2014.12 聖誕節

呢幾年, 面同身都生0左好多粒粒 

經過 FACIAL 小姐同皮膚醫生診斷後, 證實係疣

佢雖然不癢不痛, 但唔理佢的話會愈生愈多, 影響外觀

一直都好想處理0左佢

但聽聞處理過程好痛, 而且做完後面上會有一點點結焦

等甩焦大約要一星期

一諗起成面焦個樣就唔想做

不過眼見愈生愈多, 我又怕會傳染比蝸牛先生
而且聖誕假加埋 weekend, 再拎多兩日假就可以放九日

咁我就可以自閉在家等焦甩

處理過程比想像中痛

痛到我中途好想叫佢停, 痛到我覺得透唔到氣

(感覺似火燒, 而且係不斷燒) 

今日已經係第四日, 不過焦仲未退, 好擔心呢.....下星期要返工啦

今次剩係處理0左塊面同頸, 仲有 BODY 未處理
要的多次心肝去整埋佢
如果唔係又會惹返上面同頸

放假的日子過得特別快
眨下眼就已經放0左五日, 真係好唔捨得...

2014.12.24
今個聖誕無得出街玩
平安夜就煮0左個聖誕大餐比蝸牛先生食
不過佢今日勁遲收工, 我地呢個大餐要成十一點幾先開始

懶有情調
Candlelight dinner
本來想 SET 好 d, 不過太夜喇, 食物整好都拿拿聲食


自家餐包


芝士
蝸牛先生鍾意食芝士
一於買一舊比佢 tum 下佢開心


南瓜湯
今次煮得杰0左少少


蜜糖檸檬燒春雞
仲未好了解個焗爐
呢隻雞, 來回出出入入個焗爐成四次先可以成功上枱
揸唔夠蜜糖, 唔夠甜

牛扒

呢塊和牛扒好抵食, 只係一百蚊鬆 d

用 LC grill pan 煎完再入焗爐效果好似幾好

唔會太生, 又唔會太熟

不過都係撞彩, 已經記唔返用幾多度同焗0左幾耐

仲整0左少少意粉, 食到反肚

休息一陣又再食甜品

買0左呢期我地最愛的 L'ATELIER de thé de joël robuchon

檸檬撻
味道好清新, 不過如果可以減少少甜就 PERFECT

栗子蛋糕
有點酒味, 又有點朱古力味, 再夾埋栗子蓉都幾 MATCH

Rose
嘩哈哈, 揀的時候心大心細, 最後我竟然買0左三件
不過當晚食唔落, 第二朝先食

好物尋歸底, 呢件cake 超級好食
佢有玫瑰味之餘, 仲有 d 莓味, 酸酸甜甜
雖然隔0左一夜, 但都好正

呢間鋪頭暫時係我地的 no.1


食飽飽就沖涼
沖完涼打算換床單, 點知去到床邊就見到份禮物喇
多謝蝸牛先生呀!!!
原來佢今朝早0左出門口就係去左買禮物, 好感動!!

今個聖誕雖然無得出街, 但我都過得好開心

 不過, 佳節過後, 真係要努力減磅先得喇.........