2014 已過, 今日係 2015 的第一天
蝸牛先生要返工
而我就一個人0係屋企
買0左一個好豐富的 lunch [冬蔭海南雞湯賴 + 酸辣鳳爪]
本來諗住留少系鳳爪比蝸牛先生
點知, 買完餸返來忍唔住食哂 [我超愛酸辣鳳爪]
最近食得太放肆
為了減低罪疚感, 我一個人走0左上山
香花徑
由書局街行上去, 之後去到香花徑的入口, 我就落山啦, 嘩哈哈
我計過時, 十分鐘唔駛
不過一路上去都係樓梯, 都幾索氣的
之後沿山路經天后廟道行落大坑, 再一直行落銅鑼灣
今日天氣好岩行山, 唔太哂又唔太熱
今晚打邊爐, 專登去鵝頸橋街市買牛頸脊
前面兩個人都係買牛頸脊, 點知到我時就賣哂啦
最後牛佬話仲有一舊叫牛頸錐的, 無咁肥, 問我要唔要
唉, 好過無啦
之後買埋脆鯇同菜就攪掂
"唔小心" 走0左入 曲奇四重奏
好耐無食佢的蝴蝶酥啦, 本來想買一包的, 點知無哂
要買就要買一盒
同蝸牛先生兩個人 share食, 都唔係好過份0者
今日鋪頭入面迫滿強國人
佢地唔用夾隨手就拎樽入面的餅試食, 嘔心
成堆人迫0係入面, 無論我想入去定係走, 都好困難
好討厭!!!
2015 三月會同蝸牛先生到九州旅行
尋日已經買好 package
今次會以睇景為主
蝸牛先生就最期待體驗當地的溫泉旅館
而我就希望可以夾到櫻花的檔期
上次北海道之旅的行程好似太趕
今次想 relax 一 d
不過暫定的 itinerary 好似都 chur chur 地
只怪我地太貪心, 好多地方都想去, 哈哈
2015 無乜特別的計劃
只係希望屋企人健健康康
同蝸牛先生開開心心就 ok 了
Mrs. & Mr. Snail:
回覆刪除~你都好識享受一個人嘅快樂. 一個人都去咗好多地方. 仲唔覺意買咗蝴蝶餅. 當new year dinner 甜品啦!! 新年快樂,每日都開心!!
~又去旅行, 太好啦!! 你哋一定好喜歡日本. 日本各地方, 都去下
因為我地都唔鍾意坐長途機, 去日本只係需要四個鐘, 加上日本多0野食, 多0野買, 又有景點, 所以我同蝸牛先生都好鍾意呢個地方
刪除兩個人食一盒蝴蝶酥仲話唔過份....hahhahaha
回覆刪除冬天我都怕左自己, 成日勁口痕, 心思思想食野, 我而家唔敢上磅住, 停一排零食先...hahhaha
兩個人一盒喎, 邊過份0者....hahaha...
刪除係啦, 我直頭連鏡都唔想照....
之前食過呢間的蝴蝶酥都覺得好味, 都好想再買過~~
回覆刪除一個人行山做吓運動對身體好~~
我都好like 呢間的蝴蝶酥, 成日都心cc 想買..HEHEE...
刪除強國人真係好難搞呢....又DIRTY又無禮貌!!!
回覆刪除最憎佢地隔住條街係度大叫....