今年忽然變了旅遊年
年頭去了九州, 最近又去了兩次澳門, 緊接住仲有沖繩同東京
上星期日, 蝸牛先生要去澳門出席一個 Band show
於是我地就順便去個兩日一夜的短 trip
住 十六浦
地點比想像中方便 (起碼行出去都可以搵到食)
upgrade 了河景房, 可以睇到日落
呢兩日的活動主要都係食
市政街市
第一次去澳門的市政街市搵食
原來同香港的都差不多
期間遇到電視台拍飲食特輯
對住鏡頭的時候, 主持人食得好津津有味
但原來一熄機, 佢就會將咀裡的食物全吐出來
似乎都幾浪費
牛腩米
呢碗係蝸牛先生的, 佢話都幾好味喎
豬扒麵
豬扒好淋, 而且好入味
咖哩汁另上, 我覺得幾好
咖哩汁都幾辣, 落少少已經好夠味, 只係嫌太油
之後又去0左唔知咩百老匯大街
蝸牛先生一見到雪條就兩眼發光
最後買了一支
造型好靚, 味道正常
但 $28 一支都幾貴
水餃麵 @ 皇冠小館
呢碗麵要成五十蚊, 都幾貴
不過湯底同麵質都幾好, 但勁細碗
萄撻 @ 安德魯
之後專登0係氹仔坐的士去路環
為的就係萄撻
感覺比瑪嘉烈好, 因為佢無咁甜
之後睇埋日落先離開
再坐返的士去氹仔食飯
萄國菜 @ 山度士
餐前麵包
外脆內軟, 都幾正
咖哩雞
咖哩汁好香, 用來撈飯一流
唔知點解 澳門的雞真係好有雞味
其實仲有一碟燒豬骨的, 不過唔記得影
而一碟四件無肉豬骨加著條, 盛惠 MOP160
都真係幾唔值
另外有兩餐無影到相
一餐係中菜 {李康記海鮮酒家} , 另一餐係萄菜 {坤記餐室}
兩間的味道都唔錯
澳門的食, 住同交通都幾貴
兩日一夜, 兩個人閒閒地都要駛 OVER 2千蚊
不過, 澳門的0野食又真係幾好食0既.....
或者下次去個 day trip 就已經好夠
我自己細細個就已經跟屋企人來澳門。。因為有些小生意在，對澳門也有一份特別的感覺。喜愛那種舊味道
回覆刪除而家新嘅酒店商場越來越多，很多我都已經唔知係咩
我都鍾意舊味道多d, 而加佢d 新地標太金璧輝煌, 唔like
刪除咪好囉, 間唔中出下門, 正~ ^^
回覆刪除如果可以間唔中出下門加唔駛做, 仲正, 哈哈
刪除近近哋去澳門玩吓已經幾開心~~ 我都好耐冇去過~~
回覆刪除可惜澳門的消費唔平
刪除一關機就咀裡的食物全吐出來... 超浪費呀.
回覆刪除我今年都去過2次澳門, 2日一夜放下假的確唔錯, 仲要野食係好得.
澳門d 野食又真係幾好味, 名乎其實雞有雞味, 豬有豬味
刪除Mr. & Mrs. Snail:
回覆刪除~有旅行去下, 人都容易差足電啲!!
~但完全唔知Mr. Snail 原來係Band 友!!
~你今次食啲野, 夠地道, 但原來飲食節目啲人, 好假!!
旅行真係好開心, 觀光同食我都鍾意
刪除