2014.11 {北角} Dinner @ 粵

時光倒流去岩岩新居入伙的時候

0個幾日執屋執到攰攰地, 唔願煮飯

有晚為食的蝸牛先生就提議去 城市花園酒店的 [粵] 食中菜

之前去過呢度飲茶, 印象都幾好

蝸牛先生一直都想試下呢度的晚餐

雖然我都想試, 不過好似好貴, 所以遲遲未試

有次見到 OPENRICE 有8 折 COUPON

於是 print 定出來以備不時之需

呢晚無 idea 食乜, 蝸牛先生又再提議呢度

見有8 折 coupon, 今晚就去試下啦

雪嶺紅梅映松露
得獎菜之一, 賣相好靚

最頂層係東星班, 塊魚好好食

下面綠色, 橙色0個層係菜汁, 甘筍汁,  而最底白色係蛋白

成杯味道非常之夾, 無不倫不類的感覺

超 like

江南百花雞

啖啖雞油, 入口感覺太肥膩, 我唔like

味道其實 ok 的, 不過又未有"叮" 一聲的感覺

金錢蟹盒併紅梅蝦

蝦大隻而爽口, 蟹盒都幾好味

最初擔心唔夠食, 但食下食下都幾漏

鮑汁荷葉飯

呢個飯都好味, 不過就唔夠特別

八折後埋單七百蚊唔駛, 又無想像中咁貴

不過我覺得晚飯都係試一次就夠

我個人鍾意0黎呢度飲茶食點心多 d

侍應見我地點0左幾個迷你版的餸

佢問我地係咪想擺酒試菜, 哈哈

真係想話我地四周年都0黎緊啦...

蝸牛先生同我都鍾意飲飲食食

有時兩個人周圍去食0野都幾開心