沖繩之後.....

一口氣寫了五篇沖繩遊記

之後個人又開始懶

在沖繩買了一部 Kneader 切麵機

返來之後用了三次

第一次整得好 "哩 HEA", 不過都尚算成功, 雖說好醜樣, 但起碼佢似麵條 

第二次就加得太多水, 所以切完出來又即刻變返一團麵團, 失敗0左

到第三次, 我的起心肝, 買過包麵粉, 然後再上網爬下文

今次終於成功0左 

我的無添加, 新鮮烏冬

不過老老實實, 食起來又唔覺有乜特別

網上見人話如果想彈牙, 要用腳踩下舊麵團

不過, 我過唔到自己0個關

在沖繩買了少少零食

最前0個盒在國際通買的 hand made 糖超好味

後悔無買多兩盒

中秋節又到

今年終於都買0左望月的奶王月

叮完之後, 暖暖地又真係幾好食

我鍾意佢的奶王有咸蛋香

味道好似以前細個0係茶樓食到的千層馬拉糕一樣

兩支沖繩帶來的果酒

一支菠蘿味, 一支青檸

菠蘿味好藥水 feel, 飲到有點想反胃

青檸好唔青檸, 麻麻地

沖繩, 呢個好唔日本的日本城市

(最意想不到係當地人的英語水平奇高)

出發前好多人話佢似大陸

老實講我自己又覺得未去到咁差

如果有機會, 我諗我都會再去