五月尾北海道之旅
行程已經 Confirmed 得七七八八
book 了一天 local tour 睇花
兩晚溫泉酒店
之後仲會 BOOK 觀光的士
今日又改埋機票, 由十天之旅變成了十一天
簡直諗起都興奮
行程諗得七七八八
之後就要開始搵食
刺身, 壽司, 蟹, 牛, 蛋糕...等等等等, 我全部都想食
仲有一個月先到, 好心急呀!
*****
雖然最近忙於PLAN 行程
不過我都有下廚
韓式 奶奶雞
其實我未0係出面食過
不過上網見到有人 POST 食譜
於是又試下
用了一盒奶來浸雞,
但煮完出來的雞又唔覺有奶味, 剩係覺得哂0左盒奶
食譜話要出完水再炆
我覺得咁樣令雞肉好"鞋"
至於味道
我就覺得普普通通, 蝸牛先生就覺得麻麻地
呢味雞 , 我相信我唔會再整
雞粥, 炒米
一向都唔識煲粥
每次唔係太杰就係太大煲
今次煲完依然係太杰
不過, 我開始掌握到米同水的份量
我諗下次應該會成功的
炒米, 都係第一次整
但比想像中易
不過味道就唔似0係出面食到的
蕃茄炒牛肉 by 蝸牛先生
好鍾意呢類家庭小菜
蕃茄同牛肉永遠都係咁夾
假日蒸魚 by 蝸牛先生
哈哈, 每個 weekend 都會見到佢
最近寫 blog 寫得好慢
希望復活節可以追返一, 兩篇
炒米粉 我好鍾意落肉碎炒 好好咪 hehe
回覆刪除我用火腿咋, 仲方便...haha
刪除韓式 奶奶雞 ?名字好可爱 :P 鸡肉是淹在全奶脂牛奶?
回覆刪除其實我都唔知點解叫奶奶雞...
刪除我用普通全脂奶浸咋..但整完出來無奶味0既
Mr and Mrs. Snail:
回覆刪除~你哋好識享受!! 去旅行去足11日. 我都未試過. 咁住同一間酒店嗎??
~嘩!! 依家你啲煮飯相, 好多Le creuset 呀!! 加拿大唔會有粉紅色系例. 所以, 我見到你有粉紅色心心蝶. 好happy!!
通常攻完 LC 的煲, 之後就會攻碗碟...hehee....
刪除粉紅色真係勁靚...
其實我心目中想要花花碟架
會唔會係個食譜的問題呢? 這種奶奶雞的煮法有點奇怪哩...
回覆刪除我都覺得應該係食譜問題啊...
刪除我終於都出去食0左奶奶雞喇, 同我呢個味係完全唔同呢