都想再住多一次

check out 完後, 司機叔叔就車返我地出碼頭

來天草另一個重頭活動係睇海豚
出發前先在以下網址預約
http://www.seacruise.jp/cruise/index.html

然後當日去佢地的 office 拎飛俾錢就可以

因為距離出發時間仲有兩個鐘

所以我地先去放低兩袋大行李在  Sea cruise 的 office

office 就在碼頭旁邊, 非常好找


碼頭旁有一間小商店同食店
隨意在餐廳點了兩份定食

大蝦定食
味道普普通通

魚生飯

差不多半間食店擠滿了操國語的大叔大嬸
食慾即時降低了

坐到差不多時間就出發了

導賞小姐先作一個簡單的介紹
應該係解釋緊地理環境, 有圖有聲 (不過係日文), 都幾認真的
另外佢都有專登行過來用英文簡單介紹0左一兩句

船大約駛了大半個鐘先開始有料到 (前半段時間我瞓得好舒服)
出到海中心, 嘩嘩嘩....真係好多海豚, 而且好近
相機不停的影影影....好興奮!!
咁大個女, 第一次見到咁多同咁近的海豚

睇0左大約半個鐘就回程了
同時, 我地都要同天草講 BYE BYE 了

今日都係海天一色
不過係灰色


坐返 A Train 返熊本

來到天草, 其實都好想試佢的海鮮燒烤
不過時間的關係, 今次我地體驗唔到
下次....如果還有機會....我一定會將佢加到行程裡面去

今次兩日一夜的旅程
我覺得好充實, 好滿足!!
亦都愛上了天草呢個咁靚的地方~